Zlatko Dalic ka vendosur të largohet nga drejtimi i kombëtares së Kroacisë. Trajneri 59-vjeçar ka paraqitur dorëheqjen pas 9 vitesh në pankinën e përfaqësueses ballkanase, një vendim që erdhi pas eliminimit nga Botërori 2026.

Disfata 2-1 kundër Portugalisë në 1/32-at, e ardhur në limite, duket se ka ndikuar te Dalic, i cili më pas bëri publik vendimin për t’u tërhequr. Ai mori në dorë ekipin përfaqësues të Kroacisë në vitin 2017, duke e udhëhequr në 11 ndeshje.

Një nga kulmet e periudhës së tij ishte viti 2018, kur arriti ta çonte Kroacinë deri në finalen e madhe të Kupës së Botës, një sukses i jashtëzakonshëm për një kombëtare surprizë. Dalic ka lënë gjurmë edhe në Shqipëri, pasi më herët ka drejtuar Dinamon, me të cilën fitoi Superkupën.

Gjithmonë kam thënë se nuk ka nder më të madh sesa të drejtosh kombëtaren e vendit tënd dhe se nuk mund të kem një punë më të rëndësishme, më të përgjegjshme dhe më të bukur se kjo. Nuk mund ta përshkruaj sa krenar jam për çdo fitore, për çdo kualifikim, për tri medaljet, për netët e mëdha të futbollit kroat, por mbi të gjitha për unitetin që arritëm të ndërtojmë brenda ekipit dhe me popullin kroat, gjë që u dëshmua më së miri në pritjet madhështore dhe të paharrueshme.

Është e pamundur të arrish suksese të tilla pa cilësi, pa punë të palodhur dhe pa besim në atë që bën. Prandaj, nga zemra falënderoj të gjithë ata që investuan dijen dhe energjinë e tyre në këto arritje të përbashkëta. Trajnerët dhe bashkëpunëtorët në stafin teknik, mjekët, fizioterapistët, përgjegjësit e materialeve dhe të gjithë ekipin logjistik të Federatës Kroate të Futbollit, i cili na ka mbështetur gjithmonë në mënyrë të shkëlqyer. Falënderoj drejtuesit e Federatës për mbështetjen, tifozët për përkrahjen e jashtëzakonshme gjatë këtij rrugëtimi, si dhe të gjitha ato media që ndihmuan në krijimin e një atmosfere pozitive. Dhe, në fund, falënderoj familjen time, pa mbështetjen e së cilës asgjë nga kjo nuk do të kishte qenë e mundur për mua.

Kam qenë thellësisht i privilegjuar që drejtova futbollistë kaq të shkëlqyer dhe njerëz me kaq shumë vlera, nga kapiteni Modriç, te të gjithë veteranët që ishin me mua që nga Rusia, e deri te të rinjtë që i përfshimë gradualisht në kombëtare dhe që me kalimin e kohës morën, e vazhdojnë të marrin, role gjithnjë e më të rëndësishme. U jam pafundësisht mirënjohës që e vendosën Kroacinë mbi gjithçka, që me sjelljen, përkushtimin dhe qasjen e tyre treguan gjithmonë se çfarë përfaqëson kultura e kombëtares kroate. Kroacia ka një të ardhme të ndritur me ta dhe, për sa kohë që kombëtarja do të mbetet e shenjtë për ta, ashtu siç ka qenë për brezat e mëparshëm, Kroacia do të jetë e fortë, konkurruese dhe e aftë të përballet me këdo.

Falënderoj presidentin Kustiç për mbështetjen e jashtëzakonshme, bashkëpunimin e shkëlqyer dhe besimin që të vazhdoja më tej. Mbështetja që mora gjatë ditëve të fundit më shtyu ta rishqyrtoja vendimin për t’u larguar, por… ka ardhur koha. Sado që ende ndiej ambicie dhe dëshirë për të shkruar suksese të reja me Kroacinë, ndiej se ky është momenti i duhur për të mbyllur këtë epokë të jashtëzakonshme. Largohem me zemrën plot, krenar për kontributin tim në sukseset më të mëdha të futbollit kroat në histori, ndërsa pasardhësit tim, kombëtares dhe futbollit kroat u uroj shumë suksese të reja, në të cilat besoj thellësisht.

