Në raport sqarohet se ky opinion i kualifikuar lidhet me mbivlerësimin e detyrimeve të papaguara, mbivlerësimin e llogarive të arkëtueshme, keqklasifikimin e shpenzimeve sipas kategorive ekonomike, si dhe paraqitjen jo të saktë të detyrimeve kontingjente në pasqyrat financiare.

Auditorët kanë vlerësuar gjithashtu se një pjesë e proceseve dhe transaksioneve të Komunës nuk janë zhvilluar në përputhje me legjislacionin në fuqi. Sipas gjetjeve, janë evidentuar vonesa në zbatimin e vendimeve lidhur me ankesat e tatimpaguesve, pasaktësi në përllogaritjen e tarifave për ndikimin nga rritja e densitetit të infrastrukturës, mangësi në mbikëqyrjen e projektit të realizuar me UNDP-në, si dhe shkelje në procedurat e prokurimit dhe në menaxhimin e investimeve kapitale.

Raporti nënvizon edhe se Komuna ka marrë obligime kontraktuale për projekte kapitale pa pasur fonde të mjaftueshme në dispozicion, ka hapur procedura të prokurimit pa i siguruar më herët lejet e nevojshme, ka vonuar pagesën e faturave përtej afatit ligjor në 42 raste me vlerë mbi 8.1 milionë euro, si dhe ka kryer pagesa për investime kapitale prej mbi 10.1 milionë euro duke marrë mjete nga projekte të tjera pa miratimin paraprak të Kuvendit Komunal.

Sipas ZKA-së, gjatë auditimit janë vërejtur dobësi edhe në kontrollin e brendshëm dhe në menaxhimin financiar. Këto përfshijnë pasaktësi në regjistrimin dhe paraqitjen e pasurisë, në inventarizimin e saj, në arkëtimin e borxheve dhe në monitorimin e projekteve kapitale. Po ashtu, komuna është përballur me vështirësi financiare si pasojë e pagesave të larta të bëra mbi bazën e vendimeve gjyqësore, të cilat deri më 31 dhjetor 2025 kishin arritur në 45.69 milionë euro.

ZKA bën të ditur se nga ky raport kanë dalë 25 rekomandime gjithsej. Prej tyre, 14 janë rekomandime të përsëritura, tetë janë të reja, tre rezultojnë pjesërisht të zbatuara, ndërsa dy janë trajtuar gjatë vetë procesit të auditimit. Institucioni ka njoftuar se zbatimi i këtyre rekomandimeve do të monitorohet në auditimin e ardhshëm.

The post Auditimi i ZKA-së nxjerr parregullsi financiare në Komunën e Prishtinës për vitin 2025 appeared first on Albeu.com.

Në një konferencë për media, Auditorja e Përgjithshme Vlora Spanca dhe Zëvendës Auditori i Përgjithshëm Bezad Halilaj paraqitën gjetjet kryesore, duke nënvizuar se auditimet po vazhdojnë të nxjerrin në pah dobësi të përsëritura në menaxhimin e financave publike.

Sipas Spancës, për sezonin 2025/2026 janë paraparë 145 auditime dhe 102 prej tyre tashmë janë publikuar. Ajo tha se deri më 30 qershor pritet të përfundojnë 88 auditime të detyrueshme të rregullsisë dhe 12 auditime të ndërmarrjeve publike, ndërsa auditimet e tjera të Pajtueshmërisë, Performancës, ato të klasifikuara dhe auditimet e projekteve të Bankës Botërore pritet të mbyllen sipas planit gjatë vitit. Po sipas saj, Raporti Vjetor i Auditimit për Buxhetin e Kosovës pritet t’i dorëzohet Kuvendit të Kosovës jo më vonë se 31 gusht të vitit 2026.

Ajo bëri të ditur se nga 94 raporte të auditimit financiar dhe të pajtueshmërisë janë nxjerrë 55 opinione të kualifikuara, 4 të kundërta dhe 35 të pamodifikuara.

Në ndërmarrjet publike, sipas Spancës, janë evidentuar 4 opinione të kundërta dhe 5 të kualifikuara.

Sipas ZKA-së, ndër problemet më të theksuara janë pasaktësitë në raportimin financiar, shkeljet në procedurat e prokurimit, si edhe mangësitë në menaxhimin e kontratave dhe të shpenzimeve publike.

Raporti i prezantuar sot evidenton shkelje sistematike si në nivel qendror ashtu edhe në atë lokal. Mes tyre përmenden hyrja në obligime pa mbulesë buxhetore, kontraktimi i projekteve pa fonde të siguruara, vonesat në zbatimin e investimeve kapitale dhe mosrespektimi i procedurave të prokurimit publik.

