Gjatë konferencës, drejtori Oliger Torba, u pyet edhe për dy raste të ndjeshme që kanë tronditur kryeqytetin, zhdukjen e 34-vjeçarit Eglant Koçi dhe vrasjen e 28-vjeçarit Ardian Baloshi.

Lidhur me rastin e rrëmbimit dhe zhdukjes së 34-vjeçarit Koçi, Torba deklaroi se bëhet fjalë për një ngjarje shumë sensitive, për të cilën është ngritur një grup i posaçëm hetimor.

Është një ngjarje sensitive. Ne kemi ngritur një grup të posaçëm hetimor. Indicia e hetimit është marrë nga familjarët e të humburit. Komisariati i dytë kreu veprimet procedurale dhe, duke bërë analizë të thelluar të ngjarjes, hetimi i kaloi Krimeve të Rënda të Policisë së Tiranës.

“Aktualisht, që po flasim, po kërkojmë për trupin e shtetasit Eglant Koçi në rrethinat e Tiranës, mes Elbasanit dhe Tiranës. Në ndihmë na ka ardhur një njësi nga forcat e sigurisë së Kosovës. Ende nuk po e gjejmë dot trupin e tij, nuk kemi ndonjë rezultat konkret”, u shpreh Torba.

Sipas hetimeve, si autor i dyshuar i rrëmbimit është identifikuar dhe shpallur në kërkim Armand Shaka. Hetuesit po verifikojnë nëse ai ka vepruar i vetëm apo në bashkëpunim me persona të tjerë.

Nga veprimet hetimore është gjetur motomjeti i viktimës dhe është identifikuar ambienti ku ai dyshohet të ketë hyrë për herë të fundit, ndërsa më pas dyshohet se është transportuar me automjet.

Sa i përket vrasjes së 28-vjeçarit Baloshi, i dyshuari Sadik Llani, dyshohet se është në arrati dhe me armën e krimit, e cila ende nuk është gjetur.

“Në lidhje me Sadik Llanin, i cili është shpallur në kërkim për vrasjen e 28-vjeçarit Ardian Baloshi në Paskuqan, falenderoj qytetarët pasi pas njoftimit të bërë kemi pasur shumë njoftime nga ata. Kemi ngritur një grup pune, duke pasur rrezikshmërinë e këtij autori të ngjarjes. Kemi ushtruar 20 kontrolle banesash ku kemi pasur dyshime dhe vijon puna për kapjen e tij. Janë të angazhuara edhe forcat RENEA. Mendojmë se shumë shpejt do kapet. Qytetarët na kanë informuar herë pas here për dyshimet mbi vendndodhjen e këtij personi”, tha drejtori.

The post Çfarë dihet për zhdukjen e 34-vjeçarit Eglant Koçi? Flet drejtori i Policisë së Tiranës appeared first on Albeu.com.

Bëhet me dije se dëshmia e disa banorëve të zonës në Pëllumbas, të cilët kanë parë mjetin e Shakajt, ka bërë që policia të intensifikojë kontrollet në këtë perimetër.

Sipas të dhënave nga sistemi TIMS, 41-vjeçari nuk ka rezultuar të ketë dalë jashtë kufijve të vendit, ç`ka shton dyshimet e forta se ai po fshihet brenda.

Grupi hetimor ka mësuar se Armand Shakaj vuan nga një problem shëndetësor.

Për këtë arsye, uniformat blu kanë vënë në gatishmëri edhe bluzat e bardha, duke kërkuar bashkëpunimin e spitaleve publike dhe private në rast se ai do të paraqitet për të marrë ndihmë mjekësore.

The post Zhdukja e Eglant Koçit/ Policia kontrolle në zonat malore të Tiranës! Armand Shakaj dyshohet se e ka lënë trupin në Pëllumbas ose Qafë Mollë appeared first on Albeu.com.

Gazetarja e Top Channel, Anila Hoxha, mëson se në sallën e gjykimit Zyferi është shprehur: Punoj në lokalin e Armand Shakajt si kamerier, ditën që thotë prokuroria e kam parë Eglantin kur ka hyrë në lokal sepse e njoh, më pas nuk e kam parë më, nëse ishte larguar apo jo.

Ndërkohë Armand Shakaj më ka thënë që të fikja dritat e lokalit, për shkak se kishte për të nxjerrë një frigorifer, unë i kam fikur dritat. Të nesërmen Armandi më ka thënë që të shkoj të laja makinën në një vend larg andej diku nga fundi i bulevardit të ri. Kam shkuar atje dhe me ka kapur policia. Unë nuk kam lidhje më këtë ngjarje.

