Burimet e RTK-së kanë mësuar së për Tomaniq vendimi është marrë sot në mbledhjen e Kuvendit Komunal të Zveçanit që ështa mbajtur në orën 10:00

Aty është votuar për shkarkimin e nënkryetares, ku 17 vota kanë qenë pro shkarkimit, asnjë kundër dhe asnjë abstenim.

Shkarkimin e nënkryetares e ka konfirmuar për RTK-në edhe kryetari i Zveçanit, Ilir Peci.

Ai ka thënë se vendimi është marrë sot në seancën e Kuvendit Komunal ku 17 asambleistë votuan pro shkarkimit të nënkryetares.

Sipas tij, nënkryetarja ka kaluar disa herë kompetencat e saj në punë.

Përveç kësaj ka bërë presion të vazhdueshëm ndaj zyrtarëve serbë në komunë te Zveçanit, ku si rrjedhojë tre zyrtarë serbë kanë dhene dorëheqje ditëve të fundit.

Ndërsa si shkas i fundit për shkarkimin e saj ka qenë një marrëveshje që nënkryetarja ka bërë me një kompani italiane për një objekt që është në pronësi të komunës se Zveçanit.

Vendimi është duke u protokolluar dhe pastaj do t’i përcillet nënkryetares Natasha Tomaniq, mëson RTK.

The post Shkarkohet nënkryetarja e Zveçanit, Natasha Tomaniq appeared first on Albeu.com.

Numri dy i policisë për veriun e Kosovës, Veton Elshani pohoi për REL se zjarri “dyshohet se është shkaktuar qëllimisht”, ndërsa një hetim ka nisur për zbardhjen e ngjarjes.

Tomanic edhe vetë mendon se zjarrvënia nuk ka qenë e rastësishme.

Madje ajo mendon se motivi, është fakti që i ka ndihmuar serbët në Veri të punësohen në institucionet e Kosovës.

Zëvendëskryetarja e kësaj komune, që funksionon sipas sistemit të Kosovës, theksoi se aktivitetet e saj “nuk përshtaten” me Listën Serbe, partisë më të madhe të serbëve në Kosovë që gëzon mbështetjen e Beogradit.

“Atëherë kam një pyetje për ta. Pse po luftojnë që të kthehen në institucionet e Kosovës, nëse ne që kemi hyrë në institucionet e Kosovës jemi tradhtarë?”, tha ajo.

Lista Serbe, nuk ka bërë ende asnjë koment lidhur me akuzat e Tomanic.

Kjo nuk është hera e parë që pronat personale të pjesëtarëve të komunitetit serb, në komunat në veri të banuara me shumicë serbe, u vihet flaka.

Në 2023-shin, atje u dogjën me dhjetëra makina pronarët e të cilëve i kishin konvertuar targat e tyre nga serbë në targa RKS –apo Republika e Kosovës.

Çështja e targave të makinave nxiti dhe, pjesëtarët e komunitetit serb, me nismën e Listës Serbe – partisë kryesore të serbëve në Kosovë –që të bojkotonin institucionet e Kosovës në nëntor të vitit 2022.

Pas zgjedhjeve të prillit të vitit 2023 në katër komunat në Veri të Kosovës, u zgjodhën kryetarë shqiptarë, ndërsa shumica e nënkryetarëve janë nga komuniteti serb.

The post Digjet lokali i nënkryetares së Zveçanit/ Policia: I qëllimshëm, ndihmoi punësimin e serbëve në institucionet e Kosovës appeared first on Albeu.com.