Paraprakisht, dyshohej se zjarri mund të ishte shkaktuar nga ndonjë shkëndijë elektrike e ndriçimit të jashtëm, por policia doli sot me njoftim zyrtar, ku thekson se ka një autor të dyshuar për zjarrvënie i cili është identifikuar dhe shpallur në kërkim.

Gjithashtu, sipas policisë vijon puna për identifikimin e një shtetasi tjetër të përfshirë në ngjarje.

Njoftimi:

Si rezultat i veprimeve hetimore, identifikohet dhe shpallet në kërkim një shtetas i dyshuar si autor i zjarrvënies, ndërsa vijon puna për identifikimin e një shtetasi tjetër të përfshirë në ngjarje.

Më datë 19.05.2026, në sallën operative të Komisariatit të Policisë Lushnjë është marrë njoftim se në tregun e fruta-perimeve të qytetit kishte rënë zjarr.

Në vendngjarje kanë shkuar shërbimet e Policisë dhe ato zjarrfikëse, të cilat, brenda pak orësh, bënë të mundur shuarjen e flakëve.

Si pasojë e zjarrit janë dëmtuar disa tezga dhe produkte në pronësi të disa tregtarëve.

Fillimisht u dyshua se zjarri ishte shkaktuar nga një shkëndijë elektrike, por në vijim të veprimeve të thelluara hetimore, të kryera nga grupi hetimor nën drejtimin e Prokurorisë, u bë i mundur identifikimi dhe shpallja në kërkim e shtetasit K. Ç., banues në Durrës, i dyshuar si njëri prej autorëve të zjarrvënies.

Nga këqyrja e pamjeve filmike rezulton se shtetasi K. Ç. shfaqet pranë tregut së bashku me një shtetas tjetër ende të paidentifikuar, të cilët dyshohet se, në bashkëpunim me njëri-tjetrin, kanë ndezur zjarrin dhe më pas janë larguar nga vendngjarja.

Policia vijon punën për kapjen e shtetasit K. Ç., si dhe për identifikimin dhe kapjen e shtetasit tjetër që shfaqet në pamjet filmike.

Materialet procedurale iu referuan Prokurorisë, për veprime të mëtejshme.

The post Zjarri në tregun e Lushnjes i qëllimshëm, policia: Identifikohet autori appeared first on Albeu.com.

Policia thotë se në pranga u vunë dy 25-vjeçare, të cilat akuzohen për rënie të zjarrit nga pakujdesia.

Nga flakët u dëmtua banesa e tyre, por edhe banesat e fqinjëve.

“Specialistët për Hetimin e Krimeve të Komisariatit të Policisë Nr. 2 arrestuan shtetaset K. Sh., 25 vjeçe dhe S. Gj., 25 vjeçe, pasi dyshohet se për shkak të pakujdesisë së tyre, ka rënë zjarr në banesën e tyre. Si pasojë janë dëmtuar banesa e tyre dhe banesat e fqinjëve. Gjithashtu, është dërguar në spital, shtetasi A. K, për shkak të asfiksisë, jashtë rrezikut për jetën”, thuhet ne njoftimin e policisë.

The post Zjarri në kompleksin “Kika 1” ku u asfiksua edhe një person, arrestohen 2 vajza në Tiranë appeared first on Albeu.com.

Në Podcastin “Flasim”, kreu i qeverisë ripërsëriti se godina do të ndërtohet nga ndërtuesi, ndërsa shtoi se me bonusin e qirasë do të lehtësojnë sadopak barrën e krijuar nga dëmet e pariparueshme në apartamentet e banorëve të prekur.

“Ndërkohë, çka mbeti pas zjarrit ishte shkrumbimi i asaj godine, për të cilën u vumë menjëherë në lëvizje dhe gjëja e parë dhe më e rëndësishmja, sipas meje, është që godina do të rindërtohet tërësisht nga e para, 100% nga vetë ndërtuesi i saj dhe nga ana tjetër, angazhimi për të ndihmuar banorët që, deri në momentin – dhe besoj nuk do të marrë shumë kohë, sepse karabinaja është aty – por deri në momentin kur ata banorë do të kthehen në shtëpi, të mund të kenë një bonus qiraje dhe, patjetër, edhe një mbështetje nga bashkia për të lehtësuar barrën e krijuar nga dëmet e pariparueshme që kanë ndodhur në banesat e tyre”, tha Rama.

Kryeministri ironizoi edhe akuzat për materialet e ndërtimit, teksa tha se gjithollogët dhe ekspertët në raste të tilla dalin si “kërpudha pas shiut”.

