Zjarr ne ishullin e Sazanit Archives - Albeu.com

Zjarri në Sazan, Peleshi: Situata vijon të jetë kritike, tymi po rrezikon qëndrimin në zonë

E B — Mon, 06 Jun 2022 08:03:57 +0000

Vatra e zjarrit në ishullin e Sazanit mbetet aktive. Prej tre ditësh ishulli është përfshirë nga flakët të cilat kanë djegur sipërfaqe me shkurre dhe pemë.

Në zonën jugore të ishullit të Sazanit, që prej mesditës së të dielës, 61 efektivë të Forcës Detare dhe asaj Tokësore, por edhe punonjës të Agjencisë së

Zonave të Mbrojtura dhe forcat zjarrfikëse të Vlorës janë angazhuar për shuarjen e flakëve në ishull.

Terreni dhe bimësia e dendur kanë vështirësuar tej mase ndërhyrjen e trupave, ndërkohë që si një ish-repart ushtarak, rrezik paraqesin dhe municionet e pashpërthyera.

Përmes një postimi në Facebook, ministri i Mbrojtjes Niko Peleshi thotë se situata vijon të jetë kritike.

Postimi i Peleshit:

Trupat në terren vazhdojnë përpjekjet për shuarjen e flakëve.

Prej orëve të para të ditës ka rinisur puna për shuarjen e zjarrit në ishullin e Sazanit. Situata vijon të jetë kritike, pasi flakët përhapen për shkak edhe të erës. Është shtuar numri i efektivëve që janë angazhuar në aksionin e shuarjes së zjarrit, me pjesëtarë të Flotiljes Detare në Pashaliman, efektivë të Forcave Speciale, zjarrfikëses së Vlorës dhe vullnetarë.

Tymi i krijuar rrezikon qëndrimin në zonë, ndërsa përpjekjet po vijojnë për të mbajtur situatën nën kontroll./albeu.com

The post Zjarri në Sazan, Peleshi: Situata vijon të jetë kritike, tymi po rrezikon qëndrimin në zonë appeared first on Albeu.com.

Përfshihet nga zjarri Ishulli i Sazanit, mobilizohen forcat e ushtrisë për shuarjen e flakëve (VIDEO)

E B — Sun, 05 Jun 2022 14:38:36 +0000

Një zjarr ka rënë në Ishullin e Sazanit. Zjarri ka nisur prej orëve të mesditës dhe situata paraqitet serioze.

Për të shuar flakët kanë shkuar dhe forcat e ushtrisë dhe punonjës nga zonat e mbrojtura. Ende nuk dihet se çfarë e ka shkaktuar zjarrin.

Kujtojmë se dhe disa ditë më parë pati zjarr, por situata u vu nën kontroll shpejt./albeu.com

The post Përfshihet nga zjarri Ishulli i Sazanit, mobilizohen forcat e ushtrisë për shuarjen e flakëve (VIDEO) appeared first on Albeu.com.

Vihet në kontroll zjarri në ishullin e Sazanit, dyshohet se ishte i qëllimshëm

E S — Sat, 04 Jun 2022 06:13:03 +0000

Një vatër zjarri e evidentuar dje në mbrëmje në jug të ishullit të Sazanit në Vlorë për fat të mirë është vënë nën kontroll.

Për shuarjen e flakëve kanë shkuar në vendngjarje 30 afektivë të anijes së gatshme dhe efektivë të Qendrës së Vëzhgimit Detar, të cilët bënë të mundur vënien nën kontroll të flakëve.

Në drejtim të Sazanit kanë shkuar edhe efektivët e bazës së Pashalimanit të imbarkuar në anijen P134.

Ministri i Mbrojtjes Niko Peleshi bën të ditur se aktualisht është kufizuar përhapja e zjarrit dhe po punohet për të shuar edhe pjesën e mbetur. Dyshimet e para janë për një zjarr të qëllimshëm.

The post Vihet në kontroll zjarri në ishullin e Sazanit, dyshohet se ishte i qëllimshëm appeared first on Albeu.com.