Zhang Archives - Albeu.com

Sa pritet të shitet Interi?

admin — Tue, 18 Oct 2022 16:41:01 +0000

Zgjat shumë pak epoka Zhang në krye të Interit. Kinezët do të heqin dorë nga pronësia mbi klubin milanez pjesërisht për shkak të ligjit të ri kinez që bllokon nxjerrjen e parave nga vendi dhe pjesërisht për faktin se Inter nuk është ende një klub rentabël që të gjenerojë fitime konkrete.

Drejtori sportiv Beppe Marotta e konfirmoi për herë të parë se klubi ka dalë në shitje por presidenca aktuale do të vazhdojë t’i qëndrojë pranë.

Sipas mediave italiane, momentalisht është kompania që bëri të mundur blerjen e Chelseat nga Todd Boehly që po punon për gjetjen e blerësve të rinj të cilët duhet të derdhin 1 miliardë euro në llogarinë e Suning, një pjesë e të cilave do të shkojë për të shlyer kredinë 300 milionëshe.

Momentalisht, interes kanë shfaqur pronarët e klubit të basketbollit Miwaukee Bucks, një kompani nga Emiratet e Bashkuara Arabe dhe miliarderi zviceran, Ernesto Bertarelli.

The post Sa pritet të shitet Interi? appeared first on Albeu.com.

Ultrasit e Interit kundër presidentit të ekipit: Zhang IK

E S — Fri, 23 Sep 2022 10:48:27 +0000

Ultrasit e Interit “Curva Nord” të mbështetur edhe nga tifozë të tjerë “zikaltër” kanë vendosur të vazhdojnë sfidën ndaj pronarit të kompanisë.

Në rrjete sociale, ultrasit kanë postuar “Zhang Ik”, dicka që nuk lë vend për diskutime.

Pronari kinez është në bisedime për të shitur klubin, i lodhur nga sulmet e vazhdueshme të tifozëve.

Vlëresimi prej 1.2 miliard euro duket shumë për të interesuar në këto momente./albeu.com

The post Ultrasit e Interit kundër presidentit të ekipit: Zhang IK appeared first on Albeu.com.

Zhang zyrtarizon Lukakun nga selia e klubit të Interit

admin — Wed, 29 Jun 2022 19:18:30 +0000

I rikthyer me bujë të madhe te Chelsea në verën e vitit 2021, Romelu Lukaku tashmë po largohet nga “Blutë”, këtë herë nga dera e pasme, pas një viti zhgënjyes. Sulmuesi belg është rikthyer te Interi në formë huazimi.

Ndërkohë që prisnim domosdoshmërisht një njoftim për shtyp, klubi milanez publikoi një video të presidentit, Steven Zhang për të zyrtarizuar rikthimin e një elementi që kishte gjetur rrjetën 64 herë dhe kishte dhuruar 16 asistime në 96 ndeshje me zikaltërit mes viteve 2019 dhe 2021. Madje më pas është publikuar një foto në rrjetet sociale të klubit.

Biseda midis tyre:

Zhang – “Jam në tarracën e selisë së Interit dhe shiko kë kam këtu…”

Lukaku – “Jam kthyer djema”

Zhang – “Po, Big Boss është kthyer sërish. Jeni i lumtur?”

Lukaku – “Jam vërtet i lumtur dhe faleminderit për besimin”

Zhang – “Është një dejavu, kthimi këtu”

Lukaku – “Të kujtohet tre vjet më parë, ende këtu?”

Zhang – “Duket si dje”

Zhang – “Pra .. A do të shënojmë shumë gola në San Siro?”

Lukaku – “Jam këtu për këtë”

Zhang – “Është një premtim”

Lukaku – “Unë i mbaj, ti e di”

Zhang – “Faleminderit që u ktheve”

Lukaku – “Faleminderit për besimin”.

? Lukaku está de regreso y así lo anuncia el @Inter_es pic.twitter.com/UBUa8sQbLA

— GOAL España (@GoalEspana) June 29, 2022

The post Zhang zyrtarizon Lukakun nga selia e klubit të Interit appeared first on Albeu.com.

Zhang shpërblen ekipin për fitoren e Superkupës

admin — Fri, 14 Jan 2022 09:24:51 +0000

Fitorja e Interit në Superkupën e Italisë e betonoi akoma më shumë ambientin zikaltër, i cili tashmë ndihet sërish i pathyeshëm falë trajnerit të tij dhe një skuadre që po tregohet ende më e forta në Itali. Trajneri pas ndeshjes së fituar ndaj Juventusit zbuloi se presidenti Zhang kishte premtuar një çmim për grupin e ekipit dhe mëngjesin e [...]

