Flakët e furishme nuk lanë asgjë nga qyteti Lahaina me pothuajse 13 mijë banorë në ishullin Maui të Havait. Pemët e djegura dhe rrënojat e shtëpive ishin gjithçka mbetën nga zjarri që vrau të paktën 93 persona.

Epo kjo nuk është plotësisht e vërtetë. Një shtëpi sfidoi flakët dhe i mbijetoi fatkeqësisë e padëmtuar.

Një foto e fotografit amerikan, Stephen Lam, tregon një shtëpi krejtësisht të paprekur pranë ujit- ndërsa shtëpitë e tjera përreth janë djegur plotësisht.

Si është mundur?

BILD foli me Alfred Broemme, ish-president i Agjencisë Federale për Ndihmën Teknike dhe ish-drejtues i Departamentit të Zjarrfikëseve në Berlin për disa vite.

Sipas 70-vjeçarit, shtëpia e mrekullisë ndoshta nuk është dëmtuar për shkak të rrymave të favorshme të erës. “Me gjithë gjasat po flasim për një erë rrotulluese, e cila e ka kthyer mbrapsht zjarrin rreth ndërtesës,” shpjegon Broemme.

Dhe sigurisht që ka pasur shumë fat. Sipas Broemme, era në një zjarr të tillë është vendimtare për përhapjen dhe shpejtësinë e flakëve. “Në një tragjedi si ajo e Havait, kushtet e favorshme për zjarrin mund të sigurojnë që ai të përhapet me një shpejtësi prej 50 kilometrash në orë ose më shumë”.

Sipas Broemme, ishte jashtëzakonisht fat i madh që era ndërroi drejtim përpara një shtëpie të vetme në atë mënyrë që e shtyu ferrin e flakëve në një drejtim tjetër. Asnjë masë paraprake e ndërmarrë nga dora e njeriut nuk mund të kishte mbrojtur shtëpinë e dikujt në një situatë të tillë.

“Dhe sigurisht që ndërtesa nuk ka qenë prej kartoni. Është jashtëzakonisht nxehtë përreth, materialet lehtësisht të djegshme mund të marrin flakë menjëherë. Këtu me siguri po flasim për një shtëpi prej guri,” thotë 70-vjeçari. Natyrisht nuk mund të spekulohet pa ditur saktësisht materialet e përdorura për Shtëpinë e Mrekullisë.

Meqë ra fjala: edhe nëse shtëpia u shpëtoi flakëve të ferrit e padëmtuar, njerëzit në pronë mund të mos i kishin mbijetuar zjarrit përreth. Broemme shpjegon: “Zjarri ka nevojë për oksigjen që të digjet. Ky është është një supozim, pasi nuk i dimë rrethanat e plota të ngjarjes. Por njerëzit do të kishin vdekur nëse flakët rreth tyre do të konsumonin të gjithë oksigjenin”.

The post ENIGMA/ I gjithë qyteti u dogj, por shpëtoi vetëm kjo shtëpi: Pse? appeared first on Albeu.com.

Zjarri që përfshiu Lahainan në ishullin Maui u përhap me një shpejtësi të frikshme dhe shkatërroi qytetin turistik historik.

Numri i të vdekurve pritet të rritet ndërsa ekipet e kërkimit vazhdojnë të kërkojnë nëpër rrënojat e djegura të qytetit, pasi zjarri dogji 1000 ndërtesa dhe la mijëra vetë të pastrehë. Zyrtarët thonë se është fatkeqësia më e rëndë natyrore në historinë e shtetit.

“Ndërsa vazhdojnë përpjekjet për shuarjen e zjarrit, 12 viktima të tjera janë konfirmuar sot mes zjarrit aktiv në Lahaina. Kjo e çon numrin e të vdekurve në 67,” thuhet në një deklaratë të qarkut Maui.

Guvernatori Josh Green ka paralajmëruar se numri ka të ngjarë të vazhdojë të rritet.

“Pa dyshim do të ketë më shumë viktima. Nuk e dimë se sa do të jetë numri përfundimtar,” tha zoti Green për televizionin CNN, para se numri të arrinte në 67.

Tre ditë pas katastrofës, mbetet e paqartë nëse banorët kishin marrë ndonjë paralajmërim përpara se zjarri të përfshinte shtëpitë e tyre. Ishulli ka sirena alarmi për të paralajmëruar për fatkeqësi natyrore dhe kërcënime të tjera, por ato nuk duket të kenë rënë gjatë zjarrit.

Shefi i zjarrfikësve të qarkut të Mauit, Bradford Ventura tha në një konferencë për shtyp të enjten se shpejtësia e zjarrit e bëri “pothuajse të pamundur” për ekipet e ndërhyrjes së shpejtë që normalisht duhet të japin urdhra evakuimi në kohë reale.

Ai vuri gjithashtu në dukje se shërbimi celular u ndërpre.

Kryetari i bashkisë Richard Bissen tha për emisionin “Today” të televizionit NBC të premten se nuk e dinte nëse ranë sirenat, por tha se zjarri u përhap jashtëzakonisht shpejt.

Katastrofa filloi të shpalosej pak pas mesnatës të së martës kur u njoftua për një zjarr në qytetin Kula, afërsisht 56 km nga Lahaina. Rreth pesë orë më vonë atë mëngjes, energjia u ndërpre në Lahaina, sipas banorëve.

Në përditësimet e postuara në Facebook atë mëngjes, qarku Maui tha se zjarri në Kula kishte shkrumbuar qindra hektarë kullota, por një zjarr i vogël prej 1.2 hektarësh që u shfaq në Lahaina ishte vënë nën kontroll.

Por atë pasdite, situata u bërë më e rëndë, kur zjarri në Lahaina mori vrull. Disa banorë filluan të evakuohen. Në orët në vijim, qarku postoi një seri urdhrash evakuimi në Facebook ndërsa zjarri u përhap në qytet. Disa dëshmitarë thanë se nuk ishin paralajmëruar në kohë dhe përshkruan tmerrin e tyre kur flakët përpinë Lahaina brenda disa minutash.

Disa njerëz u detyruan të hidheshin në Oqeanin Paqësor për të shpëtuar. Evakuimi i Lahainas u ndërlikua nga vendndodhja e saj mes bregdetit dhe kodrave, që do të thotë se në rastin më të mirë kishte vetëm dy rrugëdalje, tha Andrew Rumbach, një specialist për klimën dhe komunitetet në Institutin Urban në Uashington.

“Ky është një skenar tmerri, tha Rumbach, një ish-profesor i planifikimit urban në Universitetin e Havait. Një zjarr i shpejtë në një vend me popullsi të dendur me komunikim të vështirë, dhe jo shumë alternativa për sa u përket evakuimeve.”

Ishulli ka gjashtë streha në funksionim për të zhvendosurit dhe zyrtarët thanë se po hartojnë për strehim në hotele dhe objekte turistike.

Rreth 12,400 shtëpi dhe biznese ishin pa energji të premten, sipas qarkut të Mauit.

The post Arrin në 67 numri i viktimave nga zjarri në Havai appeared first on Albeu.com.