Zjarri i cili përfshiu këtë qendër ka dëmtuar rende bizneset e tyre.

Ata ende nuk dinë se sa është shkalla e dëmtimit dhe çfarë ka mbetur nga pasuria r tyre e djegur nga flaket e zjarrit.

Në katin e parë nëntokë në këtë ndërtesës, janë rreth 300 tregtare mallrash industriale që kërkojnë të largojnë mallin e tyre, por ka edhe tregtarë të kateve të sipërme duan të marrin ç’ka mbetur nga zjarri.

Përgjigja e instancave shtetërore është: presim përgjigje nga ekspertet.

Deri ne ardhjen e përgjigjes nga ekspertët, tregtarët qëndrojnë përballë Qendrës tregtare ‘Metropol’ në Lushnjë.

The post Zjarri në qendrën tregtare në Lushnjë/ Tregtarët presin në mes të rrugës të marrin mallin që u ka mbetur appeared first on Albeu.com.

Katër katet e para ishin qendër tregtare ndërsa të tjerët ishin apartamente banimi.

Zjarri mendohet se ka shkrumbuar rreth 300 biznese, duke shkaktuar humbje kolosale sidomos për ata që janë të pasiguruar.

Zjarri ka shkrumbuar gjithçka brenda në katin e tretë dhe të katërt.

Paraprakisht shkak i zjarrit masiv që ra rreth orës 14:40 të ditës së djeshme dhe u deshën 10 orë për ta shuar, dyshohet se është shkëndija elektrike. Do të jetë ekspertiza që do të përcaktojë nëse kemi të bëjmë me një gabim njerëzor apo defekt elektrik. Ndërkohë pas ekspertëve të policisë e zjarrfikëses, aty pritet që nesër të mbërrijnë ekspertët e Institutit të Ndërtimit, për të vendosur nëse godina do të shembet apo rikonstruktohet.

Në apartamentet lart qendrës tregtare jetojnë vetëm 20 familje, pasi pjesën më të madhe të apartamenteve i kanë blerë emigrantët.

Flakët e zjarrit mendohet se ka rënë fillimisht në një dyqan këpucësh në katin e 3-të e më pas është përhapur me shpejtësi në çdo kat.

Zjarrfikësve të Lushnjes që kanë vetem dy makina dhe pa autoshkallë u shkuan në ndihmë kolegët nga disa bashki të vendit si dhe policia e RENEA. Beteja me flakët në qendrën rezidenciale e tregtare “Metropol” përfundoi rreth mesnatës (25 – 26 dhjetor)

The post Zjarri në qendrën tregtare në Lushnje shkrumboi rreth 300 biznese, nesër ekspertët e Institutit të Ndërtimit vendosin për fatin e godinës appeared first on Albeu.com.

Në lidhje me ngjarjen ka folur edhe një nga banorët e pallatiti 12-katësh. Ai tregoi se ishte në punë kur ndërtesa u përfshi nga flakët. Qytetari tregon se kur ndërtesa u përshi nga flaka fëmijët dhe vjehrri ka qenë në banesë, por që nuk ka mundur të ngjitet për shkak të flakëve.

“Isha në punë, më mori bashkëshortja, ishin kalamajtë lart, vjehrri… ishte e pamundur të ngjitesha lart nga tymi. Sa u qetësua pak situata u ngjitëm bashkë me policinë dhe zjarrfikësit sipër dhe nxorëm fëmijët. Ishte gjë e frikshme”, u shpreh ai.

Kujtojmë që pas 5 orësh ekipet e shpëtimit me ndihmën e forcave RENEA arritën të evakuonin 39 banorët në katet e sipërme. Nga ngjarja u shtruan në spital për shkak të asfiksis nga tymi disa persona, por të gjithë janë jashtë rrezikut për jetën.

E teksa situata po qetësohej, tashmë nje tjetër vatër është rindezur në qendrën tregtare, ku zjarrfikësit po punojnë për të shuar flakët. Sakaq grupi i posaçëm hetimor në drejtimin e Prokurorisë vijon punën për zbardhjen e rrethanave të ngjarjes dhe përcaktimin e shkakut të rënies së zjarrit.

The post “Kisha fëmijët brenda”, banori tregon makthin kur ndërtesa në Lushnjë u përfshi nga flakët appeared first on Albeu.com.

Situata tanimë është vështirësuar sërish, pasi zjarri ka nisur të marrë përmasa të madha.

Mësohet se flakët kanë përfshirë dy kate , me konkretisht të tretin dhe të katërtin.

Zjarri nisi që prej mesditës së sotme (25 dhjetor), por u vu në kontroll nga forcat zjarrfikëse disa orë më vonë.

Kujtomë që forcave zjarrfikëse të qytetit i erdhi në ndihmë shërbimi zjarrfikës i Tiranës dhe forcat RENEA që po ashtu përfunduan edhe operacionin e evakuim shpëtimit.

Si pasojë e kësaj ngjarjeje, rreth 42 persona përfunduan në spitalin e Lushnjes, përfshirë fëmijë, zjarrfikës dhe forca policie, të gjithë jashtë rrezikut për jetën.

The post Vështirësohet situata pas riaktivizimit të zjarrit në Lushnjë, flakët përfshijnë dy kate të godinës appeared first on Albeu.com.

Goxhaj u shpreh se zjarri tanimë është shuar dhe në godinë ka vetëm sasi tymi, për të cilat po punohet nga forcat zjarrfikëse.

Sakaq, ai shtoi se nuk ka më rrezik për një riaktivizim të zjarrit apo ndonjë vatre tjetër.

