Në një intervistë për ‘News24’, Hoxha theksoi se nuk duhet lejuar që vendi të shkatërrohet dhe sipas tij gjithçka duhet filluar nga brenda PD-së. Kjo, sipas tij, e çon Partinë Demokratike në piedestal në betejë me Edi Ramën ose rrezikon që PD të kthehet e papërfillshme në shoqëri.

“Një pjesë e shqiptarëve kanë ikur. Të bëjmë gjithçka që të mos e lëmë vendin të shkatërrohet, kjo është thirrje edhe për ata që nuk janë me PD. Duhet ta fillojmë brenda PD, të vendosen kushte e standarde për të qenë në maksimumin e nevojës që ka sot koha dhe pastaj të shkojmë të përballemi me Ramën përmes ndihmës së qytetarëve. PD të mbledhë me urgjencë organet e saj, Këshillin Kombëtar sepse nuk mund të shtyhet më gjatë kjo punë 5 muaj pa mbledhur Këshillin nuk ka kuptim. Nuk kam qëndrime kundra, por pro. Jam i dënuar për të pasur të drejtë, kjo ose e zgjidh PD dhe e çon në piedestal në betejë me Edi Ramën ose rrezikon që PD të kthehet e papërfillshme në shoqëri, nuk e dua një gjë të tillë sepse është e keqe për vendin”, u shpreh Lisandër Hoxha.

Hoxha kërkon që PD mos njohë rezultatin e zgjedhjeve dhe po ashtu as parlamentin por të organizojë protesta deri në plotësimin e kushtit jetik të opozitës “qeveri teknike”.

Sipas Lisandër Hoxhës, aksioni politik i PD duhet të bëhej jashtë dyerve të Kuvendit, në rrugë.

“Zgjodhën një rrugë që e bënë publike me vendim të Kryesisë dhe thanë do e bëjnë luftën brenda parlamentit. Unë kam mbajtur një qëndrim tjetër publik, që meqënëse nuk njohim zgjedhjet, s’duhet të njohim as parlamentin e dalë nga zgjedhjet e vjedhura, sic bënë qytetarët në Serbi e Nepal, si cdo popull që i preket vota, demokracia duhet të bëjë dhe rruga politike që do të duhet të ndiqte PD të ishte mobilizimi i qytetarëve në protesta të vazhdueshme me një kërkesë për qeveri teknike dhe mosnjohje e rezultatit të zgjedhjeve të 11 majit, dhe kjo do të ishte legjitime.

Së pari, ne ishim në koherencë me atë që deklaruam, kemi zbardhur tashmë që ishte ndërhyrje brutale e shtetit në procesin zgjedhor dhe rezultati është i manipuluar. Jemi në një narkoregjim, regjim korrupsioni ku kryeministri Rama ka përvetësuar pushtetin e tij politik mbi kapjen e sistemit, zgjedhjeve dhe s’ka parti që e mund aparatin shtetëror. Asnjë forcë politike në Shqipëri apo në të gjithë botën, nëse shteti angazhon të gjithë nëpunësit publikë dhe i përdor në shkelje të ligjit për zgjedhjet, nuk fiton dot sepse rezultati i dalë nuk është vullneti i qytetarëve por është makinë shtetërore që gllabërit zgjedhjet”, tha Hoxha.

The post “PD rrezikon të zhduket”, ish-kandidati demokrat kërkesë Berishës: Mblidh me urgjencë Këshillin Kombëtar appeared first on Albeu.com.

Sipas burimeve, një shok i tij dhe familja deklarojnë se për herë të fundit e kanë parë duke punuar në bujtinë.

Skënder Pepkolaj, thotë se Edisonin e ka marrë vëllai i pronarit për të ngarkuar material për ndërtim dhe i ka thënë se do ta rikthejë të nesërmen. Pasi kanë kryer punën, ai i ka komunikuar se punëtorin e ka lënë në një ishull të vogël rëre.

Ka qenë vetë Pepkolaj, i cili ka bërë denoncimin në polici për zhdukjen e Edisonit, i cili ishte ndihmësi i tij në punën në ndërtim. Policia e Shkodrës, ka zhvilluar disa kontrolle në lumin e Shalës, por ende pa asnjë rezultat.

The post Zhduket babai i 3 fëmijëve në Shkodër, familja e denoncon në polici appeared first on Albeu.com.

Zyra e prokurorit në Toulouse i tha BBC-së se familja kishte konfirmuar identitetin e adoleshentit.

Aleksi ishte zhdukur prej gjashtë vitesh pasi kishte shkuar me pushime me nënën dhe gjyshin e tij.

