Gjithashtu, Ministri theksoi se drejtori i ri ka dëshmuar përvojë të spikatur, vizion të qartë strategjik dhe angazhim të qëndrueshëm ndaj ligjit dhe qytetarëve.

“Policia e Shtetit ka një rol kyç në garantimin e rendit dhe sigurisë publike. Drejtimi i saj kërkon jo vetëm aftësi profesionale, por edhe ndershmëri, etikë dhe përgjegjësi të lartë publike”, u shpreh Lamallari.

Ai shtoi se pret që, nën drejtimin e Hitës, institucioni të vijojë të përmirësojë performancën, të rrisë besimin e qytetarëve dhe të përmbushë me përkushtim misionin në shërbim të sigurisë dhe shtetit të së drejtës.

Njoftimi i ministrit:

“Sot në mbledhjen e Këshillit të Ministrave miratuam vendimin për dhënien e gradës Drejtues Madhor dhe emërimin e Drejtorit të Përgjithshëm të Policisë së Shtetit, z.Skënder Hita. Ky është një vendim i bazuar në meritë, profesionalizëm dhe integritet.

Skënder Hita ka rezultuar ndër kandidatët më të vlerësuar nga një proces konkurrues, duke dëshmuar përvojë të spikatur, vizion të qartë strategjik dhe angazhim të palëkundur ndaj ligjit dhe qytetarëve.

Policia e Shtetit ka një rol kyç në garantimin e rendit dhe sigurisë publike. Prandaj, drejtimi i saj kërkon jo vetëm aftësi profesionale, por edhe ndershmëri, etikë dhe përgjegjësi të lartë publike.

Jam i bindur se, nën drejtimin e tij, Policia e Shtetit do të vijojë të forcojë performancën, të rrisë besimin e qytetarëve dhe të përmbushë me përkushtim misionin e saj në shërbim të sigurisë dhe shtetit të së drejtës”.

The post Zgjidhet Drejtori i Përgjithshëm i Policisë së Shtetit (EMRI) appeared first on Albeu.com.

Në minutën e 26-të, ai avancoi në krahun e majtë dhe pas një kontrolli të saktë të topit, shërbeu në mënyrë perfekte për shokun e skuadrës, duke kontribuar në golin e tretë të takimit.

Falë performancës fantastike në ndeshjen e fundit, Pilo është përfshirë në formacionin më të mirë të javës nga mediat greke.

Trajneri Silvinjo pritet të ketë “armë” shtesë në repartin e mbrojtjes, aty ku Shqipëria ka qenë e “blinduar” në kualifikueset e Botërorit, duke qenë një skuadër që pëson shumë pak. Pilo feston ftesën te Shqipëria në mënyrën më të mirë të mundshme.

The post Ftesën në Kombëtaren shqiptare e festoi me asist, Pilo zgjidhet në formacionin më të mirë të javës appeared first on Albeu.com.

Ndërsa portieri i më i mirë i 11-shes së javës është zgjedhur ai i Sasuolos, Arijanet Muriç.

Gardiani pati një mbrëmje magjike ku arriti të neutralizonte 7 gjuajtje të Juventusit, drejtuar kuadratit të tij, ku më e rëndësishmja padyshim ishte penalltia e pritur ndaj Lokatelit në minutën e 87-të.

27-vjeçari në fund u zgjodh “Lojtari i Ndeshjes” dhe u vlerësua me notën 8.7 nga SofaScore.

The post FOTO/ Kapiteni i Kombëtares shqiptare Berat Gjimshiti, pjesë e formacionit të javës në Serinë A appeared first on Albeu.com.

Miri dërgoi në televotim çiftin Mateo-Gimbo dhe Brikena-Selin, ndërsa publiku duhet të zgjedhë se cili çift të shpëtojë.

Dy më pak të votuarit, do të përballen me njëri-tjetrin se kush prej tyre do të largohet nga shtëpia.

The post Miri zgjidhet lideri i ri/ Ja cilët janë banorët që ai dëgon në nominim appeared first on Albeu.com.

I huazuar nga Beshiktash me opsion blerjeje, mesfushori shqiptar jo vetëm që ka rigjetur formën optimale, por ka hapur edhe një kapitull të ri negociatash mes dy klubeve.

