Presidenti ka vlerësuar mbështetjen që Kroacia i jep Kosovës, sidomos pas 24 shtatorit, ku mbeti i vrarë efektivi Afrim Bunjaku pas një sulmi terrorist në veri.

Begaj: Nënvizova se pas aktit të Hamasit ndaj izraelit bëhet e domosdoshme që BE dhe NATO të dekurajojnë qasjen provokative të Serbisë ndaj Kosovës. E vlerësova mbështetjen që Kroacia i jep Kosovës. Që prej sulmit të 2 shtatorit gjërat nuk janë më si më parë, dhe negociatorët duhet të kenë një qasje te re të dialogut.

Milanoviç nga ana tjetër u shpreh se Serbia dhe presidenti serb Vuçiç i detyrohen Kosovës dhe bashkësisë ndërkomëbtare disa përgjigje lidhur me rastin dhe reagimin e tye për të.

Milanoviç: Në vitin 2012 Shqipëria kishte 3 vite që ishte anëtare e NATO-s dhe tentonte të fillonte bisedimet me BE-në. Për Shqipërinë nuk ndodhte asgjë, ndërsa Mali i Zi dhe Serbia avanconin. Shqipëria e ka vendin e saj në NATO. Në të njëjtën kohë avancimi drejt aleancës së BE është më i vështirë, pasi Shqipëria nuk ka arritur të hedhë as hapin e parë në këtë drejtim.

Duket sikur diçka nuk është siç duhet, dhe tani kemi lëvizur pak nga vendi pas 11 viteve. Mua më mbetet pak për të folur. Jam i vetmi që nuk është shqiptar dhe këtë e kam përmendur në Nju Jork, është thirrja për të pranuar Kosovën. Serbia dhe Vuçiç na kanë borxh disa përgjigje për rastin e sulmit./Albeu.com

The post Begaj dënon sulmin në veri të Kosovës: Akt terrorist, negociatorët të kenë qasje të re në dialog appeared first on Albeu.com.

Kështu e ka nisur të enjten fjalimin e tij presidenti i Kroacisë, Zoran Millanoviç, në një konferencë për media të përbashkët në Prishtinë me nikoqiren e tij, presidenten e Kosovës, Vjosa Osmani.

Presidenti kroat ka thënë se iniciativa “Ballkani i Hapur” në rast se nuk përfshin edhe Kosovën si të barabartë, atëherë” do të jetë pa lidhje”.

Lidhur me këtë temë ai i është përgjigjur pyetjes së gazetarëve, duke thënë se Kroacia është vend i Bashkimit Evropian dhe kjo nismë nuk e prek në mënyrë të drejtpërdrejtë.

Por, siç ka komentuar ai, fillimisht duhet ditur motivet e nismës së themeluar nga Serbia, Shqipëria dhe Maqedonia e Veriut.

“Nëse iniciativa i ka qëllimet e mira, atëherë duhet ta marrim ndoshta parasysh, me kusht që të merret parasysh që të gjitha shtetet të trajtohen njëjtë” tha ai, duke shtuar se në të kundërtën, duhet pyetur se cilat janë motivet e kësaj nisme.

“Nëse kjo iniciativë nuk e mbulon Kosovën në mënyrë të barabartë, atëherë është, kushtimisht thënë, pa lidhje”, theksoi presidenti kroat.

Në kontekstin e nismës së “Ballkanit të Hapur”, presidentja e Kosovës ka theksuar se Kosova insiston që bashkëpunimi rajonal të vazhdojë në kornizën e Procesit të Berlinit, nismë kjo e cila, siç ka thënë ajo, ka për qëllim që t’i shtyjë shtetet e Ballkanit Perëndimor drejt Bashkimit Evropian.

“Prandaj Kosova e ka bërë të qartë që alternativa e vetme që e shohim për të ecur drejt strukturave euro-atlantike, është duke qenë pjesë e Procesit të Berlinit, ku që nga fillimi ka vlejtur parimi i barazisë dhe parimi i gjithëpërfshirjes”, theksoi Osmani.

“Në momentin që Serbia heq dorë nga tendencat destabilizuese ndaj rajonit, në momentin që Serbia e njeh Kosovën si realitet i pakthyeshëm, si realitet që po ecë përpara dhe assesi nuk do të kthehet prapa, atëherë dikush mund ta marrë seriozisht deklaratën e (presidentit të Serbisë, Alleksandar) Vuçiqit se i intereson bashkëpunimi rajonal”, ka thënë Osmani.

Ndërkaq, presidenti kroat Millanoviq, i pyetur se a do të lejojë Kroacia, si anëtare e Bashkimit Evropian, që Serbia të hyjë në këtë union pa e njohur Kosovën, ai ka theksuar se, sipas bindjes së tij, Qeveria aktuale në Serbi dhe kryeministrja serbe, Ana Bërnabiq, më shumë duan të qëndrojnë në pushtet dhe se nuk e kanë prioritet integrimin në BE.

Pse Kosova e kundërshton “Ballkanin e Hapur”?

Tri vende të Ballkanit Perëndimor kundërshtojnë të bëhen pjesë e nismës “Ballkani i Hapur”: Kosova, Bosnje e Hercegovina dhe Mali i Zi.

Zyrtarët në Kosovë, në pushtet dhe opozitë, kanë argumentuar se një nismë e tillë është pa vizion dhe e rrezikshme.

Kryeministri i Kosovës, Albin Kurti, ka thënë se nisma “Ballkani i Hapur” më shumë i ngjan një “Ballkani të hapur për ndikimet nga Lindja” sesa një nisme për treg të përbashkët rajonal.

Përfaqësuesit politikë të Malit të Zi dhe Bosnje e Hercegovinës, ndërkaq, mbajnë qëndrimin se nuk bëhen pjesë e nismave që mund të shihen si alternativë e rrugës së tyre drejt integrimit në Bashkimin Evropian.

Takimi i fundit mes liderëve të kësaj nisme është mbajtur më 21 dhjetor./REL/

The post Presidenti kroat: “Ballkani i Hapur” pa Kosovën është “pa lidhje” appeared first on Albeu.com.