Në një intervistë për Le Figaro ajo u shpreh se francezët e kishin zgjedhur atë si lideren e opozitës.

Le Pen theksoi se tre gara presidenciale përbëjnë një rezultat në vetvete. Një proces që e ka lejuar të rrisë idetë e saj nga 18% në 42%. Në një periudhë 10 vjecare ky rezultat është domethënës dhe se shpreson të shohë një elitë të re në vend deri në 2027-ën.

Ajo shtoi se pavarësisht humbjes dhe gënjeshtrave të rivalit të saj Emanuel Macron, francezët e kanë mbëshetur ndjeshëm. Nërsa për zgjedhjet e përgjithshme të muajit qershor për rinovimin e parlamentit francez, Le Pen ka objektiva të qarta: të paktën 60 deputetë të opozitës.

Presidenti Macron sipas Le Pen nuk mund të thotë se çdo gjë ndryshon dhe të quajë normale që partia më e madhe opozitare në pesë vitet e fundit të ketë vetëm 6 deputetë. Ajo nuk preferoi të japë një datë të saktë për zgjedhjet brenda partisë nga ku do të dalë lideri i ri i saj. Por premtoi se gjërat do të ndryshojnë.

Duke thënë se e ka një emër në mendje për pasardhësin e saj, Le Pen akuzoi Macron se dhe në mandatin e dytë presidencial ka zgjedhur të njëjtin ekip të vjetër bashkëpunëtorësh.

The post “3 humbje mjaftojnë”, Le Pen heq dorë nga presidenca appeared first on Albeu.com.

Votat për kampionin e Botës 2018, erdhën nga banorët e një fshati në lindje të Francës, Tallenay.

“L’Est Republicain” raporton se emri i 23-vjeçarit ishte pjesë e fletave të votimit gjatë raundit të dytë të zhvilluar të dielën.

Tifozët e superyllit francez të futbollit, i dhanë këtij të fundit 10 vota, nga 348 vota që kishte gjithsej fshati. Ata i kishin shtypur paraprakisht fletët e votimit me emrin e Mbappe-s dhe i kishin vendosur në zarfe.

Megjithatë, fletet e votimit u konsideruan të pavlefshme, duke pasur parasysh që gara zhvillohej mes presidentit aktual, Emmanuel Macron dhe kandidates së ekstremit të djathtë, Marine Le Pen.

Macron fitoi zgjedhjet dhe njëkohësisht mandatin e dytë në krye të Francës me 58.5% të votave.

Më herët mediat franceze kishin lajmeruar se Macron kishte hyrë në negociata me Mbappe-n, që ky i fundit të rinovonte kontratën me PSG-në. Kontratë e cila përfundon këtë verë dhe e ardhmja e sulmuesit është mes Real Madrid-it dhe parisienëve.

The post E pazakontë, Kylian Mbappe mori 10 vota në zgjedhjet presidenciale në Francë appeared first on Albeu.com.

Pas “tërmetit politik” të raundit të parë, 44-vjeçari Macron, ish-drejtor ekzekutiv i një banke investimesh dhe i diplomuar në Shkollën Kombëtare të Menaxhimit (ENA), kërkon me ngul të fitojë sërish mandatin pavarësisht se qëndron në krye të sondazheve.

Macron ka qenë dikur një anëtar aktiv i Partisë Socialiste Franceze në vitet 2006-2009, teksa iu bashkua kabinetit të Presidentit socialist François Hollande, fillimisht si Zëvendës Sekretar i Përgjithshëm i Financave, më pas këshilltar i Presidencës Franceze dhe duke marrë përsipër detyrat ekzekutive, dhe në fund, si Ministër i Financave dhe Ekonomisë në gusht 2014, në vend të Arno Monteburg.

Prania e të panjohurit Macron në ambientin e presidentit socialist Hollande u dallua menjëherë pas vitit 2010. Ndër të përbashkëtat është marrëdhënia e mirë e të dyve me ekonomistin francez, ish-këshilltarin e François Mitterrand dhe një nga intelektualët më me ndikim në botë, Zhak Atali.

Ky i fundit e promovoi Hollande në Partinë Socialiste Franceze dhe më pas e ndihmoi Macron, duke i thënë presidentit Hollande, se ai ishte shumë i aftë për të punuar për Elysee.

Macron kishte punuar më përpara pranë Atalit. Që në atë kohë, Macron është treguar shumë ambicioz, megjithatë shfaqja e tij si një figurë qëndrore në skenën politike franceze ka rezultuar pozitive.

Kur Hollande në vitin 2014 njoftoi papritur uljen e taksave për kompanitë franceze, ai emëroi Macron në pozicionin e ministrit përgjegjës. Megjithatë, Macron nuk heziton ta përshkruajë vitin 2015 si të “vjetëruar” për objektivat e zhvillimit të vendit, orarin e punës 35 orë në javë, duke shkaktuar tronditje edhe brenda qeverisë.