Burime nga Prokuroria e Tiranës kanë bërë me dije se nga këqyrja e kamerave të sigurisë pasi janë frikur dritat shikohet Armand Shakaj duke tërhequr diçka në dukje qesë e zezë të cilën e ka futur në makinë dhe është larguar.

I ndjekur nga qelizat telefonike rezulton që ai të ketë udhëtuar në drejtim të zonës së Dajtit, në drejtim të zonës së Xibrit ku dyshohet se mund të ketë fshehur edhe trupin. Policia dhe prokuroria janë duke kërkuar me qen të gjithë pjesën e malit me qëllim gjetjen e trupit, por deri më tani pa rezultat.

The post Fik dritat, zhdukja misterioze e 34-vjeçarit Eglant Koçit në Tiranë, zbardhet dëshmia a përkrahësit të autorit: Armandi më tha se do të nxirrte një frigorifer appeared first on Albeu.com.

Teksa ishte e ftuar në “Shqipëria Live”, gazetarja e Top Channel, Dorjana Bezat, ka dhënë disa detjae të reja rreth hetimeve.

Ajo shprehet se policia po shqyrton çdo pistë të mundshme, përfshirë edhe atë të një krimi pasioni.

“Nuk më duket për shkak të shkuarës së autorit të dyshuar të ngjarjes, nga ana tjetër të veprimeve që ai kreu pas krimit. Këtu, skenarët janë të frikshëm, deri në zhdukjen e kufomës. Autori i dyshuar është në arrati. Është ndjekur me shumë prioritet dhe pikërisht veprimet e shpejta çuan që 5 ditë më vonë të kishim një përgjigje në lidhjen me fatin e Eglantit. Kamarieri 25-vjeçar, me aq informacion sa kam, nuk ishte në dijeni për Eglantin, por vetëm mori përsipër një detyrë që i dha eprori i tij.

E dashura e Eglantit jeton në SHBA. Është pyetur në distancë nga uniformat blu, ka treguar marrëdhënien që ka me 34-vjeçarin. Ajo u shpreh se një ditë normale, ai nuk e telefonoi siç bënte gjithmonë, dhe kjo e bëri alarmante. Duket një vrasje nën emocione të forta dhe kjo është një nga pistat. Paratë gjurmohen. Përveç të shkuarës, që Eglanti merrej me kriptomonedha dhe Armandi me fajde, policia po i shqyrton të gjitha pistat”, u shpreh gazetarja.

The post Krim pasioni? Gazetarja zbardh detaje rreth zhdukjes së Eglant Koçit: Partnerja e telefonoi atë ditë… appeared first on Albeu.com.

Gjithashtu, nga kontrollet e policisë në terren dhe pamjet e kamerave të sigurisë, policia ka gjetur prova që shtojnë dyshimet se 34-vjeçari është vrarë nga shoku i ngushtë.

Sipas policisë, personi që e ka marrë peng të riun është 41-vjeçari Armand Shakaj, i shpallur në kërkim. Shakaj dyshohet se është ndihmuar edhe nga një 25-vjeçar, Enea Zyferi, i cili është i vënë në pranga.

Ky i fundit ishte kamerier në lokalin në pronësi të të kërkuarit, Shakaj. Deri më tani, policia ka arritur të gjejë motorin e 34-vjeçarit të zhdukur, Eglant Koçi dhe vendin ku ai është mbajtur.

Nga kamerat e sigurisë, është parë që prej aty del me makinë autori i dyshuar Armand Shakaj dhe dyshimet janë se në automjet ka pasur edhe trupin e Koçit.

Sipas raportimeve të deritanishme, Shakaj për të fshehur gjurmët ka lëvizur motorin e viktimës nga zona ku ndodhi krimi drejt 5 Majit, ku u gjet dy ditë pas krimit.

Eglant Koçi është zhdukur më 4 qershor, dhe për herë të fundit është parë në zonën pranë sheshit “Willson” në kryeqytet, teksa po lëvizte me motorin e tij me targa “CT969”.

Policia ka arritur gjithashtu të gjejë nga kamerat e sigurisë edhe disa episode të lëvizjes së tij me motor nëpër Tiranë. Koçi rezultonte i punësuar në një mobileri, por policia dyshon se ai ishte i përfshirë në aktivitetin e kriptomonedhave, që është një ndër pistat hetimore mbi të cilat është fokusuar policia

Megjithatë, deri në këtë fazë të hetimeve, fati i 34-vjeçarit mbetet i paqartë, ndërsa policia vijon kërkimet për gjetjen e tij dhe lokalizimin e të dyshuarit kryesor, Armand Shakaj.

The post Dyshohet se Eglant Koçi është vrarë nga shoku i ngushtë/ Gjenden njolla gjaku në makinën e Armand Shakajt appeared first on Albeu.com.

