Në një lidhje me studion e “News24”, ligjvënësi opozitar mohoi se ka zëra kundër brenda partisë apo përjashtime për mendime ndryshe.

“Nuk ka asnjë përjashtim për mendime kundër apo zëra kundër. Unë jam për bashkim, jo për përjashtim. Në PD nuk ka asgjë hermetike. Por gjithçka kalon nëpërmjet strukturave”, u shpreh ai.

Edi Paloka theksoi se çdo organizatë politike ka rregulla që duhet të respektohen dhe se edhe në statutin e PD-së parashikohen raste për përjashtimin e anëtarëve, duke shtuar se këto çështje nuk duhen trajtuar në mënyrë subjektive.

“Ka zgjedhje në PS, a pyetet atje për zgjedhjet që bëhen në parti. Unë jam i PD-së dhe ju më pyesni për zgjedhjet në parti. Pra atje janë të mbyllura. Në PD gara sa ka filluar, nuk e dimë ende se kush ka aspirata. Ka disa kritere, ka një proces gara, se nuk mund të kandidojë kushdo. Mund të jesh anëtar i PD-së dhe të mos kandidosh dot, ka hapa të tjerë në vazhdim, verifikohen emrat, kandidaturat, ka kritere”, vijoi ai.

Dhe më tej shtoi: “Nëse ka diçka që e dallon PD, është pikërisht debati. Nuk kemi pasur kurrë diçka hermetike”.

I pyetur nëse Ervin Salianji do të lejohet të kandidojë për kryetar të PD-së, Paloka u shpreh se procesi ende nuk ka nisur dhe se kandidaturat do të kalojnë përmes filtrit të kritereve dhe strukturave të partisë. Por tha se mund të jesh anëtar i PD-së dhe të mos kandidosh dot, sepse nuk plotëson kriteret.

“Gara nuk ka filluar akoma. Nuk mund të kandidojë kushdo. Ka kritere dhe një kryesi që selekton kandidaturat. Në fund do të shihet kush do të jetë në garë. E thashë, ka kritere, ka rregulla, ka një Kryesi që kontrollon figurat dhe më pas vendos”, u shpreh deputeti demokrat.

Paloka komentoi edhe protestat e PD-së, strategjinë, taktikat, sa do zgjasin ato dhe qëllimin.

Për deputetin e vetmja rrugë që i ka mbetur opozitës janë protestat e fuqishme deri në rrëzimin e diktaturës që ka vendosur Rama dhe se sa do zgjasnin ato nuk mund ta përcaktonte dot.

“Protestat janë mënyrë e detyruar e PD-së. Ka strategji dhe taktika, do shqyrtohen të gjitha. Pavarësisht formave dhe mënyrave se si do zhvillohet është çështje tjetër por forma e vetme e opozitës për t’u përballur. Rama e ka treguar se nuk ka ndërmend të bëjë zgjedhje të lira në këtë vend. Kjo është mënyra e vetme edhe për qëllimin që kemi. Sa do të zgjasin ato, unë nuk e di, por do shihet më tej, tha ai.

Duke folur për propagandën dhe taktikat qeverisëse, ai komentoi se:

“Ne jemi në diktaturë. Rama ka 13 vite që thotë fajin e ka Saliu. Ka 13 vite që qeveris vetë dhe pas kaq kohësh përsëri fajin e paska Saliu. Ai i përdor të gjitha mënyrat dhe frika në këtë diktaturë te qytetarët është e pranueshme, e kuptueshme. Pra ne jemi në diktaturë. Nuk të pëlqen PD-ja, dil në protestat e të tjerëve, protesto te Adriatik Lapaj dhe të tjerët”.

Por a do të kandidojë përsëri Paloka për postin e kryetarit të Këshillit Kombëtar të PD-së?

“Nuk e di, jam duke e menduar garën dhe kandidimin për postin e kryetarit të Këshillit Kombëtar. Nuk e kam vendosur akoma, por edhe mund të mos kandidoj”, u shpreh deputeti opozitar.

The post “Rama, 13 vite në pushtet, prap fajin e ka Saliu?” Paloka për zgjedhjet në PD dhe Salianjin: S’mund të kandidojë kushdo, ka kritere dhe një Kryesi që selekton appeared first on Albeu.com.

