Në këtë forum, do të marrë pjesë edhe kryeministri Edi Rama.

“Komisioni Evropian do të organizojë sot Forumin e Zgjerimit të BE, ngjarjen e parë të këtij lloji, kushtuar prioritetit të tij 2024–2029. Kryeministri Edi Rama i cili ndodhet në Bruksel në vijim të agjendës për çeljen e grupkapitullit të fundit të negociatave, – do të jetë pasditen e sotme pjesë e panelit. “Forumi i Zgjerimit të BE-së është nisma kryesore e Komisionit Evropian që synon ta ngrejë më lart diskutimin mbi zgjerimin e BE-së si një projekt të përbashkët politik, shoqëror, brezash” – thuhet në prezantimin e ngjarjes, – që do të bëjë bashkë një gamë të gjerë dhe të larmishme pjesëmarrësish nën moton “Plotësimi i Unionit, Sigurimi i së Ardhmes Sonë””, njofton Kryeministria.

Ky forum, u jep mundësinë drejtuesve politikë të vendeve kandidate, të mblidhen së bashku me drejtues të vendeve anëtare të BE-së, përfaqësues të institucioneve europiane, ekspertë të integrimit, etj.

Forumi është një mekanizëm i rëndësishëm me fokus te reformat për sundimin e ligjit, mundësi më të shumta për arsimin e të rinjve, si edhe në stabilitetin dhe mirëqenien e gjithë shoqërisë shqiptare.

Forumi i Zgjerimit do të jetë pika e takimit për të gjithë profesionistët që punojnë mbi një nga prioritetet kryesore të mandatit 2024–2029 të Komisionit Europian, të cilët janë të angazhuar në mënyrë aktive në agjendën më ambicioze të zgjerimit të më shumë se një dekade.

The post Rama sot në Bruksel, merr pjesë në panelin e nivelit të lartë në Forumin e Zgjerimit të BE-së: appeared first on Albeu.com.

Fshati Gryksh do të preket nga projekti i autostradës Elbasan-Lekaj, e cila është një investim i rëndësishëm, por deri tani sipas projektit paraprak nga ARRSH nuk është menduar një zgjidhje për komunikimin e banorëve me rrugën ekzistuese, e cila kalon mbi lumin Shkumbin përmes një ure.

Kjo ka shqetësuar banorët, pasi mungesa e një nënkalimi pengon të gjitha shërbimet dhe komunikimin me pjesën tjetër të zonës i cili është jetik për ata.

Nëse nuk parashikohet një nënkalim, banorët do të kenë vështirësi të mëdha në qarkullim dhe të pamundur lidhjen me infrastrukturën tjetër, duke krijuar një problem të thellë për jetesën dhe zhvillimin e zonës.

Protesta është mbështetur edhe nga Drejtuesi Politik i PD për Qarkun e Elbasanit Tomorr Alizoti, i cili ka shprehur shqetësimin për izolimin e fshatit Gryksh i Madh që sjell zgjerimi i aksit Lekaj-Elbasan.

ARRSH dhe Qeveria, duhet ta marrë seriozisht revoltën e banorëve të kësaj zone që presin zhvillim dhe jo izolimin.

Ndërkohë kreu i PD Peqin, Mustafa Pashja duke mbështetur protestën u bashkua me shqetësimin e tyre, një shqetësim ky mjaft i madh për 1200 banorë të cilëve u privohet e drejta për të marrë shërbimet e domosdoshme të përditshme që i kanë pronat dhe shtëpitë në anën tjetër të rrugës. Në këtë fshat duhet me patjetër një nënkalim për të bërë të mundur marrjen e këtyre shërbimeve.

The post Zgjerimi i aksit të rrugës kombëtare Elbasan-Lekaj, banorët protestë: Krijohen problematika në qarkullim appeared first on Albeu.com.

Duke u mbështetur në këtë, Ministrat Federalë tashmë synojnë t’i avancojnë më tej këto propozimet dhe të identifikojnë fusha konkrete dhe politika, në mënyrë që të forcojnë integrimin e Ballkanit Perëndimor.