Superkupa, merkato, rinovime dhe financime, Zhang drejt Milanos

admin — Tue, 04 Jan 2022 20:54:02 +0000

Pritja po përfundon, Interi do të mirëpresë në qytet Steven Zhang.Numri një i Nerazzurrëve do të jetë në San Siro për finalen e Superkupës së Italisë kundërJuventusit, të planifikuar për 12 janar , me synimin për të ngritur trofeun e tij të dytë pas Scudetto-s që fitoi sezonin e kaluar.

Ka mundësi që Zhang të qëndrojë në Milano deri më 31 janar, ose deri në fund të merkatos, por siç thuhet në La Gazzetta dello Sport, nuk mund të përjashtohet qëndrimi i tij deri në super-ndeshjen e Champions League kundërLiverpool më 12 shkurt.

Superkupa dhe tregu i transferimeve janë dy temat më të nxehta rreth të cilave rrotullohet rikthimi i Zhang në Itali, por jo vetëm: dy objektivat e tjerë janë planifikimi i merkatos së qershorit dhe zhbllokimi i disa rinovimeve, duke filluar me atë të Brozovic dhe të gjithë drejtuesve.

Do të jetë gjithashtu një mundësi e mirë për t’u takuar dhe për të kaluar kohë me Inzaghin, pas përshëndetjes së shkurtër në verë. Madje, do të ketë vend edhe për të përcaktuar manovrat e fundit për obligacionin e ri 400 milionë euro. / h.ll/albeu.com

The post Superkupa, merkato, rinovime dhe financime, Zhang drejt Milanos appeared first on Albeu.com.

Zhang bëhet aktiv në rrjetet sociale pas 6 muajsh, tifozët: President, ende gjallë?

E S — Thu, 25 Nov 2021 11:48:01 +0000

Postimi i fundit në Instagram daton në 23 maj, së bashku me Antonio Conten dhe Lele Oriali mban në duar trofeun e kampionatit.

Presidenti i Interit , Steven Zhang, rikthehet për t’u shfaqur në rrjetet sociale në natën e matematikës, duke siguruar kalimin në 1/16 të Champions League falë fitores ndaj Shakhtarit dhe më pas asaj të Real Madridit në shtëpinë e Sherifit.

“Pas dhjetë vitesh, le të bëjmë një hap përpara, të shkojmë!!”, është komenti i numrit një zikaltër që shoqëron foton e lojtarëve është përqafuar për të festuar suksesin ndaj ukrainasve.

Por tifozëve të Interit nuk u pëlqeu, duke e qortuar Zhang për mungesën e gjatë. Dhe jo vetëm… “A je akoma gjallë president?”, “Kujtohesh herë pas here që je ende president i Interit”, “Për pak të harrova”, disa nga përgjigjet më ‘dashamirëse’. Por nuk mungojnë kritikat më të rënda: “Duhet të shesësh!”. /albeu.com

View this post on Instagram

A post shared by Steven Zhang (@stevenzhang91)

The post Zhang bëhet aktiv në rrjetet sociale pas 6 muajsh, tifozët: President, ende gjallë? appeared first on Albeu.com.

Zhang i thotë “JO” sheikëve të Newcastle

E S — Thu, 28 Oct 2021 11:51:45 +0000

Me blerjen e Newcastle United, të shumta ishin mediat që folin për Interin si objektivimin e radhës në listën e blerjece të Mohamed bil Selman, pricit të kurorës së Arabisë Saudite.

Merëpo, presidenti i skuadrës “zikaltër”, Steven Zhang, ka mohuar se do ta shesë klubin: “Shumë thashethemi kanë rrethuar klubin dhe angaazhimin e pronësisë ndaj Interit. Ato janë gënjeshtra dhe spekulime. E ritheksoj se pronësia, mbështetja dhe angazhimi i projektit jaë afatgjata. Vizioni ynë për të ardhmen është i qartë dhe i përcaktuar.”

Së bashku me Zhang, Beppe Marotta, CEO i skuadrës milaneze, foli për planin e qëndrueshmërisë të realiziar nga kampionët aktualë të Serie A gjatë merkatos së kaluar të verës, gjatë të cilit larguan Lukakun dhe Hakimin.

“Këtë vit ne i kemi vendosur vetes synimin për të kombinuar një politikë të reduktimit të kostos me ruajtjen e konkurrencës sportive. Ne e dimë se sa e vështirë do të jetë të përsëritet, por vullneti ynë është të mbrojmë me krenari Scudetton nga fanellat tona,” shpjegoi Marotta./albeu.com

The post Zhang i thotë “JO” sheikëve të Newcastle appeared first on Albeu.com.

Tifozët e Interit nuk i ndalin protestat: Zhang, koha është duke mbaruar

E S — Thu, 05 Aug 2021 21:07:33 +0000

Tifozët e Interit vazhdojnë me protesta drejtuar presidentit Steven Zhang dhe bordit për mos shitjen e sulmuesit Romelu Lukaku te Chelsea.

