Situata në qarqet ku ka të pranishme vatra zjarri paraqitet si më poshtë:

Qarku Shkodër.

1.Bashkia Malësi e Madhe, vijon vatra e zjarrit në fshatin Vorfë, njësia administrative Gruemirë. Zjarri është larguar në drejtim të malit Maranajt në një sipërfaqe me pylli dhe shkurre. Terreni është shumë i thyer dhe i vështirë për ndërhyrje nga toka dhe në një distancë rreth 4 orë në këmbë. Për te vatra e zjarrit janë nisur vrojtues nga Shërbimi Pyjor. Rreziku nga stanet është larguar nga ndërhyrja e banorëve të zonës. Situata po monitorohet.

2.Bashkia Pukë, në vatrën e zjarrit në Qershizë, Fushë Kumulli, po punojnë rreth 50 trupa nga FA, zjarrfikës dhe punonjës të shërbimit pyjor. Situata eshte nën kontroll.

3.Bashkia Fushë Arrëz, në vatrën e zjarrit në fshatin Flet situata është e qetë, perimetri i zonës së djegur po monitorohet dhe mbahet nën kontroll nga punonjësit e njësisë administrative Blerim dhe shërbimit pyjor.

Në fshatin Srriqe, njësia administrative Qafë Mali, zjarri u vu nën kontroll nga helikopteri holandez dhe nuk ka problem për banesat. Vatra po monitorohet nga zjarrfikesit lokale.

Qarku Kukës.

Në Majën e Rrunës, në vendin e quajtur “Laku i Thive” njësia administrative Malzi, vatra e zjarrit vazhdon të jetë problematike në Majën e Zezë. Në terren po punojnë rreth 50 trupa nga FA, zjarrfikesit dhe punonjesit e sherbimit pyjor. Në mbështetje të operacionit ka ndërhyrë edhe një helikopter holandez. Situata momentalisht paraqitet problematike pasi nga territori i bashkisë Pukë drejt Majës së Zezë është përhapur një vatër tjeter zjarri.
Në fshati Morinë, zona Korab – Koritnik zjarri është izoluar plotësisht. Po mbahet nën monitorim nga punonjes të AdZM Kukës

Qarku Lezhë.

Vatra e zjarrit në fshatin Katund të Vjetër, njësia administrative Rubik, bashkia Mirditë është nën kontroll, po monitorohet nga specialistë të pyjeve dhe banorët.
Vatra e zjarrit në lagjen Sage, fshati Thirrë, njësia administrative Fan, bashkia Mirditë është nën kontroll pa rrezik për banesat. Me terren po punojnë forcat zjarrfikse.

Qarku Dibër.

Vatra e zjarrit në fshatin Kaçni, njësia administrative Selishtë është izoluar plotësisht, zjarri vazhdon djegie të ngadaltë brenda perimetrit të përshkuar. Po monitorohet nga punonjës të njësisë administrative.

The post Zjarret në Shqipëri: Ministria sqaron situatën, kush janë qarqet më problematike appeared first on Albeu.com.

Zjarri në Malin e Tërbunit në Pukë, vazhdon të jetë problematik. 50 efektivë të FA, 12 zjarrfikës, 8 punonjës të shërbimit pyjor, 20 vullnetarë po punojnë  për mbajtjen në kontroll te situatës që të mos rrezikohet kurora e qytetit te Pukës.

Në fshatin  Flet, në  Fushë Arrëz situata është vënë në kontroll ndërsa në fshatin Dardhë situata paraqitet më problematike për shkak të  bimësisë së dendur.

Është riaktivizuar vatra e zjarrit ndërmjet  fshatrave Drisht, Mazrek, Lundertune dhe Rragam në njësinë administrative Guri Zi dhe Pobtribe duke e kthyer këtë zonë me 3 vatra zjarri.

25 trupa nga  FA dhe 30 forca të tjera të pushtetit vendor kanë ndihmuar që situata në fshatin Patale në Lezhë të paraqitet e përmirësuar. Ndërsa në Mirditë, zjarri zhvillohet me intensitet të ulët.