The post Mbyllet aventura e Zlatko Daliç te Kroacia, ish-trajneri i Dinamos largohet pas 9 vitesh appeared first on Albeu.com.

Zlatko Dalic ka vendosur që ta mbyllë eksperiencën e tij në krye të Përfaqësueses së Kroacisë në fund të Kupës së Botës 2026.

Vendimi i trajnerit kroat i është komunikuar Federatës Kroate të Futbollit gjatë një takimi me presidentin Marijan Kustic, duke i dhënë fund një prej kapitujve më të suksesshëm të futbollit kroat.

Në vitin 2017, Dalic mori drejtimin e Kroacisë dhe gjatë kësaj periudhe e udhëhoqi skuadrën drejt epokës më të lavdishme në historinë e saj, me tri medalje të fituara në turne madhorë.

Me të në stol, Kroacia shkoi deri në finalen e Kupës së Botës 2018 në Rusi, ku mori medaljen e argjendtë. Më pas, në Kupën e Botës 2022 në Katar, siguroi medaljen e bronztë, ndërsa në vitin 2023 fitoi medaljen e argjendtë në Ligën e Kombeve.

Po ashtu, ai e çoi Kroacinë në Kampionatin Evropian 2020 dhe 2024, si edhe në Kupën e Botës 2026.

“Nuk ka nder më të madh sesa ta drejtosh kombëtaren tënde dhe nuk mund të kisha një punë më të rëndësishme, më të përgjegjshme dhe më të bukur”.

“Kur mora drejtimin e ekipit, besoja te cilësia e lojtarëve dhe te vetja, por nuk mund ta imagjinoja se do të arrinim gjithçka që kemi arritur gjatë këtyre pothuajse nëntë viteve”.

Dalic tha se ndihet krenar për fitoret, kualifikimet dhe medaljet, por nënvizoi se ndër arritjet më të mëdha mbetet edhe lidhja që u krijua mes kombëtares dhe tifozëve kroatë.

Ai vlerësoi gjithashtu futbollistët që kanë përfaqësuar vendin gjatë kohës së tij në krye të ekipit, duke përmendur kapitenin Luka Modric, brezin që shkoi në finalen e Botërorit 2018, si dhe lojtarët e rinj që morën përgjegjësi në vitet e fundit.

“Isha jashtëzakonisht i privilegjuar që pata mundësinë të drejtoja futbollistë kaq të mëdhenj dhe njerëz kaq cilësorë. Ata gjithmonë e vendosën Kroacinë në radhë të parë dhe treguan me sjelljen, përkushtimin dhe qasjen e tyre se çfarë përfaqëson Kombëtarja e Kroacisë”.

“Mbështetja që mora ditët e fundit më bëri ta rishqyrtoj vendimin tim, por… ka ardhur koha.”

“Edhe pse ende kam ambicie dhe dëshirë për të arritur suksese të reja me Kroacinë, besoj se ky është momenti i duhur për t’i dhënë fund kësaj epoke të jashtëzakonshme”.

Dalic largohet si trajneri më i suksesshëm në historinë e Kombëtares së Kroacisë, pasi e ktheu ekipin në një nga skuadrat më konkurruese dhe më të vlerësuara në futbollin ndërkombëtar.

The post Zyrtare: Zlatko Dalic do të largohet nga stoli i Kroacisë pas Botërorit 2026 appeared first on Albeu.com.

Trajneri i përfaqësueses së Kroacisë, Zlatko Dalic, në një paraqitje në emisionin Americana në HRT, foli për ndeshjen ndaj Portugalisë dhe për mënyrën si, sipas tij, FIFA e ka trajtuar kombëtaren kroate.

Sipas Dalicit, Kroacia nuk ka pasur të njëjtin status si përfaqësueset e mëdha në Kupën e Botës, ndërsa ai theksoi se kjo u pa qartë në përballjen kundër Portugalisë.