Ende nuk është marrëveshje e arritur, por Inter thuhet se do e pranojë propozimin prej 130 milionë euro.

Tifozët e Interit janë shumë të zemëruar dhe para stadiumit kanë vendosur një baner: “Zhang, koha është duke mbaruar”.

Ndërkohë, Gazzetta dello Sport, raporton se drejtorët Beppe Marotta dhe Piero Ausilio janë të gati të japin dorëheqje nëse ka protesta për shitjen e Lukakut, por kjo do ndodh në fundin e afatit kalimtar.

Shqetësimi i tifozëve nuk është vetëm që ylli i skuadrës do shitet, por mbi të gjitha këto funde do jenë në klub dhe nuk do këtë investime në transferimet e reja.

Inter deri më tani ka shitur Achraf Hakimin te PSG-ja për 80 milionë euro, por vazhdojnë të kenë probleme financiare./

#Inter, nuovo striscione della Curva Nord. Stavolta contro Steven Zhang.

"Zhang the time is over" pic.twitter.com/HgyKl3rgpc

— Daniele Mari (@marifcinter) August 5, 2021

The post Tifozët e Interit nuk i ndalin protestat: Zhang, koha është duke mbaruar appeared first on Albeu.com.

Conte drejt largimit, banderola e protestë para selisë “zikaltër” (FOTO LAJM)

E S — Wed, 26 May 2021 12:12:28 +0000

Duket një jetë më parë, megjithatë Interi ngriti kupën Scudetto vetëm të dielën e kaluar. Thashethemet, gjithnjë e më shumë të bazuara, për një lamtumirë të afërt nga Antonio Conte, frikësuan dhe zemëruan tifozët e Nerazzurri. Ata lëvizën menjëherë, duke shfaqur dy banderola me tone të forta nën selinë e kompanisë. “Ndryshimi i madh i kampionëve është vetëm për bashkëpunëtorët …. . Trajnerët, stafi dhe lojtarët nuk preken”, mesazhi i parë i nënshkruar nga Curva Nord.

Pankarta u shfaq menjëherë pas mbërritjes së Presidentit Steven Zhang , me pas arritën Marotta, Ausilio dhe Antonello, tashmë të pranishëm në Viale della Liberazione. Numri një i klubit kampion italian përfundoi në mes të njerëzve të Interit. “Zhang merr përgjegjësinë ose largohet nga qyteti”, shkruhet në banderolën e dytë të shfaqur kundër pronës kineze.

Disa përfaqësues të mbështetësve të organizuar më pas u ngritën për të pasur një konfrontim me menaxhmentin për të shpjeguar arsyet e tyre dhe mbi të gjitha për të kuptuar se çfarë po ndodh me të vërtetë në Inter./albeu.com/

The post Conte drejt largimit, banderola e protestë para selisë “zikaltër” (FOTO LAJM) appeared first on Albeu.com.

Conte pranë “divorcit” me Interin, vendimi do të jetë konsensual

E S — Wed, 26 May 2021 09:06:17 +0000

E ardhmja duket se është vendosur: Antonio Conte po përgatitet të largohet nga Interi. Është çështje orësh, ndoshta ditësh, që palët të bien dakord për ndarjen me mirëkuptim. Sepse Suning nuk ka ndërmend ta shkarkojë, por as Conte nuk e mendon dorëheqjen. Ka mbetur vetëm një vit në kontratë dhe duhet gjetur gjuha e përbashkët, pasi nuk është momenti për të qëndruar në llogore.

Hendeku mes kërkesave ambicioze të trajnerit puljez për programimin e së ardhmes dhe asaj që ofron presidenti Steven Zhang është i madh. Drejtuesit e lartë të klubit zikaltër e kanë bërë të qartë nevojën për shkurtimin e pagave dhe hyrjen në merkato për të siguruar një plusvalencë, çka do të thotë se tifozët e Interit nuk duhet të presin investime të mëdha. Madje shitja e një lojtari me peshë konsiderohet domosdoshmëri për të rregulluar bilancin.

E ardhmja e Antonio Contes, në këtë pike, duke përjashtuar një ndryshim të menjëhershëm kursi, do të jetë larg Milanos dhe, sipas të gjitha, gjasave edhe larg Italisë.

Në kontekstin aktual, nuk ka një klub të Serisë A që mund të përballojë një trajner me ambicie të tilla dhe kërkesa kaq të larta ekonomike. Nuk përjashtohet mundësia që 51-vjeçari të marrë një vit pushim. Gjithsesi, në tryezë janë hipotezat angleze, Tottenhami dhe Manchester United, dhe ajo spanjolle, me Real Madridin që mund të shohë te italiani pasuesin ideal të Zidane.

The post Conte pranë “divorcit” me Interin, vendimi do të jetë konsensual appeared first on Albeu.com.