Po ashtu, janë konstatuar edhe pagesa me vonesë, angazhime të stafit jashtë procedurave ligjore dhe përdorim i pamjaftueshëm i sistemit të e-prokurimit.

Një pjesë e theksuar e raportit lidhet me Komunën e Prishtinës, për të cilën ZKA ka dhënë opinion të kualifikuar për pasqyrat financiare dhe konkluzion të kundërt për pajtueshmërinë.

Sipas raportit, aty janë identifikuar 52 raste të klasifikimit të gabuar të shpenzimeve, në një vlerë mbi 7.7 milionë euro, mbivlerësim i detyrimeve kontingjente mbi 27 milionë euro, si dhe pasaktësi në llogaritë e arkëtueshme dhe në detyrimet financiare.

ZKA ka shprehur shqetësim edhe për një projekt me UNDP-në, ku janë transferuar 5.2 milionë euro si parapagim, ndërsa sipas raportit mungon monitorimi i plotë institucional dhe transparenca për zbatimin e tij.

Po në këtë raport evidentohen edhe shumë shkelje në procedurat e prokurimit, përfshirë gabime gjatë vlerësimit të ofertave, mospërfshirje të pozicioneve në kontrata dhe devijime në vlerat përfundimtare të projekteve.

Gjithashtu, janë konstatuar edhe raste të lidhjes së kontratave pa mbulesë buxhetore, si dhe nisje punimesh pa lejet e nevojshme ndërtimore në projekte të mëdha infrastrukturore.

Spanca deklaroi më tej se gjatë vitit 2025, pagesat përmes vendimeve gjyqësore kanë kaluar mbi 45 milionë euro. Ajo shtoi se janë regjistruar edhe vonesa në pagesa deri në 131 ditë, si dhe mungesë dokumentacioni për ndarjen e saktë të kamatave dhe shpenzimeve përmbarimore.

Në disa raste, tha ajo, subvencionet janë ndarë pa procedura të hapura konkurruese, përfshirë edhe financimin e organizatave joqeveritare, gjë që sipas Spancës përbën shkelje të rregullave të transparencës dhe barazisë në financimin publik.

Në kuadër të auditimeve të performancës, Zëvendës Auditori i Përgjithshëm Bezad Halilaj tha se janë gjetur mangësi serioze në disa institucione publike.

Për “Termokos”, raporti përmend shpërndarje të pabarabartë të ngrohjes, një sistem të dobët faturimi dhe mungesë të kapaciteteve rezervë.

Në Agjencinë për Krahasim dhe Verifikim të Pronës (AKKVP), janë vërejtur probleme me sistemin elektronik, mungesë të të dhënave të plota dhe inspektime të parregullta.

Ndërkaq, në Universitetin e Prishtinës, sistemi SEMS është vlerësuar me mangësi në qeverisjen e TI-së, në sigurinë e të dhënave dhe në varësinë nga operatorët e jashtëm.

Në fund, ZKA u bëri thirrje institucioneve publike që rekomandimet e auditimit t’i trajtojnë me seriozitet, duke theksuar se synimi i tyre është përmirësimi i qeverisjes dhe rritja e llogaridhënies në menaxhimin e parasë publike.

The post Auditimi zbulon parregullsi të theksuara në administrimin e financave publike appeared first on Albeu.com.

Sipas raportit të ZKA-së, këto përfshijnë tri kontrata për furnizim me Acid Klorhidrik (31-33%), me vlerë të përgjithshme 240,030 euro, si dhe tri kontrata për furnizim me Lëndë Djegëse – Mazut, me vlerë totale 1,404,465 euro.

Në raport theksohet se kjo situatë erdhi për shkak të pamundësisë për të përmbyllur procedurat e hapura të prokurimit, si rrjedhojë e ankesave të operatorëve ekonomikë në KEK dhe në Organin Shqyrtues të Prokurimit.

ZKA ka identifikuar një sërë mangësish në këto procese.

Për tenderin “Furnizim me acid klorhidrik (31-33%)”, raporti sqaron se procedura kishte dështuar pasi, sipas vlerësimit të OSHP-së, ndërmarrja kishte vendosur një kriter diskriminues në lidhje me standardin EN 939:2016. Sipas këtij vlerësimi, ky standard vlen për acidin klorhidrik që përdoret në trajtimin e ujërave të pijshëm dhe nuk duhet të kërkohet për trajtimin e ujërave industrialë.

“Megjithatë në një procedurë të negociuar të prokurimit ndërmarrja kishte ftuar për negocim më shumë se një operator ekonomik”, thuhet në raportin e ZKA-së.

