Sipas ligjit francez, goditja me shuplakë e një zyrtari publik si Presidenti i Republikës përbën vepër penale dhe mbart një dënim deri në tre vjet burg dhe një gjobë prej 48,000 eurosh. Në vitin 2021, një qytetar që sulmoi fizikisht Emmanuel Macron u dënua nga drejtësia franceze.

Megjithatë, në rastin e Brigitte Macron, Zonjës së Parë të Francës, ligji parashikon që për të filluar procedurat, vetë presidenti duhet të ngrejë një padi.

Incidenti që u bë tema e parë ndërkombëtare

Incidenti u kap nga kamerat e mediave ndërkombëtare në aeroportin e Hanoit, me mbërritjen e presidentit francez në Vietnam. Ndërsa dera e avionit presidencial u hap, kamera u përqendrua te Emmanuel Macron dhe më pas shihen dy duar femre duke i përkëdhelur fytyrën.

Gruaja që qëndronte pranë tij ishte gruaja e tij, Brigitte Macron. Pamjet zgjatën disa sekonda, por ishin të qarta: një shuplakë në fytyrën e presidentit ndërsa ai përgatitej të zbriste.

Pamja e Macronit u shndërrua menjëherë nga habia në një buzëqeshje sapo vuri re kamerat. Ai përshëndeti zyrtarisht dhe qëndroi në krye të shkallëve për pak kohë dhe kur i ofroi dorën Brigitte-s për ta ndihmuar, ajo zgjodhi të mbahej pas parmakut.

Videoja u bë virale brenda pak orësh, duke shkaktuar një breshëri komentesh në rrjetet sociale, ku shumë prej tyre folën për një “debat martesor para kameras” dhe të tjerë e interpretuan atë si një shaka të sikletshme. Pallati Elize, në një përpjekje për të kufizuar përmasat e incidentit, shprehu rezerva në lidhje me vërtetësinë e videos, duke lënë të hapur mundësinë që ajo të jetë material i sajuar ose edhe deepfake, produkt i inteligjencës artificiale ose ndërhyrjes së huaj.

The post Zonja e Parë e Francës në qendër të vëmendjes, çfarë ndëshkimi parashikon ligji për një shuplakë? appeared first on Albeu.com.