Zinedin Zidane Archives - Albeu.com

Sekreti i suksesit të Zidane te Reali: Punova vetëm në një aspekt dhe… fitova gjithçka

admin — Sat, 17 Jan 2026 12:54:24 +0000

Zinedine Zidane kthehet për të folur për përvojën e tij me Real Madridin ndërsa po qarkullojnë thashethemet për rikthimin e tij sensacional pas dështimit të Xabi Alonsos, i cili u shkarkua pas humbjes në Superkupën e Spanjës, dhe debutimit tronditës të zëvendësuesit të tij Arbeloa, i eliminuar nga Kupa e Mbretit nga Albacete.

Zidane kujton mbwrritjen e tij te Real Madridi si trajner në janar të vitit 2016, pikërisht në një kohë krize të ngjashme me atë aktuale të Merengues. Ata kishin vënë baste për Rafa Benitezin, por kimia mes tyre nuk u krijua. Kjo kimi, sipas Zidanes, është themeli i rolit të menaxherit të një skuadre yjore të mbushur me kampionë:

“Te Real Madrid, ne ishim aty për lojtarët. Për mua, kjo është ajo që e bën ekipin të fortë; je aty për lojtarin”.

“Nëse nuk e kupton, nuk mund të qëndrosh në këtë profesion. Ne jemi aty për t’i mbështetur ata, duhet të tregosh se je aty për ta. Që dhoma e zhveshjes të pranojë atë që dëshiron të zbatosh, duhet ta pëlqejmë njëri-tjetrin. Nëse lojtarët nuk pajtohen me gjithçka që u jepet, në stërvitje, të gjitha këto… gjithmonë do të ketë diçka që mungon. Me ne, mendoj se ata u argëtuan shumë në çdo nivel”.

The post Sekreti i suksesit të Zidane te Reali: Punova vetëm në një aspekt dhe… fitova gjithçka appeared first on Albeu.com.

Zidane i thotë jo Premier Ligës

admin — Tue, 10 Sep 2024 16:26:58 +0000

Zinedine Zidane nuk do të shkojë te Manchester United. Trajneri francez ka sqaruar edhe arsyet pse ai nuk shkon as te Djajtë e kuq dhe as në premier ligë. Duket se gjuha angleze është pengesa kryesore që Zizu nuk shkon dot në kampionatin anglez.

Zinedine Zidan i ka thënë jo Manchester Junajtid. Ishte përfolur shumë ditët e fundit që francezi mund të shkonte të merrte drejtimin e djajve të kuq dhe të zinte vendin e Erick Ten Hag. Por kjo tashmë nuk do të ndodhë. Në një intervistë për L’Equipe, ‘Zizou’ ka dhënë shpjegimin që kompromenton praninë e tij në përgjithësi në Premier League. Zidane ka zbuluar se ai heziton të bashkohet me një klub të Premier League për shkak të pengesës gjuhësore.

Për të përditshmen franceze ai ka shpjeguar se megjithëse e kupton anglishten, nuk e flet mirë atë, ndaj nuk ndihet aq i aftë për të menaxhuar në mënyrë efektive një mjedis anglishtfolës. Një element thelbësor ky për komunikimin e Zizu me lojtarët. 52-vjeçari nuk pranon që të flasë me lojtarët dhe të tjerët nëpërmjet përkthyesit. “Unë e kuptoj anglishten por nuk e flas shumë mirë.

E di që ka trajnerë që shkojnë në klube të ndryshme pa e ditur gjuhë e tyre, por unë punoj ndryshe. Për të triumfuar hyjnë në lojë elementë të tjerë në kontekst global. Unë e di mirë se për çfarë kam nevojë për të fituar”. Pas kësaj përgjigje, ka një kuriozitet të madh për të zbuluar se cila do të jetë faza e ardhshme e Zidane në karrierën e tij si trajner.

The post Zidane i thotë jo Premier Ligës appeared first on Albeu.com.

