Bëhet e ditur se kanë qenë edhe 3 persona të tjerë të cilët kanë bërë përpjekje për t’u futur në magazinë, por janë kthyer pas në momentin kur janë ndjerë keq nga tymi dhe flakët, ndërsa Arjani ka përparuar më në thellësi me një bombul që përdoret për shuarjen e flakëve në duar.

Mjeti në fjalë i është gjetur pranë trupit të pajetë në momentin kur është zbuluar pas pothuajse 3 ditë kërkimesh. Personat që kanë qenë me Salën atë ditë përfshirë edhe djalin e pronarit të qendrës tregtare, janë marrë në pyetje nga hetuesit ku kanë dhënë edhe dëshmitë e tyre për ngjarjen, ndërsa kanë treguar se më përhapjen masive të flakëve janë kthyer pas duke humbur nga sytë 32-vjeçarin. Përpara se Sala të bllokohej në magazinë duke pësuar fillimisht asfiksi dhe më pas humbur jetën, ka asistuar ne avakuimin nga kati nëntokë i godinës i të paktën 7 personave që ndodheshin aty.

Ndërkohë të ndjerit i është dhënë lamtumira ditën e djeshme dhe është varrosur në pranë eshtrave të të afërmve, teksa është iniciuar edhe nisma për shpalljen e Arjan Salës “Dëshmor i Atdheut”, por ende nuk është marrë përfundimisht një vendim i tillë për shkak të pritjes së ekspertizës.

Kujtojmë se Arjani la pas djalin e tij 2 vjeçar dhe bashkëshorten, dhe kërkesa e familjarëve për shtetitn është që të tregojë vëmendje për ta.

The post Arjan Sala nuk ishte vetëm në magazinë, si u shkëput nga 3 të tjerët që e shoqëronin appeared first on Albeu.com.

Zjarri në magazine me mallra plastike e veshje, dyshohet se nisi pas një shkëndije elektrike në kabullin e neonit.  Shkëndijat elektrike ranë mbi rroba sintetike duke krijuar flakë të shumta që forcave zjarrfikëse ju deshën mbi 2 ditë për t’i shuar zjarrin, pasi temperatura në magazinë arriti mbi 900 gradë.

Zjarri ka rënë rreth orës 15:00 teksa punëtorit prisnin kamionin me mall. Të parët që tentuan të shuajnë zjarrin ishin punonjësit e sigurisë mes tyre edhe Arjan Salaj, që fatkeqësisht u gjet i pajetë ditën e djeshme në magazinën e shkrumbuar.  Punonjësit e sigurisë shuan flakët por jo vatrën e për pasojë, zjarri u riaktivizua më pas.

Në orën 15:30 flakët aktivizuan alarmin, ndërsa 2 punonjës dhe djali i pronarit u futën t’i shuanin. Arjan Salaj u fut thellë në magazinë që të shuante flakët, raporton Report tv. Ai tentoi të largohej nga dera e emergjencës, por u rrëzua për shkak të errësirës dhe tymit.

Trupi i pajetë i të ndjerit u gjet shumë pranë derës së emergjencës.  Ai u përcoll dje nga familjarët në banesën e fundit, ndërsa qeveria pritet ta shpallë Dëshmor të Atdheut.

The post Zbardhet ekspertiza: Arjan Salaj vdiq pasi u rrëzua për shkak të errësirës dhe tymit appeared first on Albeu.com.