Në vatrën e zjarrit në fshatin Thirrë, ka vijuar puna në terren nga 40 trupa të FA dhe 14 nga strukturat vendore. Nga ajri po kryen ndërhyrje me helikopterin holandez.

Vatra e zjarrit në “Majën e Rrunës”,  vazhdon të jetë problematike. Në terren po punojnë 15 trupa nga FA dhe 20 forca nga strukturat vendore. Situata është e vështirë për shkak të terrenit të thyer.

Zjarri ne fshatin Kaçni, njësia administrative Selishtë në Dibër, vazhdon të jetë aktiv në një sipërfaqe pyjore në terren të vështirë . Sot në terren po punojnë janë 15 trupa nga FA dhe 18 forca nga strukturat vendore.  Sipas vlerësimit të punës së bërë në terren mendohet qe deri në fund të ditës së sotme të arrihet të bëhet izolimi i vatrës.

Vatër zjarri është aktivizuar në Gurin e Nikës në Pogradec; në vendin e quajtur kodrat e Divjakës pranë parkut Kombëtar Divjakë; në fshatin Fushë Arrëz në Luftinjë si dhe në fshatin Kamican në Elbasan ku për të gjitha vatrat po punohet për mbajtjen nën kontroll të situatës.

The post Zjarret në Shqipëri: 14 vatra aktive, problematike situata në Malin e Tërbunit dhe fshatin Flet appeared first on Albeu.com.

ZJARRET NË PYJE

Sot pasdite (e premte dt.13) dhe nesër (e shtunë dt.14) pritet nivel “I LARTË” rreziku në shumicën e qarqeve dhe nivel “I MODERUAR’’ rreziku në qarqet Kukës dhe Dibër (siç tregohet në tabelë, respektivisht për secilin qark).

Në zona të lokalizuara pritet rrezik “I LARTË”, konkretisht: Kukës (Vl) dhe Dibër (Vp).

Rreziku pritet të jetë më i lartë ditën e nesërme.

RESHJET

Sot pasdite (e premte dt.13) dhe nesër (e shtunë dt.14) nuk priten reshje në të gjitha qarqet (siç tregohet në tabelë, respektivisht për secilin qark).

TEMPERATURAT

Nesër (e shtunë dt.14) temperaturat minimale dhe maksimale të ajrit pritet të arrijnë:

në bregdet: 24 / 37 °C
në vendet e ulëta: 21 / 37 °C
në vendet malore: 16 / 32°C

Era

Sot pasdite (e premte dt.13) dhe nesër (e shtunë dt.14) era pritet të fryjë e lehtë.

The post IGJEUM paralajmëron qytetarët: Dy qarqet më të rrezikuara nga zjarret ditën e nesërme appeared first on Albeu.com.

Sipas Institutit të Gjeoshkencave, Energjisë, Ujit dhe Mjedisit, rreziku pritet të jetë më i lartë ditën e premte, veçanërisht për disa zona, konkretisht: Shkodër (Jp), Kukës (Vl) dhe Dibër (Vp).

Ndërkohë që nuk priten reshje shiu, temperaturat parashikohen të pësojnë një rënie të lehtë.

ZJARRET NË PYJE

Sot pasdite (e enjte dt.12) dhe nesër (e premte dt.13) pritet nivel “I LARTË” rreziku në shumicën e qarqeve dhe nivel “I MODERUAR’’ rreziku në qarqet Shkodër, Kukës dhe Dibër (siç tregohet në tabelë, respektivisht për secilin qark).

Në disa qarqe pritet rrezik “I LARTË” vetëm në zona të lokalizuara, konkretisht: Shkodër (Jp), Kukës (Vl) dhe Dibër (Vp). Rreziku pritet të jetë më i lartë ditën e nesërme.

RESHJET

Sot pasdite (e enjte dt.12) dhe nesër (e premte dt.13) nuk priten reshje në të gjitha qarqet (siç tregohet në tabelë, respektivisht për secilin qark).