Zidane: Një ditë do të kthehem në Itali si trajner

admin — Tue, 27 Feb 2024 11:12:31 +0000

Zinedine Zidane ka thënë se një ditë do të kthehet në Itali për të qenë trajner i një skuadre futbolli.

Francezi ka qenë pjesë e Juventus nga viti 1996 deri në vitin 2001.

“Çdo gjë mund të ndodhë, për momentin jam duke bërë diçka tjetër, por jam i sigurt që do të rikthehem në stol, do të doja”, është shprehur ai.

Zidane ka qenë i pranishëm në prezantimin e dokumentarit biografik për Marcello Lippin me titull ‘Tani fitoj unë’.

Ai ka folur me respekt e admirim për trajnerin legjendar italian.

“Marcello Lippi ishte ai që më bëri të vij te Juventus, i pari që besoi në mua dhe më la të luaj. Nuk ishte e lehtë për të, unë vija nga Franca, gjithçka ishte ndryshe, por Lippi më bëri të bëhesha ai që u bëra më vonë”, ka thënë Zidane.

The post Zidane: Një ditë do të kthehem në Itali si trajner appeared first on Albeu.com.

Zidane largohet nga mundësia e drejtimit të kombëtares franceze, Deschamps ka një marrëveshje me federatën

E S — Sat, 31 Dec 2022 13:54:10 +0000

Me përjashtim të surprizave të minutës së fundit, Didier Deschamps do të qëndrojë në krye të Francës edhe për të paktën dy vite të tjera, deri në Euro 2024.

Kështu shkruan “Le Parisien”, sipas të cilit trajneri aktual ka arritur një marrëveshje me presidentin e federatës të enjten e kaluar. E vetmja gjë që mungon për t’u sqaruar është mundësia e futjes një klauzole edhe për dy vite të tjera, pra deri në Botërorin e vitit 2026.

Nënshkrimi ende mungon, por marrëveshja ekziston dhe së shpejti do të zyrtarizohet. Kështu, ëndrra e Zidane nuk mund të realizohet as këtë herë, ku ish-trajneri i Real Madrid ka si objektivë të drejtojë “gjelat”.

The post Zidane largohet nga mundësia e drejtimit të kombëtares franceze, Deschamps ka një marrëveshje me federatën appeared first on Albeu.com.

Rënia më elegante nga kali, këto pamje të Zidane bëhen virale (VIDEO)

E S — Sun, 25 Sep 2022 17:12:15 +0000

Zinedin Zidane është hasur me një situatë sikletshme teksa ndodhej mbi kalë, por ka arritur ta kalojë me shumë sukses.

Edhe pse vitet kalojnë, legjenda e Francës dhe Real Madridit mbetet në formë të shkëlqyer fizike.

Së fundmi një video e francezit që rrëzohet nga kali është bëtë virale në rrjet.

Kali në cilin Zidane kishte hipur humbi ekuilibrin dhe rrëzua bashkë me ish-futbollistin, por ky i fundit bëri një hedhje elegante që i ka lënë të gjithë pa fjalë./albeu.com

The post Rënia më elegante nga kali, këto pamje të Zidane bëhen virale (VIDEO) appeared first on Albeu.com.

Juventusi në situatë të vështirë, Zidane “tundohet” nga bardhezinjtë?

E S — Sat, 17 Sep 2022 12:39:00 +0000

Juventusi ende nuk mund të ngrejë kokë dhe për më tepër me humbjen ndaj Benfica-s ku shanset për t’u eliminuar nga Champions League në fazën e grupeve janë rritur ndjeshëm.

Nëse skuadra pengohet sërish, tani është radha e tyre të përballen me Monzën modeste në Serie A, Massimiliano Allegri do të shkarkohej papritur. Nëse po, Juve do të përfitonte nga pauza e kombëtares për të gjetur zëvendësuesin e tij, punë që drejtuesit sportiv të Bianconera-s tashmë kanë nisur ta kryejnë.