“Kryetari patjetër që është organi më i rëndësishëm ndoshta i Partisë Demokratike. Partia në vetvete vendoset dhe fillon nga data 6 qershor sepse Kuvendi cakton Këshillin. Këshilli pastaj cakton Kryesinë, nënkryetarët, sekretariatet, të gjithë pjesën organizative. Unë s’e di të ketë kandidatura që deri sot të jenë shpallur, të kenë shpallur ambicie, të kenë shpallur një vizion, një platformë përveç asaj të doktor Sali Berishës. S’di të ketë tjetër. Nëqoftëse ka tjetër, do ta presim të na shfaqet.

Kuvendi është në datë 6 qershor, aty zgjidhet Këshilli Kombëtar dhe nga ky moment të gjitha instancat e kupolës së Partisë Demokratike zgjidhen nga Këshilli Kombëtar. Bazuar mbi statutin, është anticipuar se do të ketë dhe disa ndryshime statutore. Nuk e dimë cilat ndryshime janë ato. Është diskutuar që ka një grup pune për t’i parë këto ndryshime të mundshme të statutit.

Do t’i presim se cilat janë, sepse sot jemi deri në këtë njoftim. Doja data të tjera, më herët. Vera vështirëson punën politike. Por, datat janë të caktuara. Vendimet statutore, nëse do ketë, do presim të shohim se kush do propozohet nga grupi i punës. Vetëm grupi i punës di që ka dalë. Jo se çfarë vendimesh do marrin ata”, tha Alimehmeti.

The post Alimehmeti për zgjedhjet në PD: Nuk ka kandidaturë tjetër deri sot përveç doktor Berishës! Nëse ka, do ta presim të na shfaqet appeared first on Albeu.com.

Pas rikonfimimit në krye të PD, Basha do të zhvillojë sot një mbledhje me kryesine e PD.

Mësohet se mbledhja do të zhvillohet në orën 20:00 në zyrtat e PD zyrtare.

Kujtojmë që Lulzim Basha fitoi përballë rivalit të tij Gjergj Hani, duke marrë mbi 16 mijë vota nga anëtarësia.

Menjëherë sapo u shpall fitues, Basha mbajti një fjalim para demokratëve, duke thënë se ata provuan se janë në gjendje për një tjetër betejë në të mirë të Shqipërisë.

“Besimi në një projekt politik do të sjellë ndryshimin njëherë e mirë të shqiptarëve. Demokratët provuan sërish gjatë ditës së sotme se jemi në gjendje t’i përvishemi një tjetër beteje, në dukje të pamundur, por asnjëherë të pafitueshme. Le ta nisim këtë rrugë pa cinizëm e dashakeqësi ndaj askujt”, është shprehur ndër të tjera Basha.

The post Një ditë më parë fitoi zgjedhjet për drejtimin e PD, Lulzim Basha mbledh sot Kryesinë appeared first on Albeu.com.

Teksa ka përshëndetur me dy gishta, Basha ka votuar në zyrat e degës nr.8.

The post Me dy gishtat lart, voton Lulzim Basha: Jemi përballur me sulme nga më të padenjat appeared first on Albeu.com.

Demokratët do t’i drejtohen qendrave të votimit, sipas degëve të PD-së, deri në 19:00.

Ndërkohë kandidati Gjergj Hani do të votojë në orën 10.00 te zyrat qendrore të Partisë Demoratike, ndërsa Lulzim Basha në 11:00 pranë zyrave të degës 8 në Tiranë.

Grupi i demokratëve që mban vulën e PD-së ka hartuar një listë të re të anëtarëve të partisë ku janë përfshirë 25 mijë demokratë, krahasuar me 75 mijë anëtarë që ka pasur kjo parti në qershorin e vitit 2021 kur Lulzim Basha mori mandatin e tretë në krye të partisë.

Këtë herë kundër Lulzim Bashës janë rreshtuar përveç Sali Berishës dhe demokratëve që e mbështesin edhe sekretari i përgjithshëm Gazment Bardhi dhe 15 deputetë.

The post Gara për lidershipin e PD, kur dhe ku do të votojnë dy kandidatët appeared first on Albeu.com.

Dalja në publik, pas një mungese të gjatë, e ish kryetarit demokrat Lulzim Basha, më 24 maj, në një takim me të rinjtë në Tiranë dhe paralajmërimi i një turi bashkëbisedimi nëpër Shqipëri, u lexua si preludi i rikthimit të tij në krye të Partisë Demokratike zyrtare. E sfilitur më së shumti nga përplasjet e gjata me grupimin e drejtuar nga ish kryeministri Sali Berisha, se sa me socialistët në pushtet, përballja me të cilët rezultoi dërrmuese në zgjedhjet vendore të 14 majit, kjo forcë politike ndodhej në momentet e një paqartësie edhe më të madhe, pas dorëheqjes së zotit Enkelejd Alibeaj, i cili kishte mbajtur drejtimin e saj.