TEMPERATURAT

Nesër (e premte dt.13) temperaturat minimale dhe maksimale të ajrit pritet të arrijnë:

në bregdet: 24 / 37 °C
në vendet e ulëta: 22 / 37 °C
në vendet malore: 17 / 33°C

Era
Sot pasdite (e enjte dt.12) dhe nesër (e premte dt.13) era pritet të fryjë e lehtë.

The post Rreziku nga zjarret, IGJEUM tregon 3 qarqet më në riks: Kini kujdes! (FOTO LAJM) appeared first on Albeu.com.

Ndërsa vijon puna puna nga toka dhe nga ajri për të izoluar vatrat e zjarrit në “Majën e Rrunës”, njësia administrative Malzi. “Situata nuk paraqet më rrezik për tunelin e Kalimashit, u shpreh Peleshi, duke shtuar se falë punës së përkushtuar është shpëtuar djegia e Parkut të Llogarasë.

“Pas 2 javësh në betejë me zjarret në të gjithë territorin e Shqipërisë, situata sot paraqitet me e qetë. Në të gjithë vendin janë shuar 175 zjarre, ndërsa mbeten aktive 9 vatra. Në këto operacione janë angazhuar rreth 3 mijë efektivë të Forcave të Armatosura, rreth 150 mjete të FA, rreth 300 forca policore, rreth 1800 forca zjarrfikëse, mbi 370 mjete të MZSH, 20 ambulanca, mbi 1 mijë punonjës bashkiakë, mbi 300 punonjës të shërbimit pyjor, 101 punonjës të Agjencisë së Zonave të Mbrojtura dhe 822 forca vullnetare.

Ndërhyrja nga ajri u krye përmes ekuipazheve të 7 helikopterëve të Shqipërisë, Holandës dhe Çekisë. Një ndihmë e madhe në punën për shuarjen e zjarreve ishte edhe mbështetja me pajisje nga SHBA. Aktualisht nuk ka më vatra zjarri në gadishullin e Karaburunit, por puna po vijon në Dukat të Ri, nga toka dhe nga ajri për të normalizuar tërësisht situatën për të shmangur çdo mundësi riaktivizimi. Më e qetë paraqitet situata edhe në Mirditë, ku po vijon puna për stabilizimin e flakëve në fshatin Thirrë.

Nën kontroll po mbahen vatrat në fshatin Munellë dhe Domgjon.

Po vijon puna nga toka dhe nga ajri për të izoluar vatrat e zjarrit në “Majën e Rrunës”, njësia administrative Malzi. Situata nuk paraqet më rrezik për tunelin e Kalimashit. Nën monitorim janë disa vatra zjarri në vendin e quajtur Dragodi, në Luginën e Valbonës në Tropojë, ku dyshohet zjarrvënie e qëllimshme. Janë izoluar vatrat në drejtim të fshatit Patalej në Lezhë. Vijon puna për normalizimin e vatrës së riaktivizuar në zonën e Mbrojtur te Guri i Nikës në Pogradec, ku nuk paraqitet rrezik për banesa. Janë drejt shuarjes përfundimtare vatrat e zjarrit në Malin e Tomorrit dhe në fshatin Therepel në Skrapar”, tha Peleshi.

The post Peleshi për zjarret në Shqipëri: Situata më e qetë, shpëtuam Parkun e Llogarasë! appeared first on Albeu.com.

Ministria e Mbrojtjes ka bërë publike të dhënat e fundit rreth këtij aksioni duke zbuluar vatrat e shuara dhe vatrat që ende janë një rrezik serioz.

NJOFTIMI:

Prej orëve të para të mëngjesit është intensifikuar puna për shuarjen e zjarreve në vatrat aktive të mbetura në të gjithë territorin e vendit.

Zjarri në Gadishullin e Karaburunit, njësia administrative Orikum, bashkia Vlorë është eleminuar në pjesën më të madhe të vatrave, por është riaktivizuar një vatër intensive në malin e Dukatit, e cila ishte e shuar pak ditë më parë. Sot në mbështetje të forcave tona operacionale është edhe një helikopter i ardhur nga Holanda.

