Moderatorja njoftoi se gjyshja e saj ka ndërruar jetë dhe ikja e saj i ‘theu zemrën sërish’. Valbona ka publikuar në “Instastory” një fotografi ku gjyshja shfaqet e shtrirë në krevat dhe pranë saj qëndron bashkëshorti.

Mhilli shkruan se ata të dy kanë qenë shembulli që dashuria e vërtetë ekziston dhe nuk vdes kurrë. Gjithashtu ajo shton se ngushëllimi i vetëm për këtë humbje, është se tani ajo është bashkë me babain e saj.

“Nuk kam besuar te dashuria, por ju të dy, gjyshi e ti nana, ishit shembulli im që dashuria e vërtetë ekziston dhe nuk vdes kurrë. Sot zemra na u thye sërish… Gjyshi mbeti vetëm, i pikëlluar dhe me shpirt të lodhur, sepse ti ishe jeta e tij, drita e çdo dite.

Nana, u theva prapë, tani ike edhe ti. Por ngushëllimi im i vetëm është që sot jeni bashkë me babin – aty ku nuk ka më dhimbje, vetëm paqe.

Ne mbetëm këtu me lot, mall e kujtime që nuk shuhen kurrë. Dashuria juaj do të jetojë përgjithmonë në zemrat tona”, shkruan Valbona

The post Valbona Mhilli në zi, humb njeriun e shtrenjtë appeared first on Albeu.com.

Në respekt të kontributit të tij të çmuar në jetën publike dhe politike të vendit, në orën 08:30 – 11:00 do të zhvillohen në Pallatin e Kongreseve homazhet publike.

Ndërsa homazhet shtetërore dhe nderimi nga personalitetet do të mbahen në orën 11:15 – 11:45.

Është parashikuar që në orën 12:00, në nderim të tij, do të ndërpriten të gjitha veprimtaritë dhe do të mbahet një minutë heshtje në mbarë vendin, ndërsa 5 minuta më pas në orën 12:05 të zhvillohet ceremonia funebre shtetërore e lamtumirës për ish kreun e PS dhe ish- kryeministrin.

“Këshilli i Ministrave ka vendosur shpalljen Zi Kombëtare ditën e diel, më 2 nëntor 2025, në nderim të Fatos Nanos, ish-Kryeministër dhe një prej figurave më të rëndësishme të politikës shqiptare.
Në respekt të kontributit të tij të çmuar në jetën publike dhe politike të vendit, do të zhvillohet ceremonia funebre shtetërore dhe Homazhet Kombëtare për të ndjerin.

Në të gjitha institucionet shtetërore dhe publike flamuri kombëtar do të ulet në gjysmë shtize.
Në orën 12:00, në nderim të tij, do të ndërpriten të gjitha veprimtaritë dhe do të mbahet një heshtje në mbarë vendin.

Radiotelevizioni Publik Shqiptar gjatë zhvillimit të ceremonialit shtetëror, do të transmetojë muzikë funebre.

Homazhet dhe Ceremonia Shtetërore

Pallati i Kongreseve, Tiranë
• 08:30 – 11:00 – Homazhe publike
• 11:15 – 11:45 – Homazhe shtetërore dhe nderim nga personalitetet
• 12:05 – Ceremonia funebre shtetërore e lamtumirës

Për organizimin e ceremonisë është ngritur një Komision i Posaçëm Shtetëror nën mbikëqyrjen e Kryeministrit, me përfaqësues nga institucionet kryesore shtetërore dhe të sigurisë”, thuhet në njoftimin për mediat.

The post Shqipëria në Zi Kombëtare për Fatos Nanon/ Sot homazhet dhe ceremonia shtetërore në Pallatin e Kongreseve appeared first on Albeu.com.

Mirëpo orët e vona të mbrëmjes të së hënës ajo është shfaqur si rrallë herë. Kjo pasi ka bërë me dije ikjen nga jeta të babait të saj.
Duke publikuar dy fotografi ajo shkruajti që babai i saj ka ndërruar jetë me datë 1 nëntor.
“U prefsh në paqe, do na mungosh babush”,shkruajti ajo.

The post Fjolla Morina në zi! Humb njeriun më të shtrenjtë të zemrës appeared first on Albeu.com.

Fitues dy herë i çmimit Emmy u nda nga jeta pas një sëmundje, siç njoftoi publicisti i tij.

Ai ka spikatur në kinematografi si ylli i filmit “Brooklyn Nine-Nine and Homicide: Life on the Street”.

Andre Braugher portretizohej shpesh si oficer policie gjatë karrierës së tij kinematografike, duke interpretuar role dramatike dhe komedi.

Gjatë gjithë karrierës ishte nominuar 11 herë për çmimin Emmy, nga të cilat fitoi 2.

Andre Braugher kishte lindur në Çikago, u diplomua në Universitetin Stanford dhe më pas ndoqi shkollën “Juilliard” për dramë.