Hetimet paraprake, kanë ngritur dyshime se i riu mund të jetë rrëmbyer dhe më pas ekzekutuar, megjithëse trupi i tij ende nuk është gjetur.

Sipas njoftimit zyrtar, hetimet kanë çuar në identifikimin e shtetasit Armand Shaka, 41-vjeç, i cili dyshohet se ka mbajtur peng 34-vjeçarin.

Ai është shpallur në kërkim policor, ndërsa strukturat e Policisë vijojnë operacionet për lokalizimin dhe kapjen e tij.

Nga veprimet hetimore të kryera deri tani, është bërë e mundur gjetja e motomjetit të 34-vjeçarit, si dhe identifikimi i ambientit ku ai dyshohet se ka hyrë.

Sipas hetuesve, nga ky ambient ka dalë autori i dyshuar, i cili mund ta ketë marrë me vete 34-vjeçarin me automjet.

Policia ka ushtruar kontrolle të imtësishme në ambientin ku dyshohet se mbahej peng i riu, si dhe në një sërë zonash të tjera, por pa mundur të gjejë gjurmë të 34-vjeçarit.

Hetimet kanë zbuluar gjithashtu se autori i dyshuar ka lëvizur motomjetin e viktimës nga vendi ku ishte parkuar fillimisht.

Ndërkohë, automjeti me të cilin dyshohet se është transportuar 34-vjeçari është gjetur dhe sekuestruar në cilësinë e provës materiale.

Në kuadër të këtij hetimi është arrestuar në flagrancë edhe shtetasi Enea Zyferi, 25-vjeç, i dyshuar për veprën penale “Përkrahja e autorit të krimit”, pasi dyshohet se ka ndihmuar 41-vjeçarin pas ngjarjes.

The post Dyshohet se mori peng Eglant Koçin, identifikohet dhe shpallet në kërkim një 41-vjeçar (EMRI) appeared first on Albeu.com.

Prokuroria e Tiranës nisi një hetim lidhur me këtë rast, teksa ka dyshime për rrëmbim personi. Sot është arrestuar një person, Enea Zyferi, i cili dyshohet nga hetimet se ka përkrahur autorin e krimit në rrëmbimin e Koçit, bën me dije gazetarja Klodiana Lala.

Motori i Eglant Koçit me të cilin udhëtonte deri para se të humbte gjurmët, u gjet dy ditë më vonë te rruga 5 maji në Tiranë.

Eglant Koçi, ishte postieri që shkonte në pikat e këmbimit për të këmbyer kriptomonedhat me para cash.

The post Zhdukja e Eglant Koçit në Tiranë, arrestohet një person me urdhër të Prokurorisë (EMRI) appeared first on Albeu.com.

“Kjo ngjarje, e datës 4 qershor, një i ri Eglant Koçi, është zhdukur pa lënë gjurmë nuk ka asnjë informacion. Punonte si postier midis disa pikave të këmbimit valuator për kriptomonedhat.

Ky është rasti i rradhës dhe besoj se në të ardhmen do të kemi probleme të ngjashme me këtë. Duhet bërë apel që nëse është i gjallë, kushdo që mund të ndihmojë do të ishte e vlefshme si informacion. Policia dhe familja janë munduar.

Janë parë lëvizjet. Për herë të fundit e kanë parë te sheshi Wilson. Ka fikur telefonin dhe nuk është përgjigjur. Ai ishte postieri që shkonte te change për të këmbyer kriptomonedhat me cash. Në llogarinë që ka ai nuk është lëvizur.

Te 5 maji një person i panjohur, ka lënë motorrin e personit të humbur dhe është larguar. Kjo mund të jetë bërë edhe për të humbur gjurmët, pasi motorri është gjetur të nesërmen. Sa më shumë kohë kalon nga momenti i rrëmbimit, aq më pak janë shanset që të gjendet personi.

Janë shtuar shumë këto rrëmbimet. Kemi rrëmbime personash nga Saranda deri në Shkodër. Sa më shumë të ketë raste rrëmbimesh dhe mos zbulim të tyre, bëhet problematike”,– u shpreh gazetari Hoxha.

The post Zhdukja e 35-vjeçarit në Tiranë, gazetari Artan Hoxha jep detaje: Ishte postier për këmbimin e kriptomonedhave me cash… appeared first on Albeu.com.

Pas 16 vitesh, nëna e saj, Bukurie Mata, rikujtoi në një intervistë me gazetarin Blendi Fevziu, momentet e fundit para se e bija të zhdukej pa lënë gjurmë.