Në takimet e tij, i shfaqur me një paraqitje te re, sportive, thuajse gjithnjë me një bluzë “alla Zelensky”, zoti Basha foli për atë që e cilësoi si platformë ndryshimi, ndonëse pjesa dërrmuese e tezave të tij, nuk ishin aspak të reja: “Të hapim garën politike. Pra listat e hapura dhe e dyta vetting i politikanëve. Asnjë kryeministër që nuk mund t’I realizojë objektivat e veta për dy mandate, nuk mund t’i bëjë me një të tretë. Përkundrazi, gjërat shkojnë duke u degraduar dhe shembullin e keni përpara syve”

Këto teza shoqëruan dhe më pas fushatën e tij për të rimarrë e Partinë Demokratike, ndërsa përballlë pati zotin Gjergj Hani, ish i përndjekur dhe një emër që daljen e parë publike e pati dy vjet më parë, kur u paraqit lëvizja e zotit Fatbardh Kadilli “Iniciativa demokratike”, një përpjekje për një fraksion brenda partisë Demokratike. Zoti Hani shpjegoi se kandidonte “që nesër të mos kenë mundësi të thonë, as zoti Basha, as demokratët, se ne zgjodhëm zotin Basha se nuk kishim alternativë tjetër. Jo, ka një alternativë”.

Pas disa daljeve televizive askush nuk e ka të qartë se si u organizua fushata e tij, ndërkohë që dhe zoti Basha, i qëndroi disi larg publicitetit. Por nëse rruga për rikthimin e tij mbeti e hapur, procesi në vetvete provokoi një përçarje të re në gjirin e atyre që i mbetën besnikë Partisë Demokratike zyrtare.

Që në fillim u shfaqën hapur dy rryma, njëra e mbështetur në dukje nga pjesa më e madhe e grupit të deputetëve, për një proces të shtrirë në kohë e që do duhet të niste me riorganizimin e bazës, dhe pjesa tjetër, shumica e kryesisë, që këmbënguli për mbajtjen e shpejtë të zgjedhjeve.

Mbledhja e kryesisë e zhvilluar për orë të tëra gjatë natës së 6 qershorit deri në orët e para të mëngjesit të së nesërmes, prodhoi tensione të forta brenda dhe jashtë zyrave. Pas vendimit për të mbajtur zgjedhjet më 29 korrik, nënkryetarja Jorida Tabaku dha dorëheqjen nga ky pozicion, ndërsa kryetari i grupit parlamentar Gazmend Bardhi, dikur krahu i djathtë i zotit Basha u shfaq kategorikisht kundër.

Mes palëve nisi një betejë ky hynë në lojë statuti dhe rregulloret, për të cilat palët akuzonin njëra tjetrën se po i shkelin ato. Me 18 korrik kryesia vendosi që administrimi i vulës së partisë t’i hiqet zotit Bardhi, i cili gjithnjë e më shumë po shihej prej shumicës së saj, si personi, që mendohet të ketë bërë një pakt të heshtur me zotin Berisha. Pak ditë më pas zoti Bardhi njofton thirrjen e mbledhjes së Këshillit Kombëtar për në datë 27 korrik.

Ky akt u konsiderua si shkelje nga Komisioni i Etikës në Partinë Demokratike, duke e quajtur të pavlefshme thirrjen e Këshillit. Kundërpërgjigja e zoti Bardhi, pas organizimit të mbledhjes së Këshillit online, ishte shpërfillëse, dhe pas mbkedhjes së Këshillit e cila u zhvillua online, ai deklaroi “anullimin e procesit për zgjedhjen e kryetarit të PD, të njoftuar për më datën 29 korrik. Pezullimin e veprimtarisë statutore të kryesisë së PD, deri në verifikimin e rregullshmërisë statutore të përbërjes së saj”.

Me të njejtën monedhë reagoi pala tjetër. “I urojmë zotit Bardhi suksese, për krijimin e parë të partisë dixhitale në vend. Eshtë një hap inovativ që duhet përshëndetur. PD nga ana e saj do të vijojë normalist procesin e reformimit dhe të zgjedhjes së kryetarit të saj më 29 korrik”, deklaroi zoti Indrit Sefa, sekretar për Çështjet ligjore në PD.

