Fitorja e Biden ishte praktikisht e siguruar, pavarësisht se shtatë kandidatë të tjerë ishin të pranishëm në votim. Ish-presidenti Donald Trump fitoi zgjedhjet paraprake presidenciale të republikanëve të Dakotës së Veriut më 4 mars.

Biden dhe Trump kanë siguruar tashmë mjaft delegatë për nominimet e partive të tyre përkatëse për zgjedhjet amerikane të vitit 2024.

The post Joe Biden fiton zgjedhjet paraprake presidenciale në Dakotën e Veriut appeared first on Albeu.com.

Presidenti Biden doli fitues në 15 nga shtetet që mbajtën zgjedhjet paraprake të Partisë Demokratike, duke përfshirë Virxhinian, Teksasin, Minesotan dhe Koloradon. Ai humbi garën në territorin amerikan, Samoa.

Ish presidenti Trump doli fitues në 14 shtete.

Me pak kundërshtime në garën e demokratëve, një situatë tipike për presidentët në detyrë, zoti Biden paralajmëroi se një mandat tjetër për zotin Trump do të nënkuptonte “kaos, ndarje dhe errësirë”.

“Sot, miliona votues anembanë vendit ngritën zërin e tyre, duke treguar se janë të gatshëm të luftojnë kundër planit të skajshëm të Donald Trumpit për të na kthyer prapa”, tha presidenti Biden në një deklaratë.

Ish presidenti Trump, duke folur me mbështetësit e tij në Florida, tha se vendi ka pësuar “një goditje të madhe” gjatë tri viteve të fundit, ndërsa fajësoi mënyrën e trajtimit të ekonomisë dhe emigracionit nga presidenti Biden.

Ish udhëheqësi amerikan, i cili humbi në zgjedhjet e vitit 2020 përballë zotit Biden, festoi raundin e tij të fitoreve të martën dhe i cilësoi zgjedhjet e nëntorit si “ditën e vetme më të rëndësishme në historinë e vendit tonë”.

Fitoret e zotit Trump të martën përfshijnë Kaliforninë, Koloradon, Mainen, Minesotan, Karolinën e Veriut dhe Teksasin.

Ish ambasadorja amerikane në Kombet e Bashkuara, Nikki Haley, kundërshtarja e fundit e zotit Trump në garën republikane, fitoi të martën në shtetin e Vermontit.

Kjo ishte fitorja e dytë e zonjës Haley pas asaj në zgjedhjet paraprake të së dielës në Uashington.

Pas një sërë humbjesh në janar dhe në shkurt, zonja Haley ishte zotuar të qëndronte në garë të paktën deri në Super të Martën, duke u thënë mbështetësve të saj se një tjetër mandat presidencial i zotit Trump do të ishte i dëmshëm për kombin.

Më shumë shtete do të zhvillojnë zgjedhjet paraprake në javët e ardhshme, ndërsa presidenti Biden dhe ish presidenti Trump kërkojnë të mbledhin delegatë të mjaftueshëm për të siguruar emërimet partiake përpara konventave, ku secila parti do të caktojë zyrtarisht kandidatin e saj për zgjedhjet e nëntorit.

Partia Republikane mban konventën e saj në korrik, ndërsa partia Demokratike në muajin gusht./VOA

The post Biden dhe Trump fitojnë shumicën e zgjedhjeve paraprake appeared first on Albeu.com.

Siç njofton korrespondentja e Zërit të Amerikës, Katherine Gypson, zonja Haley u zotua ta vazhdojë fushatën deri në atë që njihet si “Super e Marta” në fillim të marsit, kur pesëmbëdhjetë shtete do të zhvillojnë votime paraprake për të zgjedhur kandidatin republikan për president.

Një tjetër fitore për ish Presidentin Donald Trump që synon rikthimin në Shtëpinë e Bardhë.

“Një fitore edhe më e madhe nga sa prisnim”, deklaroi zoti Trump.

Konkurrentja e tij e vetme në garën për të marrë emërimin e Partisë Republikane, Nikki Haley, nuk arriti të fitojë në shtetin e saj të lindjes, ku ajo kishte shërbyer si guvernatore. Por ajo u tha mbështetësve se fushata e saj do të vazhdonte.

“Ka një numër të madh votuesish në zgjedhjet tona paraprake republikane që thonë se duan një alternative”, deklaroi ajo.

Zonja Haley thotë se ajo është një alternativë për votuesit që nuk duan të shohin një garë mes zotit Trump dhe Presidentit Joe Biden në zgjedhjet e përgjithshme të nëntorit, duke argumentuar se ajo është një alternativë më e re dhe më energjike.

“Ajo bëri një punë shumë mirë në Kombet e Bashkuara si drejtuese. Mendoj se ajo ka përgatitje të mirë për politikën e jashtme dhe do të ishte një udhëheqëse e mirë. Ajo ka moshën e duhur”, thotë Scott Reeves, mbështetës i zonjës Nikki Haley.

Votues të tjerë të Karolinës së Jugut e kritikuan zonjën Haley si pjesë e elitës politike, ndërsa nuk pranuan të thonë se për kë votuan.

“Ajo i shërben interesave të caktuara, mendimet e saj ndryshojnë në bazë të kontribuesit më të madh, vota e saj shkon për atë që e paguan më shumë”, thotë Candace Huss, votuese republikane në Karolinën e Jugut.

