Flakët po rrezikojnë banesat ndaj është kërkuar ndihmë e menjëhershme. Në vendin e ngjarjes kanë mbërritur 2 zjarrëfikëse ndërkohë që po ashtu në terren janë dhe 10 efektivë. Banorët e zonës po ashtu janë në terren për të ndihmuar në shuarjen e zjarreve.

Vijon… /albeu.com/

The post Zjarr i madh në Vlorë! Flakët po rrezikojnë banesat, zjarrëfikësit e efektivët në terren appeared first on Albeu.com.

Mbetet ende një vatër në fshatin Patalej në bashkinë Lezhë, ku është angazhuar edhe një mjet helikopter për shuarjen e flakëve nga ajri.

Ndërkohë sot është mësohet se është raportuar një vatër zjarri në zonën pyjore, në malin e Tërbunit në Pukë, ku janë angazhuar forcat e shërbimit pyjor, të zjarrfikëses, Agjencisë së Zonave të Mbrojtura dhe banorë të zonës për të vënë situatën nën kontroll.

Edhe në fshatin Radat të bashkisë Dropull ka rënë zjarr. Mësohet se një vatër zjarri është konstatuar para pak minutash në fshatin kodrinor, në kufi me Greqinë.

Mendohet se flakët janë vënë nga dy barinj që kullosin bagëtitë në zonë.

The post Lufta me zjarrin, ja sa vatra aktive ka në të gjithë Shqipërinë appeared first on Albeu.com.

Ministria e Mbrojtjes: Më në fund pas 2 javësh mundi dhe sakrificash, nuk ka më vatra zjarri në Karaburun. Qindra orë betejash, qindra trupa të Forcave të Armatosura e forcave zjarrfikëse, specialistë të zonave të mbrojtura dhe emergjencave civile kanë punuar pa u lodhur për të shpëtuar Parkun Kombëtar të Llogarasë.

Kjo stinë e nxehtë s’ka mbaruar por sot, në këtë moment frymëmarrjeje dua t’i falenderoj të gjithë ata që dhanë gjithçka në këto ditë të vështira. Të gjithë po bëjmë detyrën por disa heronj shkojnë përtej detyrës.

Prefekti Flamur Mamaj, komandantët që drejtuan operacionet e vështira Gëzimi, Pëllumbi, Idrizi, Arbeni, punonjësit e Agjencisë së Mbrojtjes Civile, punëtorët e palodhur të zonave të mbrojtura si Nexhipi, Ganiu e te tjerët që nuk i takova dot sepse ishin gjithë kohën në frontin e betejës me zjarret, pilotët Julian, Agimi, Ervini dhe Agroni,  janë shqiptarë të rrallë që meritojnë respekt dhe mirënjohje.

Nuk mund ta le mënjanë çdo ushtar të thjeshtë që nuk ia mësova dot emrin por i pashë veprën.

Sfida vazhdon.

Ne jemi të gatshëm në krah të komuniteteve lokale. /albeu.com/

The post Lajm i mirë! Dy javë luftë, sot nuk ka asnjë vatër zjarri aktive në Karaburun appeared first on Albeu.com.

Kështu, në pranga ka rënë:

-Fier: Arben Muskaj dhe Zarif Muskaj janë arrestuar, pasi akuzohen për shkatërrim të pronës me zjarr e kryer në bashkëpunim. Këta dy persona, dyshohet se në bashkëpunim me njëri tjetrin i vunë zjarrin pyllit të fshatit Gjorgoz si dhe pyllit në fshatin Kreshpan. Në datë 06.08.2021, në bashkëpunim me njëri-tjetrin, i kanë vënë zjarrin pyllit të fshatit Gjorgoz, Fier, ku është djegur një sipërfaqe prej 4 hektarë me shkurre e pisha.

-Durrës: Artur Beqiri është arrestuar pasi dyshohet se ka vendosur zjarr një sipërfaqe toke duke djegur bimësi të egër kallamishte. Beqiri akuzohet për veprën penale “Shkatërrim i pronës me zjarr”.

Belsh: Arrestohet në flagracë shtetasi Nexhip Hortja, për veprën penale “Shkatërrimi i pronës me zjarr”.

Librazhd: shpallet në kërkim policor Riza Duka, për veprën penale “Shkatërrimi me zjarr i pyjeve dhe i mjedisit pyjor”. /albeu.com/

The post Me emër e mbiemër! Kush janë “të rrezikshmit” që i vunë flakën Shqipërisë appeared first on Albeu.com.

