Ai u shprehu mirëseardhjen disa anëtarëve të LSI-së, të cilët iu bashkuan PS-së, sepse kuptuan se ajo lëvizje socialiste ishte një vegël e Sali Berishës dhe s’kishte asnjë ide për të çuar Shqipërinë përpara.

“Kjo është një njësi, e cila ka qenë tipikisht e djathtë, por pas një pune ndër vite, më në fund, Partia Socialiste është forca e parë në Njësinë 8, pas 3 zgjedhjeve të fundit. Është një transformim i jashtëzakonshëm. Ne ende nuk jemi mbi 50%, por jemi forca e parë në këtë njësi dhe sot ka ndodhur diçka që nuk ka ndodhur më përpara. Ne mund të jemi kundërshtarë, por nuk jemi armiq, jemi shqiptarë, kemi një gjak, jemi komshinj, kemi shkuar në të njëjtat shkolla, kemi pasur lidhjen dhe sot shoh këtu shumë motra dhe vëllezër që na kanë ardhur nga ish-LSI, kur kishte emrin e Niptit LSI, se sot ka një emër tjetër. Ata kanë kuptuar se ajo lëvizje socialiste, në fakt ishte vetëm një vegël e Sali Berishës, s’kishte kurrë idetë e majta, kurrë idetë për të çuar Shqipërinë përpara, kurrë idetë për të bashkëpunuar për të mirën. Dhe sot që janë bashkuar me ne, u them mirë se u kthyet në shtëpinë tuaj! Se ka vetëm një të majtë, që është e majtë e vërtetë, një të majtë që beson se ata që fitojnë më shumë, duhet të paguajnë pak më shumë taksa”, tha Veliaj.

Kryebashkiaku shtoi se ata kanë bërë zgjedhjen e duhur, që i janë bashkuar të vetmes forcë politike të majtë, që mendon vetëm për të mirën e vendit dhe janë larguar nga ata që kanë hallet e tyre.

“Një forcë e majtë beson se 0,01% e popullsisë që fiton më shumë se të tjerët, duhet të mbajë më shumë peshë, që ne mund të bëjmë shkolla të bukura si këto. Kurse për të gjithë të tjerët, ne do të bëjmë abonenë, siç e kemi bërë në fakt abonenë falas për studentët, do të kemi gjysmën e konviktit të paguar dhe do të japim një bonus social për të gjithë ata që janë në nevojë, siç bëmë me bonusin e qirasë. Por, nuk janë vetëm vëllezërit tanë, motrat tona që përkohësisht u asociuan me LSI-në, edhe me atë fuksin e lagjes, që ka reputacionin si sigurimsi i fundit që ka mbetur në politikë. Sot dua të falënderoj dhe dua t’i mirëpres krahëhapur në njësinë tonë, në këtë njësi që është vërtetë zemra e Tiranës, të gjithë burrat, gratë, gjyshërit, gjyshet që vijnë nga Partia Demokratike dhe kanë vendosur t’i bashkohen forcës sonë. Ju falënderoj shumë për këtë zgjedhje sepse tregon shumë. Tregon se mbi të gjitha partia kryesore nuk është e majta dhe e djathta, nuk është PS-ja dhe PD-ja. Ky gjest tregon se partia kryesore për ju, është familja juaj”, tha Veliaj.

Ai falenderoi edhe gjithë demokratët që po kuptojnë dita ditës qëllimin e Sali Berishës, non-grata. “Për të gjithë demokratët kam një falënderim të madh. E mbani mend Saliun që ishte tek pullë në stadium? Po ato debatet ju kujtohen? Stadiumi i korrupsionit, arena e mafies, stadiumi kriminel, arena e babëzisë? Krejt papritur e ktheu pllakën, siç e kthen gjithmonë. Dhe pasi e ktheu pllakën për stadiumin, u tha: “Kjo është arena e demokracisë! Kjo është arena e lirisë, kjo është arena e fitores!”. Gënjen plaku 80-vjeç. 80-vjeç gënjen si fëmijë akoma dhe mund të ketë rrjedhur, por demokratët nuk kanë rrjedhur dhe fakti që e vetmja gjë që bënë demokratët është që ikën nga stadiumi për ta lënë vetëm, ishte leksioni më i madh që i dhanë atij personazhi, duke e lënë vetëm në stadium, burri 80-vjeç”, përfundoi Veliaj.

The post Veliaj: PS-së po i bashkohen nga PD dhe LSI, e kanë kuptuar kush është Meta dhe Berisha appeared first on Albeu.com.

Beteja më e fortë konsiderohet në kryeqytet, ku përballja do të jetë mes 7 kandidatësh, mes tyre Belind Këlliçi, Ilir Alimehmeti, Gert Bogdanit dhe Julian Deda.

