Vajza ishte zhdukur nga Mumbai më 22 janar 2013, atëherë vetëm shtatë vjeç.

Gjithçka nisi kur një çift (Harry D’Souza dhe gruaja e tij Soni, sipas raporteve nga BBC) iu afruan asaj në shkollë me justifikimin për t’i ofruar një akullore. Vajza, tani gjashtëmbëdhjetë vjeç, nuk hoqi dorë kurrë nga kërkimi. Ajo gjeti një video në YouTube të rrëmbimit të saj dhe arriti të gjente një numër për të kërkuar ndihmë.

“Më kanë rrahur me rrip, më kanë goditur me grushte. Një herë më kanë rrahur me okllaj aq fort sa nga shpina më ka rrjedhur gjak. Jam detyruar të punoj 12-24 orë, larg shtëpisë”, tha e arratisura e rrethuar nga familja e saj e vërtetë, raporton TGCOM24.

Historia

Shumë vite pas rrëmbimit, një ditë ajo pati guximin të hynte fshehurazi në telefonin e rrëmbyesve duke kërkuar emrin e saj në YouTube. Dhjetëra apele me foton e saj u shfaqën në ekran, duke përfshirë disa numra telefoni për t’u kontaktuar. Por ajo ishte gjithmonë nën vëzhgimin e çiftit që e ksihte rrëmbyer dhe për Pooja-n ishte e vështirë të gjente një rrugëdalje. Megjithatë, shtatë muaj më vonë, ajo arriti të fliste për këtë me Pramila Devendra, një kolege e saj 35-vjeçare nga shtëpia ku adoleshentja punonte si kujdestare. Gruaja e kishte vënë në kontakt me nënën e saj, e cila e kishte njohur menjëherë.

Reagimi i familjes

Çifti është denoncuar në polici. Vajza më në fund arriti të përqafonte familjen e saj, përveç babait, i cili kishte vdekur nga kanceri në të njëjtin vit. Situata që gjeti në shtëpinë e saj nuk ishte aspak e mirë. “Gjendja jonë është e tillë që nëse më mungon një ditë pune, të nesërmen nuk kemi para për të ngrënë”, ka pranuar nëna e vajzës, e cila thuajse kishte hequr dorë dhe kishte humbur shpresat në gjetjen e vajzës së saj të gjallë./albeu.com/

The post “Më kanë rrahur me rrip aq sa…”, u rrëmbye nga një çift nëntë vjet më parë, rrëfehet vajza dhe tregon tmerrin appeared first on Albeu.com.

Nëna e të resë ishte e ftuar në emisionin “Me zemër të hapur”, në Neës24, ku hodhi akuza të drejtpërdrejta mbi shoqen e Marjetës, Valentinën, duke thënë se dyshon që ajo po e shfrytëzon për interesat e saj.

Emisioni “Me zemër të hapur” ka kontaktuar me shoqen e të zhdukurës, e cila në një lidhje telefonike në studio është përplasur me nënën e 31-vjeçares, teksa kanë dhënë informacione të ndryshme mbi ngjarjen dhe marrëdhënien mes dy vajzave.

Pjesë nga debati në studio:

Nëna: E kapa mat në shtëpinë e Valentinës katër ditë para se të zhdukej, dhe i thashë që do të të rrjep.

Valentina: Jo, nuk ka qenë në shtëpinë time katër ditë para se të zhdukej. Te shtëpia ime ka qenë dhe i kam dhënë vetëm një bidon me vaj. E hoqa nga fëmijët e mi dhe ja dhashë asaj. Kaq. Kontakt tjetër nuk kam pas.

Pse e keni njohur me Gentian Kocin?

Valentina: Unë nuk e njoh kush është ai.

Nëna: Ti i di të gjitha, e njeh.

Valentina: Farie mos më fut mua në sherr, se ju i dini të gjitha çfarë ka bërë goca juaj.

Nëna: Pse të djeg ty?

Valentina: Nuk e njoh Gentianin.

Nëna: E njeh, ka pi kafe me të.

Valentina: Marjeta nuk më ka treguar për lidhjet e saj.

Po Bledin nga Pogradeci e njihni?

Valentina: Jo, nuk e njoh. Nuk e di fare nga ka ikur ajo, vetëm kur më mori e motra, ishte dhe Faria prezentë, kur më pyetën. Ata e dinë vetë për punën e Gentianit, unë nga ata e dëgjova emrin e tij. Bidonin e vajit ja kam dhënë para një muaji e ca. Kam edhe burrin dëshmitar. Ka mbi një muaj e ca. Nuk e di pse ka ikur Marjeta. Ajo ka ikur nga shtëpia e vet, unë nuk di gjë.

Ke folur me shefin e komisariatit të Librazhdit?

Valentina: Jo, nuk më kanë marrë./BW/

The post “Do të të rrjep”, nëna e të zhdukurës në Librazhd përplaset “live” me shoqen e të bijës: Ju kapa mat! appeared first on Albeu.com.

Policia bën me dije se shtetasja A.R. 32 vjeçare, ka denoncuar dy ditë më parë se është larguar nga banesa vajza e saj e mitur, 16 vjeçare.

NJOFTIMI I PLOTË I POLICISË:

Më datë 04.12.2021, shtetasja A. R., 32 vjeçe, ka kallëzuar se është larguar nga banesa e saj, vajza e mitur, shtetasja B. Xh., 16 vjeçe. Punohet për gjetjen e saj. /albeu.com/

The post Policia e Tiranës në alarm: Zhduket pa gjurmë 16 vjeçarja appeared first on Albeu.com.