Dhjetëra lagje janë evakuuar, ndërsa mijëra turistë janë larguar nga ishujt të trembur nga zjarret. Sipas përditësimeve të fundit, situata paraqitet e rëndë në Korfuz, Rodos dhe Evia, me autoritetet që kanë urdhëruar evakuimin e menjëhershëm nga zonat e rrezikuara.

BBC raporton se 19,000 njerëz u larguan gjatë fundjavës nga ishulli i Rodos. Për fat të mirë nuk ka të lënduar nga zjarret në Rodos. Ndërkohë, për sa i përket zjarreve në në Korfuz, zyrtarët bëjnë fjalë për zjarrvënien. Në Korfuz zjarri është ndezur në pjesën veri-lindore të ishullit dhe në jug të Perithias, por sipas zjarrfikësve ende nuk ka arritur në asnjë vendbanim.

Për shuarjen e zjarrit po punojnë 62 zjarrfikës me 21 automjete dhe tre grupe të njësive këmbësore, ndërsa nga ajri dy helikopterë dhe dy avionë.

Më herët, kryetari i bashkisë së Korfuzit të Veriut, Giorgos Mahimaris foli për zjarrvënie, pasi zjarri shpërtheu njëkohësisht në tre vende të ndryshme në shpatet e malit Pantokratoras. Ai vetë ishte në front që në momentin e parë, shkoi në të gjitha zonat e diskutueshme dhe formuloi vlerësimin e zjarrvënieve.

Siç tha ai, pas një beteje gjithë natën me flakët, nuk është djegur asnjë shtëpi, por zjarri llogaritet të ketë djegur deri më tani 20 mijë hektarë. Në Evia, ku po fryjnë erëra të forta, po operojnë 77 zjarrfikës, 25 automjete, tre ekipe të njësive këmbësore dhe tre avionë./albeu.com/

The post Greqia nën “pushtetin” e zjarreve, evakuohen 19 mijë persona në Rodos, 20 mijë hektarë të djegur në Korfuz appeared first on Albeu.com.

Ka dy javë që Greqia dhe Turqia po luftojnë me zjarret shkatërruese, pasi rajoni po përballet me valën e tij më të keqe të të nxehtit në disa dekada.

Zyrtarët dhe ekspertët kanë thënë se kjo situatë është pasojë e ndryshimit të klimës.

Deri më tani, nga zjarret janë vrarë dy persona në Greqi dhe tetë në Turqinë fqinje, si dhe dhjetëra të tjerë janë shtruar në spital.

Derisa në Turqi reshjet e shiut e qetësuan pak situatën, në Greqi temperaturat po vazhdojnë të jenë të larta.

Ishulli Evia, i cili shtrihet në lindje të kryeqytetit, po e pëson më së keqi me mijëra hektarë të kthyera në hi dhe shkatërrime të shtëpive. Mijëra njerëz janë evakuuar.

Zjarrëfikësve grekë po u dalin në ndihmë edhe zjarrëfikësit nga vendet tjera përfshirë Ukrainën dhe Rumaninë.

Një zyrtar i shërbimit zjarrfikës i tha gazetës “Eleftheros Typos” se nxehtësia nga zjarret në Evia dhe vende tjera ishte aq e lartë saqë “avullohej edhe uji nga avionët dhe mjetet tjera” para se të arrinte në vatrën e zjarrit.

Zëvendësministri grek i Mbrojtjes Civile, Nikos Hardalias, tha të shtunën (7 gusht) se u është ofruar strehim i përkohshëm 2.000 njerëzve që janë evakuuar.

Sipas Sistemit Evropian të Informacionit të Zjarrit dhe Pyjeve në 10 ditët e fundit 56,655 hektarë tokë janë djegur në Greqi. Numri mesatar i hektarëve të djegur gjatë së njëjtës periudhë midis 2008 dhe 2020 ishte 1.700 hektarë. /Rel/

The post Shtëpi të shkatërruara e banorë të avakuuar, lufta me flakët në Greqi nuk ka të ndaluar appeared first on Albeu.com.

Mediat greke shkruajnë se ky fshat ka dy dalje: një në Lala ku po digjet aktualisht dhe një tjetër në Mageira-Koskina në Olimpinë e Lashtë e cila gjithashtu po digjet.

Autoritetet janë nisur në vendin e ngjarjes, në mënyrë që të bëhet e mundur nxjerrja e banorëve të fshatit Kladeos me helikopter, nga ajri.

Olimpia e Lashtë, Deliza, Pefkes, Ano – Kato Louvro, Mouria, Linaria, Kammena, Villia, Helidoni, Miraka, Pelopio, Platanos, Kafkania, Heraklion, Heraklion, Heraklia Κλαδέο, janë vetëm disa prej vendev të Greqisë që po digjen.

The post Zjarri izolon 150 banorë, bllokohet një fshat i tërë në Greqi: Shpëtimi vetëm nga ajri appeared first on Albeu.com.