Si hap i parë që u plotësua ishte zvogëlimi i pranisë së njësive policore në e përreth godinave komunale në Leposaviq, Zubin Potok, e Zveçan.

Por hapa tutje drejt qëllimit që e ka edhe marrëveshja nga kryeqytetit sllovak, pra që është mbajtja e zgjedhjeve të parakohshme në katër komunat, nuk u bënë.

Derisa institucionet kosovare, thonë se votimet e reja duhet të bëhen përmes nënshkrimit të peticionit, nga Brukseli zyrtar e kanë një rrugë më të shkurtër deri te zgjedhjet, që duhet të jenë gjithëpërfshirëse.

”Dorëheqjet e kryetarëve të komunave janë mënyra më e shpejtë për të nxitur zgjedhje të parakohshme, ndërkohë që të dyja palët duhet të tregojnë konstruktivitet në realizimin e zgjedhjeve. Status-quoja e cila rezultoi nga tërheqja e serbëve nga institucionet e Kosovës nëntorin e kaluar dhe bojkotimi i zgjedhjeve të prillit nga komuniteti serb i Kosovës, nuk është e qëndrueshme”, thuhet në një përgjigjien për Klan Kosovën nga Shërbimi për Punë të Jashtme (EEAS).

Pos kësaj, në përgjigjen nga unioni që ka 27 vende anëtare, thonë se presin që serbët e Kosovës të zotojnë pjesëmarrjen në zgjedhjet e reja.

The post BE: Dorëheqja e kryetarëve zgjidhja më e shpejtë për situatën në veri të Kosovës appeared first on Albeu.com.

Ose nëse shikon ngjyrat në tavan ose rrobat të hedhura në dysheme, do të vijë ora 4.01 dhe ti thjesht sa do të mendosh diçka tjetër. Ti e di se nuk duhet të mendosh dhe nuk duhet të shikosh – ti duhet të jesh duke fjetur! Ke nevojë të domosdoshme për shtatë orë gjumi me cilësi çdo natë. Ideja se nuk mund të flesh, se nuk të zë gjumi, është acaruese në kulm. Dhe pikërisht acarimi e bën edhe më të vështirë të fjeturit.

Por çfarë mund të bësh? Hapi i parë i domosdoshëm për gjumë të mirë është që të rregullosh orën biologjike, pra të biesh në krevat për të fjetur në një orë të caktuar dhe të zgjohesh po në orën e caktuar. Natyrisht, është e domosdoshme që krevati të përdoret vetëm për të fjetur gjumë (apo seks) dhe që të mos qëndrosh shtrirë në të gjatë orëve të ditës. Por kjo është për zgjidhjen afatgjatë të problemit. Çështja e parë tani është si të biem të flemë në orën 4 të mëngjesit kur duhet të kapim ato pak orë para se të zbardhë pavarësisht se nuk na flihet.

Këshillat më poshtë mund të të ndihmojnë. Këshilla e parë është nga Erik Olson, bashkëdrejtor i qendrës së Mjekësisë së Gjumit.

Dil nga shtrati. Nëse qëndron në krevat dhe je zgjuar, i dërgon vetes tënde mesazhin e gabuar. “Në thelb ti po stërvit trupin për të mos fjetur pavarësisht se je në krevat, po e mëson të qëndrojë shtrirë dhe zgjuar”, thotë eksperti. “Dhe mendja juaj nuk mund të përshtatet me këtë”.

Sa më gjatë të qëndrosh në këtë gjendje, aq më shumë acarohesh. Dhe problemi është se ne fillojmë të vendosim një shenjë barazie mes dhomës së gjumit dhe gjumit të parehatshëm.

Pra nëse nuk je në gjendje të të zërë gjumi brenda 15-20 minutave pasi ke rënë në krevat, dil nga krevati dhe nga dhoma. Përpiqu të bësh diçka relaksuese dhe jostimuluese. Dëgjo muzikë, lexo një libër. Mund të mendosh madje edhe të pastrosh shtëpinë apo të gatuash, sugjeron Olson.

Një banjë mund të shkojë mirë, për shkak se gjumi mund të joshet nga rënia e temperaturës së trupit pas banjës. Çfarëdo aktiviteti të zgjedhësh, duhet ta bësh atë jashtë krevatit dhe pastaj të kthehesh vetëm kur të ndihesh i përgjumur.