Një burim policor i tha BBC News se djali ishte dërguar në një stacion policie nga një shofer i shqetësuar, i cili e kishte parë atë duke ecur përgjatë një rruge në ultësirën e Pirenejve.

Djali tha se kishte qenë në Francë për dy vjet, tha burimi policor, duke shtuar se ai kishte një ngjashmëri me foton e fundit të njohur të Aleksit.

Ai kishte jetuar në luginat e largëta të Pirenesë, duke udhëtuar nga një vend në tjetrin në një lloj komune shëtitëse.

Zona në ultësirat e Pirenesë është e njohur për tërheqjen e njerëzve në kërkim të mënyrave alternative të jetesës.

Gjyshja e tij – dhe kujdestarja ligjore – Susan Caruana i tha gazetës The Sun të enjten se kishte mundur të fliste me Alex.

“Jam shumë e lumtur. Kam folur me të dhe ai është mirë,” tha ajo. “Është një tronditje e tillë.”

Zonja Caruana i tha BBC-së në vitin 2018 se ajo besonte se nëna e Alex, Melanie Batty dhe gjyshi David Batty e kishin marrë atë për të jetuar në një komunitet spiritual në Marok.

Ajo tha se në atë kohë ata po kërkonin një mënyrë jetese alternative dhe nuk donin që Alex të shkonte në shkollë.

Melanie dhe David Batty u larguan nga Greater Manchester me Alex për një pushim njëjavor në Marbella në Spanjë më 30 shtator 2017.

Ai u pa për herë të fundit në Portin e Malagës më 8 tetor, ditën kur pritej të ktheheshin.

The post I zhdukur prej 6 vitesh, gjendet më në fund adoleshenti 17 vjeçar appeared first on Albeu.com.

Siç shkruan “The Guardian”, raporti i tyre zbuloi se 20 nga 35 shenjat vitale planetare që përdoren për të gjurmuar krizën klimatike janë në ekstreme rekordi, si dhe emetimet e gazeve serrë, temperatura globale dhe rritja e nivelit të detit, treguesit përfshijnë gjithashtu numrin e popullsisë së njerëzve dhe kafshëve.

Shumë rekorde klimatike u thyen në vitin 2023, duke përfshirë temperaturën globale të ajrit, temperaturën e oqeanit dhe shtrirjen e akullit të detit Antarktik, thanë studiuesit. Temperatura më e lartë mujore e sipërfaqes e regjistruar ndonjëherë ishte në korrik dhe ishte ndoshta më e nxehta që ka përjetuar planeti në 100, 000 vjet.

Shkencëtarët theksuan gjithashtu një sezon të jashtëzakonshëm zjarresh në Kanada që prodhoi emetime të paprecedentë të dioksidit të karbonit. Këto arritën gjithsej 1 miliard ton CO 2 , ekuivalente me të gjithë prodhimin vjetor të Japonisë, ndotësi i pestë më i madh në botë. Ata thanë se zona e madhe e djegur mund të tregojë një pikë kthese në një regjim të ri zjarri.

Studiuesit kërkuan një tranzicion në një ekonomi globale që i jepte përparësi mirëqenies njerëzore dhe reduktonte mbikonsumimin dhe emetimet e tepërta të të pasurve. 10% më e lartë e emetuesve ishin përgjegjës për pothuajse 50% të emetimeve globale në vitin 2019, thanë ata.

Dr Christopher Wolf, nga Universiteti Shtetëror i Oregonit (OSU) në SHBA dhe një autor kryesor i raportit, tha: Pa veprime që adresojnë problemin rrënjësor të njerëzimit duke marrë më shumë nga Toka sesa mund të japë me siguri, ne jemi në rrugën drejt kolapsit të mundshëm të sistemeve natyrore dhe socio-ekonomike dhe një bote me nxehtësi të padurueshme dhe mungesa të ushqimit dhe ujit. Deri në vitin 2100, rreth 3 miliardë deri në 6 miliardë njerëz mund të gjenden jashtë rajoneve të jetueshme të Tokës, që do të thotë se ata do të përballen me nxehtësi të madhe, disponueshmëri të kufizuar ushqimore dhe nivele të larta të vdekshmërisë.