“Shikojeni atë ndeshje, 4 ose 5 faulle ndaj Budimir, në të njëjtën mënyrë: portieri e kap me duar, e rrëzon, ai nuk bën faull. Ai nuk bën penallti, VAR e thirr atë. Vlasic nuk u tërhoq, ai thjesht e bllokoi atë lojtar me duar, nuk kishte intensitet për penalltinë, dhe jam i bindur se situata ishte e kundërta, se ata as nuk do ta kishin parë. Por, meqenëse kjo është historia e Kroacisë, e cila, për fat të keq, është konfirmuar përsëri”, deklaroi fillimisht Dalic për HRT.

Ai tha se prej disa vitesh ka ngritur vazhdimisht çështjen e pozitës së Kroacisë përballë FIFA-s, por pa gjetur mbështetje.

“E kam thënë këtë për disa vite, duke theksuar statusin e Kroacisë me FIFA-n, dhe nuk kam marrë mbështetje për të. Por tani, të gjitha këto vendime që po ndodhin, dhe ky karton i kuq, dhe gjithçka së bashku, më vërtetojnë se kam pasur të drejtë dhe konfirmojnë se kisha të drejtë kur fola për këtë. Dhe ju e dini që unë isha i vetmi trajner në botë që nuk votova në zgjedhjet e FIFA-s për disa vite, se ishte revolta ime, dhe edhe atëherë nuk u trajtova në mënyrën më të mirë në të gjithë këtë”.

Dalic shkoi edhe më tej me deklaratat e tij, duke pretenduar se Kroacia po i bezdis drejtuesit e futbollit botëror.

“Por tani po vij tek ajo që po thoshim: po i bezdisim, ua kemi prishur argëtimin dy herë, nuk ka asnjë mënyrë që të na lejojnë ta mbyllim herën e tretë, dhe kjo është padyshim e vërtetë. Po them, na u desh të kalonim grupin dhe të kalonim Portugalinë, nuk ia dolëm, është gabimi ynë, por definitivisht nuk jemi të mirëpritur atje, dhe nuk po na lejojnë ta bëjmë Kroacinë një histori për herë të tretë radhazi”, përfundoi trajneri kroat.

Kroacia u eliminua nga Kupa e Botës pas dramës në kohën shtesë të ndeshjes së fazës së 1/16-tës ndaj Portugalisë.

Në minutën e 13-të të kohës shtesë, kroatët barazuan 2-2, por goli nuk u pranua sepse sensori në top konstatoi se Igor Matanovic e kishte prekur topin me flokë në momentin kur ai po shkonte drejt Mario Pasalic, i cili ndodhej në pozitë jashtë loje.

The post Dalic sulmon FIFA-n: Kroacia po i pengon, ua shkatërruam spektaklin dy herë dhe nuk do të na lejojnë një të tretë appeared first on Albeu.com.

Skuadra angleze zhbllokoi rezultatin në minutën e 12-të. Harry Kane realizoi nga penalltia, pasi në rastin e parë Dominik Livaković e ndali goditjen, por tentativa u përsërit sepse portieri kroat kishte lëvizur para kohe nga vija fatale. Në ekzekutimin e dytë, Kane nuk gaboi dhe solli 1-0.

Kroacia reagoi në minutën e 36-të. Petar Sučić krijoi epërsi numerike në krah dhe shërbeu për Martin Baturinën, i cili shënoi bukur nga distanca për të barazuar në 1-1.

Megjithatë, avantazhi i ekuilibrit zgjati pak. Në minutën e 42-të, pas një goditjeje nga këndi të ekzekutuar nga Declan Rice, Kane goditi saktë me kokë dhe riktheu Anglinë në epërsi me rezultatin 2-1.

Edhe momentet shtesë të pjesës së parë sollën tjetër dramë. Në minutën e pestë të kohës shtesë, Pašalić nisi një top të gjatë drejt Perišić, ky i fundit e devijoi për Musën, i cili realizoi nga afërsia për 2-2.

Në fraksionin e dytë, kontrolli i takimit kaloi te Anglia. Në fillim të pjesës së dytë, Jude Bellingham përfitoi nga një reagim i dobët i mbrojtjes kroate dhe shënoi për 3-2, ndërsa në minutën e 85-të Marcus Rashford mbylli gjithçka me golin për 4-2.

Pas ndeshjes, përzgjedhësi i Kroacisë, Zlatko Dalic, e pranoi se ekipi i tij hasi vështirësi të mëdha pas pushimit dhe nuk arriti të reagonte në çastet vendimtare.