Marrëdhëniet e tij me kryeministrin e vendit Manuel Valls po përkeqësohen në mënyrë dramatike. Në të vërtetë, më 16 nëntor 2016, Macron shpalli publikisht kandidaturën e tij për zgjedhjet presidenciale të vitit të ardhshëm.

Në një deklaratë të shkurtër të kandidaturës së tij, duke shprehur plotësisht qëndrimin e tij politik, Macron shpalli “daljen nga status quo-ja (politike)” e Francës.

“Franca është bllokuar nga korporatat dhe nuk po i mban më premtimet e saj”, tha Macron në atë kohë.

Përkundrazi, ai shpalli një “revolucion demokratik”, përmes një programi reformash gjithëpërfshirëse, me fokus ekonominë kombëtare, por edhe forcimin e pozitës së Francës në konkurrencën botërore.

Megjithatë, një javë para raundit të parë të zgjedhjeve, Macron lavdëroi pasardhësin e qendrës së djathtë të Nicolas Sarkozy në gazetën Le Figaro, e cila, së bashku me axhendën e tij teknokratike, kontribuoi në “votimin” e tij. E njëjta gazetë, megjithatë, akuzoi Macronin se ishte i neveritshëm ndaj radikalizimit të muslimanëve që jetojnë në Francë, qoftë si pasardhës të emigrantëve të gjeneratës së tretë nga Afrika e Veriut, qoftë si emigrantë dhe refugjatë, raporton abcnews.al.

Në nivel personal, Macron vlerësoi shtetin kozmopolit francez, si dhe rolin integrues të arsimit si një mburojë kundër prozelitizmit islamik, duke shpallur gjatë mandatit të tij një paketë kundër radikalizimit. Megjithatë, atentati ndaj mësuesit Sauel Pati, i cili sipas presidentit francez kishte të gjitha shenjat e një “sulmi terrorist islamik”, e ktheu opinionin publik francez në krahun e djathtë dhe ngjarjet e vitit 2015, shkaktuan probleme të mëdha për politikën e tij.

Numri i votuesve në raundin e parë, u rrit në 27.84%, pak më e lartë se 24.01% në 2017-ën, kryesisht nga votuesit e qendrës së djathtë mbi moshën 65 vjeç, por jo nga moshat 25-64 vjeç (elektorati për Marine Le Pen).

Përpjekja e Le Pen për të “detoksifikuar” trashëgiminë politike të babait të saj u intensifikua gjatë mandatit të Macron. Le Pen, gjithashtu ndryshoi emrin e partisë nga Balli Kombëtar në Miting Kombëtar.

Edhe pse në 2017, ajo premtoi një ulje drastike të emigracionit, deportim të të gjithë emigrantëve dhe kufizim të aksesit të tyre në përfitimet e strehimit dhe kujdesit shëndetësor, në këtë vit “fundamentalizmi islamik”, është në agjendën e saj politike.

Ajo ka premtuar zbutjen e efekteve të inflacionit por edhe të rritjes së çmimeve të karburanteve, duke “kopjuar” strategjinë e ish-presidentit amerikan Donald Trump. Në imazhin e saj të rinovuar publik, Lepen shfaqet si fqinja më e mirë, duke shëtitur fshatrat në të gjithë territorin.

Megjithatë, si nënë e tre fëmijëve (me dy divorce), ajo përpiqet të fshijë imazhin nga e kaluara e saj, fyerjet dhe sulmet ndaj emigrantëve dhe kopertinat e “Playboy”. Ajo ka deklauar se nëse zgjidhet presidente do të largohet nga administrata e plotë e NATO-s por nuk do të heqë dotë nga Neni 5 i Organizatës së Traktatit të Atlantikut të Veriut për sigurinë kolektive.

Macron ka mbështetur Ukrainën që nga fillimi i luftës duke dënuar sulmet ruse ndryshe nga Le Pen e cila ka deklaruar se Moska është shtylla kryesore e arkitekturës së sigurisë në Kontinentin e Vjetër.

Një vit më vonë, në mars 2017, Presidenti Putin mirëpriti Le Pen si kandidate për presidencën, ndërsa ajo refuzoi ta quante atë “kriminel lufte”, si dhe të mbështeste sanksionet ekonomike kundër Moskës.

Megjithë pozicionet e saj të së djathtës ekstreme janë të njohura tashmë gjithashtu edhe miqësitë e ngushta që ruan me liderët euroskeptikë si Victor Orban. Votuesit francezë kanë të gjithë informacionin dhe provat e nevojshme për të bërë një zgjedhje serioze, në lidhje me qëndrimin e tyre ndaj të keqes që përfaqëson Putin.

Franca, që ka bërë kaq shumë që nga Iluminizmi Europian, për të promovuar dhe mbrojtur lirinë, barazinë dhe vëllazërinë, është përfshirë sërish në një luftë për këto virtyte.

Lufta politike e Macron, është gjithashtu një luftë për demokraci. Nëse qytetarët francezë bëjnë zgjedhjen e gabuar më 24 prill, ata nuk do të kenë mundësi ta përdorin injorancën si një mjet mbrojtës./abcnews.al

The post Po nëse mikja franceze e Putinit mund Macron dhe zgjidhet presidente? appeared first on Albeu.com.

