Ministri i Mbrojtjes Niko Peleshi bëri me dije këtë mëngjes se ka dyshime të forta që zjarri i riaktivizuar në Dukat është i qëllimshëm dhe kërkoi ndihmën e banorëve që të japin informacione nëse kanë për autorët.

“Kemi filluar operacionin m mbështetjen e helikopterit që ka ardhur nga Hollanda.

Kemi pasur një qetësim e shuarje të zjarreve në Karaburun, gjatë mesnatës ka pasur vatër të re në gjirin e Gramës ose një riaktivizim ose një rindezje mbi Dukat.

E kishim fikur atë vatër para disa ditësh, tani po punojmë sepse mëngjesin sotëm është gdhirë e rindezur.

Kemi dyshime të forta për zjarrvënie të qëllimshme. Do e vijiojmë deri në fund betejën tonë, mbetet e hapur ftesa për komunitetin për të na ndihmuar me informacione për këta zjarrvënës që duhet të marrin vendimin që u takon një herë e mirë sipas ligjit”, tha Peleshi. /albeu.com/

The post Dy vatrat më të rrezikshme të zjarrit, Peleshi: Kemi dyshime të forta, vatrat po rindizen qëllimisht! appeared first on Albeu.com.

Problematike paraqitet situata në Dukat të Vlorës, ku është edhe vatra kryesore e zjarrit të madh, duke rrezikuar seriozisht edhe parkun Kombëtar të Llogarasë.

Era është forcuar dhe për pasojë ka shkaktuar përhapjen e zjarreve në disa zona të tjera të jugut. Dukati, Llogaraja dhe pylli i Poros, janë tërësisht nën pushtetin e flakëve, ndërsa në rrezik është edhe Parkun Kombëtar të Llogarasë.

The post Pamjet e “ferrit”! Digjen pyjet në Dukat, zjarri i afrohet Llogarasë (FOTO LAJM) appeared first on Albeu.com.

Kreu i Emergjencave Civile Haki Çako nga Dukati udhëzoi forcat e ushtrisë të bëjnë një kordon duke punuar me kazma dhe lopata, për të parandaluar përhapjen e flakëve.

“Për të prevaluar çdo lloj faze, pjesa tjetër e ushtarëve duhet bërë kordon larg zjarrit. Do punuar pjesa tjetër. Me kazëm me lopatë me motorrsharë me gjithçka. Duhet krijuar kordoni.

Pjesa tjetër duhet të punojë me të njëjtin parim. Duhet të punojë me parimin e tokës së djegur. Nuk ka formë tjetër. Duhet gjetur një drejtim”, u shpreh ai. /abcnews.al

The post Vlora nën flakë! Ushtria zbret në terren me “Range”, Çako: Krijoni kordon me kazma (VIDEO) appeared first on Albeu.com.