Në dy bashki të tjera të mëdha PD shkon në zgjedhje me 1 emër, Luçiano Boçin në Elbasan dhe Bardh Spahinë në Shkodër. Ndërsa anëtarësia e PD-së në Durrës duhet të zgjedhë dhes Igli Carës dhe Armand Dervishit.

Kruja është bashkia e cila ka më së shumti kandidatë, plot 11 emra që synojnë të jenë përballë PS-së në 14 Maj.

Procesi do të mbahet në 56 bashki dhe jo në 61. Kjo për shkak të dinamikave të brendshme. Jashtë primareve do të jetë Bashkia e Malësisë së Madhe, për të cilën nuk u regjistrua asnjë kandidat.

Në 4 bashki të tjera, Sali Berisha ju ka dhënë dorë të lirë aleatëve të vegjël minoritarë duke mos i nënshtruar në votim e duke ju lënë të drejtën të zgjedhin vetë kë do të kandidojnë.

Vangjel Dules i vihen në dispozicion bashkitë: Himarë, Finiq e Dropull ku ka përqendrim minoritarësh grekë, ndërsa Pusteci i është rezervuar një partie të minoritetin maqedonas.

Nga 56 bashkitë ku do të zhvillohet procesi i primareve, në disa zona të rëndësishme ka vetëm një kandidat: në Elbasan, Shkodër dhe Kukës. Por zgjedhjet do të mbahen edhe këtu.

Edhe anëtarët dhe simpatizantët e Partisë së Lirsë mund të votojnë këtë të diel, por vetëm në 4 bashki të cilët Berisha ja ka lënë Metës të futë në garë emrat e tij. Ato janë: Kuçova, Skrapari, Përrenjasi dhe Memaliaj.

Që një kandidat të shpallet fitues duhet të marrë votat e më shumë se gjysmës së pjesëmarrësve në primare. Nëse asnjë kandidat nuk merr 50% plus 1 votë të dielën, në 11 dhjetor do të bëhet raundi i dytë.

The post PRIMARET/ PD voton sot për “të parët” e betejës së 14 Majit appeared first on Albeu.com.

Ai ishte futur në listën e sanksioneve SHBA-së më 31 maj të vitit 2021, për shkak se ishte pjesë e një rrjeti rus që ndërhyri në zgjedhjet amerikane. Ai po ashtu ka edhe shtetësi ruse.

Kjo u bë e ditur të premten, më 11 nëntor, nga deputeti i VMRO DPMNE-së, Antonio Misllososki dhe Rrjeti ballkanik për gazetari hulumtuese, BIRN.

“Jo vetëm narko-mafiozët e njohur Sedat Peker dhe Jovan Vukotiç kanë marrë shtetësi maqedonase. Lista e atyre që kanë paguar ‘taksa më të shtrenjta’ tek Oliveri [Oliver Spasovski, ministri i Punëve të Brendshme] është më e gjatë. Politikani i arratisur ukrainas nën sanksione amerikane, merr shtetësi maqedonase”, ka shkruar Milloshkoski në Facebook.

Sipas të dhënave të Qeverisë, Onyshenko kërkesën për shtetësi maqedonase e ka paraqitur në vitin 2021, me propozim Federatës së Sporteve me Kuaj, ndërsa mendim pozitiv kanë dhënë Agjencia për Rini dhe Sport, por edhe Agjencia e Sigurisë Kombëtare (ANB).

Në mbledhjen e Qeverisë, më 31 maj, vendimi për dhënien e pëlqimit për shtetësi është bazuar në “dosjen e pastër”.
Kërkesa për shtetësi nga ai është bërë si shtetas i Rusisë, pasi përveç shtetësisë ukrainase ai ka pasur edhe shtetësi ruse, raporton BIRN.

Onyshenko, i cili u pasurua nga biznesi i gazit, është në arrati që nga viti 2016, pasi ndaj tij u hap një hetim në Ukrainë për korrupsion dhe pastrim parash.

Pas kësaj, ai arratiset nga Ukraina në drejtim në Spanjës.

Pasi autoritet e Kievit shpallin fletarrest ndërkombëtar, Spanja vendos ekstradimin e tij, por Onyshenko arrin të ekstradohet në Gjermani. Ky shtet në vitin 2020 ka refuzuar kërkesën e Ukrainës për ekstradim.

Deri në publikimin e këtij shkrimi, Qeveria e Maqedonisë së Veriut nuk i ka komentuar informacionet e publikuara për dhënien e shtetësisë për oligarkun, Oleksandr Onyshenko./REL

The post U sanksionua nga SHBA sepse ndërhyri në zgjedhje, merr nënshtetësinë maqedonase oligarku rus appeared first on Albeu.com.