Ai gjithashtu u ka bërë thirrje qytetarëve të ruajnë mjedisin dhe të mos i vënë zjarret me qëllim, duke iu rikujtuar se dënohen me ligj.

“Vijojnë prej orësh përpjekjet nga toka dhe ajri për të shuar flakët në të vetmen vatër që kemi në të gjithë territorin e vendit, atë në Malin e Çikës. Zjarri është vënë nën kontroll nga drejtimi i Palasës dhe po vijon puna në pjesën tjetër në drejtim të Himarës. Falë reagimit të shpejtë gjatë 24 orëshit të fundit janë shuar 11 vatra zjarri në qarqet e Fierit, Tiranës, Korçës e Shkodrës. Mirënjohje efektivëve të FA, forcave zjarrfikëse, por edhe vullnetarëve të angazhuar. Falenderime Mekanizmit Evropian të Mbrojtjes Civile për përgjigjen në kohë të shpejtë dhe ndihmën e dhënë.

Një thirrje për të gjithë qytetarët: Ruani mjedisin, ruani veten dhe të tjerët, duke bërë kujdes me ndezjen e zjarreve! Zjarrvënia e qëllimshme dënohet dhe përgjegjësit do të shkojnë para drejtësisë!”, ka shkruar Peleshi./albeu.com

The post Zjarri në Malin e Çikës, Peleshi: Po punohet për shuarjen e vatrës së fundit, një thirrje për qytetarët appeared first on Albeu.com.

Përmes një postimi në Facebook, Meta bën thirrje për ndërprerje pagesash fiktive për inceneratoret dhe të shtohet fondi për mbrojtjen nga zjarret.

Reagimi i Metës:

TË NDËRPRITEN URGJENTISHT PAGESAT FIKTIVE PËR INCENERATORËT DHE TË SHTOHET FONDI PËR MBROJTJEN NGA ZJARRET!

Për tre ditë me rradhë vatrat e zjarrit në Malin e Çikës në Vlorë po shkatërrojnë hektarë pyje, pasuri publike.

Siç dëshmon dhe kjo foto e fundit, flakët po përparojnë me shpejtësi drejt fshatit turistik të Dhërmiut, të tejmbushur me turistë, duke kërcënuar gjithashtu Kondraqin dhe Borshin.

Për fat të keq, Qeveria që paguan çdo ditë mijëra euro për mafien e inceneratorëve, vijon të mos shpenzojë as 1 cent për të shtuar fondin për mbrojtjen nga zjarret.

Lënia në mëshirë të fatit të pasurisë natyrore dhe moskokëçarja përballë kërcënimit serioz të shëndetit, jetës dhe pronës së qytetarëve është tronditëse!

I bëj thirrje të gjitha institucioneve përgjegjëse qendrore dhe vendore, Ministrisë së Mbrojtjes dhe Agjencisë së Mbrojtjes Civile të ngrihen në këmbë, të marrin në dorë situatën dhe të reagojnë me urgjencë!

E konsideroj kriminale mosnxjerrjen e mësimeve nga e kaluara dhe mosveprimin në kohë në lidhje me zjarret!

The post Zjarri në Malin e Çikës, Meta: Të ndërpriten urgjentisht pagesat fiktive për inceneratorët dhe të shtohet fondi për mbrojtjen nga zjarret appeared first on Albeu.com.

Zjarri është aktiv prej disa ditësh.

Janë nisur drejt zonës disa efektiv të zjarrfikëses së Himarës, por ende asnjë rezultat.

Ndërkohë janë djegur sasi e konsiderueshme pyjesh me shkurre./albeu.com

The post Zjarri në Malin e Çikës bëhet shqetësues, flakët i afrohen fshatit turistik Dhërmi (VIDEO) appeared first on Albeu.com.