Sipas saj, ngjarja ndodhi rreth orës 17:40 të pasdites së 22 majit, kur Bleona po luante me bashkëmoshataret pranë një dyqani në fshat.

Ajo rrëfen se vajza e xhaxhait të Bleonës, Qamilja, e mori me vete me pretekstin për të shkuar në mal.

“22 maj, ditë e shtunë, edhe me orë e mbaj mend. Ishte ora 5:40 e pasdites, kur vajza luante me shoqet para dyqanit. Qamilja ishte organizuar të merrte një grep dhe ai ‘grep’ u bë shkaku për zhdukjen e Bleonës”, kujton Bukurie Mata me sytë e përlotur.

Sipas dëshmisë së nënës, Qamilja, e cila në atë kohë ishte 17-vjeçe, ishte e afërme e familjes (vajza e xhaxhait të Bleonës) dhe e mori Bleonën së bashku me pesë vajza të tjera më të rritura, për t’u ngjitur në mal pa dijeninë e saj.

Bukurie Mata, thotë se vajzat pasi u kthyen nga mali, pretenduan se kishin qenë duke ngrënë drekë, edhe pse në fakt ishte pasdite.

Sipas saj, ato ishin ngjitur rreth 20 minuta më lart në mal së bashku me vajzën e vogël.

Ajo kujton gjithashtu, momentin kur familjarët nisën të kuptonin se diçka nuk shkonte. Ishte halla e Bleonës e cila e kishte telefonuar për ta pyetur nëse mbesa ishte kthyer në shtëpi. Menjëherë ata i ishin futur kërkimeve.

“800 veta kemi qenë në mal, i tërë fshati. Gra, burra, fëmijë… të gjithë”, kujton mamaja e Bleonës, por policinë e kishin telefonuar vetëm pas orës 23:00, kur vetë nuk mundën ta gjenin të voglën.

Megjithatë, pavarësisht kërkimeve, Bleona nuk u gjet kurrë. Nëna e saj shprehet se pas 16 vitesh ende nuk ka hequr dorë nga kërkimi për të bijën, ndërsa frika e saj është se vajza mund të jetë nxjerrë jashtë vendit. Sipas saj, në të njëjtën ditë inaugurohej edhe Tuneli i Kalimashit, çka mund të ketë lehtësuar lëvizjen drejt kufirit./Opinion.al

The post Mamaja e Bleona Matës rikujton ditën kur u zhduk e bija: 800 veta e kërkuan maleve appeared first on Albeu.com.

Burime pranë këtij institucioni, thanë se kanë pranuar dosjen që iu përcoll për kompetencë nga prokurori Bledar Valikaj, i cili ka arritur në konkluzionin se vera është produkt i veprimtarisë kriminale ku është përfshirë Agasi, raporton gazetarja Klodiana Lala.

Vera u sekuestrua nga SPAK në kuadër të kontrolleve që u kryen në pronat e Ergys Agasit, kur ai u shpall në kërkim bashkë me Ermal Beqirin, si të dyshuar si krerët e një grupi kriminal që rrëmbente biznesmenëve dhe i detyronin të tërhiqeshin nga tenderat e Agjencisë Kombëtare të Shoqërisë së Informacionit.

Malli i sekuestruar iu la në ruajtje kushëririt të të shumëkërkuarit, por kur të nesërmen autoritetet doganore shkuan për ta marrë dhe magazinuar, konstatuan se vera ishte zhdukur.

Kushëriri i Agasit, po hetohet nga prokuroria e kryeqytetit për veprime që pengojë zbardhje e së vërtetës, pasi nuk tregon se ku i dërgoi shishet e verës.

Sipas aktit të ekspertimit, rezulton që vlera të jetë 1.4 mln euro, por kjo vlerë e verës rritet me të paktën dyfish nëse do të shitej me shishe.

Ergys Agasi, është në kërkim ndërkombëtar bashkë me Ermal Beqirin, për akuzat e konkurrencës së paligjshme përmes heqjes së paligjshme të lirisë e grupit kriminal.

SPAK po i heton nën dyshimet se urdhëruan rrëmbimin e biznesmenit Gerond Meçe dhe e detyruan të tërhiqte ankesat për tenderat e AKSHI-t.

Nën masën e arrestit në shtëpi janë ish-drejtoresha e AKSHIT Mirlinda Karçanaj dhe ish-zv.drejtoresha Hava Delibashi, ndërsa masa ma të lehta janë firmosur ndaj disa biznesmenëve dhe një zyrtari policie.

The post Skandali i zhdukjes së shisheve të verës miliona euro të Ergys Agasit, SPAK nis hetimet, prokurori: Produkt i veprimtarisë kriminale appeared first on Albeu.com.