Prej ditës së nesërme zoti Basha pritet të quhet sërish kryetar i Partisë Demokratike, por këtë herë ai gjen një forcë politike shumë më të vogël, me vetëm 25 mijë anëtarë të rregjistruar për të marrë pjesë në votim, e për më tepër me një grup parlamentar të ndarë në copa, mes atyre që janë në krah të zotit Berisha, të tjerëve që e kundërshtuan rikthimin e tij, dhe ata që e mbështesin, por që me gjasë nuk do të jenë më shumicë përballë grupimeve demokrate në sallë./VOA

The post VOA: Zgjedhjet për kryetarin e PD-së zyrtare, mes tensioneve dhe përçarjes appeared first on Albeu.com.

Po ashtu, pas relatimit të Sekretarit të Përgjithshëm, Këshilli Kombëtar ka konstatuar dhe pranuar dorëheqjen e datës 21 mars 2022 të Kryetarit të Partisë Demokratike Lulzim Basha, dhe dorëheqjen e datë 17 Maj 2023 të Nënkryetari të Partisë Demokratike Enkelejd Alibeaj.

Ndërkohë, u shtyu për në një mbledhje tjetër vlerësimin mbi dorëheqjet e Nënkryetarëve Agron Gjekmarkaj dhe Jorida Tabaku, të cilët i qëndrojnë dorëheqjes së tyre, edhe pse dorëheqjet e tyre nga ana e Këshillit nuk u konsideruan si të parevokueshme.

The post Këshilli Kombëtar i PD vendos anulimin e zgjedhjeve për kryetarin e partisë appeared first on Albeu.com.

I ftuar sot në “Kjo Javë” me Nisida Tufën në News24, ai tha se Për aq kohë sa s’ka një vendim, nuk mund të ketë zgjedhje më 29 korrik

“Nuk ka mbaruar gara dhe nuk dua të paragjykoj. Për aq kohë sa s’ka një vendim, nuk mund të ketë zgjedhje më 29 korrik. Unë mendoj dhe vlerësoj se çdo faktor dhe autorë brenda PD-së duhet të mendojë për më të mirën e partisë dhe shuarjen e konfliktit. Nëse nuk e bëjmë do dobësohet PD dhe blloku opozitar”, tha ai.

Ndërkohë sa i takon zgjedhjeve të 2025, ai tha se shqetësimi është që askush nuk e gjen kurajën dhe të diskutojë se çfarë do ndodhë.

“Shqetësimi është që askush nuk e gjen kurajën dhe të diskutojë se çfarë do ndodhë. Ajo që kritikova për përjashtimet, kush i ka bërë, ka bërë gabim. Çdolloj përjashtimi dhe ndasie është e dëmshme. Sot nuk kemi luksin për të humbur as edhe një anëtar. Nga regjimi i Ramës kemi manipulimin e opinionit publik përmes propagandës dhe zgjedhjet e lira. Jam kundër çdo ndasie përjashtimi pasi duhet të kuptojmë se nëse nuk ulemi për të folur, zgjedhjet në 2025 do ketë një rezultat të paraprirë. në fushatën tjetër s’do ketë nevojë as t’i bjerë dajres”, tha ai.

Por a ka gjasa për ta gjetur zgjedhjen në një rrugë gjyqësore?

“Shqetësimi është që procesi i zgjedhjes së lidershipit të mos e fusë PD-në në një ngërç të ri. Druaj dhe kam frikë se do e fusë PD-në në një ngërç legjitimiteti që do vejë në pikëpyetje çuarjen para të partisë”, deklaroi Bardhi.

Ndërkohë sa i takon kandidaturës së dytë për kryetar të PD, atë të Gjergj Hanit, ai thotë: Që në momentin që thoni se rezultati është i njohur, nuk është proces i drejtë transparentë por farsë. Gjykoja që pas 9 shtatorit duhet të ofronim një model të ri të organizmit dhe proceseve brenda PD-së.

Si do të ishte PD me në krye Bashën?

“Do të ishte siç ka qenë, por e ndarë në dy pjesë në mënyrë përfundimtare. Me një konflikt të mbajtur të ndezur që do dobësonte çdo copëz të opozitës dhe kjo do ishte e dëmshme. Unë kam bashkëpunuar me Bashën, por në politikë kam një parim që bëj gjërat që besoj. Nëse nuk e besoj, nuk e bëj dhe as nuk diktohem për ta bërë”, pohoi Bardhi.

The post Kandidimi i Bashës për kreun e PD, Bardhi: Zgjedhjet e 29 korrikut s’mund të mbahen! appeared first on Albeu.com.

17 anëtarë të kryesisë kanë mbështetur propozimin e Kolegjit të Kryetarëve duke hedhur poshtë paketën e grupit parlamentar për të bërë fillimisht analizën dhe mbajtjen e zgjedhjeve nëpër degë e më pas për kryetarin e partisë.