Austria përgatiti një tjetër propozim për të avancuar konceptin e integrimit gradual, propozim që përfshin katër fusha të integrimit të mundshëm të mëtejshëm: strukturën institucionale, integrimin politik dhe administrativ, mbështetjen financiare dhe fushat tematike të politikave.

“Tani duhet të japim shenja për Ballkanin Perëndimor dhe të çojmë më përpara zgjerimin. Kjo kërkon hapa të prekshme dhe një sistem të arsyeshëm stimulues për reforma, përndryshe do të humbasim njerëzit në rajon. Me sugjerimet tona të mëtejshme për integrim gradual, synojmë t’i afrojmë vendet e Ballkanit Perëndimor më shpejt institucionalisht, financiarisht dhe bazuar në fusha konkrete. Nuk ka më kohë për të humbur. Realiteti gjeopolitik kërkon shpejtësi dhe qasje inovative”, u shpreh Edtstadler.

“Zgjerimi është instrumenti më i fortë gjeostrategjik i Bashkimit Evropian. Le ta përdorim si të tillë. Ne nuk duhet të presim që vendet kandidate të zbatojnë çdo pikë dhe presje të acquis të BE-së, por t’i integrojmë më parë ato në fushat politike ku kjo është e mundur. Me gjithë fokusin e justifikueshëm në Lindje dhe Juglindje, nuk na lejohet të gabojmë dhe të harrojmë  Evropën. Austria është dhe mbetet një mbështetëse e fortë për një integrimi gradual te Ballkanit Perëndimor në Bashkimin Evropian”, deklaroi Schallenberg.

Ky propozim  është i një rëndësie të veçantë pasi krijon një fushë loje të barabartë për partnerët e Ballkanit Perëndimor me vendet e tjera kandidate dhe aspirante që tashmë gëzojnë mundësi të shumta për integrim, për shkak të marrëveshjeve tashmë ekzistuese të thella dhe gjithëpërfshirëse të Tregtisë së Lirë.

“Vitin e fundit ne kemi parë propozime të ndryshme për të integruar Ukrainën dhe Moldavinë në tregun e brendshëm Evropian dhe fusha të tjera. Ne nuk duhet të lejojmë një sistem me dy klasa dhe prandaj duhet urgjentisht të krijojmë një fushë loje të barabartë për të gjitha vendet kandidate dhe aspirante.

Ne kemi parë nga afër mundësitë ekzistuese, të gjitha propozimet tona janë të realizueshme brenda kuadrit ligjor aktual: Kemi instrumente dhe mekanizma që mundësojnë ndjekjen e integrimit gradual: p.sh., duhet të përdorim plotësisht marrëveshjet  ekzistuese të stabilizimit dhe asocimit, ku shohim një potencial të pashfrytëzuar. Ne gjithashtu duhet të bëjmë një analizë të plotë të boshllëqeve midis  marrëveshjet të stabilizimit dhe asocimit dhe Zonës së thellë dhe gjithëpërfshirëse e tregtisë së lirë (DCFTA) dhe si hap tjetër duhet të bëjmë rregullimet e nevojshme për vendet e Ballkanit Perëndimor në rregulloret individuale.

Ne kemi nevojë urgjente për të zgjeruar dialogun tonë në nivele të ndryshme dhe në forume të ndryshme në mënyrë që  të kuptohen më mirë arsyetimet dhe qëndrimet tona; Prandaj, ne duhet t’i përfshijmë partnerët tanë të Ballkanit Perëndimor më rregullisht në takimet joformale të këshillimeve, grupeve të punës dhe forumeve të tjera të BE-së apo nëpërmjet intershipeve të realizuara në institucione të Bashkimit Evropian.

Një sërë programesh të BE-së janë tashmë të hapura për pjesëmarrje nga vendet të treta dhe atyre kandidate. Ne duhet ta ndjekim këtë rrugë veçanërisht në fusha të rëndësishme për qytetarët. Identifikuam fusha të ndryshme politikash dhe programe të tregut të përbashkët, klimës dhe energjisë, arsimit dhe shkencës etj. ku shohim potencial për integrim më të shpejtë.

