Putin tha se kjo do të ndodhë brenda muajve të ardhshëm dhe se zona ku do të vendosen do të varet nga interesat ruse.

Duke folur në Ditën e Flotës Ruse në Shën Petersburg, Putin vlerësoi Carin Pjetri i Madh për kthimin e Rusisë në një fuqi të madhe detare. Putin nuk bëri asnjë referencë të drejtpërdrejtë për Ukrainën.

Por presidenti rus tha se kishte nënshkruar një doktrinë të re detare, detajet e së cilës nuk u bënë publike dhe përmendi raketat e lundrimit supersonik Zircon, të cilat cilësohen unike në botë.

“Dorëzimi i këtyre raketave te forcat e armatosura ruse do të fillojë në muajt e ardhshëm ”, tha Putin.

“Fregata Admiral Gorshkov do të jetë e para që do të vihet në modalitet luftarak me këto armë të frikshme.”

“Gjëja kryesore këtu është aftësia e marinës ruse. Ajo është në gjendje t’i përgjigjet me shpejtësi rrufe të gjithë atyre që vendosin të cenojnë sovranitetin dhe lirinë tonë,” shtoi ai.

Rusia ka kryer lëshime të mëparshme testuese të Zircon nga anijet luftarake dhe nëndetëset vitin e kaluar.

The post Paralajmëron Putin: Marina ruse do pajiset me raketa hipersonike appeared first on Albeu.com.

Bëhet fjalë për raketën Zircon (Tsirkon) të lëshuar nga një fregatë, test i cili përfundoi me sukses, sipas Ministrisë së Mbrojtjes ruse.

Lëshimi testues u krye në Detin Barents dhe goditi me sukses një objektiv detar në një distancë prej rreth 1.000 kilometrash, thuhet në një deklaratë të ministrisë.

Në fillim të këtij viti, presidenti rus Vladimir Putin tha se raketat e reja, të afta për të arritur një shpejtësi prej rreth 9 Mach dhe për të goditur objektiva rreth 1 000 kilometra larg, do të vihen në detyrë luftarake në të ardhmen e afërt.

Kujtojmë se pak ditë më parë edhe Shtetet e Bashkuara testuan një raketë hipersonike./albeu.com/

The post “Me shpejtësi më të lartë se zëri”, Rusia teston raketën hipersonike Zircon appeared first on Albeu.com.