LOJTARI I MUAJIT

Paraqitjet dhe golat e shënuar nga Muçi, kanë sjellë edhe vlerësime dhe ka qenë media prestigjioze turke “HT Spor”, e cila e ka shpallur Ernest Muçi si lojtarin më të mirë të muajit, përforcon edhe më shumë peshën e ndikimit të tij te Trabzonspor. Ky çmim vjen pas formës së shkëlqyer që mesfushori shqiptar po kalon, duke u shndërruar në një nga figurat më të rëndësishme të kampionatit. Përzgjedhja nga një prej platformave më të ndjekura sportive në Turqi jo vetëm që rrit profilin e tij në tregun vendas, por e vendos Muçin në qendër të vëmendjes, në një moment kyç të sezonit.

LOJTARI MË PRODUKTIV NË SKUADËR- 24-vjeçari ka arritur kontributin më të lartë në gol në karrierën e tij, duke regjistruar 13 gola dhe 4 asistime në të gjitha kompeticionet. Me këtë shifër, ai barazoi rekordin e mesfushorit grek Anastasios Bakasetas prej 13 golash në një sezon (2022-23), duke u bërë mesfushori i parë i Trabzonsporit që prek këtë kuotë në vitet e fundit. Në kampionat, Muçi ka realizuar 10 gola në Super Lig, duke shënuar dy herë ndaj Bashakshehir dhe Gooztepe, si dhe nga një gol kundër Koniaspor, Beshiktash, Gençlerbirlixhi, Kocaelispor, Samsunspor dhe Fenerbahçe. Në Kupë, ai shtoi edhe 3 gola të tjerë, duke treguar vazhdimësi në të dy kompeticionet.

Përtej golave, Muçi ka dhënë edhe 4 asistime, duke e çuar totalin e kontributit direkt në 17 gola. Veçanërisht domethënëse është efikasiteti i tij nga distanca: tre prej golave kanë ardhur nga jashtë zone, ndërsa goli i vetëm i skuadrës nga goditja e dënimit këtë sezon mban firmën e tij. Me 1164 minuta në 18 paraqitje kampionati ku 13 sfida i ka nisur si titullar, Muçi është shndërruar në motorin kreativ të mesfushës.

MERKATOJA- Forma e tij aktuale përbën një ndryshim të madh krahasuar me periudhën e vështirë te Beshiktashi. Në 10 ndeshjet e fundit të kampionatit, Muçi ka realizuar 10 gola dhe 2 asistime, një statistikë kjo që e vendos mes lojtarëve më vendimtarë të fazës së dytë të sezonit. Ky shpërthim ka ndryshuar edhe dinamikën mes dy klubeve. Trabzonspor pagoi 1 milion euro për huazimin sezonal, ndërsa opsioni i blerjes është i fiksuar në 8.5 milionë euro. Drejtuesit e klubit nga Trabzoni raportohet se po shqyrtojnë mundësinë e rinegocimit të kësaj shume, duke argumentuar se marrëveshja fillestare është arritur në rrethana të ndryshme sportive. Nga ana tjetër, Beshiktashi nuk duket i gatshëm të bëjë lëshime.

Kontrata e Muçit me klubin e Stambollit është e vlefshme deri më 30 qershor 2027, çka i jep atyre një pozicion të fortë negociues. Duke marrë parasysh rritjen e vlerës së tij në treg dhe moshën relativisht të re, klubi bardhezi e konsideron çmimin aktual të arsyeshëm. Megjithatë, një tjetër frikë që ka Beshiktashi, është fakti se në janarin e ardhshëm ai hyn në 6 muajt e fundit të kontratës dhe mund të nënshkruajë parakontratë me klube të tjera, çka do të ishte një goditje e madhe financiare, duke ditur se janë paguar 10 milionë euro.

KLASIFIKIMI- Pas sulmuesit Paul Onuachu, i cili kryeson listën e golashënuesve të ekipit me 17 gola, Muçi është shndërruar në realizuesin e dytë më të mirë të Trabzonsporit. Forma e tij aktuale nuk është më thjesht një seri e mirë ndeshjesh, por një sinjal i qartë i maturimit sportiv. Vendimi që do të merret në verë për të ardhmen e tij do të ndikojë jo vetëm në trajektoren personale të futbollistit shqiptar, por edhe në projektin e Trabzonsporit.