Duhet të mbështesim financiarisht rajonin për të ndjekur reformat e nevojshme dhe për të mundësuar pjesëmarrjen e tyre në programet e BE-së. Na duhet dinamizim nëpërmjet një sistemi nxitës të zgjeruar dhe modeluar në planet e rimëkëmbjes dhe nëpërmjet rritjes së mbështetjes për të forcuar marrësit. Prandaj, duhet të ndryshojmë qasjen tonë dhe të përmirësojmë një sistem nxitjeje.

Është e qartë se të gjitha këto masa të integrimit gradual janë të mundshme vetëm kur vendet ndjekin reformat e tyre dhe përmbushin standardet dhe kërkesat e nevojshme. Integrimi gradual duhet të bazohet në kushtëzimin e drejtë dhe rigoroz dhe në parimin e meritave vetjake. Por kur të zbatohen reformat e nevojshme, ne duhet të ofrojmë përfitime konkrete. Tani është momenti për të krijuar këto mundësi.

Çështja e integrimit gradual / të përshpejtuar është mbi tavolinë që në vitin 2020. Me metodologjinë e re, Këshilli Evropian i ngarkoi institucionet e BE-së që të avancojnë konceptin në vitin 2022. Është jashtëzakonisht urgjente të ecim përpara me zbatimin e tij. Duhet të shohim një plan veprimi me hapa konkretë zbatimi deri në vitin 2024 e më tej dhe duhet të marrim vendimet e nevojshme deri në fund të vitit”, deklarojnë ata.

The post Zgjerimi i BE, Austria me platformë të re për integrimin e Shqipërisë dhe Ballkanit Perëndimor appeared first on Albeu.com.

Presidentja e Komisionit Evropian Ursula von der Leyen tha se Bashkimi Evropian duhet të përgatitet për zgjerim të mëtejshëm, duke e çuar numrin e shteteve në bllokur në mbi 30 anëtarë.

Duke folur të mërkurën në Parlamentin Evropian, në Strasburg të Francës, ajo tha se blloku gjendet para një momenti historik.

“Dhe historia tani po na thërret ta plotësojmë bashkimin tonë. Në një botë ku disa po përpiqen të qërojnë hesape me shtete një nga një, ne nuk mund t’i braktisim evropianët tanë prapa. Në një botë ku madhësia dhe pesha kanë rëndësi, është qartazi në interesin strategjik të Evropës ta plotësojmë bashkimin tonë,” deklaroi zonja Von der Leyen.

Ukraina, Moldavia dhe shtetet e Ballkanit Perëndimor janë në mesin e kandidatëve për anëtarësim.

“Duhet t’i shikojmë me kujdes gjithë politikat dhe të shohim se si mund të ndikohen ato nga zgjerimi. Kjo është arsyeja pse Komisioni Evropian do të fillojë të punojë për një mori rishikimesh të politikave para zgjerimit, për të parë se si institucionet tona do të punojnë, se si Parlamenti Evropian dhe Komisioni Evropian do të punojnë.

Duhet ta diskutojmë të ardhmen e buxhetit tonë. Dhe na duhet të kuptojmë se si duhet të sigurojmë përkushtim të qëndrueshëm për sigurinë në një botë ku çështjet e parandalimit janë më të rëndësishme se kurrë,” tha ajo.

Bashkimi Evropian aktualisht dhe pa zgjerimin e radhës, e ka të vështirë të marrë disa vendime, sidomos ato që kërkojnë miratim të njëzëshëm.

Megjithatë, trysnia mbi Evropën po shtohet për të hapur dyert e saj përballë ndikimit keqdashës rus në Ballkanin Perëndimor.

Shumë shtete duan që anëtarësimi të realizohet deri në vitin 2030, por Von der Leyen theksoi se anëtarësimi duhet të bëhet në bazë të meritave.

“Anëtarësimi është në bazë meritash dhe Komisioni gjithmonë do ta mbrojë këtë parim. Duhet shumë punë dhe udhëheqje e mirë. Por, tashmë është bërë shumë përparim. Kemi parë përpjekjet e mëdha, që ka bërë Ukraina, që kur i kemi dhënë statusin e kandidatit, dhe kemi parë vendosmërinë e shteteve tjera kandidate për t’u reformuar. Andaj, anëtarë të nderuar, tani është koha që ne t’i përgjigjemi kësaj vendosmërie”, tha presidentja e Komisionit Evropian./VOA

The post “BE të përgatitet për zgjerim”, Presidentja e KE: Anëtarësimi duhet të bëhet në bazë të meritave! appeared first on Albeu.com.

