Sipas njoftimit të Qendrës për Menaxhim me Kriza, deri në orën 13:00 të 16 gushtit në territorin e vendit janë evidentuar gjithsej nëntë zjarre në hapësira të hapura.

Katër prej tyre vazhdojnë të jenë aktive, tre janë vënë nën kontroll, ndërsa dy janë shuar.

Zjarret aktive janë evidentuar në komunat e Studeniçanit, Makedonski Brodit, Velesit dhe Zelenikovës, si edhe në hapësirën mes komunave të Jegunovcës dhe Sarajit. Flakët kanë përfshirë kryesisht pyje të përziera, vegjetacion të ulët, shkurre, si dhe sipërfaqe me dushk e shkozë.

Nën kontroll ndodhen tre zjarre në komunat e Krushevës dhe Kriva Pallankës. Ndërkohë, dy vatra janë shuar tërësisht: njëra në fshatin Pagarushë të Studeniçanit, ku ishte përfshirë një deponi e egër, dhe tjetra pranë varrezave ortodokse në Ohër.

The post QMK: Nëntë zjarre të raportuara, katër vijojnë të jenë aktive appeared first on Albeu.com.