Sipas tij, materialet e ndërtimit, nga verifikimi i parë, ishin të gjitha të certifikuara dhe vinin nga importi.

“ Zjarri nuk ka lidhje në vetvete me ndërtimin, por, nga ana tjetër, kjo është një arsye për të parë dhe për të kuptuar ashtu siç duhet edhe çka lidhet me cilësinë dhe me materialet e ndërtimit, edhe pse, nga verifikimi i parë që është bërë, ndërtimi kishte të gjitha materialet të certifikuara dhe vinin nga importi, kështu që nuk dua të zgjatem më shumë në këtë pikë”, tha kryeministri.

Pjesë nga fjala e Ramës:

Gjatë kësaj jave pati një moment që, për hir të së vërtetës, fillimisht ishte rrëqethës për shkak se flakët që përfshinë një pallat në Tiranë u duk se mund të kërcënonin seriozisht jetët e banorëve, por, për fat të mirë dhe falë përpjekjes dhe punës realisht profesionale, por mbi të gjitha heroike të forcave të zjarrfikësve, gjithçka kaloi pa asnjë jetë të humbur dhe pa plagë të rënda. Ndërkohë, çka mbeti pas zjarrit ishte shkrumbimi i asaj godine, për të cilën u vumë menjëherë në lëvizje dhe gjëja e parë dhe më e rëndësishmja, sipas meje, është që godina do të rindërtohet tërësisht nga e para, 100% nga vetë ndërtuesi i saj dhe nga ana tjetër, angazhimi për të ndihmuar banorët që, deri në momentin – dhe besoj nuk do të marrë shumë kohë, sepse karabinaja është aty – por deri në momentin kur ata banorë do të kthehen në shtëpi, të mund të kenë një bonus qiraje dhe, patjetër, edhe një mbështetje nga bashkia për të lehtësuar barrën e krijuar nga dëmet e pariparueshme që kanë ndodhur në banesat e tyre.

Tani, gjithmonë në këto raste, shfaqen menjëherë, si kërpudhat pas shiut, lloj-lloj gjithologësh dhe lloj-lloj ekspertësh publikë, por pa licencat dhe pa njohuritë e nevojshme për të marrë një rol të tillë. Po gjithsesi, edhe për shkak të emocioneve, edhe për shkak të nevojës për të marrë protagonizëm, kush nuk del e çfarë nuk thotë. E vërteta është që kjo ishte një fatkeqësi e shkaktuar nga një shkëndijë, nga një nisje zjarri, po të doni, që nuk ka lidhje në vetvete me ndërtimin, por, nga ana tjetër, kjo është një arsye për të parë dhe për të kuptuar ashtu siç duhet edhe çka lidhet me cilësinë dhe me materialet e ndërtimit, edhe pse, nga verifikimi i parë që është bërë, ndërtimi kishte të gjitha materialet të certifikuara dhe vinin nga importi, kështu që nuk dua të zgjatem më shumë në këtë pikë. Më e rëndësishmja është që askush prej atyre banorëve që patën atë moment dramatik, që fatmirësisht dhe, përsëris, falë, në radhë të parë, forcave zjarrfikëse, por edhe forcave të rendit aty të pranishme, nuk u kthye në një moment tragjik, nuk do të lihet vetëm dhe nuk do të lihet në fatin e vet përballë nevojës për t’u rikthyer dhe për të jetuar normalisht në një banesë të veten, siç i takon, tërësisht të rindërtuar.

The post Zjarri në pallatin te Farmacia 10/ Rama: Bonus qiraje dhe mbështetje nga Bashkia për të prekurit, për gjithollogët pa licenca që dalin si kërpudhat pas shiut… appeared first on Albeu.com.

Për shkak të kësaj situate, ndërhyri Inspektorati i Mbrojtjes së Territorit, i cili shembi menjëherë ndërtimin pa leje, duke hapur rrugën për mjetet e emergjencës.

The post Zjarri në pallatin pranë QSUT/ Bllokoi rrugën për zjarrfikësen, IMT shemb farmacinë pa leje appeared first on Albeu.com.

Gazetarët e ftuar në studio ngritën alarmin se nuk ka ekspertë që njohin këto materiale.

Pjesë nga biseda

Ferdinant Dervishi: Një kompani e huaj e ka prodhuar këtë material dhe e ka shitur si zjarrdurues. Shteti duhet të shkojë te kjo firmë. Nëse biznesmeni ka përdorur materiale më të lira, ose e ka vënë gabim është tjetër gjë. Por nëse kompania ka gënjyer duhet t’i shkojë fatura asaj kompanisë që ka sjellë materialin.

