zjarrfikese Archives - Albeu.com

Zjarri i përmasave të mëdha shkrumbon ullishten në Fier, flakët rrezikojnë banesat

E B — Fri, 20 Oct 2023 16:53:50 +0000

Një zjarr i madh ka përfshirë mesditën e sotme kodrat me ullishte në fshatin Libofshë të Fierit. Si pasojë janë djegur qindra rrënjë ulliri.

Flakët e favorizuara nga era janë përhapur me shpejtësi.

Mësohet se flakët po drejtohen drejt banesave.

5 mjete zjarrfikëse, të Fierit, Lushnjës, Patosit dhe Rroskovecit po punojnë në terrenin e thyer e të vështire për të vënë nën kontroll flakët të cilat u janë afruar edhe banesave.

Edhe banorët e zonës po ndihmojnë me mjete rrethanore.

The post Zjarri i përmasave të mëdha shkrumbon ullishten në Fier, flakët rrezikojnë banesat appeared first on Albeu.com.

Zjarr masiv në pyjet e Krujës, zjarrfikëset drejt vendngjarjes (VIDEO)

E B — Sat, 30 Jul 2022 15:07:24 +0000

Një vatër e madhe zjarri është aktivizuar në fshatin Derven të Krujës. Zjarri është përhapur në pyje me shkurre e pisha, por fatmirësisht ende nuk paraqet rrezik për banesat apo objektet në zonë.

Për shuarjen dhe neutralizimin e zjarrit janë angazhuar dy zjarrfikëset e Krujës të ndihmuara dhe nga një zjarrfikëse e Durrësit.

Fatmirësisht janë jashtë rrezikut banesat përreth dhe po punohet për neutralizimin dhe shuarjen e flakëve të cilat vijojnë prej disa orësh./albeu.com

The post Zjarr masiv në pyjet e Krujës, zjarrfikëset drejt vendngjarjes (VIDEO) appeared first on Albeu.com.

Zjarret në vend, Peleshi: Janë 6 vatra aktive, ku paraqitet situata më problematike

E B — Tue, 26 Jul 2022 15:34:29 +0000

Ministri i Mbrojtjes, Niko Peleshi, përmes një postimi në Facebook, ka zbuluar sesi paraqitet situata me zjarret në vend. Peleshi shprehet se vatra aktive janë 6 dhe më problematike situata është në fshatin Ndërshen në Mirditë, ku nuk po kryhet dot ndërhyrja nga ajri për shkak të kushteve atmosferike.

“Në 6 vatra zjarri në qarqet Berat, Shkodër, Lezhë, Elbasan dhe Durrës po punohet prej orëve të para të ditës nga forcat operacionale në terren për të izoluar flakët që për shkak të erës janë përhapur, por pa rrezik për zonat e banuara.

Problematike është situata në fshatin Ndërshen, njësia administrative Orosh, Bashkia Mirditë, ku është e vështirë edhe ndërhyrja e helikopterit për shkak të kushteve atmosferike. Në terren forcat vijojnë punën të mbajnë nën kontroll vatrat afër banesave”, shkruan Peleshi./albeu.com

The post Zjarret në vend, Peleshi: Janë 6 vatra aktive, ku paraqitet situata më problematike appeared first on Albeu.com.

Tym i zi nga dritaret, përfshihet nga flakët spitali i Fierit (VIDEO)

E B — Wed, 06 Jul 2022 08:22:28 +0000

Një zjarr i përmasave të konsiderueshme ka rënë në spitalin e Fierit.

Ngjarja ka ndodhur rreth orës 10:00. Shkak mendohet të jetë bërë një shkëndijë elektrike në repartin e grafisë që ndodhet pranë këtij spitali.

Njoftimi i policisë:

Fier
Informacion paraprak

Sot, rreth orës 10:00, në spitalin Rajonal Fier, në repartin e grafisë, ka rënë zjarr.

Në vendngjarje kanë shkuar shërbimet e Policisë dhe shërbimet zjarrfikëse të cilët bënë të mundur fikjen e zjarrit.

Nuk ka persona të dëmtuar.

Grupi hetimor po punon për zbardhjen e shkakut të rënies së zjarrit./albeu.com

The post Tym i zi nga dritaret, përfshihet nga flakët spitali i Fierit (VIDEO) appeared first on Albeu.com.

Përfshihet nga flakët një banesë në Gjirokastër

E B — Sat, 12 Mar 2022 19:32:47 +0000

Një banesë në lagjen “11 Janari” në Gjirokastër është përfshirë nga flakët. Mësohet se zjarri ka rënë në katin e dytë të një pallati në këtë lagje dhe banesa është në pronësi të shtetasit me iniciale P. R. Nuk dihen ende rrethanat e ngjarjes, por zjarrfikëset e Gjirokastrës dhe policia kanë mbërritur në vendin e [...]

The post Përfshihet nga flakët një banesë në Gjirokastër appeared first on Albeu.com.

Përfshihet nga zjarri një banesë në Vlorë

E B — Thu, 09 Sep 2021 17:14:35 +0000

Mbrëmjen e sotme, në lagjen “24 Maji”, Vlorë, është përfshirë nga flakët banesa e shtetasit L. T, në katin e 4-të, të një pallati, ku janë shkaktuar vetëm dëme materiale. Në vendngjarje kanë shkuar menjëherë shërbimet e Policisë dhe shërbimi zjarrfikës. Grupi hetimor po punon për zbardhjen e rrethanave të ngjarjes dhe shkakut të rënies [...]

The post Përfshihet nga zjarri një banesë në Vlorë appeared first on Albeu.com.