Të hënën e 17 korrikut, banorët e Porto-Romanos iu drejtuan bregut të detit dhe ndaluan në grup përpara kangjellave të portit të ri të hidrokarbureve. Me maska në fytyrë, burra, gra dhe fëmijë protestuan kundër ndotjes që shkakton në zonë aktiviteti i portit.

Leonard Hodo, banor i Porto Romanos prej vitit 1992, i tha BIRN se ata po përballen me shqetësime shëndetësore si pasojë e përpunimit në port të mineraleve “rifuxho” që mbërrijnë me anije dhe depozitohen në ambientet e hapura të portit.

“Pemët kanë filluar të thahen. Ka një pluhur gati 2 milimetra mbi gjethe, janë bërë sterr i zi,” tha Hodo gati i përlotur.

Porti i hidrokarbureve në Porto-Romano funksionon prej vitit 2015 falë një kontrate koncesionare 35-vjeçare me qeverinë shqiptare dhe menaxhohet nga një bashkim operatorësh i udhëhequr nga konglomerati “Kastrati Group”. Në vitin 2020, qeveria e amendoi kontratën dhe i dha kompanisë koncesionare Porti MBM edhe të drejtën e zgjerimit të aktivitetit si një port tregtar.

Përmes një vendimi të Këshillit të Ministrave në korrik 2019, ky port u shpall gjithashtu zonë e lirë ekonomike për tregti ndërkombëtare pa taksa, në një territor prej gati 1 milion m2.

Porto- Romano, rreth 7 kilometra larg Durrësit, është një hot-sport mjedisor historik në Shqipëri për shkak se aty ndodhej më parë një fabrikë kimikatesh për prodhimin e lindanit dhe DTT-së. Për banorët e kësaj zone, zgjerimi i aktivitetit në port, ku tashmë depozitohen edhe minerale të papërpunuara përveç hidrokarbureve, ka sjellë probleme të reja mjedisore dhe po bëhet pengesë për jetesën e tyre normale.

Përfaqësuesit e kompanisë koncesionare pretendojnë se problemet mjedisore janë minimizuar me zhvendosjen e portit nga qendra e qytetit të Durrësit.

“Përpunimi i këtyre mallrave rifuxho për më shumë se 40 vite, deri së fundmi, është bërë në Portin e Durrësit, ‘në zemër të qytetit’ dhe spostimi i përpunimit të këtyre mallrave në Porto-Romano, në një qendër rurale pak të banuar, minimizon problemet mjedisore,” i tha BIRN Ahmet Kastrati, administrator i shoqërisë koncesionare Porti MBM.

“Pra ky problem ka qenë i përmasave shumë më të mëdha deri kohët e fundit, por duket që po i jepni vëmendje vetëm tani, kur popullsia e ekspozuar ndaj këtyre problemeve është reduktuar,” shtoi ai, duke theksuar se kompania ka marrë masa për ta minimizuar sa më shumë ndikimin mjedisor.

Martin Çupi, 31 vjeç, gjithashtu banor i Porto-Romanos i tha BIRN se ata u bashkuan në protestë për t’i treguar kompanisë Kastrati dhe autoriteteve të tjera shtetërore se “kështu nuk mund të vazhdohet”.

“Në rastet kur aty vijnë shumë anije dhe ka fluks që të shkarkojnë materiale të ndryshme, që nga qymyri pluhur, por aty ka edhe çimento e materiale të tjera, që sigurisht janë kancerogjene në sasi të mëdhaja për ne këtu,” tha Çupi.

“Duhet vendosur një farë limiti dhe të bëhen të qarta disa gjëra, sepse ne jemi komunitet që ishim këtu dhe porti erdhi tek ne, nuk shkuam ne tek porti,” tha Çupi.

Përpunimi i materialeve në port nuk është problemi i vetëm, pasi banorët ankohen edhe për mënyrën se si këto materiale transportohen përmes zonës së banuar. Një problem tjetër është sipas tyre edhe mosrespektimi i rregullave të qarkullimit nga kamionët transportues.