“Ka një vatër jashtëzakonisht të rrezikshme edhe në Gjirokastër për të cilën bëj thirrje që policia të evakuojë banorët. Ka probleme serioze edhe në Kukës,” deklaroi mbrëmë Ministri i Mbrojtjes, Niko Peleshi.

Helikopterët nga BE fillojnë fluturimet

Tre helikopterë të fuqishëm zjarrfikës, ndihmë për Shqipërinë në shuarjen e zjarreve, të vëna në dispozicion prej aktivizimit të Mekanizmit të Mbrojtjes Civile të Bashkimit Europian, (BE), mbërritën të premten në aeroportin ndërkombëtar të Tiranës, në Rinas dhe të shtunën, (07.08) fillojnë fluturimet për të shuar 10 vatrat aktive të përqëndruara në Veri dhe në Jug të vendit.

Ministri i Mbrojtjes, Niko Peleshi, theksoi se me kontributin e tyre ka shpresa që sot të shuhen vatrat e rrezikshme të zjarrit në Gadishullin e Karaburunit,” që kërcënojnë Parkun Kombëtar të Llogarasë, një prej mushkërive më të rëndësishme të Shqipërisë”, vuri ai në dukje.

Solidaritet i BE me Shqipërinë

Ambasadori i Delegacionit të BE në Tiranë, Luigi Soreca, e vlerësoi mbërritjen në Shqipëri të helikopterëve zjarrfikës nga Mekanizmi i Mbrojtjes Civile të BE, tregues “i solidaritetit të BE ndaj popullit shqiptar”.

Tre helikopterët, dy nga Hollanda dhe një nga Çekia, do t’i bashkohen sot flotës vendase për shuarjen e zjarreve në 10 vatrat e mbetura. Në mbështetjen e BE, krahas helikopterëve do të jenë edhe 50 efektivë ushtarakë, “të specializuar në fushën e emergjencave civile, që do t’i bashkohen efektivave vendase,” theksohet në njoftimin zyrtar të Ministrisë së Mbrojtjes./DW

The post Flakë në Veri e në Jug të Shqipërisë, ende vatra zjarri agresive appeared first on Albeu.com.

Rama shkruan se ndërkohë që lufta vazhdon, ka disa lajme të mira për shqiptarët dhe qytetarët të cilët po përballen me flakët.

“48 forca speciale dhe zjarrfikës po punojnë në majën e malit në kufi të Parkut të Llogarasë.

Forcat tona po arrijnë të largojnë nga parku zjarrin…”- shkruan ndër të tjera Rama në Facebook.

POSTIMI I PLOTË I RAMËS:

Ndërsa lufta vazhdon me flakët në vend, disa lajme të mira ka:

E keqja e madhe në disa fshatra të Selenicës së Vlorës u shmang. Por nga ana tjetër trupa dhe mjete janë shtuar për t’i dhënë fund vatrave të zjarrit.

Në zonë po punon edhe një helikopter.

Në Llogara është rikthyer optimizmi falë erës në favor ndërsa një helikopteri tjetër po hedh ujë.

48 forca speciale dhe zjarrfikës po punojnë në majën e malit në kufi të Parkut të Llogarasë.

Forcat tona po arrijnë të largojnë nga parku zjarrin.

***Ndërhyrje gjithashtu janë bërë edhe në Vithkuq (Korçë), në Mallakastër, në Tarabosh (Shkodër), Qerem (Tropojë), Kalise (Kukës), Mavropull (Delvinë). /albeu.com/

The post Zjarri po rrezikon banesat, Rama: Kam lajme të mira! appeared first on Albeu.com.

Disa pamje të shkëputura nga aksioni i helikopterit që është në gatishmëri për të shuar flakët në Himarë ku shihet se si mbushet me ujë në plazhin e Livazhdit.

Siç shihet edhe në foto, helikopteri i Forcave Ajrore ulet për t’u mbushur me ujë në plazhin e Livadhit në Himare dhe më pas niset për në vatrat e zjarrit.

Gjithsej janë 13 vatra aktivë në vende të ndryshme të Shqipërisë. Zona më në rrezik për momentin është ajo e Fushë Arrëzit ku flakët kanë shkuar pranë banesave. /albeu.com/

The post 13 vatra zjarri! Helikopteri mbushet me ujë në plazhin e Livadhit për të shuar flakët (FOTO LAJM) appeared first on Albeu.com.

Media greke Protothema ka shkruar një artikull, ku sipas saj, zjarret në Shqipëri kanë hyrë në territorin grekë.