Zjarr masiv në Memaliaj, era dhe terreni i pyllëzuar vështirësojnë punën e zjarrfiksëve

E B — Fri, 03 Sep 2021 13:48:23 +0000

Një zjarr masiv ka rënë në kodrat e fshatit Zhulaj, Njësia Administrative Krahës, Memaliaj. Zjarri i ndezuar prej disa orësh në zonën e pyllëzuar, riaktivizohet furishëm si pasojë e erës së fortë. Në terren kanë mbërritur forcat zjarrfikëse dhe punonjës të Bashkisë Memaliaj, por puna për shuarjen e flakëve është bërë e vështirë si pasojë [...]

Përfshihen nga flakët zona e ish-depove të naftës në Nartë (VIDEO)

E B — Thu, 05 Aug 2021 08:26:13 +0000

Një zjarr ka rënë në afërsi të ish-depove të naftës në Nartë.

Depot janë bosh, por ende ka vajëra që mund të rrisin rrezikun.

Zjarrfikëset kanë mbërritur vendngjarje dhe po punojnë për shuarjen e flakëve/albeu.com

The post Përfshihen nga flakët zona e ish-depove të naftës në Nartë (VIDEO) appeared first on Albeu.com.

Meta për zjarret në vend: Janë mbi 70 vaktra aktive, e patolerueshme që struktuat po ndërhyjnë vetëm me mjete rrethanore

E B — Mon, 02 Aug 2021 19:00:09 +0000

Presidenti i Republikës, Ilir Meta ka reaguar në lidhje me zjarret që kanë përfshirë vendin ditët e fundit.

Meta shkruan se janë mbi 70 vatra aktive, dhe duke vlerësuar punën e zjarrfikësve, shkruan se është e patolerueshme që strukturat vendore dhe qendrore, në shumicën e operacioneve, shfaqen vetëm me mjete rrethanore.

Postimi i plotë i Metës:

Me shumë shqetësim po ndjek prej ditësh situatën alarmante të përhapjes së zjarreve në disa Qarqe të vendit, me pasoja tepër të rënda për pasuritë tona natyrore.

Prej më shumë se një muaji, kam kërkuar reagimin në kohë të strukturave të Ministrisë së Mbrojtjes dhe Ministrisë Brendshme për mbështetjen e pushtetit vendor, në të gjitha bashkitë, për të qenë në gatishmëri për situata të papërballueshme për kapacitetet lokale, në përgjigje edhe të paralajmërimeve të bëra më herët nga Instituti i Gjeoshkencave, Energjisë, Ujit dhe Mjedisit.

Duke vlerësuar sakrificat e deritanishme të forcave zjarrfikëse, të personelit të Forcave të Armatosura dhe të Ministrisë së Brendshme, konstatoj se megjithatë situata po percipiton shumë rrezikshëm.

Aktualisht ka mbi 70 vatra aktive zjarri në të gjithë Shqipërinë, ku një pjesë e tyre kërkojnë organizimin e operacioneve ajrore nga Ministria e Mbrojtjes dhe Shtabi i Përgjithshëm i Forcave të Armatosura.

Është e patolerueshme, që strukturat vendore dhe qendrore, në shumicën e operacioneve, shfaqen vetëm me mjete rrethanore.

Për këtë arsye inkurajoj domosdoshmërinë e një ndërhyrjeje emergjente, të drejtuar dhe të koordinuar më së miri, për të patur sukses në luftën kundër zjarrit, nëpërmjet marrjes së menjëhershme të të tjera masave efektive dhe drastike.

I njohur me thirrjen publike të Kryetarit të Kontrollit të Lartë të Shtetit, e ndaj të njëjtin vlerësim mbi nevojën e rikthimit urgjent në detyrë për zbatimin e detyrimeve, që ka sipas ligjit, të Drejtorit të Agjencisë Kombëtare të Mbrojtjes Civile, si dhe e dënoj me forcë këtë sjellje të papranueshme, të papërgjegjshme dhe në kufijtë e veprës penale, të shpërdorimit të detyrës.

Nxit institucionalisht të gjithë autoritetet qendrore e vendore, në veçanti Ministrinë e Mbrojtjes, Shefin e Shtabit të Përgjithshëm të FA dhe Agjencinë Kombëtare të Mbrojtjes Civile të vazhdojnë përpjekjet dhe komunikimin intensiv mes tyre, për koordinimin në kohë dhe marrjen e çdo mase të duhur, nëpërmjet angazhimit të kapaciteteve njerëzore dhe teknike, përfshi Forcën Ajrore, për të kryer operacione efikase në rajonet ku rrezikohen jetët e qytetarëve dhe zonat e mbrojtura.

Vlerësoj gjithashtu nevojën për t’ju drejtuar sa më parë për ndihmë Mekanizmit të Mbrojtjes Civile Europiane, duke patur parasysh se prioriteti absolut duhet të jetë mbrojtja e jetës dhe pasurive publike e private./albeu.com

The post Meta për zjarret në vend: Janë mbi 70 vaktra aktive, e patolerueshme që struktuat po ndërhyjnë vetëm me mjete rrethanore appeared first on Albeu.com.

Zjarr në pyjet e Durrësit, flakët djegin dhe makina e zjarrfikëses (FOTO LAJM)

E B — Sat, 31 Jul 2021 12:08:12 +0000

Shumë zona në Shqipëri janë përfshirë nga zjarri. Së fundmi disa vatra zjarri janë aktivizuar në veri të Durrësit. Mësohet se janë përfshirë nga flakët zonat pyjore në fshatin Shetaj dhe Ishëm. Skuadrat e repartit të zjarrfikëses janë nisur për në vendngjarje dhe prej disa ditësh po punohnë për vënien nën kontroll të zjarreve. Problematike [...]