Gjatë natës ka patur një vatër të re në Gjirin e Gramës, ku gjithashtu po punohet për shuarjen e flakëve me forca të shtuara.

Zjarri pranë pikës kufitare Rips në fshatin Livadhja, bashkia Finiq ka rënë në një terren të vështirë, por po mbahet nën kontroll për të shmangur rrezikun e banesave.

Një zjarr i rënë në fshatin Gjorgos, njësia administrative Cakran, bashkia Fier ka angazhuar forcat operacionale prej orësh, të cilët po punojnë për ta mbajtur nën kontroll. Në mbështetje të tyre ka shkuar edhe helikopteri i ardhur nga Çekia.

Zjarri në Majën e Rrunës, njësia administrative Malzi, bashkia Kukës, aktualisht po mbahet nën kontroll, për të mos e lënë të përhapet në zona të banuara. Për shkak të terrenit të vështirë forcat nuk mund të ndërhyjnë dot në të gjithë zonën.

Zjarri pranë luginës së Valbonës, fshati Klysyrë, njësia administrative Margegaj, bashkia Tropojë nuk ka përhapje dhe aktualisht është tërësisht i kontrollueshëm e me intensitet të ulët.
Zjarri është nën kontroll edhe në fshatin Vermosh, njësia administrative Kelmend, bashkia Malësi e Madhe.

Puna e forcave të emergjencave civile po vijon për të mbajtur nën kontroll flakët edhe në vatrat e hapura në fshatin Thirrë, njësia administrative Fan, bashkia Mirditë si dhe në fshatin Munellë-Domgjon, po në këtë bashki. /albeu.com/

The post Zjarret në Shqipëri! Ministria e Mbrojtjes: Kjo është vatra më e rrezikshme, nisin punën helikopterët “e miqve” appeared first on Albeu.com.

Pas një pune të palodhur dhe të pandërprerë të efektivëve të Forcave të Armatosura dhe punonjësve të shërbimeve zjarrfikëse e pushtetit vendor janë arritur të izolohen disa nga vatrat e zjarrit në vend, por ende mbeten active disa të tjera.

Në Karaburun puna po vijon për shuarjen totale të flakëve, edhe pse është mbyllur pjesa më e madhe. Momentalisht nuk ka asnjë rrezik.

Në Gjirokastër situata është stabilizuar. Mbetet aktive një vatër në fshatin Saraqinisht, e cila nuk paraqet rrezik.
Edhe zjarri në fshatin Gadurovë, në Mallakastër është nën kontroll dhe pa rrezikshmëri.

Zjarri në fshatin Cukal, në Shkodër vijon të jetë aktiv, por pa rreziqe të evidentuara.
Në malin e Shëngjinit, në Lezhë vatra është izoluar.

Zjarri në fshatin Kalis, në Kukës po mbahet nën kontroll, ndërsa është eleminuar rreziku për banesat.
Ndërkaq problematike situata e zjarrit vijon të jetë në Majën e Rrunës, në Kukës. Flakët kanë përfshirë pjesën më të madhe të malit, por situata po mbahet nën kontroll për të mos rrezikuar banesa.

The post Situata e zjarreve në vend: Stabilizohet situata në Gjirokastër, problem Karaburuni dhe Kukësi appeared first on Albeu.com.

Në artikullin e tij, CNN shkruan se situata nga zjarret në këto rajone është e rëndë dhe se dëmet janë të pallogaritshme, duke përmendur kështu zonat më të prekura nga zjarret siç janë Turqia, Italia, Maqedonia e Veriut dhe Greqia.

Por CNN ka shkruar edhe për zjarret në Shqipëri dhe në qarkun e Vlorës, ku është situata më kritike. Mediumi shkruan se në Shqipëri janë aktiv 120 zjarri. Më tej në artikull shkruhet edhe për ndihmat që po vijnë nga shtetet evropiane për vendet që janë përfshirë nga flakët.

