Referuar mediave vendase, flakët shpërthyen të shtunën pasdite fillimisht në një zonë pyjore, përpara se të përhapeshin me shpejtësi drejt kompleksit industrial. Si pasojë, janë dëmtuar biznese dhe banesa. Ndërkohë, një fabrikë përpunimi nafte dhe një impiant riciklimi vijojnë të digjen, megjithëse zjarrfikësit po punojnë intensivisht për ta vënë situatën nën kontroll.

Për shkak të tymit toksik, autoritetet u kanë kërkuar banorëve të mbajnë dritaret të mbyllura dhe të shmangin sa më shumë daljet jashtë.

Gjatë operacionit për shuarjen e flakëve, pesë zjarrfikës kanë përfunduar në spital. Tre prej tyre kanë shfaqur probleme me frymëmarrjen, një është lënduar në dorë, ndërsa një tjetër është shtruar për shkak të lodhjes.

The post Zjarr masiv pranë Selanikut përfshin fabrikë nafte, dëmtohen shtëpi dhe biznese appeared first on Albeu.com.