Deri më tani ka përfunduar numërimi për disa degë, me rezultatet si më poshtë:

Fatmir Myrta rikonfirmohet si kryetar e demokratëve të Njësisë 5 në Tiranë. Ai garonte me dy kandidatët e tjerë, Artur Mahmutaj dhe Erion Dizdari, ndërsa mori 72% të votave.

Mbyllja e procesit zgjedhor në PD Kurbin i dha fitoren Edmond Shkozës. Ai fitoi me 512 vota, përballë kandidatit Vilson Bitraj, i cili mori 249 vota.

Procesi zgjedhor për kreun e Partisë Demokratike në Pukë ka përfunduar me shpalljen si fitues të Demir Hysenit. Ai arriti të marrë 275 vota, ndërsa kandidati që garonte përballë tij, Ferit Ringaj, siguroi 230 vota.

Ndërsa në degën e Partisë Demokratike në Krujë u zgjodh si kryetar Aulon Kalaja, i cili ndau vetë fitoren përmes një postimi në rrjetet sociale.

The post Dalin rezultatet, kush janë të zgjedhurit si kryetarë në 4 degë të PD-së appeared first on Albeu.com.

Në një postim në Facebook, Salianji e cilësoi këtë zhvillim si një shembull të qartë se pushtetet e përqendruara mund të rrëzohen përmes votës. Ai theksoi se opozita hungareze arriti të ndryshojë veten, të riorganizohej dhe të rikthente besimin te qytetarët përmes një lideri të ri si Peter Magyar.

Gjithashtu Salinanji e lidhi këtë shembull me lëvizjen për ndryshim brenda Partisë Demokratike, duke theksuar se opozita në Shqipëri duhet të sfidojë sistemin çdo ditë dhe të ndërtohet mbi përgjegjësi, jo mbi alibi.

Reagimi i plotë:

“Një pushtet i përqendruar prej vitesh nga Viktor Orban, me zgjedhje të kontestuara, media të kapura dhe oligarkë të ushqyer nga qeveria, dukej i paprekshëm. Një histori që ngjan shumë me realitetin që kemi përballë sot me Edi Ramën!

Por ndryshe nga ajo që kemi parë shpesh në Shqipëri, në Hungari ndodhi një kthesë e vërtetë, Opozita nuk u mjaftua me ankesa, qarje, nuk u fsheh pas justifikimeve, nuk u dorëzua.

Ajo ndryshoi veten. U riorganizua. Zgjodhi lider të ri! Pati fuqinë të ndryshoje veten! Riktheu besimin te qytetarët. Denoncoi me fakte dhe mobilizoi mbështetje të gjerë popullore e mbi të gjitha, solli një energji të re përmes një lideri të ri si Peter Magyar.

Ky është mësimi i qartë, ndryshimi nuk vjen vetë, duke pritur që sistemi të bjerë. Ndryshimi vjen kur ke kurajon ta sfidosh dhe ta ndryshosh atë. Kjo është arsyeja pse prej kohësh kemi nisur lëvizjen për ndryshim në Partine Demokratike! Një lëvizje që nuk ndërtohet mbi alibi, por mbi përgjegjësi.

Që nuk kërkon pushtet për vete, por besim nga qytetarët. Që nuk frikësohet nga sistemi, por e sfidon atë çdo ditë. Sepse një e vërtetë mbetet dhe sot u rikonfirmua në Hungari; asnjë pushtet nuk është më i fortë se qytetarët e bashkuar. Hungaria e bëri, është radha jonë”, shkruan Salianji.

The post Hungaria rrëzoi Orbanin, Salianji: Ai dukej i paprekshëm, por qytetarët e bashkuar sollën ndryshimin, tani është radha jonë në Shqipëri appeared first on Albeu.com.

Me rreth 85% të votave të numëruara, partia e tij, Tisza, ka siguruar 53.60% të votave, duke lënë pas ndjeshëm Fidesz-in e Orban me 37.78%. Sipas projeksioneve, Tisza pritet të marrë rreth 138 mandate në parlament, duke kaluar pragun e nevojshëm për shumicën e cilësuar prej dy të tretash, një rezultat që i jep Magyar një mandat të fortë për të ndërmarrë reforma të thella.

Në fjalimin e tij të fitores në Budapest, Mgyar e cilësoi këtë si “mandatin më të fortë në historinë e demokracisë hungareze”, ndërsa vetë Orban pranoi humbjen dhe uroi rivalin e tij për fitoren historike.

Nga brenda sistemit në sfidues të tij

Rrugëtimi politik i Magyar është po aq i pazakontë sa edhe i shpejtë. Dikur pjesë e aparatit shtetëror dhe i lidhur me Fidesz-in, ai zotëron një njohje të thellë të mekanizmave të pushtetit në Hungari. Jurist me profesion, ai u shkëput nga strukturat qeverisëse për të ndërtuar një profil të pavarur politik.

