zonat malore Archives - Albeu.com

Dimër në pranverë/ Rikthehet dëbora në zonat malore, probleme në disa akse

V K — Thu, 18 Apr 2024 08:09:53 +0000

Situata e motit të paqëndrueshëm, ka bërë që zona veri-lindore e vendit, të përfshihet nga reshje shiu dhe dëbore.

Në lartësitë mbi 700 metër, reshjet e shiut i kanë lënë vendin reshjeve të bores, duke sjellë një trashësi deri në 10 cm.

Megjithatë, reshjet e borës që kanë përfshirë njësitë administrative Arrën, Kalisë, Gryk Çajë, Bushtricë, Topojan, Zapot, nuk kanë shkaktuar problematika në qarkullimin e automjeteve dhe banorëve.

Temperaturat në këto zona, kanë zbritur deri -1 gradë.

Ulja e temperaturave dhe reshjet e bores, mendohet të ketë shkaktuar probleme në frutikulturë, shumë pemë frutore në këtë periudhë janë në fazën e lulëzimit.

Ndërsa në lartësitë nën 700 metër, reshjet e shiut kanë sjellë probleme në akset nacionale rrugore.

Problematikat janë shënuar në rënien e gurëve e dherave, më problematike janë paraqitur akset nacionale Kukës-Shishtavec, Kukës-Peshkopi, Kukës-Qaf Mali, Has-Kam-Tropojë e Bajram Curri- Fierz, pasi në këto akse ka prezencë të rënieve të gurëve.

Gjithsesi, situata është nën kontroll nga punonjësit e firmave mirëmbajtëse, duke larguar gurët e dherat dhe mbajtjen në funksion të rrugëve.

The post Dimër në pranverë/ Rikthehet dëbora në zonat malore, probleme në disa akse appeared first on Albeu.com.

Reshje në zonat malore, por a do t’ua prishë shiu planet pushuesve? Ja si parashikohet moti javën e ardhshme

E S — Sun, 07 Aug 2022 12:56:55 +0000

I nxehti i këtyre ditëve parashikohet të pësojë një tërheqje në javën e ardhshme.

Java do të nisë e qendrueshme. Në mesjavë, do të mbizotërojë moti me diell dhe vranësira mesatare të cilat gjatë orëve të nxehta të ditës do të marrin karakter të dendur përgjatë zonave malore.

Gjatë këtyre orëve kryesisht nga e mërkura deri të premten vendi do të përfshihet pjesërisht nga reshjet e shiut përjashtuar brigjet detare. Reshjet në verilindje e juglindje do të marrin formën e shtrëngatave të shiut e lokalisht të breshërit me shkarkesa elektrike.

Temperaturat do të pësojnë rënien e tyre si në tabelë.

Era do të fryjë nga verilindja e veriperëndimi mesatare e përkohësisht e vrullshme në brigjet detare dhe gjatë momenteve me shtrëngata.

Valëzimi në dete i forcës 3 ballë.

Ju urojmë një javë të mbarë!/albeu.com

The post Reshje në zonat malore, por a do t’ua prishë shiu planet pushuesve? Ja si parashikohet moti javën e ardhshme appeared first on Albeu.com.

Ngricat kanë “mbërthyer” vendin, Balluku: Kush është zona më e ftohtë dhe situata në akset rrugore

admin — Sun, 23 Jan 2022 15:18:24 +0000

Ministria e Infrastrukturës raporton se të gjitha akset rrugore janë të kalueshme dhe të hapura për qarkullimin e mjeteve.

Në të gjithë akset e vendeve malore, apelohet për përdorimin e gomave të dimrit në makinë. Me zinxhirë kalohet vetëm në aksin Ura e Çerencit-Klenjë.

Ndërkohë për sa u përket temperaturave, Ministria raporton se zona me e ftohtë do të jetë në Shishtavec ku temperatura përllogaritet të jetë deri në -16 gradë celcius. Temperatura të tjera të ulëta do të shënohen në Ersekë dhe në Dardhë përkatësisht -12 gradë celcius.

Furnizmi me ujë:

Në Kukës është çarë linja kryesore për shkak të ngricave. Në rrethet e tjera furnizimi me ujë është normal. Në stacionet e Pompimit nuk ka probleme përfshi edhe furnizimin me energji elektrike.

Ndërkohë pritet që i ftohti ta mbajë vendin “mbërthyer” të paktën deri nga mesi i javës së ardhshme./albeu.com/

The post Ngricat kanë “mbërthyer” vendin, Balluku: Kush është zona më e ftohtë dhe situata në akset rrugore appeared first on Albeu.com.

Parashikimi i motit për sot, në zonat malore priten reshje bore

E B — Wed, 13 Oct 2021 06:02:41 +0000

Dita e sotme ka nisur me alternime kthjellimesh dhe vranësirash kalimtare, ku më të dukshme vranësirat do të jenë në zonat jugore.

Parashikohet që pasditja, të sjellë shtim të vranësirave duke rrezikuar reshje shiu fillimisht në zonat jugore dhe gradualisht do të përfshijnë edhe zonat qendrore.

Orët e natës do të shtrijnë vranësirat dhe rrebeshet e shiut në të gjithë territorin shqiptar. Në zona të thella malore do të ketë reshje të pakta dëbore.

Temperaturat e ajrit do të ulen mëngjes, por rriten lehtë në mesditë duke luhatur vlerat ditore nga 4°C deri në 23°C.

The post Parashikimi i motit për sot, në zonat malore priten reshje bore appeared first on Albeu.com.