Vetëm shikoni imazhin më lart dhe pastaj përgjigjuni një pyetje të thjeshtë: “Çfarë patë fillimisht?” Përgjigja juaj është e lidhur me përshkrimin e profilit tuaj psikologjik dhe do ta gjeni në fund të këtij testi. Cila është dëshira që fshihni në zemrën tuaj?

Zogjtë

Nëse patë fillimisht zogjtë, ju jeni një person që e doni lirinë dhe merrni fluturimin sa më shpejt që të mundeni, për të shuar etjen tuaj për aventura dhe përvoja të reja. Keni nevojë për këto aventura për të mbajtur lart motivimin në jetë. Ju jeni një person empatik, ju keni parime dhe vlera të konsoliduara, ju punoni mbi veten tuaj çdo ditë për të qenë më të mirë, kurrë nuk hezitoni t’u shtrini dorën atyre që kanë nevojë. Ju e mbroni plotësisht konceptin e dashurisë për veten.

Dëshira e zemrës suaj është të zbuloni botën, të dini gjithçka që ofron dhe të bazoni jetën tuaj në liri dhe vërtetësi. Mos kini frikë të jetoni për atë ditë dhe të shijoni befasinë e çdo dite të re, ndryshe nga ajo e mëparshme. Bëni gjithçka që ju bën të lumtur dhe dilni nga zona juaj e rehatisë. Ju keni lindur të fluturoni lart, sa më shpejt do ta kuptoni, aq më shpejt do të filloni të jetoni jetën tuaj duke shijuar plotësisht lumturinë.

Pema

Nëse pema ka tërhequr vëmendjen tuaj, ju jeni një person i përqendruar në rritjen tuaj. Ju mund të lëvdoheni se keni inteligjencë të jashtëzakonshme, ju jeni krejtësisht të aftë të arrini gjithçka që vendosni vetë sepse jeni të përqendruar në qëllimet tuaja. Puna dhe profesioni juaj janë të rëndësishme dhe keni për qëllim t’i përmirësoni ato vazhdimisht. Ju dëshironi të jetoni me një stabilitet financiar dhe emocional. Ju nuk i doni grindjet dhe tensionet, ju jeni të vetëdijshëm dhe të kujdesshëm, kur bëni gabime nuk keni problem t’i pranoni gabimet tuaja.

Dëshira e zemrës suaj është të gjeni lumturinë në të gjitha fushat e jetës suaj, ju nuk kërkoni më shumë, thjesht dëshironi të jetoni të lumtur dhe të pajiseni me gjithçka që ju nevojitet për të jetuar mirë. Ju keni potencial të madh, shfrytëzojeni atë. Jini gjithmonë të hapur ndaj mundësive që shfaqen në jetën tuaj, jini në gjendje të njihni mundësitë dhe mos harroni të vendosni optimizëm në xhepin tuaj dhe ta nxirrni atë kur të jetë e nevojshme.

Fytyra e gruas

Keni parë fytyrën e një gruaje? Kjo sepse jeni në një periudhë të jetës të karakterizuar nga dashuria. Jetoni në emër të dashurisë dhe e ndjeni se pulson brenda jush sikur të ishte gjaku i jetës. Ju rrethoheni me njerëz që i vlerësoni dhe i doni të gjithë. Kjo dashuri ju bën të ndiheni në paqe me veten. Zemra juaj është e madhe, do të thonim e pafund. Kushdo mund të ketë qasje në dashurinë tuaj, të gëzojë ndihmën dhe vëmendjen tuaj, por kushdo që do t’ju zhgënjejë, nuk do të marrë kurrë faljen tuaj. Edhe nëse nuk dini si të mbani inat, ju urreni të kuptoni se dikush ka përfituar prej jush, dhe nuk e keni problem t’i mbyllni të gjithë dyert, për të mos lejuar që ata të hyjnë në jetën tuaj.

Dëshira e fshehtë e zemrës suaj është të krijoni një lidhje të shëndetshme me veten tuaj, ju doni të jeni të lirë të besoni në ndjenjat dhe intuitat tuaja dhe të pavarur nga gjykimi i të tjerëve. Jeni duke kërkuar një partner që mund t’ju përgjigjet dhe të transformojë për më mirë jetët tuaja.

The post Imazhi i parë që dalloni në këtë foto zbulon dëshirën e fshehtë që keni në zemër appeared first on Albeu.com.

Qindra trupa të Guanay cormorant (lloj zogjsh) janë gjetur në plazhet në Quiquimbo, rreth 400 kilometra në veri të Santiago, nga anëtarë të Shërbimit të Bujqësisë dhe Blegtorisë, pak metra larg hoteleve, restoranteve dhe kazinove në zonë.

Rezultatet e testeve laboratorike përjashtuan mundësinë e gripit të shpendëve, sipas drejtorit të agjencisë, Jorge Mauz. Megjithatë, shkaqet e ngordhjes masive të zogjve nuk janë sqaruar ende.