Dy anëtarë kryesie kanë votuar kundër dhe tre kanë abstenuar.

Sipas vendimit të kryesisë brenda 15 korrikut do të bëhet evidentimi i plotë i anëtarësisë, ndërkohë në brenda muajit shtator do të mbahet kuvendi i jashtëzakonshëm.

VENDIMI

PËR ORGANIZMIN E PROCESIT ZGJEDHOR PËR KRYETAR TË PARTISË DEMOKRATIKE

Në mbështetje të pikës 6, të nenit 10, neneve 24,25,45, 46 dhe 53 të Statutit të PDSH-së, duke vlerësuar situatën e vështirë që kemi kaluar, situatën aktuale të strukturave të partisë dhe vakancat e krijuara ne disa nivele duke filluar nga Kryetari i PDSH e deri në bazë, bazuar në kërkesën e Kolegjit të Kryetarëve për nevojën emergjente për zhvillimin menjëherë të zgjedhjeve për Kryetarin e PDSH si dhe riorganizmit të plotë të partisë, Kryesia e Partisë në mbledhjen e datës 6 Qershor 2023,

VENDOSI:

Fillimin e menjëhershëm të procesit të evidentimit të antarësisë, dhe organizimit të zgjedhjeve për kryetar të PDSH.

Në çdo degë të PD brenda datës 15 korrik kryhet procesi i plotë i evidentimit të antarëve me të drejtë vote sipas përcaktimeve të nenit 25 të statutit.

Kryetari i degës ngre grupin e punës të degës i cili ka për detyrë të kryejë evidentimin e antarëve me të drejtë vote;

Grupi i punës në degë bën evidentimin e antarësisë dhe strukturave në detyrë brenda datës 13 korrik.

Lista e përpiluar sipas formatit në aneksin 2 depozitohet pranë sekretariatit të PDSH.

Komisioni Zgjedhor përpilon listën kombëtare të antarësisë me të drejtë vote sipas përcaktimeve të nenit 25.

Organizimi i procesit për zgjedhjen e kryetarit të PDSH:

Procesi zgjedhor drejtohet nga Komisioni Zgjedhor i Partisë;

Pranë Komisionit Zgjedhor, secili kandidat paraqet kërkesën për kandidim brenda datës 20 Qershor 2023;

Fushata zgjedhore zhvillohet nga data 24 Qershor deri në datën 27 korrik 2023;

Zgjedhjet për kryetar të PDSH zhvillohen në datë 29 korrik 2023.

Kryesia e PDSH brenda datës 12 qershor 2023, cakton grupet e punës në nivel qarku që në bashkëpunim me deget mbikqyrin procesin e evidentimit te antarësisë;

Kuvendi i jashtzakonshëm statutor zhvillohet brenda muaji shtator 2023;

Ngarkohen Sekretari i Përgjithshëm, Sekretariati dhe Komisioni Zgjedhor për njoftimin dhe ndjekjen e zbatimit të këtij vendimi.

Ky vendim hyn në fuqi menjëherë.

The post Vendoset data kur do të mbahen zgjedhjet për kryetar të PD-së appeared first on Albeu.com.

Xhaferri ka arritur të sigurojë shumicën e votave gjatë zgjedhjeve të ditës së sotme, konkretisht 5256 vota, ndekur më pas nga Mariglend Doçi me 1292 vota.

Kujtojmë se deri më sot FRPD drejtohej nga Belind Këlliçi, ndërsa zgjedhje në këtë strukturë janë mbajtur për herë të fundit në dhjetor 2015 teksa mandati i kryetarit dhe forumeve drejtuese kishte përfunduar dy vite më parë.

Ky proces zhvillohet nga PD e Berishës ndërsa një garë tentoi ta hapte dhe Lulzim Basha, por mbeti pezull për shkak të situatës brenda demokratëve.

Në garë për të marrë drejtimin e Forumit Rinor të PD-së ishin 6 emra, Alesia Balliu, Arnold Karriqi, Artion Bajramaj, Barbara Doda, Besard Xhaferri dhe Mariglend Doçi.

Konkretisht kandidatët kanë marrë:

Besart Xhaferri – 5256 vota

Mariglend Doçi – 1292 vota

Artjon Bajramaj – 528 vota

Barbara Doda – 452 vota

Alesia Balliu – 186 vota

Arnold Kariqi – 168 vota/albeu.com/

The post EMRI/ Përfundon numërimi i votave, zgjidhet kreu i ri i FRPD appeared first on Albeu.com.