Andi Tela: Materiali i përdorur këtu është shumë i mirë, sepse ka qëllim izolimin termik dhe nuk ka nevojë që të riparohet. Por mënyra se si është vëndosur se si është punuar, pa specialitetin e duhur është gabim. Shteti nuk ka ekspertë që njohin këto materiale. Këtu çalon e gjitha te paaftësia. Zjarri është shkaktuar nga ajri dhe jo nga leshi i gurit.

Xhevahir Zhabina: Ky mendoj se duhet të jetë problemi. Ndërtuesi mori përsipër rindërtimin, pasi tha kryeministri. Prokuroria nesër mund të nxjerrë që duhen arrestuar edhe 15 të tjerë.

Andi Tela: Kostoja e atyre familjeve që kanë humbur shtëpitë është problemi. Dhe janë shumë pallate të tilla në Tiranë.

The post “Shteti nuk ka ekspertë që njohin këto materiale”, gazetarët japin detaje për fasadën e pallatit të djegur në Tiranë appeared first on Albeu.com.

Ndërkohë prokuroria dhe policia e kryeqytetit, pas arrestimit të 4 personave dhe procedimin e 4 të tjerëve për veprat penale shkatërrim i pronës nga pakujdesia dhe shkelja e rregullave të mbrojtjes në punë, po vijojnë hetimet për zbardhjen e plotë të rrethanave të këtij zjarri.

Nisur nga pamjet e kamerave të sigurisë pranë vendit të ngjarjes, zjarri është aktivizuar në një grumbull me kartonë nga disa fëmijë ose nga një cigare e hedhur nga ballkonet e kateve të sipërme.

Përhapja e zjarrit në gjithë fasadën e godinës brenda pak minutash ngre pikëpyetje në lidhje me cilësinë e materialeve të përdorura në këtë kompleks, por edhe në ndërtime të ngjashme në gjithë Shqipërinë. Nisur nga kjo javën e ardhshme pritet që të gjithë ndërtimet e reja të kalojnë në filtër.

“Kambanë alarmi për ne. Përveç pikëpamjes formale të lejes kateve do shihen edhe materialet. Do përcaktohet metodologjia e kontrollit të çdo ndërtimi. Me akt të posatshëm do t’i ngarkohet IKMT”, u shpreh Dashnor Sula.

Një tjetër inspektim do të nisë edhe për subjektet që ushtrojnë aktivitet në pallate dhe përdorin bombola gazi apo oksigjeni.

“Raste kur subjektet mbajnë bombola oksigjeni gazi. Nëse i kanë vendosur në vende që përbejnë rrezik, do duhet t’i vesh sipas rregullave në fuqi”, shtoi ai.

Masat e mara synojnë të parandalojnë ngjarje me pasoja në jetën dhe pronat e qytetarëve.

The post Zjarri në pallatin pranë QSUT-së/ Dashnor Sula: Po verifikohen materialet, kontrolle do të bëhen në ndërtimet në gjithë vendin appeared first on Albeu.com.

Përmes urdhrave të posacëm, Kryeinspektori Dashnor Sula, urdhëroi kryerjen e verifikimeve pranë subjekteve private që operojnë në këtë pallat, me qëllim zbardhjen e shkaqeve të incidentit.

Sipas njoftimit zyrtar, inspektimi do të realizohet nga trupat e Inspektorati Shtetëror Teknik dhe Industrial dhe Inspektorati Kombëtar i Mbrojtjes së Territorit.

Ky veprim vjen pas ngjarjes së një dite më parë, ku një zjarr përfshiu ambientet e pallatit, duke ngritur shqetësime mbi sigurinë teknike dhe respektimin e standardeve nga subjektet që ushtrojnë aktivitet në këtë godinë.

“Marrë shkak nga aksidenti i ndodhur ditën e djeshme, me pasojë zjarr, urdhërohet kryerja e inspektimit të menjëhershëm pranë subjekteve private në pallatin “Arlis”, me qëllim verifikimin e shkaqeve të aksidentit.

Inspektimi do të kryhet nga trupat inspektuese të:
– Inspektoratit Shtetëror Teknik dhe Industrial; dhe
– Inspektoratit Kombëtar të Mbrojtjes së Territorit”, sqaron Inspektorati.