“Janë edhe kamionët që kalojnë përmes qendrës së lagjes, ku është edhe shkolla dhe aty dalin nxënësit normalisht. Kamionët kalojnë me shpejtësi skëterrë dhe nuk njohin asnjë lloj limiti shpejtësie,” tha për BIRN Martin Çupi.

“Njofton policinë që të vijë t’i kontrollojë këta kamionë që sillen sikur të ishin Zot të këtij vendi dhe policia nuk guxon t’i ngrejë tabelën, sepse thonë na bie direkt telefoni…,” shtoi ai.

Ndryshe nga banorët, administratori i kompanisë portuale, Kastrati i tha BIRN se kishte njoftuar policinë që të marrë masa për kufizimin e lëvizjes së kamionëve në zonën e banuar, e cila është rruga kryesore automobilistike që lidh zonën me qytetin.

“Është kërkuar ndihma e policisë rrugore që të vendosen tabela ndalim qarkullimi i mjeteve të tonazheve të rënda në rrugën ku banorët kanë pretendime,” tha ai.

“Asnjë kamion nuk po lejohet që të largohet nga porti pa i vendosur mbulesën. Zona po laget në mënyrë të vazhdueshme, në mënyrë që mos të ketë pluhura. Ngarkimi i çimentos në autobote, i është kërkuar klientëve që të bëhet në mënyrë pneumatike,” shtoi gjithashtu Kastrati mbi masat e marra.

E pyetur nga BIRN, policia e Durrësit pranoi ankesat e banorëve për kamionët, por shtoi se kishte kryer verifikimet e mundshme.

“Sa herë është kërkuar ndihma e policisë, ajo ka ndërhyrë, për aq sa kemi kompetencë ne. Janë bërë të gjitha verifikimet e mundshme,” tha përmes një përgjigje me shkrim Drejtoria vendore e Policisë.

Ndërsa punimet për ndërtimin e portit nisën të qeta në thellësi të detit pas vitit 2015, planet për zgjerimin e tij morën përpara një pjesë të madhe të bregdetit dhe rrafshuan fundin e varg-kodrave të Porto-Romanos. Gjatë punimeve vitin e kaluar u shemb edhe një pjesë e monumentit të kulturës që njihet si “Muret e Portës” dhe që mendohet të jetë ndërtuar në shekullin V të Erës Sonë.

Banorët ankohen se planet për zgjerimin e portit janë kthyer në kërcënim serioz për jetesën e tyre dhe po i detyrojnë ata që të shpërngulen nga Porto-Romano.

“Zgjerimi i portit nuk ka të ndalur dhe ne do të prekemi herët ose vonë. Ne ankesat i kemi bërë tek drejtuesit e portit dhe përgjigja indirekte që kemi marrë, është se do na e vështirësojnë jetën në atë lloj mënyre, sa ne një ditë do të çohemi dhe do të ikim vetë,” përfundoi Martin Çupi.

The post “Po na përzënë nga këtu”: Zgjerimi i portit në Porto Romano shkakton probleme mjedisore appeared first on Albeu.com.

Por, gjatë diskutimit nuk është arritur pajtimi i të gjitha shteteve anëtare për miratimin e konkluzave, pasi disa shtete kanë pasur vërejtje. Prandaj, më vonë gjatë së martës, ministrat do t’i kthehen edhe një herë kësaj teme, për të parë nëse do të ketë pajtim për konkluzat.

Sipas burimeve diplomatike, Bullgaria ka vazhduar të kërkojë që në dokumente të BE-së të futen edhe kërkesat e saja për problemet bilaterale që ka me Maqedoninë e Veriut. Greqia dhe Qiproja kanë pasur vërejtje për pjesën e tekstit që flet për Turqinë, ndërkaq Kroacia ka pasur vërejte për pjesën e tekstit që i kushtohet reformës zgjedhore në Bosnjë e Hercegovinë.

Presidenca sllovene e BE-së insiston që deri në fund të këtij viti të hapen negociatat e anëtarësimit me Maqedoninë e Veriut dhe Shqipërinë, ndonëse një mundësi e tillë duket pak e arritshme.