Në vitin 2020, ai themeloi partinë Tisza, ndërsa në vitin 2024 u zgjodh eurodeputet në radhët e Partisë Popullore Evropiane. Megjithatë, ndryshe nga shumë figura të tjera pro-evropiane, Magyar ka ndjekur një linjë të kujdesshme, duke shmangur qëndrimet që mund të perceptohen si të shkëputura nga realiteti dhe ndjeshmëritë e elektoratit hungarez.

Skandali që e nxori në skenë

Emri i tij u bë i njohur gjerësisht në vitin 2023, kur ai publikoi akuza të forta për korrupsion ndaj qeverisë së Orban. Në qendër të këtij skandali ishte një regjistrim i fshehtë i një bisede me ish-bashkëshorten e tij, Judit Varga, në atë kohë ministre e Drejtësisë, ku përmendeshin ndërhyrje të dyshuara në një çështje sensitive korrupsioni.

Publikimi i materialit shkaktoi tronditje në skenën politike dhe e vendosi Magyar në qendër të vëmendjes publike. Megjithatë, polemikat nuk munguan: Varga e akuzoi atë për dhunë në familje dhe shantazh, akuza që ndezën debate të forta, por që nuk arritën të ndalin rritjen e tij politike.

Një balancë e vështirë mes Brukselit dhe Budapestit

Në planin politik, Magyar përballet me sfidën e balancimit midis orientimit evropian dhe skepticizmit të një pjese të elektoratit ndaj Bashkimit Evropian. Çështje të ndjeshme si anëtarësimi i Ukrainës në BE apo ndihma ekonomike për Kievin mbeten tema që kërkojnë kujdes të madh politik.

Ndryshe nga retorika e ashpër e Orban, i cili e ka cilësuar shpesh Hungarinë si “kukull të Brukselit”, kryeministri i ri synon të projektojë një profil më të moderuar, një lider që kërkon të ndërthurë integrimin evropian me mbrojtjen e interesave kombëtare.

Një mandat i fortë dhe pritshmëri të larta

Zgjedhjet u karakterizuan edhe nga një pjesëmarrje rekord, me rreth 77.8% të votuesve që morën pjesë në process, një tregues i qartë i rëndësisë së këtij momenti për shoqërinë hungareze.

Fitorja e Magyar shënon jo vetëm një rotacion pushteti, por një ndryshim të thellë në drejtimin politik të vendit. Pas 16 vitesh dominim të Orbán, Hungaria duket se po hap një kapitull të ri, një kapitull që pritet të përcaktojë marrëdhëniet e saj me Evropën dhe botën në vitet që vijnë.

The post Peter Magyar, nga njeriu i Orban te kryeministri i ri/ Rrugëtimi i bujshëm i avokatit që tronditi politikën me skandale, sfidoi pushtetin dhe premton një epokë te re për vendin appeared first on Albeu.com.

Nëpërmjet një postimi në platformën “X”, ajo shkruan se, Zemra e Evropës rreh më fort sonte në Hungari.

“Evropa gjithmonë zgjedh Hungarinë. Së bashku, ne jemi më të fortë. Një vend kthehet në rrugën e tij evropiane. Bashkimi bëhet më i fortë.”,shkruan Von de Leyen.

The post Von der Leyen për fitoren e Magyar: Hungaria zgjodhi Evropën appeared first on Albeu.com.

Në Budapest, mbështetësit e opozitës shpërthyen në festime sapo u publikuan rezultatet paraprake. Qindra njerëz u mblodhën në rrugë duke valëvitur flamuj dhe duke festuar atë që e konsiderojnë një moment historik për vendin.

Analistët thonë se ky zhvillim mund t’i japë fund rolit shpesh kundërshtues të Hungarisë brenda Bashkimit Evropian, duke hapur rrugën për vendime të rëndësishme që më parë ishin bllokuar, përfshirë një paketë të madhe financiare për Ukrainën.

Gjithashtu, humbja e Orbanit mund të çojë në zhbllokimin e fondeve të BE-së për Hungarinë, të cilat ishin pezulluar për shkak të shqetësimeve mbi standardet demokratike në vend. Në arenën ndërkombëtare, ky ndryshim mund të ndikojë edhe në balancat politike, duke dobësuar një nga aleatët kryesorë të Rusisë brenda BE-së.

Në planin e brendshëm, fitorja e partisë Tisza pritet të hapë rrugën për reforma të thella, me fokus në luftën kundër korrupsionit dhe forcimin e pavarësisë së institucioneve. Megjithatë, mbetet për t’u parë nëse qeveria e re do të arrijë të sigurojë shumicën e nevojshme për të realizuar këto ndryshime.