Prof William Ripple, gjithashtu në OSU, tha: Jeta në planetin tonë është qartësisht nën rrethim. Tendencat statistikore tregojnë modele thellësisht alarmante të variablave dhe fatkeqësive të lidhura me klimën. Ne gjetëm gjithashtu pak përparim për të raportuar sa i përket njerëzimit që lufton ndryshimet klimatike. Qëllimi ynë është të komunikojmë faktet klimatike dhe të bëjmë rekomandime për politikat. Është një detyrë morale e shkencëtarëve dhe institucioneve tona të paralajmërojnë njerëzimin për çdo kërcënim të mundshëm ekzistencial dhe të tregojnë lidership në marrjen e veprimeve.

Analiza, e publikuar në revistën Bioscience, është një përditësim i një raporti të vitit 2019 që është miratuar nga 15,000 shkencëtarë.

The post Shkencëtarët japin alarmin: Po jetojmë periudhën ekstreme, rrezikojmë të zhdukemi appeared first on Albeu.com.

Nëse nuk e mban mend, atëherë ka kaluar shumë kohë dhe nëse i ke parë rrallë problemi mbetet serioz. Çfarë po ndodh në të vërtetë?

Bletët nuk janë të vetmet specie në zhdukje, pasi edhe fluturat po hasin vështirësi. Por me xixëllonjat situata është mjaft problematike. Prej vitesh, shkencëtarët kanë paralajmëruar shuarjen e 2,000 specieve të ndryshme të xixëllonjave.

Nuk është aspak çudi. Dora e njeriut në mjedis është shkatërrimtare. Krijesa të ndryshme ‘janë pa shtëpi.” Xixëllonjat shumohen dhe jetojnë në pyje, pranë liqeneve dhe lumenjve, nëpër kopshte dhe lëndina. Por kur betoni zapton çdo hapësirë të gjelbër, xixëllonjat humbasin habitatin e tyre.

Sikur betoni të mos mjaftonte, ekzistenca e tyre ndikohet për keq edhe nga pesticidet dhe ndotjet e shkaktuara nga njeriu. Xixëllonjat rrëfejnë më së miri shëndetin e mjedisit që na rrethon.

Sipas Dokumentit Shkencor Mbi Xixëllonjat, ato po shuhen në mbarë botën si rezultat i degradimit dhe humbjes së habitatit të tyre, ndotjes së lumenjve, përdorimit në rritje të pesticideve dhe ndotjes së vazhdueshme të ndriçimit në zonat e banuara nga njerëzit.

Xixëllonjat janë pjesë e trashëgimisë së biodiversitetit. Ato janë krijesa ikonë dhe kanë luajtur një rol të rëndësishëm në shumë kultura dhe qytetërime. Këto insekte fluturuese janë si zanat e përrallave. Ato janë epitoma e mbrëmjeve më të bukura verore dhe dashuria e parë me mrekullitë e natyrës për shumë prej nesh.

Nëse humbasim xixëllonjat, do të këpusim njëherë e mirë atë fillin e hollë që na lidh me magjinë e nënës natyrë dhe botës së mrekullueshme të saj. Njeriu nuk mundet ta përballojë një humbje të tillë, sado e parëndësishme në dukje.

Ajo që ne mundemi të bëjmë është të krijojmë mundësi nëpër kopshtet tona për xixëllonjat duke:

shmangur përdorimin e kimikateve.

lejuar krimbat dhe kërmijtë të shërbejnë për ushqimin e larvave të xixëllonjave

fikur dritat e verandave apo kopshteve

krijuar bimësi të bollshme për to.

Këto hapa mund të duken të rëndomtë, por ruajtja e xixëllonjave ka shumë rëndësi. Habitatet e xixëllonjave shfrytëzohen edhe nga shumë krijesa të tjera të natyrës si zvarranikët, zogjtë, amfibët dhe shumë specie të tjera. Sa më shumë krijesa të natyrës të humbasim aq më pak do të investohemi në aspektin emocional.

Xixëllonjat janë të domosdoshme të vazhdojnë misionin e tyre si ambasadorë të magjisë së natyrës./AgroWeb

The post Pse po zhduken xixëllonjat? appeared first on Albeu.com.

Lajmi i trishtë është konfirmuar nga morgu i Durrësit, aty ku trupi i të resë ndohhej që prej datës 14 shkurt të këtij viti.

https://www.youtube.com/watch?v=MpvgacSMQbI

Ajo është përplasur për vdekje më 14 shkurt nga një automjet në zonën e Fllakës në Durrës.

Trupi i saj për 52 ditë ka qëndruar në morgun e qytetit e paidentifikuar, teksa pas trajtimit të historisë në emisionin “Pa Gjurmë” një person lajmëroi dhe tha se 22-vjeçarja kishte ndërruar jetë.

