Organizata e Veteranëve të Ushtrisë Çlirimtare të Kosovës ka reaguar ashpër ndaj kërkesave të fundit të Zyrës së Prokurorit të Specializuar, që synojnë dënimin e Hashim Thaçit, Hajredin Kuçit, Fadil Fazliut, Isni Kilajt dhe Bashkim Smakajt në çështjen që ka të bëjë me akuzat për pengim të sistemit të drejtësisë.

Përmes një komunikate, OVL UÇK i ka quajtur këto kërkesa si diçka të pritshme dhe ka hedhur akuza të forta ndaj Prokurorisë së Specializuar, të cilën e sheh si të njëanshme në trajtimin e ish-luftëtarëve të UÇK-së.

Sipas veteranëve, akuzat bazohen në prova që ata i shohin si të dyshimta, përfshirë këtu edhe dokumente me origjinë nga Serbia.

“Është pothuajse e pamundur të mos ngrihet pyetja nëse ZPS-ja, duke u ndeshur me dështimet e veta në proceset gjyqësore në Hagë, sot po kërkon të justifikojë veprimtarinë e saj duke ndjekur një linjë edhe më represive pikërisht në këtë rast të pengimit të drejtësisë,” thuhet në reagim.

Veteranët kanë akuzuar Prokurorinë se nuk ka treguar asnjë shenjë reflektimi mbi të metat dhe mospërputhjet e provave të prezantuara në çështjet e saj, duke shtuar se kërkesat për dënime të ashpra me burg nuk kontribuojnë në rritjen e besimit te sistemi i drejtësisë.

Organizata ka shfaqur brengën se ZPS-ja ka ndërtuar një “narracion të paracaktuar” kundër Ushtrisë Çlirimtare të Kosovës dhe atyre që kanë dhënë kontributin e tyre për të.

“OVL UÇK nuk pret zhvillime pozitive nga një prokurori e tillë, por, pavarësisht kësaj, ne shpresojmë për drejtësi nga ana e gjykatësve,” theksohet në deklaratë.

Në përmbyllje, OVL UÇK ka bërë thirrje që vendimi përfundimtar të bazohet në ligj dhe në parimet më të larta të drejtësisë, duke u distancuar nga ato që organizata i përshkruan si konstruksione narrative të Prokurorisë.

“Lufta e Ushtrisë Çlirimtare të Kosovës nuk mund të kriminalizohet nëpërmjet procesesh të njëanshme dhe drejtësia nuk mund të ngrihet mbi baza paragjykimesh politike,” përfundon reagimi i veteranëve.

The post OVL UÇK: Prokuroria e njëanshme po përpiqet të mbulojë dështimet me kërkesat e fundit appeared first on Albeu.com.

Zyra e Prokurorit të Specializuar i ka kërkuar Gjykatës Speciale që Hashim Thaçi, Bashkim Smakaj, Isni Kilaj, Fadil Fazliu dhe Hajredin Kuçi të shpallen fajtorë për akuzat që lidhen me pengimin e drejtësisë.

Gjatë seancës, Prokuroria bëri të ditur se propozimet për masat ndëshkuese mbështeten te faktet dhe provat e administruara në proces. Sipas saj, në përcaktimin e dënimeve duhet të vlerësohen gjithashtu rëndësia e veprave penale dhe të gjithë faktorët e zbatueshëm në këtë rast.

Duke iu drejtuar gjykatësit, Prokuroria kërkoi një vendim në përputhje me ligjin, provat dhe faktet, përmes të cilit të akuzuarit të gjenden fajtorë për të gjitha pikat e aktakuzës. Ajo theksoi se kjo kërkesë merr parasysh peshën e rëndë të veprave penale dhe tërësinë e rrethanave që ndikojnë në caktimin e dënimit.

Për ish-presidentin Hashim Thaçi u kërkuan 6 vjet burgim. Ndërkaq, Prokuroria propozoi nga 3 vjet burgim për Bashkim Smakajn, Isni Kilajn dhe Fadil Fazliun, ndërsa për Hajredin Kuçin kërkoi 9 muaj burgim.

The post ZPS-ja kërkon dënimin e Thaçit me 6 vjet burg, paraqet masat edhe për katër të akuzuarit e tjerë appeared first on Albeu.com.

Prokuroria e Specializuar i ka kërkuar Gjykatës Speciale shpalljen fajtorë të Hashim Thaçit, Bashkim Smakajt, Isni Kilajt, Fadil Fazliut dhe Hajredin Kuçit, të gjithë të akuzuar për pengim të drejtësisë.

Gjatë seancës, ZPS-ja argumentoi se kërkesat për dënim mbështeten në provat dhe faktet e administruara gjatë gjykimit, në rëndësinë e veprave penale dhe në të gjithë faktorët që duhet të vlerësohen për caktimin e masës së dënimit.

“Duke u mbështetur në të gjitha provat dhe faktet, Prokuroria i kërkon gjykatës së nderuar të marrë një vendim në përputhje me ligjin, provat dhe faktet. Kërkohet që të shpallen fajtorë për të gjitha pikat e aktakuzës, duke pasur parasysh peshën e rëndë të veprave penale dhe tërësinë e faktorëve që merren në konsideratë për dënimin e zbatueshëm në këtë rast”, u deklarua në seancë.

Për Hajredin Kuçin u kërkuan 9 muaj burgim, ndërsa për Fadil Fazliun, Isni Kilajn dhe Bashkim Smakajn nga 3 vjet burgim secili. Për ish-presidentin Hashim Thaçi, Prokuroria kërkoi 6 vjet burgim.

The post ZPS-ja kërkon këto dënime për Kuçin, Fazliun, Kilajn, Smakajn dhe Thaçin appeared first on Albeu.com.