Përdor teknika relaksimi. Mund të përdorësh çfarëdolloj metode relaksimi që njeh për të luftuar pagjumësinë. Përdor pozën e parapëlqyer të jogës. Medito. Një mënyrë e thjeshtë fare, merr frymë thellë. Thjesht kushtoji vëmendje ngritjes dhe rënies së frymëmarrjes dhe përqendrohu në pjesë të trupit tënd ku ndien se oksigjeni po depërton, qofshin mushkëritë apo diafragma.

Sugjerohet edhe relaksimi progresiv i muskujve: duke punuar nga gishtat e këmbëve deri te balli, mund të tensionosh çdo grup muskujsh për pesë sekonda para se t’i lirosh. Vizualizimi është një teknikë tjetër klasike relaksimi. Imagjinoni veten në ndonjë vend të këndshëm dhe të qetë. Po sa i përket nënës së të gjitha ilaçeve kundër pagjumësisë – numërimi i deleve?

Olson e sheh këtë si “teknikë heqjeje vëmendjeje” njësoj si vizualizimi. Kur vjen puna te gjumi, thotë ai, “sa më shumë të përpiqesh, aq më i pamundur bëhet”. Pra nëse numëron kafshët e fermës apo e imagjinon veten në ndonjë ishull tropikal, ideja është e njëjtë. “Po heq nga mendja idenë ‘nuk fle dot, nuk fle dot, nuk fle dot’. Po e çon mendjen te diçka tjetër.

Lehtëso ankthin. Në disa raste pagjumësia vjen nga shqetësimet. Truri juaj po punon me shpejtësi, duke menduar për llogarinë bankare apo për një takim të rëndësishëm nesër apo për fëmijën tuaj në telashe me shkollën. Njerëzit vazhdimisht kanë probleme kur vjen puna për të “qetësuar mendjen” gjatë natës. Duhet ta stërvitësh mendjen për të menduar për këto gjëra në kohë më të përshtatshme gjatë ditës.

Bëj një orar çdo ditë, mes punës dhe darkës për të mbajtur shënim mbi atë që të shqetëson e si janë punët. Shpesh është kaq e thjeshtë. “Ti e fle mendjen duke thënë ‘mendova për këtë punë sot dhe nuk kam asnjë zgjidhje për momentin”, thotë Olson.

Duke i dokumentuar sistematikisht shqetësimet gjatë ditës, do të kesh më pak gjasa të fiksohesh mbi to gjatë natës.

Natyrisht, vendosja në raft e shqetësimeve të tua është e mirë, por është shpesh çështje vesi që krijohet gjatë ditës, gjatë orëve kur supozohet se duhet të jesh i vëmendshëm dhe i kthjellët. Edhe nëse je në orën 4 të mëngjesit dhe nuk të lënë mendimet të flesh, atëherë çohu, hidhi mendimet mbi shqetësimet në një copë letër, merr frymë thellë disa herë ose mendo diçka të bukur.

Një ankth tjetër që na zë në orët e natës të pagjumë është pikërisht rritja e vetëdijes për faktin se nuk po fle gjumë, ndërkohë që duhet të flesh. Stresi dhe lodhja – emocione që jo gjithmonë sjellin relaks – përshkallëzohen ndërsa ti përpiqesh të flesh dhe je i përqendruar te mendimi se pas pak orësh duhet të jesh gati për punë. Sugjerimi i ekspertëve është që duhet të heqësh nga mendja idenë se të kanë mbetur pak orë për gjumë. Mos e shih orën, ktheje atë nga krahu tjetër.

Ilaçe, por me kujdes. Në rast se e sheh të pamundur të flesh pa ilaçe, mund t’i marrësh ato, por mjekët nuk i rekomandojnë kurrë me përjashtim të rasteve ekstreme. Është më mirë që të provosh të gjitha teknikat e tjera para se të mendosh se ke nevojë për ilaçe qetësimi. Por në rast se këto teknika nuk e zgjidhin problemin, atëherë para se të shkosh tek ilaçet, mendo edhe diçka të fundit. Ora e zgjimit duhet të jetë ora 7 e mëngjesit, jo ora 11. Përpiqu me çdo kusht të çohesh herët në mënyrë që të arrish të flesh herët. Në të gjitha rastet, ilaçet kanë efekt edhe pasi je zgjuar dhe rreziku është i madh, veçanërisht në rast se do t’i japësh makinës për të shkuar në punë.

Mjekët rekomandojnë gjithmonë që edhe nëse merren, ilaçet nuk duhet të merren në 4 të mëngjesit.

Takohu me një mjek. Nëse pagjumësia është e vazhduar dhe po shkatërron orarin tënd të ditës, atëherë zgjidhja është të konsultohesh me një mjek. “Kur njerëzit fillojnë të ndihen se janë të shqetësuar për gjumin që bëjnë gjatë ditës, kjo është pikërisht koha kur kanë nevojë për konsulta më të specializuara”, thotë Olson.