Që nga dhjetori 2022, Kili është prekur veçanërisht nga gripi i shpendëve, i cili tashmë ka vrarë 10% të popullsisë së pinguinëve Humboldt, një specie e pambrojtur, si dhe mijëra zogj të tjerë.

The post Fenomeni i mistershëm, ngordhin mijëra zogj në Kili appeared first on Albeu.com.

Kamerat e sigurisë në rrugë kanë filmuar momentin fatkeq, kur dy të rinjtë, me anë të një shkopi të gjatë përpiqen të arrijnë zogjtë,  por në një moment nga këmbët e tyre dalin shkëndija, duke bërë që ata t’i zërë korrenti, duke u përplasur në tokë.

Mësohet se njëri prej të rinjve ndodhet nën trajtim të vazhdueshëm mjekësor në Reanimacionin e spitalit rajonal të Antalias, ndërsa shoku i tij ka dalë nga spitali pas marrjes së ndihmës mjekësore./Albeu.com/

The post VIDEO/ Tentuan të kapnin zogjtë në telat elektrikë, dy të rinjtë i zë korrenti appeared first on Albeu.com.

Disa i quajnë minj qyteti, mirëpo ata në fakt janë super zogj.

Shënimet e para për zbutjen e pëllumbave datojnë që nga Egjipti i lashtë. Sulltani i Bagdadit ka themeluar postën e pëllumbave që në vitin 1150.

Pëllumbat janë përdorur për qëllime ushtarake që nga koha e Cezarit, me rastin e konfliktit të tij me galët. Në histori ka mbetur i shënuar viti 1870 si ai në të cilin pëllumbat për herë të parë janë përdorur për bartjen e postës. Ishte ajo në kohën e Luftës franko-prusiane. Që atëherë në qytetet evropiane bashkë me të gjitha kazermat ndërtohen edhe fole pëllumbash.

Kur dështojnë të gjitha mjetet e komunikimit, atëherë pëllumbat dalin në skenë. Këta pëllumba kanë qenë protagonistë të vërtetë në shumë çaste të vështira të historisë.

Në Luftën e Parë Botërore janë përdorur madje 500.000 pëllumba për bartjen e mesazheve. Në nderim të këtyre zogjve është ngritur një përmendore në qytetin Lil të Francës, për të përjetësuar lavdinë e këtyre pëllumbave trima, por edhe heroikë.

Më vonë pëllumbat janë trajnuar për shpëtimin e njerëzve në det, përkatësisht të kërkojnë gomonet pluskuese. Kur të detektojnë gomonen sipas ngjyrës së caktuar, kanë për detyrë t’i çojnë shpëtuesit deri te ajo pikë.

Aftësitë fluturuese të pëllumbave të tillë janë shumë impresionuese. Në kushte moti të mirë ata mund të përshkruajnë edhe 800 kilometra me shpejtësi mesatare 70 km në orë, për t’u kthyer në shtëpinë e tyre të origjinës, me të cilën pëllumbi rri i lidhur për gjithë jetën.

Është mister edhe sot se si, këta zogj e gjejnë rrugën e kthimit edhe po t’i lëshosh me qindra kilometra larg. Thuhet se orientimi i tyre është i lidhur me fushën magnetike të Tokës.

Elvis Presley i ka adhuruar pëllumbat, ndërsa Mike Tyson është marrë me zbutjen e tyre. Sot pëllumbat mbahen për sport dhe argëtim.

Garat e pëllumbave të mbajtura në mbarë botën funksionojnë duke i liruar të gjithë konkurrentët nga një pikë në të njëjtën kohë dhe duke u siguruar që të gjithëve t’u duhet afërsisht e njëjta kohë për të arritur në shtëpinë e tyre. Dhe këta zogj të zgjuar e gjejnë gjithmonë rrugën e tyre për në shtëpi pa asnjë problem.

Pëllumbat dhe në veçanti pëllumbi i bardhë njihet nga të gjithë popujt si mjeti më i përsosur për të simbolizuar paqen.

The post A janë pëllumbat zogj të mençur? appeared first on Albeu.com.

H5N1 mund të përhapet mes zogjve me shpejtësi nëpërmjet pështymës dhe sekretimit të jashtëqitjes. Virusi mund të përhapet edhe te njerëzit nëse ata janë në kontakt të ngushtë me një zog të infektuar, por shkencëtarët thonë se lloji aktual nuk paraqet rrezik të lartë. Autoritetet e shëndetit bujqësor të Perusë kanë paralajmëruar njerëzit që të mos prekin zogjtë e ngordhur dhe nëse shohin të tillë në plazhe të njoftojnë autoritetet dhe të mos i prekin. Përveç Perusë, gripi i shpendëve ka prekur Europën dhe Shtetet e Bashkuara të Amerikës. Shpendët e egër janë më të prekurit, sidomos ata detarë.

The post Gripi i shpendëve në Peru, Autoritetet japin alarmin: Mijëra pelikanë kanë ngordhur appeared first on Albeu.com.