Aktualisht, të gjitha treguesit flasin për një lojtar që ka hyrë në fazën më produktive të karrierës së tij dhe që ka rikthyer emrin e tij në qendër të vëmendjes së futbollit turk. Nëse Trabzonspori blen kartonin e Muçit, nuk mbetet e sigurt pjesa nëse Muçi do të kontribuojë për ta edhe sezonin e ardhshëm apo do të largohet menjëherë për t’u shitur në ndonjë skuadër tjetër.

The post Kryefjalë në Turqi/ Ernest Muçi zgjidhet lojtari i muajit, 24-vjeçari thyen rekordin e grekut appeared first on Albeu.com.

Duka u rikonfirmua sot nga Asambleja e Përgjithshme Zgjedhore e Federatës Shqiptare të Futbollit, për një mandat të ri katërvjeçar.

Vendimi u mor me votë unanime nga të gjithë anëtarët me të drejtë vote, ndërsa procesi u zhvillua në ambientet e “Shtëpisë së Futbollit”.

“Dua t’ju falenderoj nga zemra për mbështetjen e sotme. Për mua nuk është thjesht një votim, është një vlerësim që më detyron të jem më i përkushtuar në shërbimin tuaj, në shërbim të FSHF. Do të bëjmë të pamundurën që loja jonë, kampionati ynë, zhvillimi i infrastrukturës dhe stabiliteti financiar i FSHF të jenë në nivelet maksimale. Uroj që ne të gjithë bashkë të jemi pjesë e Botërorit 2026. Suksese Sylvinho, suksese ekipi Kombëtar shqiptar. Faleminderit të gjithëve”, tha Duka në fjalën e tij.

The post Armand Duka zgjidhet për herë të shtatë President i FSHF-së appeared first on Albeu.com.

Braho do të marrë detyrën më datën 19 dhjetor, ditën kur do të lerë detyrën kreu aktual i SPAK, Altin Dumani.

Gjatë seancës së sotme në KLP, ku u intervistuan të katër kandidatët: Adnan Xholi, Elvin Gokaj, Doloreza Musabelliu dhe Klodian Braho, ishin të pranishëm dhe përfaqësues diplomatikë.

Nancy vanHorn, ambasadori Gonzato dhe ambsadori britanik Nicholas Abbott, ndoqën nga afër marrjen në pyetje të prokurorëve kandidatë.

Braho, i emëruar prokuror në vitin 2007, është pjesë e strukturës së posaçme që prej krijimit të saj dhe aktualisht drejton seksionin kundër korrupsionit.

Me një karrierë të gjatë në sistemin e drejtësisë dhe me eksperiencë të theksuar në çështjet e korrupsionit, Braho ka qenë në krye të disa prej hetimeve më të bujshme të dekadës së fundit.

Ai është prokurori që ka hetuar çështjen e inceneratorit të Elbasanit, ku lëshoi urdhër-arreste për personazhe kyçe si Mirel Mërtiri, Stela Gugallja dhe Klodian Zoto, si edhe vendosi ndarjen e hetimit për ish-zv.kryeministrin Arben Ahmetaj.

Në portofolin e tij përfshihet gjithashtu hetimi i dosjes “5D”, që çoi në gjyq ish-drejtorë të Bashkisë së Tiranës, si edhe dosja e njohur “Toyota Yaris”, e cila mbetet ende në hetim në disa fraksione të saj.

Braho është pjesë edhe e grupit të prokurorëve që firmosën dërgimin për gjykim të çështjes ndaj ish-ministrit të mbrojtjes Fatmir Mediu, i akuzuar për “shpërdorim detyre” në lidhje me tragjedinë e Gërdecit.

Me zgjedhjen e tij në krye të SPAK, pritet që Braho të vijojë me një qasje të fortë ndaj hetimeve të nivelit të lartë, në një moment kyç për luftën kundër korrupsionit dhe krimit të organizuar në vend.

The post Klodian Braho zgjidhet në krye të SPAK (VIDEO) appeared first on Albeu.com.

Joni Keta, është zgjedhur sot kreu i i Byrosë Kombëtare të Hetimit. Me 11 vota pro, anëtarë të KLP votuan kandidatin e propozuar nga Prokuroria e Posaçme, (SPAK).

Keta mbante postin e zv.drejtorit të Byrosë dhe u propozua si drejtues në finale të një procesi që zgjati disa muaj.