Sa i përket tenderit “Furnizim me Lëndë Djegëse – Mazut”, auditimi ka gjetur se prokurimi është shoqëruar me disa ankesa gjatë viteve 2024-2025, me kthim të procedurës në rivlerësim disa herë nga OSHP. Këto zhvillime lidhen me mangësitë e konstatuara në dosjen e tenderit, si për shembull parametrat e përcaktuar pa toleranca, përfshirë vlerën kalorifike 9500 kcal/kg, dendësinë 0.95 kg/dm³ dhe përmbajtjen e hirit max 0.2%, të evidentuara si nga OSHP ashtu edhe nga komisioni i rivlerësimit.

Për këtë tender, KEK kishte marrë vendim më 03.12.2025 për anulimin e aktivitetit të prokurimit.

“Megjithatë në dy procedura të negociuar të prokurimit ndërmarrja kishte ftuar për negocim më shumë se një operator ekonomik”- thuhet në raport.

Sipas ZKA-së, mosrealizimi i kontratave përmes procedurave të zakonshme dhe zvarritja e vazhdueshme e mbylljes së aktivitetit të prokurimit për acid klorhidrik dhe mazut ka bërë që ndërmarrja të nënshkruajë gjashtë kontrata të negociuara pa publikim. Raporti paralajmëron se, duke qenë se aktivitetet përkatëse ende nuk janë përmbyllur, ekziston rrezik real që të lidhen edhe kontrata të tjera të negociuara më tej.

“Moslidhja e kontratës përmes procedurave të rregullta dhe shtyrja e vazhdueshme e përmbylljes së aktivitetit të prokurimit për furnizim me acid klorhidrik dhe mazut ka ndikuar që ndërmarrja të lidhë gjashtë kontrata të negociuara pa publikim. Meqenëse aktivitetet përkatëse ende nuk janë finalizuar, ekziston rreziku real për lidhjen e kontratave të tjera të negociuara në vijim”, thuhet në raport.

ZKA ka rekomanduar gjithashtu që Bordi i Drejtorëve të KEK-ut të sigurojë zhvillimin e një analize të plotë për të gjitha rrethanat që kanë çuar në gjendjen aktuale dhe të marrë veprimet e nevojshme, në mënyrë që dosjet e tenderëve të përgatiten në përputhje të plotë me kërkesat ligjore.

Menaxhmenti i KEK-ut nuk është pajtuar me këto gjetje.

Në përgjigjen e KEK-ut thuhet se procedurat e prokurimit të përmendura në gjetjen B4 kanë nisur në vitin 2024 dhe se në to kanë qenë të përfshira edhe institucione të tjera relevante, si OSHP, ndërsa në rastin e procedurës për mazut edhe Gjykata Komerciale.

“Lidhur me procedurat e prokurimit të theksuara në gjetjen B4, duhet theksuar që këto procedura kanë filluar në vitin 2024, si dhe në këto dy procedura janë involvuar edhe institucione tjera relevante siç janë OSHP dhe në rastin e procedurës për mazut edhe Gjykata Komerciale. Vlen të theksohet se aktiviteti i prokurimit me titull: Furnizim me Acid Klorhidrik është anuluar me dt. 27.06.2025 ku edhe pas dy kërkesave për rishqyrtim nga dy OE si dhe ankesave në OSHP, vendimi i AK ka mbetur në fuqi”, thuhet në përgjigjen e KEK-u.

Lidhur me tenderin “Furnizim me lëndë djegëse për kaldajë – Mazut”, KEK ka bërë të ditur se ai është anuluar më 3.12.2025.

“Po ashtu kemi pasur kërkesë për rishqyrtim dhe ankesë në OSHP nga një OE por vendimi i AK ka mbetur në fuqi”, thuhet në përgjigjen e KEK-ut, ku shtohet se gjatë vitti 2026 kanë filluar procedurat e reja për të dy lëndët, me Kontrata kornizë trivjeçare dhe ato janë në proces të prokurimit. Në të njëjtën përgjigje theksohet se këto dy lëndë janë bazike për funksionalizimin e prodhimit të energjisë elektrike në termocentrale dhe se mungesa e tyre do të shkaktonte krizë energjetike në vendin tonë.

“Përkundër që KEK ka përdorur procedurën e negociuar (e lejuar sipas LPP), ato janë iniciuar me disa operatorë ekonomikë për të pasur konkurrencë të drejtë duke bashkëpunuar edhe me MINT prej të cilës është marrë lista e të gjithë OE-ve që importojnë mazut në Republikën e Kosovës dhe të njëjtëve i është dërguar ftesa për ofertë”, thuhet në përgjigjen e KEK-ut.

The post ZKA: KEK gjatë vitit 2025 nënshkroi 1.6 milion euro kontrata të negociuara pa procedura të rregullta appeared first on Albeu.com.