The post Nuk ju zë gjumi? Ja zgjidhja appeared first on Albeu.com.

“Me kalimin e kohës, funksionet normale të trupit humbasin një pjesë të efikasitetit të tyre”, shpjegon Dr. Gerard Mullin, një gastroenterolog në Universitetin Johns Hopkins.

Faktorët kryesorë që ndikojnë në shëndetin e zorrëve janë ndryshimet në acidet e stomakut, imuniteti i zorrëve dhe mikroflora lokale – sistemi kompleks i baktereve në sistemin tonë tretës.

Kur zorra është në gjendje të mirë shëndetësore, atëherë ne kemi më pak gjasa të përjetojmë inflamacion të dëmshëm dhe rënie të imunitetit, shpjegon Dr. Mullin.

Por si mund të kujdesemi për shëndetin e zorrëve dhe mbrojtjen e sistemit të tretjes që mund të mos lidhen domosdoshmërisht me dietën? Ja disa këshilla.

Hani ushqimet e duhura.

Një dietë e ekuilibruar e pasur me fruta dhe perime siguron fibrat e nevojshme për të favorizuar bakteret e mira dhe shëndetin e zorrëve. Nëse ndiqni një dietë të stilit perëndimor, patjetër që keni 40-50% mungesë të fibrave, ndaj veproni duke përfshirë mikrobet e dobishme në dietën tuaj. Ushqimet e pasura me mikrobe të dobishme janë, kosi, lakra turshi dhe produktet e fermentuara si turshitë.

Flini mjaftueshëm gjumë

Gjumi i pamjaftueshëm shoqërohet me përqindje më të larta të obezitetit, e cila nga ana tjetër është sfondi për një sërë çrregullimesh të tretjes.

Aktiviteti fizik.

Ushtrimi është mënyra më e mirë për të rregulluar peshën e trupit dhe për të parandaluar problemet e sistemit tretës.

Menaxhoni stresin

Më pak stres, më pak urth, shpjegon doktor Mullin. Provoni terapi relaksuese së bashku me teknika të tjera shpërqendrimi.

Trajtoni stresin dhe depresionin

Humori dhe shëndeti i tretjes janë të lidhura ngushtë nëpërmjet boshtit tru-zorrë. Kjo lidhje është veçanërisht e fortë në rastet e problemeve gastrointestinale si sindroma e zorrës së irrituar.

The post Keni problem me sistemin tretës? Kjo është zgjidhja appeared first on Albeu.com.

Janë të bezdisshme dhe nuk di se ç’të bësh e në më të shumtën presim të ikin vetë.Disa shkojnë drejt e në farmaci dhe është e qartë se farmacisti s’do ta lërë t’i ikë nga duart pa i dhënë ndonjë krem që më së shumti, zor se bën punë.

Aftet do të zhduken pas disa ditësh, zakonisht nga 7 deri 20 ditë.

A ka zgjidhje më të shpejtë?

Po, madje e keni afër, brenda kuzhinës.

Mjalti:
Mjalti është një produkt i paparë për të larguar aftet, në sajë të fuqisë së saj kundër mikrobeve.

Duhet të njomni zonën e goditur nga aftet duke përdorur një pecetë të butë e të pastër dhe menjëherë më pas vendosni disa pika mjaltë në qendër të aftes.

Sherebela:

Sherebela (salvia) është gjerësisht efektive në përdorimin për të kuruar dëmtime në lëkurë e padyshim edhe për aftet.

Për ta përdorur duhet të merrni disa gjethe të thara të sherebelës dhe t’i zieni. pasi të përftoni lëngun që duhet filtruar dhe ftohur, duhet të përdoret për të shpëlarë gojën disa herë në ditë.

Uji i oksigjenuar (Peroksid hidrogjeni):

Për të qenë efektiv ndaj afteve, uji i oksigjenuar duhet të përzihet me ujë të pijshëm para se të përdoret për të shpëlarë gojën 3 herë në ditë. Është një ilaç i bezdisshëm, por shumë efektiv. Më të “guximshmit” përdorin pambuk të lyer me këtë përzierje dhe e vënë drejt e në plagën që shkaktohet nga aftet. Të djeg ca në fillim, por funksionon akoma më shpejt.

Ujë e kripë: një zgjidhje ideale për kurim të shpejtë të afteve.

Merrni ujë dhe kripë të ashpër dhe zijeni. me t’u ftohur shpëlani gojën me të. Në fillim zona ku ndodhet afte do të irritohet pak, por duke ngjarë kështu, ajo plagë do të zhduket më shpejt.

