Po sipas të njëjtit njoftim, është identifikuar personi i dyshuar për zjarrvënien dhe ndaj tij është marrë masa e arrestit.

Nën drejtimin e Agjencisë Kombëtare të Mbrojtjes Civile dhe Ministrisë së Mbrojtjes, operacioni për fikjen e zjarrit në mbështetje të Bashkisë Lezhë po vijon pa ndërprerje.

Gjatë gjithë natës është punuar për të izoluar flakët, duke angazhuar 7 mjete zjarrfikëse të MZSH Lezhë, Vau i Dejës, Shkodër, Mirditë dhe Porti Shëngjin.

Në terren janë përfshirë gjithashtu efektivë dhe autobotë me ujë të Forcave të Armatosura, punonjës të Shërbimit Pyjor, punonjës të Shërbimeve Publike të Bashkisë Lezhë, si edhe struktura të Emergjencave Civile të Bashkisë Lezhë.

Operacioni po mbështetet edhe nga ajri, përmes helikopterit të Forcave të Armatosura. Falë bashkërendimit të të gjitha strukturave, intensiteti i zjarrit është ulur ndjeshëm, ndërsa puna vazhdon për izolimin dhe shuarjen e plotë të vatrave që mbeten aktive.

Autoritetet kompetente kanë bërë të mundur identifikimin e autorit të dyshuar të zjarrvënies dhe vendosjen e tij përballë përgjegjësisë ligjore.

Ministria e Mbrojtjes dhe Agjencia Kombëtare e Mbrojtjes Civile u kërkojnë qytetarëve të tregojnë përgjegjësi maksimale, të zbatojnë masat për parandalimin e zjarreve dhe të njoftojnë menjëherë autoritetet në çdo rast zjarri apo dyshimi.

The post Arrestohet i dyshuari për zjarrvënien në Shëngjin, flakët mbeten ende aktive appeared first on Albeu.com.