Mbështetësit e zotit Trump në Karolinën e Jugut thonë se ai nuk po kandidon për pushtet por për të përmirësuar jetën e amerikanëve.

“Ai do ta bëjë ekonominë më të fortë. Do të largojë nga administrata njerëzit që kryejnë krime”, thotë Mike Datret, mbështetës i zotit Trump.

Një fitore në shtetin e saj të origjinës do të kishte rritur shanset për zonjën Haley, por ajo tashmë po pret me padurim atë që njihet si “Super e Marta”, ku pesëmbëdhjetë shtete do të zhvillojnë votime paraprake për të zgjedhur kandidatin republikan për president.

Mbështetësit e zonjës Haley në Karolinën e Jugut ende besojnë se ajo do të ketë sukses.

“Unë jam krenare kur flet ajo, që nuk thotë gjëra të tmerrshme për të gjithë. Ajo duket se është një person i zgjuar”, thotë Flo Phillips, mbështetëse e zonjës Nikki Haley

Disa votues brenda kampit republikan të Karolinës së Jugut thonë se edhe nëse zoti Trump është kandidati kryesor, katër çështjet gjyqësore penale në pritje kundër tij mund ta ndryshojnë dinamikën e garës.

“Po sikur ta fusin në burg para zgjedhjeve? Atëherë çfarë ndodh? Pra, kjo do të thotë se Nikki Haley mund të jetë kandidatja e ardhshme republikane, por nuk jam i sigurt”, thotë Mike Kelsch, votues republikan në Karolinën e Jugut.

The post Fiton zgjedhjet paraprake republikane në Karolinën e Jugut, Trump: Një fitore edhe më e madhe nga sa prisnim appeared first on Albeu.com.

Rezultati shënon një hap prapa për ish-ambasadoren amerikane në Kombet e Bashkuara, Nikki Haley.

Ajo ishte sfiduesja e fundit në garën republikane pasi guvernatori i Floridës, Ron DeSantis, i dha fund fushatës së tij presidenciale gjatë fundjavës, çka i mundësoi asaj të bënte fushatë si alternativa e vetme përballë Trump.

Pas fitores së Trump, Haley këmbënguli se ajo do të qëndronte në garë, duke thënë se ishte gara është ende larg përfundimit pasi janë ende edhe dhjetëra shtete të mbetura për të shkuar.

“Unë jam një luftëtare. Dhe jam e dëshpëruar. Dhe tani ne jemi të fundit që qëndrojmë përballë Donald Trump. Kemi ende një rrugë për të bërë, por vazhdojmë të ecim lart”, tha ajo.

Në fjalimin e tij të fitores, Trump tha se Haley “pati një natë shumë të keqe” dhe po “bënte një fjalim sikur të kishte fituar” kur humbi, ndërsa nxiti ish-rivalët Vivek Ramasëamy dhe Tim Scott për ta mbështetur atë.

Haley bëri një fushatë të fortë në New Hampshire, duke u përpjekur të bënte që votuesit e pavarur dhe të moderuar republikanë ta mbështesnin, por ajo nuk ishte në gjendje të arrinte Trumpin.

Ajo intensifikoi kritikat ndaj ish-presidentit dhe paraqitur veten si një kandidate unifikuese që do të sillte ndryshime për brezat e ardhshëm.

Por fushata e saj nuk tërhoqi votues të mjaftueshëm.

Trump mund të mburret si kandidati i parë presidencial republican, që fiton garat e hapura në Ajova dhe New Hampshire që kur dy shtetet filluan të udhëheqin kalendarin zgjedhor në vitin 1976.

Nëse Trump merr emërimin e Partisë Republikane, kjo do të ishte hera e tretë që ai kandidon për Shtëpinë e Bardhë.

Fitoret e lehta në të dy shtetet tregojnë aftësitë e Trump për të bashkuar rreth vetes rrymat e ndryshme republikane.

Ai fitoi mbështetjen e konservatorëve evangjelistë që kanë ndikim tek votuesit më të moderuar në shtetet Ajova dhe New Hampshire, çka ai shpreson ta përsërisë ndërsa zgjedhjet paraprake zgjerohen edhe në shtetet e tjera amerikane.

Rezultatet e New Hampshire, megjithatë, nuk janë plotësisht pozitive për Trump, duke parë zgjedhjet e përgjithshme të 5 nëntorit.

Mbi 60% e votuesve të pavarur votuan për Haley, i cili gjithashtu mori 80% midis të diplomuarve. Vetëm 32% e votuesve thanë se ndiheshin pjesë e lëvizjes Maga, ndërsa 25% e republikanëve thanë se nuk do ta mbështesnin Trump, nëse ai do të dënohej penalisht në një nga katër gjyqet në të cilat ai akuzohet.

Biden, i cili fitoi zgjedhjet paraprake demokrate edhe pse emri i tij nuk ishte në fletëvotim, përfitoi menjëherë nga kjo situatë për të sulmuar rivalin e tij.

Në një deklaratë ai komentoi: “Vota në New Hampshire konfirmon se Trump do të jetë kandidati republikan. Kjo paraqet rreziqe serioze për demokracinë tonë dhe na detyron të dyfishojmë përpjekjet tona për ta ndaluar atë”.

The post Fitore historike për Donald Trump në zgjedhjet paraprake republikane në New Hampshire appeared first on Albeu.com.