Personi që lajmëroi kishte bërë lidhjen me tatuazhin që Brisilda mbante në dorë, ku kishte shkruar emrin e djalit të saj 5-vjeçar, “Rafaelo”. Më pas ky lajm u konfirmua edhe nga morgu i Durrësit

Zhdukja e Brisilda Nexhipit

Brisilda Nexhipi, me pseudonimin “Coco” mbërriti në Shqipëri më 22 dhjetor të vitit 2022, gjurmët e fundit të së cilës u verifikuan nga sistemi TIMS. Ajo la  djalin 5 vjeç tek e ëma në Francë dhe vetë u largua fillimisht në Arezzo të Italisë e më pas kishte mbërritur në aeroportin Rinasit. Telefonata e saj e fundit me të ëmën ishte 21 nëntor 2022 ora 17:47 minuta. Komunikimi në messenger ishte i vakët, thuajse pa asnjë informacion sqarues.

Ndërkohë, Coco ndërkohë ishte aktive në Tik Tok. Videon e fundit të saj e postoi më 15:12.2022, datë në të cilën ajo nuk kishte mbërritur në Shqipëri.

Më 20 mars të vitit 2023 nëna e saj Merita nga Franca e denoncoi zhdukjen e saj në emisionin ’Pa Gjurmë’, ku pas verifikimeve rezultoi se ajo kishte ndërruar jetë në aksidentin rrugor të ndodhur në Durrës.

The post U denoncua e zhdukur nga nëna, gjendet e vdekur në Shqipëri 22-vjeçarja (VIDEO) appeared first on Albeu.com.

“E. M., 44 vjeç, i cili ka kallëzuar se bashkëshortja e tij, shtetasja O. R., 33 vjeçe, është larguar nga banesa, së bashku me djalin e tyre”, njofton policia.

Gjithashtu policia njofton se mbrëmjen e djeshme është vjedhur një farmaci në Tiranë.

“Më datë 31.01.2023, në mbrëmje, në një farmaci në rrugën “Teodor Keko”, një person i paidentifikuar, ka vjedhur një shumë parash. Punohet për identifikimin dhe kapjen e autorit të dyshuar”.

Materialet i kaluan Prokurorisë, për veprime të mëtejshme procedurale.

The post 44-vjeçari denoncon në polici: Gruaja me djalin kanë ikur nga shtëpia appeared first on Albeu.com.

Ka qenë nëna e vajzës M. G., 39 vjeçe ajo e cila ka denoncuar në polici se vajza e saj është larguar nga banesa dhe nuk është kthyer më.

Njoftimi:

Më datë 20.12.2022, në Komisariatin e Policisë Vlorë është paraqitur shtetasja italiane M. G., 39 vjeçe, banuese në Vlorë, e cila ka kallëzuar se vajza e saj 15 vjeçe, është larguar nga banesa dhe nuk është kthyer më. Punohet për gjetjen e 15-vjeçares.

The post Zhduket e mitura në Vlorë, nëna italiane “alarmon” policinë appeared first on Albeu.com.

Njoftimi është publikuar nga “Buzëqeshja e fëmijës’, institucion që bën me dije se ka arsye të mjaftueshme për të menduar se jeta e 14-vjeçares është në rrezik.

Miranda S. është e gjatë 1.60 m, peshon 50 kg, ka flokë kafe dhe sy kafe. Ajo ka një pirs (vëth) në hundë. Kur u zhduk, ajo kishte veshur një triko të thurur gri dhe një fund me vija deri tek gjuri.

The post EMRI/ Zhduket 14 vjeçarja shqiptare në Greqi, mund të jetë në rrezik (FOTO LAJM) appeared first on Albeu.com.

Së fundmi bëhet me dije se dy javë më parë janë marrë në pyetje nga prokuroria e Kurbinit, dy kushërinjtë Jasim dhe Astrit Avdylaj, si persona që mund të kenë dijeni për rrethanat e zhdukjes së mbretit të lojërave të fatit.

Ata kanë pohuuar para hetuesve se nuk janë të përfshirë në këtë ngjarje, pasi ndodhen në arrest shtëpie dhe se janë në monitorim nga Policia.

“Ne jemi në arrest shtëpie, jemi të monitoruar nga Policia”, mësohet të kenë thënë Avdylajt para hetuesve.

Jasim dhe Astrit Avdylaj ndodhen në “arrest shtëpie” për një nga fraksionet e dosjes 339, të lidhur me laboratorin e drogës, të zbuluar vite më parë në Has.

The post Zhdukja e Ervis Martinajt, zbardhet çfarë kanë thënë para hetuesve dy kushërinjtë Avdylaj appeared first on Albeu.com.