Aloe vera:Dobitë e aloe vera janë të pafundme. Këpusni për së gjati një copë nga gjethet e aloe vera dhe vendosni mbi plagë. Efekti i zhdukjes së dhimbjes është i menjëhershëm dhe zhdukja e aftes, së shpejti.

The post Puçrra në buzë apo gjuhë? Zgjidhjen e gjeni te ky përbërës i kuzhinës suaj appeared first on Albeu.com.

Ujë i nxehtë: Shpëlajeni lavamanin për aq kohë sa të jetë e mundur me ujë sa më të nxehtë. Shpesh një litër ujë i vluar është i mjaftueshëm në kuzhinë. Mos harroni të lani edhe tubat anësorë dhe vrimat e ajrit.

Kripë: Vendosni dy lugë kripë direkt në kullues dhe lëreni kripën të qëndrojë për 30-45 minuta. Shpëlarja e plotë me ujë të ftohtë shpesh është e mjaftueshme për të eliminuar aromat.

Sodë – Mund të bëni të njëjtën gjë me sode, e cila ka një efekt të fortë çrrënjosës. Sidoqoftë, efekti rritet edhe më shumë nëse hidhni dy lugë pluhur sode në një litër ujë të nxehtë dhe lini që përzierja të rrjedhë ngadalë në kullues. Edhe në këtë rast thjesht e shpëlan me ujë të pastër pas 30 – 45 minutash.

Përzierje uthull dhe maja: Nëse ka depozita të mëdha në kullues, shpesh ia vlen të përdorni maja dhe uthull. Hidhini dy lugë maja tubit dhe derdhni 150-250 mililitra uthull. Uthulla shkakton shkumëzimin e majasë. Pas rreth 15 minutash, shpëlajeni tubin tërësisht me ujë të ngrohtë. Mund të përdorni edhe sodë buke nëse nuk keni maja. Me të dy variantet, ndodh shkumëzimi dhe mund të ndodhin spërkatje. Prandaj, mbajeni kokën larg.

Cola: A ka ngelur më coca-cola në frigorifer? Lëreni cola-n të kullojë pak në tuba para se ta shpëlani. Përbërësit e saj veprojnë gjithashtu kundër aromave. Pasi të ketë dhënë efekt, shpëlajeni tërësisht.

The post Kaq e thjeshtë, si të veproni nëse tubat e lavamanit nxjerrin aroma të padurueshme appeared first on Albeu.com.

Megjithatë, ka një truk të vogël që duhet mbajtur parasysh. Është mirë të keni gjithmonë me vete një dezinfektues duarsh. Fërkoni disa pika në secilën sqetull dhe lëreni lëngun të avullojë, nuk do të duhen më shumë se disa sekonda.

Meqenëse aroma e trupit shkaktohet nga bakteret që jetojnë dhe riprodhohen në lëkurën tonë, dezinfektuesi do t’ju shpëtojë nga aromat e pakëndshme pasi vret këta mikroorganizma. Alkooli që përmban dezinfektuesi gjithashtu ndihmon që djersa të avullojë më shpejt.

The post Keni harruar të vendosni deodorant? Ka një zgjidhje të shpejtë që do t’ju shpëtojë appeared first on Albeu.com.

Të duhet një dorë majdanoz që e kemi rekomanduar edhe më parë si tonik, një enë e vogël, një lugë druri, një lugë gjelle ujë i nxehtë ose kos dhe dy topa pambuku.

Gri majdanozin, vendose në enë dhe pastaj shtyp gjethet me lugën e drurit që të nxjerrin lëngun. Më pas, hidh ujë të nxehtë mbi majdanoz duke e përzierë, mund dhe ta zëvendësosh me kos ujin, nëse do një maskë më të plotë.

Fut pambukët në lëng pasi ai të ftohet. Pastaj vendosi poshtë syve, shtrihu me shpinë dhe lëri për 10 minuta.
Duhet ta përdorësh dy herë në javë. Ose kur të ka ngelur ca majdanoz.

A funksionon? Ja që po! Majdanozi është shumë i pasur me vitaminë C dhe K, të dy elementë që i japin ndriçim lëkurës dhe e shfryjnë. Si rezultat, do fillosh të shohësh një ndryshim të madh për pak javë.
Thjesht sigurohu që të vazhdosh të ndihesh sa më e qetë.

The post Hap frigoriferin para se të flesh, ke përgjigjen e rrathëve të errët poshtë syve appeared first on Albeu.com.