“Ishte e vështirë të riktheheshim në lojë,” deklaroi Dalic pas ndeshjes.

“Kjo ndeshje drejton rrjedhën e kampionatit, nuk është mirë kur e humbet. Dy ndeshjet e ardhshme janë shumë më të rëndësishme për ne dhe duhet të përgatitemi mirë. Nuk ishte keq nga ana jonë, por i paguam shtrenjtë gabimet tona”, tha ai.

“Ishim në formën tonë më të keqe në pushim, pësuam dy gola. Po ktheheshim, por goli i tretë na vrau. Pas kësaj, nuk kishte më kthim pas”, shtoi ai.

I pyetur nëse mbeti i kënaqur me lojën në sulm, ai u përgjigj: “Pati disa gjëra shumë të mira, por kundër Anglisë nuk mund të hapesh plotësisht. Mund ta shihje këtë në fund kur ata shënuan golin e katërt”, përfundoi Dalic.

The post Dalić pas disfatës ndaj Anglisë: Goli i tretë na preu rrugën e rikthimit appeared first on Albeu.com.

E pozicionuar në vendin e 11-të të renditjes FIFA, ajo do të përballet me Anglinë në ndeshjen hapëse të Grupit L.

Më poshtë janë pesë futbollistët që pritet të kenë peshë të madhe në skuadrën e drejtuar nga Zlatko Dalic.

Luka Modric

Klubi: Milan

Mosha: 40 vjeç

Pozicioni: Mesfushor

Kapiteni i Kroacisë dhe figura emblematike e futbollit të këtij vendi vazhdon të lërë pas kufijtë e moshës. Fituesi i “Topit të Artë” në vitin 2018 është shumë pranë ndeshjes së tij të 200-të me fanellën e kombëtares.

Edhe pse tashmë 40 vjeç, Modric mbetet pika kryesore e organizimit të lojës kroate. Legjenda që me Real Madridin fitoi 28 trofe, mes tyre edhe gjashtë Liga të Kampionëve, vazhdon të jetë boshti i mesfushës.

Josko Gvardiol

Klubi: Manchester City

Mosha: 24 vjeç

Pozicioni: Mbrojtës

Gvardiol është një nga figurat më të rëndësishme të repartit defensiv të Kroacisë. Pas rikuperimit nga një dëmtim serioz në këmbë, ai pritet të nisë si titullar përballë Anglisë.

Mbrojtësi ka marrë pjesë në të gjithë turnetë madhorë të Kroacisë në vitet e fundit, ndërsa në Botërorin 2022 luajti çdo minutë të mundshme. Në të kaluarën, Dalic e ka quajtur atë “mbrojtësin qendror më të mirë në botë”.

Andrej Kramaric

Klubi: Hoffenheim

Mosha: 34 vjeç

Pozicioni: Sulmues

Me eksperiencën që ka, Kramaric vazhdon të jetë një nga pikat më të forta të Kroacisë në sulm. Me 36 gola për kombëtaren, ai renditet si golashënuesi i tretë më i mirë në historinë e saj.

Në eliminatoret e Botërorit 2026 ai shënoi gjashtë gola, ndërsa sezonin e kaluar realizoi 15 herë për Hoffenheimin. Me 158 gola, ai mban vendin e parë si golashënuesi më i mirë në historinë e klubit gjerman.

Luka Vuskovic

Klubi: Tottenham Hotspur

Mosha: 19 vjeç

Pozicioni: Mbrojtës

19-vjeçari shihet si një prej mbrojtësve më premtues në kontinent. Pas një edicioni shumë të mirë në huazim te Hamburgu në Bundesliga, ku ndihmoi skuadrën të siguronte mbijetesën, Vuskovic e forcoi ndjeshëm emrin e tij.

Mbrojtësi me gjatësi 1.93 metra ka realizuar edhe një gol me Kroacinë, ndërsa Dalic e ka vlerësuar si një nga shtyllat e kombëtares për 10 vitet e ardhshme.

Petar Sucic

Klubi: Inter

Mosha: 22 vjeç

Pozicioni: Mesfushor

Sucic konsiderohet ndër lojtarët më premtues të futbollit kroat. Në sezonin e tij të parë në Itali ai fitoi dy trofe vendas dhe tashmë është kthyer në një titullar të rregullt në mesfushën e kombëtares.