The post Hollivudi në zi, ndahet nga jeta aktori i famshëm appeared first on Albeu.com.

Mësohet se Topçiu merrte pjesë në një aktivitet në Korçë dhe duke diskutuar në mes të sallës,  ka pësuar një arrest kardiak dhe është rrëzuar përtokë.

“Lamtumirë Veteran Topçiu!Veteran Topçiu një prej ikonave të KF Skënderbeu është ndarë nga jeta si pasojë e problemeve kardiake në moshën 80-vjeçare. KF Skënderbeu shpreh ngushëllimet më të sinqerta për familjarët dhe gjithe komunitetin e Futbollit Korçar. U prehsh në Paqe Veteran!” – Shkruan Skënderbeu.

The post Sporti shqiptar në zi, ndahet nga jeta legjenda e futbolit Korçar pas një sulmi në zemër (EMRI-FOTO) appeared first on Albeu.com.

Shkaku i vdekjes është i paqartë, por postimi thoshte se ai “ka luftuar për jetën” për rreth dy vjet.

Oladips ishte një muzikant i talentuar që bënte rep për çështje politike. Oladips u bë i famshëm kur fitoi një konkurs rap të quajtur “Mbreti është këtu” i organizuar nga gjigandi muzikor nigerian DBanj në 2015.

Vdekja e Oladips vjen disa muaj pasi një tjetër muzikant i njohur, Mohbad, vdiq në shtator, duke çuar në protesta mbarëkombëtare.

The post Bota e muzikës në zi, ndahet nga jeta në moshë të re reperi i njohur (EMRI + FOTO) appeared first on Albeu.com.

Ish-portieri i Zimbabve, George Chigova, i quajtur “Zikeeper”, ka ndërruar jetë tragjikisht në moshën 32-vjeçare. Pasi pësoi një atak në zemër në korrik, duke ndërprerë karrierën e tij futbollistike, ai së fundmi iu rikthye futbollit, por duket se jo për gjatë.

Sipas asaj që shkruajnë mediat, Chigova është gjetur i pajetë në shtëpinë e tij në Afrikën e Jugut dhe besohet se gjithçka ardhur pas një sulmi në zemër.

Lojtari në fjalë ka luajtur për skuadra të ndryshme si  Dynamos, Polokëane City dhe SuperSport United. Portieri, i cili luajti në 30 ndeshje për Zimbabve, përfshirë edhe Kupën e Kombeve Afrikane, lë pas një hisori të vërtetë suksesi në komunitetin e futbollit në Afrikë.

The post Tjetër tragjedi në futboll, portieri i njohur humb jetën pas problemeve në zemër (EMRI + FOTO) appeared first on Albeu.com.

Richard Roundtree u diagnostikua me kancer pankreatik dy muaj më parë. Ai kishte familjen pranë kur dha frymën e fundit në shtëpi në Los Angeles, sipas njoftimit për vdekjen e tij.

Me interpretimin e tij në filmin “Shaft” ai u nominua për çmimin “Ylli i Ri i Vitit” në Golden Globes në 1972.

Ai ishte shfaqur edhe në vazhdimet e filmit ‘Shaft’s Big Score!’ dhe trilogjinë “Shaft In Africa” ​​të vitit 1973, dhe gjithashtu luajti në serialin televiziv “Shaft” të vitit 1973.

Ka marrë pjesë edhe në filmat “Rrënjët”, “Një herë … Kur ishim me ngjyrë”, “Man Friday”, “Shaft’s Big Score!”, “Shaft në Afrikë”, “Tërmete”, “Ikje në Athinë”. “, “Forca kundërshtare”, “Polic Maniac”, “Shtatë”, “George of the Jungle”, “Corky Romano”, “Brick”, “Speed ​​Racer” dhe “What Men Want”.

The post Kinemaja në zi, ndahet nga jeta aktori legjendar (EMRI-FOTO) appeared first on Albeu.com.

Zëdhënësi i Bashkimit Evropian, Peter Stano, tha për gazetarët se “nuk mund të barazohen viktimat e terrorizmit me terroristët”.

Ai shtoi se në zyrat e BE-së në Prishtinë flamuri u ul në gjysmështizë të hënën – pasi në Kosovë ishte ditë zie – për të nderuar policin e vrarë të Kosovës, Afrim Bunjaku, por nuk ka vepruar kështu kur në Serbi u shpall ditë zie.

“Kemi parë se Serbia dje ka shpallur ditë zie. Të hënën zyra e BE-së në Prishtinë vendosi flamurin në gjysmështizë për të nderuar policin e vrarë dhe policët e plagosur, viktima të sulmit qyqar terrorist të dielën. Qëndrimi ynë është i qartë dhe ai është shprehur nga përfaqësuesi i lartë [Josep Borrell] më 24 shtator. Për më tepër, sulmuesit kurrë nuk mund të barazohen me viktimat. Prandaj, delegacioni i BE-së në Serbi nuk e ka vendosur flamurin në gjysmështizë. Në përgjithësi, BE-ja është fundamentalisht kundër madhërimit të kriminelëve dhe terroristëve dhe kundër mbajtjes së zisë për ta”, tha Stano.