The post Flakët në pallatin te “Farmacia 10”/ Kryeinspektori Dashnor Sula firmos dy urdhra: Të verifikohen shkaqet e rënies së zjarrit appeared first on Albeu.com.

Në postimin e bërë në Facebook-un e tij Nazarko shkruan se kohë më parë, nëpërmjet një shkrese drejtuar Kuvendit në vitin 2024, u kërkua informacion për djegien e të njëjtës ndërtesë te “5 maj”, ngjarje e ndodhur në vitin 2021.

Në kërkesën drejtuar Kuvendit me qëllim për të marrë informacion për djegien e kompleksit, shkruhet se ndërtesa është përfshirë nga flakët për shkak të materialeve që janë përdorur jashtë standarteve.

Ndërsa në postimin e tij inxhinieri shkruan se ngjarja e sotme u paralajmërua, por ansjeri nuk ia vuri veshin kërkesave të bëra për informacion rreth materialeve që janë përdorur për ndërtimin e kompleksit në fjalë.

Nga ana tjetër, prefekti i Tiranës, Shkëlqim Hajdari ka konfirmuar shguarjen totale të zjarrit pranë QSUT-së.

The post Një pjesë e kompleksit te “5 maj” u shkrumbua ditën e sotme, inxhinieri nxjerr dokumentin: Ngjarja u paralajmërua por s’na dëgjoi njeri appeared first on Albeu.com.

Mësohet se flakët janë përhapur në fasadën e jashtme dhe rrezikojnë të djegin të gjithë kompleksin, duke shtuar frikën tek banorët e zonës.

Këta të fundit, të gjendur në panik, janë konfliktuar me forcat e rendit të cilët kanë vendosur perimetrin e sigurisë duke mos lejuar askënd t’i afrohet kompleksit.

Po ashtu bëhet me dije se janë evakuuar banorët e pallatit dhe atyre për rreth. Ndërsa në një foto të publikuar nga mediat, shihet një nëne e re, e cila me foshnjën në duar, i largohet flakëve. Po ashtu edhe të moshuar janë larguar nga pallati i cili u përfshi nga flakët.

Deri në këto momente nuk raportohet për persona të lënduar, por dëme të konsiderueshme materiale.

The post Momente tmerri në Tiranë/ Flakët përfshijnë pallatin, nëna largohet me foshnjën në duar për t’i shpëtuar zjarrit appeared first on Albeu.com.

Viktimat janë identifikuar si gazetarja e njohur e hokejit Jessie Pierce, 37-vjeçe, dhe tre fëmijët e saj.

Sipas raportimeve, ata u gjetën pa shenja jete pas shpërthimit të zjarrit në shtëpinë e tyre në White Bear Lake.

Në këtë ngjarje tragjike, humbi jetën edhe një kafshë shtëpiake e familjes.

Ironikisht, vetëm një ditë para ngjarjes, Pierce kishte ndarë në rrjetet sociale momente nga një dalje e lumtur me fëmijët e saj, teksa shijonin akullore në dyqanin e tyre të preferuar. Postimi i saj i fundit në platformën X mbante përshkrimin: “Çantat janë të siguruara”.

Shkaku i zjarrit ende nuk është bërë i ditur dhe autoritetet kanë nisur hetimet për të zbardhur rrethanat e ngjarjes.

Në një reagim zyrtar, National Hockey League (NHL) konfirmoi vdekjen e gazetares dhe fëmijëve të saj, duke shprehur ngushëllime të thella për familjen.

“E gjithë familja e NHL i dërgon lutjet dhe ngushëllimet më të sinqerta familjes Pierce për humbjen e Jessi-t dhe tre fëmijëve të saj të vegjël. Jessi e donte lojën tonë dhe ishte një anëtare e vlefshme e ekipit NHL.com për një dekadë. Ajo do të na mungojë shumë”, thuhet në deklaratë.

Ngjarja ka prekur thellë komunitetin sportiv dhe më gjerë, duke lënë pas një dhimbje të madhe për humbjen e parakohshme të një nëne dhe fëmijëve të saj.

NEW: Beloved NHL reporter Jessi Pierce, 37, and her three children — Hudson, Cayden, and Avery — died in a house fire in White Bear Lake, Minnesota on Saturday

Fire crews responded just before 5.30 a.m. after neighbors reported flames coming through the roof and believed people… pic.twitter.com/XXv2w3hn5z

— Unlimited L’s (@unlimited_ls) March 23, 2026

The post Ngjarje tragjike/ Zjarri në banesë i merr jetën gazetares dhe tre fëmijëve të saj appeared first on Albeu.com.