The post Hungaria në festë pas rënies së Orbanit! Çfarë do të thotë rezultati i sotëm edhe për botën? appeared first on Albeu.com.

Në të njëjtën kohë, partia Fidesz e Orbán mbledh vetëm 59 vende, sipas të dhënave nga Europe Elects.

Në deklaratat e tij të para, pas mbylljes së qendrave të votimit, Maillard theksoi se është optimist për rezultatin, por mbetet i kujdesshëm, ndërsa iu referua edhe akuzave për tentativë manipulimi të rezultateve.

Në të njëjtën kohë, ai theksoi se partia e tij ka marrë disa akuza për manipulim dhe përpjekje për të ndikuar në rezultat, për të cilat, tha ai, do të ketë një hetim dhe, nëse është e nevojshme, do të ndërmerren veprime ligjore.

“Kushdo që ka kryer ose nxitur mashtrim zgjedhor do të mbahet përgjegjës para ligjit”, tha ai, ndërsa menjëherë pas shpalljes së rezultateve të para, shkroi në llogarinë e tij në Facebook:

“Faleminderit, Hungari”.

Vërehet se pjesëmarrja e votuesve hungarezë ishte masive, pasi pak para mbylljes së qendrave të votimit, kishin votuar 77.80% e votuesve, duke tejkaluar shumë rekordin e mëparshëm prej 70.5% të arritur në zgjedhjet parlamentare të vitit 2002.

Zgjedhjet parlamentare mbahen në Hungari çdo katër vjet. 106 nga 199 anëtarët e parlamentit zgjidhen në zona zgjedhore me një anëtar duke përdorur metodën e shumicës. 93 anëtarët e mbetur zgjidhen nga një listë e vetme në një zonë zgjedhore “kombëtare”.

Në zgjedhjet e fundit në vitin 2022, partia Fidesz e Viktor Orbán fitoi 135 vende, duke ruajtur supershumicën e saj prej dy të tretash, duke i lejuar kryeministrit të vazhdojë të shtyjë përpara reformën kushtetuese.

Një sistem zgjedhor i ndryshëm ishte në përdorim para vitit 2010, kur Orbán dhe partia Fidesz u rikthyen për herë të parë në pushtet – Hungaria kishte 386 vende parlamentare.

The post Zgjedhjet në Hungari, në 30% të kutive të numëruara opozita ka siguruar deri tani 132 nga 199 vende në Parlament/ Reagon Magyar: Faleminderit! appeared first on Albeu.com.

“Ne nuk kemi peshën e qeverisjes së vendit, kështu që duhet të rindërtojmë komunitetet tona.” Ai falënderoi dy milionë e gjysmë votues që kanë votuar për partinë e tij Fidesz dhe premtoi se ata nuk do të zhgënjehen kurrë.

Votat ende po numërohen, por me rreth 60% të përfunduara deri më tani, udhëheqësi i opozitës Péter Magyar është në rrugën e duhur për të fituar shumicën prej dy të tretash në parlament, një fitore dërrmuese.

The post Zgjedhjet në Hungari/ Orban pranon humbjen dhe i uron fitoren rivalit të tij: Rezultati është i qartë dhe i dhimbshëm appeared first on Albeu.com.

Këto zgjedhje janë karakterizuar nga një interes i jashtëzakonshëm i votuesve. Sipas të dhënave të fundit, pjesëmarrja ka arritur në 77.8%, duke shënuar një rekord historik dhe duke tejkaluar ndjeshëm nivelin e vitit 2002, kur pjesëmarrja ishte 73.51%.

Radhët e gjata në qendrat e votimit janë ndikuar jo vetëm nga pjesëmarrja e lartë, por edhe nga specifikat e ligjit zgjedhor hungarez. Ky i fundit u lejon qytetarëve të votojnë në qytete të tjera nga ai i banimit, për kandidatët e zonës së tyre të origjinës. Si rezultat, mijëra votues janë drejtuar drejt qyteteve të mëdha, veçanërisht në Budapest, duke shtuar fluksin në qendrat e votimit.

Ndërkohë që rezultatet zyrtare pritet të vonojnë dhe në këto zgjedhje nuk mungojnë sondazhet e zakonshme. Dy sondazhe të publikuara menjëherë pas mbylljes së procesit hedhin dritë mbi një zhvillim të mundshëm dramatik.

Sipas sondazhit të realizuar nga Median, partia opozitare Tisza kryeson bindshëm me 57.1% të votave, çka do t’i siguronte rreth 135 mandate në parlament, mjaftueshëm për të arritur një shumicë prej dy të tretash. Një tjetër sondazh nga Qendra Kërkimore 21 e vendos Tisza në 55% dhe 132 mandate.