Presidenti i Serbisë, Aleksandar Vuçiç, ka deklaruar se nuk mund t’i konsiderojë “kurrë terroristë” sulmuesit në Banjskë. Duke u përgjigjur në pyetjet për këtë deklaratë, Stano tha se sipas BE-së, sulmi ndaj Policisë së Kosovës më 24 shtator ishte sulm terrorist dhe si i tillë duhet të trajtohet dhe hetohet.

“Para së gjithash më lejoni të përsëris shumë qartë qëndrimin e Bashkimit Evropian për atë që ndodhi të dielën. Ai ishte një sulm terrorist dhe si sulm terrorist duhet të hetohet. Dhe ata që janë përgjegjës duhet të sillen para drejtësisë. Secili që ka rol duhet të bashkëpunojë në mënyrë që ky sulm terrorist jo vetëm të hetohet në tërësi, por të ketë përgjigje para drejtësisë për ata që e planifikuan, kryen dhe që qëndrojnë prapa këtij sulmi”, tha Stano.

Ai shtoi se BE-ja “nuk lëshohet në komente për çdo deklaratë apo secilin interpretim”, por theksoi se “duhet të ketë qartësi për atë që ndodhi të dielën”.

Më herët BE-ja ka thënë se po pret përfundimin e hetimeve për të vendosur nëse do të ndërmarrë masa, teksa në bllok disa shtete kanë kërkuar që Serbia të ndëshkohet për rastin në Banjskë të Zveçanit.

Çfarë ndodhi në veri më 24 shtator?

Policia e Kosovës u sulmua nga një grup i maskuar dhe i armatosur, teksa forcat e rendit po tentonin të largonin barrikadat që ishin vendosur në një rrugë në fshatin Banjskë të Zveçanit – një prej katër komunave në veri, të banuara me shumicë serbe.

Grupi i armatosur – që sipas autoriteteve përbëhej prej rreth 30 personash – më pas u strehua në manastirin e Banjskës, prej ku gjatë gjithë të dielës u përlesh me policinë.

Policia dhe ministri i Punëve të Brendshme, Xhelal Sveçla, kanë thënë se udhëheqës dhe pjesëmarrës i këtij sulmi ishte Millan Radoiçiç, nënkryetar i Listës Serbe – partisë kryesore të serbëve në Kosovë që gëzon mbështetjen e Beogradit zyrtar.

Për pjesëmarrjen e Radoiçiqit – i cili është nën sanksione amerikane dhe kërkohet në Kosovë për frikësimin e dëshmitarëve në rastin gjyqësor të njohur si Brezovica – Sveçla ka publikuar edhe një video të incizuar me dron, që tha se e shfaq zyrtarin e Listës Serbe në Banjskë.

Presidenti i Serbisë, Aleksandar Vuçiç, ka thënë se Radoiçiq gjendet në Serbi dhe ai do të merret në pyetje nga organet serbe.

Aktualisht, katër persona janë të arrestuar për ngjarjet në Banjskë, teksa Policia ka ekspozuar më 25 shtator armë dhe pajisje të tjera që ka thënë se janë konfiskuar në këtë fshat.

Kosova e ka bërë përgjegjëse Serbinë për sulmin, ndërsa Beogradi zyrtar serbët e Kosovës./REL/

The post Shpalli 3 ditë zie për të vrarët në veri të Kosovës, BE “shuplakë” Serbisë: Nuk mund të barazohen terroristët me viktimat e terrorizmit appeared first on Albeu.com.

Në karrierën e tij si futbollist, Mema luajti për të dyja skuadrat e kryeqytetit, për Tiranën dhe për Partizanin dhe me të dyja fitoi titullin kampion.

Osman Mema ishte futbollisti më i dekoruar në vendin tonë, ndërsa arriti të fitojë plot 7 herë kampionatin kombëtar.

I vlerësuar me titullin e lartë “Mjeshtër i Madh”, Osman Mema, anëtar i dinastisë së familjes së futbollit Mema, familje, e cila ndër vite ka nxjerrë futbollistë cilësorë e njerëz mjaft të respektuar.

Në vitet 58-71 ai ka mbrojtur ngjyrat e të dyja skuadrave të kryeqytetit, ndërsa ai është vijues i traditës së familjes në brezin e parë me emra të tillë si Haxhi, Beqir dhe legjendës tjetër Ali Mema.

The post Futbolli shqiptar në zi, ndahet nga jeta legjenda e Partizanit dhe Tiranës (EMRI-FOTO) appeared first on Albeu.com.