Sipas Todofichajes, tani Zinedine Zidane do të ishte një nga alternativat për të cilat do të vinte bast familja Agnelli. Ai që ishte një nga futbollistët e tij më të mirë dhe ish-trajneri i Real Madridit, duke arritur 3 herë radhazi Ligën e Kampionëve, tashmë do të kishte një propozim formal në tavolinë.

Ndonëse është e vërtetë që trajneri do të priste të merrte frenat e skuadrës së Francës, oferta është më se joshëse dhe ai mund të rikthehet në elitë me një tjetër prej klubeve ku shkëlqeu më shumë si futbollist.

Gjithçka do të varet nga planet e Deschamps dhe nëse ai luan një rol të madh në Botëror, ai mund të vazhdojë deri në Kampionatin e ardhshëm Evropian./albeu.com

The post Juventusi në situatë të vështirë, Zidane “tundohet” nga bardhezinjtë? appeared first on Albeu.com.

Leonardo mohoi gjithçka, por kushëriri i Al-Khelaifit “zyrtarizon” marrëveshjen me Zidane

E S — Fri, 26 Nov 2021 14:57:11 +0000

Zërat se PSG është në kontakte me PSG-në për të marrë drejtimin e skuadrës nga momenti në moment u hodhën poshtë ditën e sotme nga drejtori sportiv i parisienëve.

“Ne kemi shumë respekt për Zinedine Zidane, atë që ai bëri si lojtar dhe si trajner, por unë mund t’ju them shumë qartë se nuk ka asnjë kontakt dhe se nuk ka pasur asnjë takim me të,” u shpreh Leaonardo.

Mirëpo ditën e djeshme kushëriri i presidentit të PSG-së, Khalifah Bin Hamad Al-Thani nëpërmjet dy postimeve të njëpasnjëshme në “Twitter” ka zyrtarizuar marrëveshjen me teknikun francez.

Kujtojmë që një gjë të tillë kushëriri i Al-Khelaifit e ka bërë edhe në rastet kur është transferuar Messi dhe Mbappe. r.t/albeu.com

⚡? ?

Les choses sont réglées.
Bientôt annoncé..

Bienvenue Zezo

— خلـــيفة بـــن حمـــد آلــ ثانــــــي (@khm_althani) November 26, 2021

good night pic.twitter.com/VCBRohw671

— خلـــيفة بـــن حمـــد آلــ ثانــــــي (@khm_althani) November 26, 2021

The post Leonardo mohoi gjithçka, por kushëriri i Al-Khelaifit “zyrtarizon” marrëveshjen me Zidane appeared first on Albeu.com.

Pret dorëheqjen e trajnerit aktual pas Euro 2020, Zidane mund të marrë drejtimin e Kombëtares së madhe

E S — Wed, 09 Jun 2021 10:36:15 +0000

Zinedine Zidane është duke pritur shkarkimin e Didier Deschamp për të marrë drejtimin e kombëtares së Francës. Trajneri aktual i “Gjelave” ka kontratë deri në vitin 2022, por nëse nuk triumfon në ‘Euro 2020’ mund të jep dorëheqjen. Emri më i përfolur për të marrë drejtimin e Francës pas Europianit është Zinedine Zidane. 48-vjeçari u [...]

Zidane i shkruan letër lamtumire tifozëve, tregon arsyet e largimit

E S — Mon, 31 May 2021 07:27:50 +0000

Ish-trajneri i Real Madridit, Zinedine Zidane ka shkruar një letër kur ka listuar arsyet përse dërguan në largimin e tij.

Zinedine Zidane u largua nga Real Madridi për herën e dytë brenda dy vitesh në javën e kaluar.

Francezi arriti të shkojë në gjysmëfinale të Ligës së Kampionëve dhe të luftojë për La Ligan deri në ndeshjen e fundit, ku më pas deklaroi se do të largohej.

Ai u ka shkruar një letër të hapur tifozëve të Realit duke shpjeguar gjithçka të cilën e ka publikuar e përditshmja Marca.

Zidane listoi arsyet e tij ku tregoi se ai ndjeu se kishte humbur besimin e klubit dhe të presidentit, por ata kishin harruar se ai kishte bërë histori me “Los Blancos”.