Nga ana tjetër, partia në pushtet Fidesz, e drejtuar nga kryeministri Viktor Orban, parashikohet të marrë rreth 37-38% të votave sipas të njëjtave sondazhe.

Megjithatë, ekspertët theksojnë se këto janë vetëm sondazhe dhe jo rezultate zyrtare. Median ka kryer matjet gjatë ditës së sotme mes votuesve, ndërsa Qendra Kërkimore 21 i ka zhvilluar ato në periudhën 8-11 prill.

Nëse këto projeksione konfirmohen nga numërimi zyrtar, Hungaria mund të jetë në prag të një ndryshimi të madh politik, me largimin e Viktor Orban nga pushteti pas 16 vitesh dhe ardhjen në krye të vendit të liderit opozitar Peter Magyar.

The post “Tërmet” politik në Hungari/ Sondazhet nxjerrin humbës Viktor Orban pas 16 vitesh në pushtet, opozita drejt fitores historike appeared first on Albeu.com.

Sipas kësaj organizate, që mbështet partinë e kryeministrit Viktor Orban, ekziston një audio që pretendon se njerëz të lidhur me partinë opozitare Tisza kanë organizuar blerje votash në disa zona të vendit.

Ata thonë gjithashtu se kanë marrë denoncime për raste ku votuesve u janë ofruar para për të votuar për opozitën, si dhe për transport të organizuar të votuesve drejt qendrave të votimit.

Në një tjetër rast, pretendohet se në një zonë janë shpërndarë edhe ushqime për të ndikuar votën e qytetarëve.

Akuzat nuk janë verifikuar në mënyrë të pavarur nga mediat vendase.

The post Akuza për blerje votash në Hungari, organizata pranë qeverisë sulmon opozitën appeared first on Albeu.com.

Në përfundim të numërimit të votave, Alis Narazani është shpallur fitues me 477 vota, duke marrë kështu drejtimin e degës së Partisë Demokratike në Elbasan.

Një figurë e re në politikë dhe ish-kandidat për deputet në zgjedhjet e vitit 2025, Narazani arriti të sigurojë mbështetjen më të madhe me një platformë të fokusuar në rikthimin e besimit të qytetarëve dhe ringritjen e vlerave të së djathtës.

Pas tij renditet Sokol Shkëlzeni me 319 vota, aktualisht sekretar politik i PD-së në Elbasan, i cili zhvilloi një garë të fortë duke u mbështetur në eksperiencën e tij të gjatë në strukturat e partisë.

Ndërsa Durim Çekrezi, kryetari i komanduar i degës, mori 249 vota, duke synuar vijimësinë dhe konsolidimin e strukturave ekzistuese.

Në këtë garë morën pjesë gjithashtu edhe Elior Vila, pedagog, i cili siguroi 88 vota, me një platformë për hapje dhe transparencë më të madhe të partisë, si dhe Lumturi Hasa, mjeke dhe ish-kandidate për deputete, e vetmja grua në këtë garë, që mori 66 vota, duke theksuar përfshirjen e të rinjve dhe grave në politikë.

Selia blu i përgjigjet dhe pretendimeve të Doris Madhit

Deklaratë e Degës së Partisë Demokratike Elbasan

Në lidhje me reagimin e znj. Doris Madhi, sqarojmë opinionin publik se:

* Znj. Doris Madhi nuk ka qenë e përfshirë në fushatën e zgjedhjeve të 25 prillit në krah të Partisë Demokratike.

* Ajo është angazhuar maksimalisht në krah të subjektit politik Partia Socialdemokrate (PSD), duke bërë thirrje publike në rrjetet sociale që demokratët të votonin kandidatin e PSD për qarkun e Elbasanit.

* Gjatë procesit të numërimit të votave në Prrenjas, znj. Madhi ka qenë e angazhuar si vëzhguese e PSD.

Në zbatim të Udhëzimit nr. 01, datë 20.01.2026 dhe në përputhje me Statutin e Partisë Demokratike, kryesia e degës së PD Elbasan ka marrë vendim unanim për largimin e saj nga listat e anëtarësisë, për shkak të shkeljeve të rënda në veprimtarinë e saj si anëtare e PD-së.

Ky vendim është i bazuar në parimet e transparencës dhe respektimit të rregullave statutore, dhe bëhet publik për të sqaruar qytetarët e Elbasanit dhe të gjithë demokratët.

The post EMRI/ Zgjidhet kryetari i ri i PD-së në Elbasan, selia blu “sqaron” përjashtimet: Doris Madhi ka qenë vëzhguese e PSD-së appeared first on Albeu.com.