Protothema shkruan se zjarret kanë kapur zonën e Limeri Filiates këtë pasdite, duke shtuar se zjarri është hapur në një zonë pyjore, por që nuk kërcënon vendbanimet.

Shkrimi i plotë:

Zjarri që po mori jetë në Shqipëri hyri në territorin grek, në zonën e Limeri Filiates, këtë pasdite.

Zjarri po digjet në një zonë të pyllëzuar dhe të paarritshme, të pa kërcënuar vendbanimet për momentin. Shtatë automjete të Shërbimit Zjarrfikës me 17 zjarrfikës janë vendosur në pikat kryesore .

Në të njëjtën kohë, makinat dhe buldozerët janë zhvendosur nga Mbrojtja Civile, ndërsa është kërkuar ndihma e mjeteve ajrore.

The post Mediat greke vënë alarmin: Zjarri nga Shqipëria po na djeg vendin! (FOTO LAJM) appeared first on Albeu.com.

Sipas Institutit të Gjeoshkencës, ditën e nesërme temperaturat pritet të shkojnë deri në 38 gradë C dhe për pasojë niveli i rrezikut nga zjarret është i lartë në pjesën më të madhe të qarqeve.

Më të rrezikuar janë Fieri, Vlora dhe Gjirokastra, qarqe ku edhe tashmë situata është mjaft kritike nga zjarret. Po ashtu, sipas IGJEUM, në alarm për rrezikun nga zjarret duhet të jenë edhe qarku i Kukësit, Durrësit, Tiranës, Elbasanit, Beratit e Korçës. Më i moderuar rreziku paraqitet në Shkodër, Dibër dhe Lezhë.

Zjarret në Gjirokastër u shuan paraditen e sotme, por qetësia nuk zgjati shumë, pasi u riaktivizuan dy vatra, ajo në fshatin Arshi Lengo dhe në fshatin Saraqinisht. Dje zjarri rrezikoi seriozisht banesat e 3 fshatrave në Lunxheri, konkretisht fshatrat Krinë, Asim Zeneli dhe Arshi Lengo, ku u dha urdhër evakuimi për banorët në mënyrë që të mos u rrezikohej jeta, por fatkeqësisht u shënua edhe viktima e parë nga zjarret.

Në përpjekje për të shuar zjarrin që i kishte shkuar pranë banesës së tij, ka humbur jetën Andrea Haxhiaj, kurse e plagosur mbeti edhe bashkëshortja e tij, e cila pësoi djegie dhe asfiksim në nga tymi. Ajo është dërguar në Tiranë për kurim më të specializuar. Gjatë luftës me flakët pësoi gjendje asfiksimi edhe ushtari i Forcave të Armatosura, Edlir Goxhaj, i cili ndodhet në spital jashtë rreziku për jetën. Si pasojë e zjarrit 700 hektarë janë shkatërruar në Gjirokastër.

Ndërkohë ende problematike është edhe situata në Vlorë, ku pas 12 ditësh “luftë”, flakët nuk janë “bindur” dhe vijojnë të “përpijnë” pyjet dhe kullotat. Në ditën e nëntë të zjarreve në Karaburun sot situata paraqitet më e qetë, konkretisht në shtëpitë afër fshatit Dukat i Ri ashtu dhe në Pashaliman, ku situata ishte më e rënduar.

Edhe sot vatrat e zjarrit vijojnë të jenë aktive mbi bazën e Pashalimanit si dhe në Malin e Dukatit, ku vijon beteja për shuarjen e tyre./shqiptarja.com

The post Rritet kërcënimi nga zjarret, IGJEUM: Fieri, Vlora dhe Gjirokastra, qarqet më të rrezikuara! appeared first on Albeu.com.

Kreu i Emergjencave Civile Haki Çako nga Dukati udhëzoi forcat e ushtrisë të bëjnë një kordon duke punuar me kazma dhe lopata, për të parandaluar përhapjen e flakëve.

“Për të prevaluar çdo lloj faze, pjesa tjetër e ushtarëve duhet bërë kordon larg zjarrit. Do punuar pjesa tjetër. Me kazëm me lopatë me motorrsharë me gjithçka. Duhet krijuar kordoni.

Pjesa tjetër duhet të punojë me të njëjtin parim. Duhet të punojë me parimin e tokës së djegur. Nuk ka formë tjetër. Duhet gjetur një drejtim”, u shpreh ai. /abcnews.al

The post Vlora nën flakë! Ushtria zbret në terren me “Range”, Çako: Krijoni kordon me kazma (VIDEO) appeared first on Albeu.com.