Letra e pandërprerë e Zinedine Zidane drejtuar tifozëve të Real Madridit:

Të dashur madrilienë,

Për njëzet vjet, nga dita e parë që vura këmbën në qytetin e Madridit dhe u vesha me fanellën e bardhë, ju më keni dhënë dashurinë dhe mbështetjen tuaj. Gjithmonë e kam ndjerë se kishte diçka shumë të veçantë mes nesh. Unë kam pasur nderin e madh të jem lojtar dhe trajner i klubit më të rëndësishëm në histori, por mbi të gjitha unë jam thjeshtë një tjetër lojtar i Real Madrid. Për të gjitha këto doja ta shkruaja këtë letër për t’ju thënë lamtumirë dhe për të shpjeguar vendimin tim për t’u larguar nga stoli i Real Madridit.

Kur në mars të vitit 2019 pranova të kthehesha për të marrë detyrën e trajnerit të Real Madridit pas një pauze prej rreth tetë muajsh, kjo ishte për shkak se presidenti, Florentino Pérez më kërkoi ta bëja, natyrisht, por edhe sepse ju kërkonit çdo ditë. Kur takoja ndonjërin nga ju në rrugë, ndjeva mbështetjen dhe dëshirën për ta parë veten përsëri me skuadrën. Sepse unë ndaj vlerat e “Los Blancos” me juve, ky klub që u përket anëtarëve të tij, tifozëve të tij dhe gjithë botës. Këto vlera jam munduar t’i transmetoj vet në gjithçka kam bërë, jam munduar të jem një shembull. Kalimi i njëzet viteve në Madrid ka qenë gjëja më e bukur që më ka ndodhur në jetën time dhe e di që për këtë i detyrohem ekskluzivisht Florentino Pérezit, i cili më solli këtu në vitin 2001 dhe i cili luftoi për mua, ai më solli këtu kur kishte njerëz që ishin kundër këtij vendimi. E them nga zemra ime, do t’i jem gjithmonë mirënjohës presidentit për këtë. Gjithmonë.

Tani kam vendosur të largohem dhe dua të shpjegoj arsyet mirë. Po shkoj, por nuk jam duke kërcyer nga barka dhe nuk jam lodhur nga stërvitjet. Në maj të vitit 2018 u largova sepse pas dy vitesh e gjysmë me kaq shumë fitore dhe kaq shumë trofe ndjeva që ekipit i duhej një diskurs i ri për të qëndruar në krye. Sot gjërat janë ndryshe. Po largohem sepse e ndiej që klubi nuk po më jep më besimin që më duhet, nuk më ofron mbështetje për të ndërtuar diçka në planin afatmesëm ose afatgjatë. Unë e njoh futbollin dhe i di kërkesat e një klubi si Real Madridi, e di që kur nuk fiton duhet të largohesh. Por këtu një gjë shumë e rëndësishme është harruar. Gjithçka që kam ndërtuar në baza ditore është harruar, ajo që kam kontribuar në marrëdhëniet me lojtarët, me 150 njerëz që punojnë me dhe rreth klubit. Unë jam një fitues i lindur dhe isha këtu për të fituar trofe, por përtej kësaj janë gjërat njerëzore, emocionet dhe kam ndjesinë që këto gjëra nuk janë vlerësuar, dhe se nuk është kuptuar dinamika e një klubi të sukseshëm, dhe në një farë mënyre, kanë gabuar me kërkimin për rikthimin tim.

Unë dua të respektoj atë që kemi bërë së bashku. Do të më pëlqente që muajt e fundit marrëdhënia ime me klubin dhe presidentin të kishte qenë pak më ndryshe nga ajo e trajnerëve të tjerë. Unë nuk doja privilegje, sigurisht që jo, por pak më shumë mirënjohje për ato çfarë kam bërë. Sot jeta e një trajneri në stolin e një klubi të madh është dy sezone, jo shumë më tepër. Që të zgjasë më shumë, marrëdhëniet njerëzore janë thelbësore, ato janë më të rëndësishme se paratë, më të rëndësishme se fama, më të rëndësishme se gjithçka. Ju duhet të kujdeseni për ta. Kjo është arsyeja pse më dhimbte më së shumti kur lexoja gazetat që pas një humbjeje, që ata do të më pushonin nga puna nëse nuk fitoja ndeshjen tjetër.