Në garë për drejtimin e strukturës që ndihmon SPAK në hetime ishin 7 kandidatë, përfshirë zyrtarë të lartë policie, edhe prokurorë.

Më herët në këtë detyrë ishte Aida Hajnaj.

Ky proces u monitorua nga afër nga partnerët ndërkombëtarë, përfaqësues të Ambasadës Amerikane dhe ata të BE-së.

Të pranishëm në mbledhje, janë përfaqësues të Ambasadës së SHBA-ve dhe të dhe BE.

Joni Keta, do të ketë një mandat 5-vjeçar nën drejtimin e ‘FBI-së shqiptare’.

The post KLP pranon kërkesën e SPAK, Joni Keta zgjidhet kreu i ri i “FBI-së shqiptare” në unanimitet të plotë appeared first on Albeu.com.

Pëllumbi është gjyqtari që la në masa arrest në burg Erion Veliaj në apelin e GJKKO.

NJOFTIM PËR MEDIAT

Shoqata Kombëtare e Gjyqtarëve të Republikës së Shqipërisë, e mbledhur ditën e premte, më datë 31.10.2025, mori disa vendime të rëndësishme ne vijim të funksionimit të saj.

Asambleja e Përgjithshme e Anëtarëve të Shoqatës, pas konsultimeve, me votë unanime mori vendimet e mëposhtme:

1. Z. Engert Pëllumbi u zgjodh Kryetar i Shoqatës;

2. Z. Ardit Kuka u zgjodh Nënkryetar i Shoqatës;

3. Znj. Valjona Haxhiraj u zgjodh Sekretare e Shoqatës;

4. Anëtarë të Këshillit Drejtues të Shoqatës (duke përfshirë Kryetarin dhe Nënkryetarin e saj) u zgjodhën gjyqtarët Engert Pëllumbi, Ardit Kuka, Ina Hoxhaj, Manjola Xhaxho, Ervin Sulaj, Fatri Islamaj, Erjon Bani, Elsa Ulliri dhe Albert Keraj;

5. U vendos pranimi i 14 (katërmbëdhjetë) anëtarëve të rinj në Shoqatë si dhe u bënë disa ndryshime në Statutin e saj.

The post Engert Pëllumbi zgjidhet kryetar i Shoqatës Kombëtare të Gjyqtarëve appeared first on Albeu.com.

Në bazë të renditjes së KED, anëtarët e tjerë që ishin në garë për këtë vakancë ishin Naureda Llagami dhe Florjan Ballhysa.

Rezultatet e votimit

Në përfundim të votimit, komisioni konstatoi:

Asim Vokshi – 6 vota

Naureda Llagami – 8 vota

Florian Ballhysa – 0 vota

Gjithashtu, u gjet një fletë votimi e pavlefshme.

Ligji përcakton se fitues shpallet kandidati që merr 3/5 e votave të pjesëmarrësve. Në rastin e sotëm, asnjë kandidat nuk arriti këtë prag.

Për këtë arsye, komisioni shpalli fitues kandidatin e renditur të parin nga Këshilli i Emërimeve në Drejtësi (KED), ç`ka i dha fitoren Asim Vokshit.

Më 17 shtator 2025, Këshilli i Emërimeve në Drejtësi (KED), zhvilloi një mbledhje maratonë, ku mbylli procesin e verifikimit dhe vlerësimit të kandidaturave.

Sipas renditjes, anëtari i Gjykatës së Lartë Asim Vokshi, i cili sot u zgjodh si i kryetar i Gjykatës Kushtetuese kryesoi listën me 89.5 pikë.

Pas tij u rendit Naureda Llagami, ish-kryetare e Këshillit të Lartë Gjyqësor, e cila mori 89.3 pikë, me një diferencë minimale nga Vokshi.

Në vendin e tretë u pozicionua ish-Komisioneri Publik në procesin e vettingut, Florian Ballhysa, me 77.83 pikë.

Më tej, në listë u renditën edhe:

Alma Faskaj, ish-komisionere e Vettingut – 77.77 pikë,

Genta Bungo Tafa, ish-drejtuesja e KPK-së – 75.44 pikë,

Alban Toro, ish-anëtar i Këshillit të Lartë Gjyqësor – 74.22 pikë.

The post Gjykata e Lartë zgjedh kryetarin e ri të Gjykatës Kushtetuese (EMRI) appeared first on Albeu.com.