Të dhënat nga terreni tregojnë se operacioni po pengohet nga relievi i thepisur malor. Ndërkohë, temperaturat e larta dhe era e fortë po ndihmojnë në përhapjen me shpejtësi të flakëve.

Forcat e emergjencës po punojnë për izolimin e vatrës, ndërsa autoritetet po ndjekin nga afër zhvillimet për të parandaluar avancimin e zjarrit në drejtim të zonave të banuara.

Prej disa ditësh, Agjencia Kombëtare e Mbrojtjes Civile e kishte renditur qarkun e Elbasanit mes zonave me rrezik të lartë për zjarre, si pasojë e valës së të nxehtit që ka përfshirë vendin gjatë fundjavës.

Deri në këtë fazë nuk ka raportime për persona të lënduar. Autoritetet u kërkojnë qytetarëve të tregojnë kujdes dhe të mos ndërmarrin veprime që mund të krijojnë vatra të tjera zjarri.

The post Flakë të mëdha në Gurshpatë të Librazhdit, relievi malor vështirëson operacionin appeared first on Albeu.com.

Ngjarja ka ndodhur pasditen e të shtunës në lagjen “11 Nëntori”.

Në apartament ka qenë një 55-vjeçar, i cili gjatë kohës që ka ndërhyrë për të fikur zjarrin, është lënduar lehtë.

Pasi mori mjekim në spital, 55-vjeçari u largua për në banesë.

Zjarri është shuar, teksa dyshohet se u shkaktua për shkak të një shkëndije në pajisjen elektrike të ngrohjes.

Njoftimi i policisë:

Elbasan/Informacion paraprak

Në lagjen “11 Nëntori”, dyshohet se për shkak të një shkëndije në pajisjen elektrike të ngrohjes, ka rënë zjarr në banesën e shtetasit K. K., 55 vjeç, i cili gjatë kohës që ka ndërhyrë për të fikur zjarrin, është lënduar lehtë dhe pasi mori mjekim në spital, u largua për në banesë.

Grupi hetimor vijon punën për zbardhjen e plotë të shkakut të rënies së zjarrit.

The post Përfshihet nga flakët apartamenti në Elbasan, lëndohet 55-vjeçari që u përpoq të fikte zjarrin appeared first on Albeu.com.