Më lëndoi mua dhe të gjithë skuadrën sepse këto mesazhe të publikuara qëllimisht në media krijuan ndjenja negative tek të gjithë stafi që punon në klub, dyshime dhe keqkuptime. Gjë e mirë që kisha disa djem të mrekullueshëm që do të vdisnin me mua. Ata më shpëtuan me fitore të mëdha kur gjërat nuk shkonin mirë për mua. Sepse ata besuan në mua dhe ata e dinin se unë besoja në ta. Sigurisht që unë nuk jam trajneri më i mirë në botë, por jam i aftë të jap forcën dhe besimin që i nevojitet secilit për të qenë i shkëlqyeshëm në punën e tij, qoftë një lojtar, anëtar i stafit apo ndonjë punonjës i thjeshtë. Unë e di saktësisht se çfarë i duhet një ekipi. Përgjatë këtyre 20 viteve në Madrid kam mësuar që ju, tifozët, dëshironi të fitoni, natyrisht që ne po bëjmë, por mbi të gjitha ju doni që ne të japim gjithçka, trajneri, stafi, punëtorët dhe natyrisht futbollistët. Dhe mund t’ju siguroj se ne kemi dhënë 100% të vetes për klubin.

Unë gjithashtu e marr këtë letër për t’u dërguar një mesazh gazetarëve. Unë kam bërë qindra konferenca për shtyp dhe fatkeqësisht kemi folur shumë pak për futbollin dhe e di që edhe ju e doni futbollin, sepse ky sport na bashkon. Sidoqoftë, dashur t’ju kritikoj ose t’ju jap mësime, do të doja që pyetjet të mos drejtoheshin gjithmonë drejt polemikave, se do të kishim folur më shpesh për topin dhe mbi të gjitha për lojtarët, të cilët janë dhe do të jenë gjithmonë më e rëndësishmit në këtë sport. Të mos harrojmë futbollin, le të kujdesemi për futbollin.

Të dashur “Los Blancos”, unë do të jem gjithmonë një nga ju.

The post Zidane i shkruan letër lamtumire tifozëve, tregon arsyet e largimit appeared first on Albeu.com.

Ngushtohet rrethi i alternativave për zëvendësuesin e Zidane te Reali, klubi duhet të zgjedhë mes dy alternativave

E S — Mon, 31 May 2021 07:00:56 +0000

Real Madrid është ende duke kërkuar njeriu që do të zëvendësojë Zinedine Zidane, me opsionet që janë Mauiricio Pochettino ose Raul Gonzalez.

Pochettino është në krye të PSG-së, por i hapur për t’u larguar, derisa Raul momentalisht është trajneri i Real Madrid Castilla.

Pochettino sipas Diario AS, është zgjedhja e parë dhe kontaktet kanë nisur që ai të marrë drejtimin e “Los Blancos”.

Reali zyrtarisht nuk është në negociata me teknikun argjentinas që ka kontratë me PSG-në, andaj Florentino Perez e do Pochettinon në mënyrë që të bind edhe Kylian Mbappen për të mos rinovuar kontratën.

Tottenham gjithashtu mbetet në garë për Pochettinon, por ky i fundit është më i hapur për drejtimin e “Galaktikëve”.

Ndërkohë, projekti i Antonio Conte nuk e bindi Perezin, andaj nëse dështon Pochettino, drejtimin e klubit madrilen do ta marrë Raul.

The post Ngushtohet rrethi i alternativave për zëvendësuesin e Zidane te Reali, klubi duhet të zgjedhë mes dy alternativave appeared first on Albeu.com.