Nëse shtetet e BE-së nuk arrijnë pajtim për versionin e ri të tekstit, që mund të dalë gjatë ditës, atëherë konkluzat do të publikohen si “konkluza të Presidencës sllovene të BE-së”. Nëse ndodh kështu, atëherë konkluzat do të jenë më shumë një porosi politike sesa një dokument i përbashkët i Këshillit të BE-së.

Ndryshe, në draftin e konkluzave thuhet se procesi i zgjerimit të bllokut evropian “është një investim në paqe, demokraci, prosperitet, siguri dhe stabilitet në Evropë”.

“Këshilli nënvizon se mbështetja e vlerave themelore të BE-së dhe perspektiva evropiane, janë një zgjedhje e vendosur strategjike, thelbësore për të gjithë partnerët që synojnë anëtarësimin në BE”, thuhet në draftin e konkluzave.

Nga vendet e rajonit të Ballkanit Perëndimor kërkohet që ato të përshtatin qëndrimet e tyre të politikës së jashtme me qëndrimet e përbashkëta të BE-së. Po ashtu, kërkohet që edhe politikat e tyre për ruajtjen e mjedisit të jenë në përputhje me strategjinë e BE-së. Kjo kërkohet që të bëhet përmes “agjendës së gjelbër për Ballkanin Perëndimor” dhe të jetë pjesë përbërëse e planit evropian për investime në Ballkanin Perëndimor.

Këshilli po ashtu thekson se sundimi i ligjit është element kyç nga i cili do të varet edhe dinamika e përparimit të vendeve të Ballkanit në procesin e integrimeve evropiane.

Në pjesën që i kushtohet Kosovës, në dokument thuhet se BE-ja mirëpret konfirmimin e Qeverisë së re të Kosovës për përkushtimin ndaj rrugëtimit evropian dhe reformat e lidhura me këtë i sheh si një zgjidhje strategjike.

Në dokumentin e konkluzave kërkohet që Kosova të zbatojë legjislacionin në fuqi dhe të dëshmojë rezultate në luftë kundër korrupsionit dhe po ashtu të zbatojë reforma në përputhje me standardet evropiane.

Sa i përket dialogut midis Kosovës dhe Serbisë, nga të dyja vendet kërkohet që të angazhohen me vullnet të mirë në këtë proces, në frymën e kompromisit, për të arritur marrëveshje gjithëpërfshirëse, ligjërisht obliguese.

“Kjo marrëveshje duhet të adresojë të gjitha çështjet e hapura dhe të kontribuojë në stabilitetin rajon. Kjo është kyçe në mënyrë që Kosova dhe Serbia të mund të përparojnë në rrugëtimin e tyre përkatës evropian”, thuhet në draftin e konkluzave.

“Këshilli përsërit pritjet e fuqishme që të gjitha marrëveshjet e arritura në të kaluarën të respektohen dhe zbatohen pa vonesa. Të dyja palët duhet po ashtu të shmangin veprimet që dëmtojnë stabilitetin dhe retorikën, e cila nuk është e favorshme për dialogun”, thuhet në draftin e konkluzave.

Gjatë së martës, disa ministra kanë kërkuar që BE-ja të bëjë më shumë për rajonin e Ballkanit Perëndimor.

Ministri i Francës për Çështje Evropiane, Clement Beaune, ka shprehur shqetësim për situatën në Bosnje dhe Hercegovinë. Shqetësim të njëjtë ka shprehur edhe ministri i Jashtëm i Luksemburgut, Jean Asselborn, i cili ka kritikuar aspiratat separatiste të liderët të serbëve të Bosnjës, Millorad Dodik.

Ndërkaq, Sekretarja e shtetit të Kroacisë, Adreja Metelko-Zgombiq, ka thënë se shteti i saj është i përkushtuar për një Bosnje e Hercegovinë unike, të pandarë, në të cilin tri entitetet gëzojnë të drejta të barabarta./REL

The post BE: Procesi i zgjerimit mbetet politika kyçe appeared first on Albeu.com.

The post Zgjerimi i BE-së: interes strategjik dhe i përbashkët appeared first on Albeu.com.