Aftësia për të luajtur në disa role në qendër të fushës e bën atë një element të çmuar, ndërsa shihet edhe si një prej liderëve të brezit të ri që pritet të marrë stafetën nga veteranët.

Nga përvoja dhe klasi i Luka Modric te energjia e talenteve si Luka Vuskovic dhe Petar Sucic, Kroacia paraqet një përzierje të fortë mes brezave.

Pikërisht ky kombinim e bën ekipin e Zlatko Dalic një rival të rrezikshëm për Anglinë dhe një pretendent serioz në Botërorin 2026.

The post Pesë futbollistët kroatë që Anglia duhet të ndjekë me kujdes në sfidën e parë të Botërorit appeared first on Albeu.com.

Pasi mbërriti në qytetin ku do të zhvillohet takimi, përzgjedhësi Zlatko Dalic doli para mediave dhe komentoi përballjen e parë të turneut.

Sipas tij, në start të këtij kompeticioni, Anglia përfaqëson rivalin më të fortë që mund t’i dilte përpara skuadrës së tij.

“Na pret një ndeshje e vështirë, fillimi i Kupës së Botës. Kundërshtari më i vështirë i mundshëm. Jam i kënaqur me përgatitjet dhe duam të paraqitemi në mënyrën më të mirë të mundshme. E njohim cilësinë e Anglisë, ashtu siç edhe ata na njohin ne”, deklaroi Dalic.

Trajneri kroat vuri theksin te forca sulmuese e anglezëve, duke veçuar sidomos Harry Kane.

“Ata janë shumë të rrezikshëm në krahë dhe kanë sulmuesin më të mirë në botë, Kane, të cilin është e vështirë ta ndalësh. Jemi përgatitur edhe për situatat standarde. Presim një ndeshje të fortë dhe do të bëjmë gjithçka për të qenë në nivelin e duhur”, shtoi ai.

Në konferencë, Dalic u ndal edhe te Vuskovic, për të cilin foli me shumë vlerësim dhe optimizëm për të ardhmen e tij.

“Ai ka potencial të madh dhe mund të ndjekë rrugën e Guardiolës. Është lojtar shumë i zgjuar dhe mund të bëhet lider i Kroacisë në vitet e ardhshme”, u shpreh Dalić.

Një tjetër emër te i cili trajneri ndaloi ishte edhe Luka Modric, për rolin që ai mban brenda ekipit.

“Si kapiten dhe lider në fushë, ai është shumë i rëndësishëm për ne. Lojtarët e rinj janë me fat që e kanë pranë, ai u tregon çfarë do të thotë të luftosh për fanellën e Kroacisë”, tha trajneri.

Duke folur për objektivat e Kroacisë në këtë Botëror, Dalic theksoi se skuadra nuk mbetet e mbërthyer te arritjet e mëparshme.

“Medaljet ishin një mrekulli, por kjo është e kaluar. Nuk mund të jetojmë me to përgjithmonë. Kemi ambicie të mëdha dhe jemi gati për sfida të reja, por ka shumë ekipe të forta që synojnë të njëjtën gjë si ne”, përfundoi ai.

The post Dalic: Kroacia sheh përpara, jo pas medaljeve, dhe hyn në Botëror me synime të larta appeared first on Albeu.com.

35-vjeçari  i cili tashmë i ka varur këpucët, është gati të nisë një aventurë të re në botën e futbollit. Ai do të jetë pjesë e stafit e Kroacisë me Zlatko Daliç.

“Kur fola me të, u binda nga angazhimet dhe dëshira që Mario shfaqi. Ai ishte i gatshëm të më ndihmonte dhe unë jam shumë i lumtur tashmë ta bëjë pjesë të stafit tim. Mendoj se do t’i ndihmojë shumë lojtarët sidomos ata të rinjtë, do të përfitojnë shumë nga eksperienca e tij”, është shprehu tekniku i kombëtares kroate./h.ll/albeu.com

The post Mandzukiç i rikthehet futbollit por këtë herë jo si lojtar appeared first on Albeu.com.