Pjesë nga artikulli:

Komisioni Evropian tha se po punonte gjatë gjithë kohës për të mobilizuar mbështetjen për operacionet e shuarjes së zjarrit në vendet më të goditura. Dy aeroplanë zjarrfikës po dërgohen të mërkurën nga Franca në zonat e prekura në Ital, dhe dy avionë zjarrfikës nga Qipro po mbështesin Greqinë. Hollanda dhe Republika Çeke po dërgojnë helikopterë në Shqipëri, dhe Sllovenia po vendos 45 zjarrfikës në Maqedoninë e Veriut.

Presidentja e Komisionit Evropian Ursula von der Leyen shkroi në Twitter se po e ndiqte situatën me shqetësim të madh. Një numër zjarresh po digjen në lindje dhe verilindje të Maqedonisë së Veriut, sipas Qendrës Koordinuese të Reagimit të Emergjencave të Komisionit Evropian (ERCC), duke detyruar evakuimet nga qyteti i Koçanit. Shqipëria është pasuar më shumë se 120 zjarre javët e fundit pas temperaturave të larta, me rajonin e Vlorës që përballet me situatën më kritike, tha ERCC.

Shoqata e fermerëve italianë, Coldiretti, tha të mërkurën se analiza e të dhënave të zjarrit tregoi se zjarret e mëdhenj ishin trefishuar në verën e vitit 2021 në krahasim me mesataren historike nga 2008 në 2020, duke shkaktuar dëme me vlerë miliona euro për mjedisin, ekonominë, puna dhe turizmi. Zjarret kanë djegur dhjetëra mijëra hektarë pyje dhe shkurre mesdhetare në të gjithë vendin, tha ai, duke lënë kafshë të ngordhura dhe pemë të djegura, ullishte dhe kullota pas tyre, si dhe kërcënuese për zonat urbane.

The post CNN flet për zjarret në Shqipëri: 120 vatra zjarri, ky është qarku më i rrezikuar (FOTO LAJM) appeared first on Albeu.com.

Së fundmi  një vatër e re zjarri ka rënë mbrëmjen e sotme në vendin tonë. Mësohet se flakët kanë përfshirë Bjeshkët e Arrnit në Kukës, pranë tunelit.

Vendi ynë ndodhet në një situatë të vështirë me zjarret që prej disa ditësh. Më problematike deri më tani shfaqet situata në Gjirokastër ku ka prezente disa vatra në fshatra të ndryshme të Antigonesë.

Një ditë më parë në Gjirokastër u regjistrua viktima e parë nga flakët në Shqipëri. Ai ishte Andrea Haxhiaj, i cili nuk mundi dot t’i mbijetonte plagëve të marra nga flakët.

The post Nuk ndalen zjarret në vend, një tjetër vatër e re në Kukës appeared first on Albeu.com.

Sipas IGJEUM, në datë 4 (sot) dhe 5 gusht (nesër), pritet një nivel i lartë rreziku në pjesën më të madhe të qarqeve të vendit. Ndërkohë, lidhur me reshje të mundshme të shiu, të ditët në vazhdim nuk pritet të ketë reshje në asnjë qark të vendit.

“Sot pasdite (e mërkurë dt. 04) dhe nesër (e enjte dt. 05) pritet nivel “I LARTË” rreziku në pjesën më të madhe të qarqeve (siç tregohet në tabelë, respektivisht për secilin qark). Qarqet me rrezik më të lartë janë qarqet e Fierit, Vlorës dhe Gjirokastrës.

Në qarqet Shkodër, Dibër dhe Lezhë pritet rrezik “I MODERUAR”. Rreziku pritet të jetë më i lartë gjatë ditës së nesërme. Sot pasdite (e mërkurë dt.04) dhe nesër (e enjte dt. 05) nuk priten reshje (siç tregohet në tabelë, respektivisht për secilin qark)”- shkruhet në njoftim.

The post Alarmi nga zjarret! IGJEUM paralajmëron 3 qarqet më të rrezikuara (FOTO LAJM) appeared first on Albeu.com.