zgjedhjet vlore Archives - Albeu.com

Ermal Dredha apo Flamur Mamaj? Në Vlorë kanë nxjerrë “shpatat”, Rama shkon vetë për të shuar sherrin, si do të zgjidhet kandidati

E S — Sat, 25 Mar 2023 10:21:26 +0000

Caktimi i kandidatit për bashkinë e Vlorës është kthyer në një kokëçarje për kryeministrin Rama për shkak të faktit se baza është për Flamur Mamajn, kurse nga “lartë” ka marrë pëlqimin Ermal Dredha.

Ndryshe nga qytetet e tjera ku vullneti nga sipër nuk diskutohet nga baza, e cila ka prirjen të vihet rresht pas linjës së partisë, duket se situata ka dalë nga kontrolli në Vlorë duke bërë që të shkojë vetë Rama për të sheshuar debatet.

Jo më kot, Rama e nisi fjalimin e tij në kryesinë e PS-së së Vlorës duke fshikulluar deputetët, të cilët sipas tij kanë mbështetur kandidatë të caktuar.

Note: There is a poll embedded within this post, please visit the site to participate in this post's poll.

Nisur nga situata e krijuar, Rama duket se nuk ka marrë përsipër të vendosë veton për kandidatin e Vlorës duke thirrur kryesinë që të votojë me votë të fshehtë nëse duan Ermal Dredhën apo Flamur Mamajn që t’i përfaqësojë në zgjedhjet e 14 majit.

Tensionet

Emri i Ermal Dredhës është mbështetur nga deputetët e PS-së, të cilët kanë dashur vendosjen e tij në krye të bashkisë së Vlorës, ndërkohë që Flamur Mamaj ka rezistuar duke marrë pas vetes bazën. Situata u kthye në shumë shqetësuese në Vlorë për shkak të këtij rivaliteti duke rrezikuar që çarja të bëhej e madhe. /albeu.com

The post Ermal Dredha apo Flamur Mamaj? Në Vlorë kanë nxjerrë “shpatat”, Rama shkon vetë për të shuar sherrin, si do të zgjidhet kandidati appeared first on Albeu.com.

INTRIGAT/ Emrat e kandidatëve për qarkun e Vlorës. Djalli, në detaje, “luftë” mes kryesisë dhe bazës

E S — Mon, 20 Mar 2023 14:41:57 +0000

Qarku i Vlorës është një ndër më sfiduesit për socialistët tani që do të caktohen kandidatët e tyre për zgjedhjet lokale pasi për shkak edhe të zonës, mundësia e fitores është e madhe duke bërë që në fakt, të mos jetë kandidati ai që caktohet, por de facto kryetari i bashkisë.

Lexo edhe: EMRAT/ Subashi në pikëpyetje, beteja me mallakastriotët për bashkinë e Fierit, kush janë kandidatët në qark

Jo më kot, lufta ka qenë e fortë për bashki të rendësishme si Vlora apo Saranda në këtë qark.

Burime të AlbEu.com bëjnë me dije se kryesia e PS nuk ka vendosur ende plotësisht për këto dy bashki edhe pse nga “sipër” janë emrat e Oltion Çaçit për Sarandën dhe Ermal Dredhës për Vlorën. Megjithatë, kandidatura e Çaçit duhet të tejkalojë Adrian Gurmën dhe të tijtë që janë organizuar përballë Blendi Klosit me qëllim imponimin e emrit të kandidatit aktual.

Lexo edhe: EMRAT/ Njëri në pikëpyetje, 4 të konfirmuar, kush janë kandidatët e PS për qarkun e Tiranës

AlbEu.com mëson se një situatë e ngjashme është duke ndodhur në Vlorë, ku nga “sipër” kërkohet Ermal Dredha, kurse baza është më shumë për Flamur Mamajn.

PS nuk ka ende një emër të konfirmuar edhe për Selenicën, ndërsa emri i Jorgo Goros në Himarë është në pikëpyetje për shkak se kërkohet një miratim më i gjerë pasi kjo bashki pritet të kthehet në një kantier ndërtimi dhe kryebashkiaku nuk duket të jetë vetëm çështje e vullnetit brenda PS-së, por edhe grupeve të interesit në ndërtim dhe turizëm.

Në bashkitë e tjera nuk ka histori. Në Konispol pritet Erges Dule, kurse në Delvinë Majlinda Qilimi, ndërsa Finiqi shkon me Kristo Kiçon.

Qarku Vlorë

Bashkia Vlorë – Në diskutim (Ermal Dredha/ Flamur Mamaj)

Bashkia Sarandë – Në diskutim (Oltion Çaçi/ Adrian Gurma)

Bashkia Himarë – Në diskutim

Bashkia Selenicë – Në diskutim

Bashkia Delvinë – Majlinda Qilimi

Bashkia Finiq – Kristo Kiço

Bashkia Konispol– Erges Dule.

/AlbEu.com

The post INTRIGAT/ Emrat e kandidatëve për qarkun e Vlorës. Djalli, në detaje, “luftë” mes kryesisë dhe bazës appeared first on Albeu.com.

Çfarë po ndodh në Vlorë? Kandidatët e PS e PD pozojnë krah më krah si miq

admin — Thu, 22 Apr 2021 16:45:49 +0000

Partia Socialiste dhe Partia Demokratike janë bërë bashkë në qytetin e Vlorës vetëm katër ditë para zgjedhjeve.

Kryetari i PD-së në qarkun e Vlorës Genc Deromemaj dhe kandidati i PS-së në Vlorë Ilir Metaj kanë qenë të dy të ftuar në emisionin “6+1”, dhe kanë pozuar krah njëri-tjetrit.

Metaj dhe Deromemaj shihen të qetë krah njëri-tjetrit, teksa pozojnë në foto duke zbuluar se situata zgjedhore në Vlorë është më e qetë se kurrë dhe pse kanë mbetur vetëm 3 ditë nga mbajtja e zgjedhjeve.

The post Çfarë po ndodh në Vlorë? Kandidatët e PS e PD pozojnë krah më krah si miq appeared first on Albeu.com.