Macron thotë se arritjet e tij më të mëdha kanë qenë ulja e papunësisë dhe taksave, si dhe shpenzimet më të larta kanë qenë për sigurinë. Ai e bëri më të lehtë për kompanitë shkarkimin e punëtorëve dhe futi ligje të ashpra sigurie për të luftuar terrorizmin.

Por ai u detyrua të hiqte një taksë të propozuar për karburantin në vitin 2018 pas disa javësh trazirash nga protestuesit jelekverdhë.

Reforma të tjera, duke përfshirë një premtim për të ulur shkallën e papunësisë nga më shumë se 10% në 7% deri në vitin 2022, u goditën nga pandemia Covid, megjithëse papunësia aktualisht është ulur në 7.4%.

Faktet që mbase nuk i keni ditur!

Ai u bë presidenti më i ri në historinë franceze në vitin 2017 në moshën 39-vjeçare

Një ish-bankier dhe ministër i ekonomisë që nuk ishte zgjedhur asnjëherë deputet.

I martuar me ish-mësuesen e tij të dramës, Brigitte, e cila është 24 vjet më e madhe se ai.

Perceptimi për të është se ai nuk ka kontakt, me njerëzit e zakonshëm./dritare.net/

The post Konkurron sot në zgjedhje, faktet që mund të mos i dini për Macron! appeared first on Albeu.com.

France24, ka raportuar se presidenti aktual Emmanuel Macron i ka fituar zgjedhjet e rundit të parë me 28.1 për qind të votave, ndërkohë që kandidatja tjetër për presidente e krahut të djathtë Marine Le Pen ka marrë 23.3 për qind të votave, shkruan Gazeta Express.

Sipas këtij rezultati, Macron e Le Pen do të dalin edhe një herë në zgjedhje me 24 prill, për betejën përfundimtare.

Mediat ndërkombëtarë sot kanë shkruarse kandidatja Marine Le Pen ishte duke lëkundur seriozisht gjasat e presidentit aktual Emmanuel Macron për t’u rizgjedhur. Mbetet për t’u parë në rundin e dytë nëse Macron do të arrijë ta ruajë epërsinë.

Në këto zgjedhje kanë votuar 48.7 milionë francezë./GazetaExpress/

The post Ky është rezultati i zgjedhjeve në Francë, Macron e Le Pen shkojnë në rundin e dytë (FOTO LAJM) appeared first on Albeu.com.

Rreth 25,48% e francezëve me të drejtë vote iu drejtuan kutive deri në mesditë në një proces që përfundon në orën 20:00 dhe për qellim ka zgjedhjen e shefit apo shefes së Elizesë për 5 vitet që pasojnë.

Emmanuel Macron duket se është favoriti për të thyer “mallkimin” 20-vjeçar të skenës politike franceze dhe për të arritur të rizgjidhet, diçka që nuk kishte ndodhur as me Nicolas Sarkozy dhe as me François Hollande.

Presidenti i fundit që u rizgjodh ishte Jacques Chirac në vitin 2002, pas një referendumi për të reduktuar mandatin e presidentit francez nga shtatë në pesë vjet. Sipas mesatares së sondazheve të javës së kaluar, Emanuel Macron pritet të marrë në raundin e parë të zgjedhjeve rreth 26%, Marine Le Pen 22,6% dhe kandidati i së majtës Jean-Luc Melanson 16.4%. Kandidatët e tjerë kanë më pak se 10% të votave, me të djathtën ekstreme Eric Zemour me 9,3%.

Edhe pse pesë vitet e fundit në Francë janë dëmtuar nga ngjarje të mëdha që kanë ndezur polemika, si protestat e “Jelekëve të Verdhë”, vrasja nga terroristët islamikë të mësuesit Samuel Patti, kufizimet e vendosura nga pandemia gjithçka është ende mbi tavolinë. Rivalja kryesore e Macron, Marine Le Pen, paraqitet në këto zgjedhje me një tjetër fytyrë të saj, larg qëndrimeve ekstremiste të dikurshme.

Ajo ka pushuar së foluri për daljen e Francës nga eurozona, ka postuar foto të maceve të saj në rrjetet sociale dhe nuk ka ngurruar të postojë një foto ku shfaqet duke përqafuar një vajzë të re me shami myslimane. Në të njëjtën kohë, shfaqja e Eric Zemour ishte një mundësi për Marine Le Pen, duke e lënë atë të mbizotërojë në retorikën e ekstremit të djathtë, pasi Marine Le Pen e di se shumica e votuesve të tij do t’i drejtohen asaj në raundin e dytë të zgjedhjeve i cili mbahet me 24 prill dhe nga ku do te vendoset gjithçka.

The post Zgjedhjet presidenciale në Francë, Emanuel Macron favorit në raundin e parë të zgjedhjeve appeared first on Albeu.com.