“Nuk kemi qenë aty momentet e para, por për momentin situata është nën kontroll. Ka vetëm sasi tymi në ambientet e qendrës tregtare, nuk ka më zjarr. Punonjësit ende po punojnë në vendin ku ishte vatra kryesore. Situata është normalizuar, nga kontrollet që kemi ushtruar janë evakuuar të gjithë banorët. Nuk ka më rrezik për një riaktivizim të zjarrit apo ndonjë vatre tjetër, të gjitha forcat janë në gatishmëri”, u shpreh ai.

The post “Flakët në pallat janë shuar”, kreu i Zjarrfikëses Tiranë: S’ka rrezik për riaktivizim të vatrave appeared first on Albeu.com.

Balla gjithashtu tha se zjarrfikësit po punojnë në kushte të vështira për shkak të temperaturave të larta të krijuara, ndërsa për shkaqet tha se do të kryhet një hetim për të zbuluar se çfarë e shkaktoi.

Gjithashtu, ai paralajmëroi se qarkut Fier do t’i shtohen dhe dy zjarrfikëse që do të përdoren për situata emergjente.

“Ju e keni ndjekur dhe vetë. Ka qenë një situatë tepër e vështirë, por falë ndërhyrjes dhe koordinimit të mirë të forcave zjarrfikësve dhe ndërhyrjes së të gjitha strukturave të policisë së shtetit, u bë ndërhyrja në banesa dhe u gjetën njerëz të asfiksuar, të cilët tashmë janë jashtë rrezikut për jetën. Nëse do të jetë e nevojshme do të dërgohen për trajtim të specializuar.

Kemi planifikuar që shërbimit zjarrfikës të qarkut Fier do t’i shtohen dy makina të reja për t’u përdorur në raste të tilla”, tha Balla.

The post “Rreziku nuk ka përfunduar”, Balla për situatën e zjarrit në Lushnjë: Po punohet në kushte të vështira, ja pse e sollëm helikopterin appeared first on Albeu.com.

Forcave zjarrfikëse të qytetit, fillimisht iu bashkua shërbimi zjarrfikës i Tiranës, e tanimë të pranishëm janë edhe forcat RENEA.

Sipas ministres së Shëndetësisë, aktualisht në urgjencën e spitalit të Lushnjes po marrin ndihmë mjekësore 35 persona, mes tyre punonjës zjarrfikës, efektiv policie e fëmijë.

Fatmirësisht të gjithë personat që po trajtohen në spital janë në gjendje stabël dhe jashtë rrezikut për jetën.

Në pallatin 12-katësh po punohet për avakuimin e të gjithë banorëve, ky dyshohet se janë ende të bllokuar edhe 40 persona.

Deri tani nuk raportohet për viktima, ndërsa në vendin e ngjarjes ka shkuar edhe ministri i Brendshëm, Taulant Balla.

Zjarri dyshohet se ka nisur katin e tretë, i cili është qendër tregtare, në një dyqan këpucësh që ka qenë i mbyllur në momentin që ka rënë zjarri.

The post Zjarri në Lushnjë ende aktiv, forcave zjarrfikëse u bashkohet RENEA, në spital po marrin ndihmë edhe zjarrfikës e punonjës policie appeared first on Albeu.com.

Gazetari Enea Verria bën me dije se mes personave që kanë përfunduar në spital, është edhe një fëmijë dhe një punonjës i zjarrfikëses, por për fat të mirë të gjithë ndodhen jashtë rrezikut për jetën.

Ende flakët vijojnë të jenë aktive.

Ndërkohë dyshohet se ende ka banorë të bllokuar brenda banesave të tyre, ndërsa nga qendra tregtare, e cila përbehet nga tre kate, thuhet se janë evakuuar të gjithë personat që ndodheshin aty.

The post Mbi 30 persona të asfiksuar përfundojnë në spital, mes tyre një zjarrfikës dhe një fëmijë, vijon ende zjarri në qendrën tregtare appeared first on Albeu.com.

Sipas tij, dyshimet janë se zjarri mund të ketë ardhur nga mbinxehja e ndonjë objekti brenda qendrës tregtare.

“Në këto momente nuk mund të quhet shkëndojë elektrike por këto zjarre shkaktohen nga mbingarkesa e pajisjeve. Këto zjarre vijnë si pasojë e mos përballimit të fuqisë elektrike nga ana e objekteve në përdorim”- u shpreh Goxhaj.

Ndërsa duke folur për situatën aktuale, Goxhaj u shpreh se nga Tirana kanë mbërritur 4 automjete zjarrfikëse me 12 zjarrfikës të cilët me aspiratorë do të bëjnë të mundur pastrimin e tymit.

Sa i takon mundësisë që brenda pallatit shumëkatësh të ketë ende banorë të bllokuar, shefi i zjarrfikëses së Tiranës ka dhënë disa këshilla për personat që dyshohet të jenë ende brenda të apartamenteve.

“Po punohet me fikjen e zjarrit. Situata më problematike është si pasojë e tymit. Duhet kujdes me evakuimin e qytetarëve, mos të lëvizin nga apartamentet e tyre por të presin ekipet. Kemi edhe aspiratorë që do ndihmojnë në pastrimin e tymit dhe situatnë do ta përmirësojmë. Këshilla është që në objekte të tilla asnjëherë nuk duhet hapur dera kryesore por të vendosin rroba të lagura poshtë derës në mënyrë që tymi mos të futet në brendësi të banesave. Ata që janë në katet e sipërme të pallatit duhet të dalin në tarracë dhe të qëndrojnë aty derisa të vijnë forcat zjarrfikëse”- shtoi ai.

The post Zjarri në qendrën tregtare të Lushnjës, Goxhaj: Dyshohet se shkak ka qenë mbinxehja e një objekti! Personat e bllokuar, të dalin në tarracën e pallatit appeared first on Albeu.com.