Tash në vitin 2024, Kurti e ka plan të përfshihet edhe në një palë zgjedhjesh, në ato të Maqedonisë së Veriut. Në shtetin fqinj, Kurti do të rreshtohet në krahun e opozitës shqiptare, që drejtohet nga Izet Mexhit, duke e kundërshtuar Ali Ahmetin, kryetarin e kahershëm të Bashkimit Demokratik për Integrim.

Por pse ka qejf Kurti kaq shumë të përfshihet në zgjedhjet e vendeve të tjera?

Albinot Maloku, një politolog i njohur nga Kosova, ka dy shpjegime për tendencën e përsëritshme të Kurtit për t’u involvuar në zgjedhje të shteteve të huaja.

“Përfshirja e drejtpërdrejtë ose jo e kryeministrit të Kosovës, Albin Kurti, tashmë praktikë e moçme, në proceset zgjedhore jashtë Republikës së Kosovës, ka dy shpjegime! Që përkrahja e fuqizimi bëhet ndaj bashkëmendimtarëve me të cilët ndan vija miqësish të vjetra, pa e menduar këtu sa e leverdishme është zgjedhja e të përkrahurve në vendet ku mbahen ato procese zgjedhore, ose për shkak të sindromit hubris që di t’i kap liderët politikë pas një angazhimi politik të gjatë.” – ka thënë Maloku në përgjigjen e tij për Nacionalen.

Ndërsa Halil Matoshi, analist dhe aktivist i moçëm i të drejtave të njeriut, vlerëson se interferimi i Kurtit në zgjedhjet e Maqedonisë së Veriut është “kopja më e keqe e tendencave të ndikimit serbian në rajon”.

“Fantazma e nacionalizmave romantik të fundshekullit XIX dhe tërë shekullit XX po sillet sërish në qiellin mbi Ballkan. Përderisa partia e çetnikëve dhe e radikalëve serbë, e veshun me petkun e Srpska Napredna Stranka (SNS) ka shtri ndikimin e saj në Republika Srpska, përmes partisë së Dodik-ut, po ashtu, SNS e kamufluar si Savez Nezavisnih Socialdemokrata, në Kosovë skenën politike e dominon Partia e krijuar nga Aleksandar Vuçiq, me emërtimin Srpska Lista (SL). Së këndejmi, interferimi i partisë së Albin Kurtit, së pari në trupin zgjedhor të Shqipërisë e tashti edhe në atë të Maqedonisë së Veriut, është kopja më e keqe e tendencave të ndikimit serbian në rajon, pra të një bote fantazmogorike serbe në Ballkan.” – ka deklaruar Matoshi për Nacionalen.

Në përgjigjen për Nacionalen, sociologu Shkodran Ramadani e ndërlidhi ndërhyrjen e Kurtit në Maqedoni të Veriut me “ambicien” e Kurtit “për të qenë lideri mbarëshqiptar”.

“Me këtë veprim, Kurti përpiqet të konkretizojë atë që shumë kohë më parë e ka bërë të ditur: ambicien për të qenë lideri mbarëshqiptar, i pari i shqiptarëve në çdo treve dhe cep ku jetojnë dhe veprojnë ata. Ai synon të jetë prijesi i kosovarëve, diasporës, Shqipërisë, Luginës dhe shqiptarëve në Maqedoni. Pasi konsideron që Kosovën, diasporën dhe Luginën “e ka futur në xhep”, ai është nisur drejt cakut të ri: Maqedonisë. Ai luan me kartën e frymes së ndryshimit, por siç e dijmë ne në Kosovë, ky ndryshim vetëm pozitiv nuk është. “Stagnimi” e “regresi” janë përcaktore që më mirë e përshkruajnë kohën e tij në krye të shtetit.” – ka theksuar Ramadani.

Sjellim ndërmend që zgjedhjet parlamentare në Maqedoninë e Veriut do të mbahën me 8 maj, ndërsa opozita shqiptare atje janë bërë bashkë në një përpjekje të sërishme për ta rrëzuar nga “froni” Ahmetin, ish-komandantin e Ushtrisë Çlirimtare Kombëtare. /nacionale/

The post Përse Albin Kurti ka dëshirë të përzihet në zgjedhje të huaja? appeared first on Albeu.com.

“Si të thotë Kovaçevski për datën dhe ditën, vetëm le të takohen grupet e punës dhe të bisedojnë. Ajo që do ta propozojnë, atë do ta diskutojmë. Ja e pranoj, ata fituan, nuk kishte zgjedhje të parakohshme, zgjedhjet do të jenë të rregullta”, tha Mickoski.

Mickoski u shpreh se kanë problem me Komisionin Shtetëror Zgjedhor, i cili, sipas tij nuk funksionon në pajtim me Ligjin, pasi për momenrin punon me 6 anëtarë.

“Është e definuar qartë struktura e KSHZ-së, 4 anëtarë të pushtetit dhe 3 të opozitës. Ne kemi 2 anëtarë të opozitës dhe çfarë bënë pushteti? Ajo pengon emërimin e një antari të opozitës”.

Kryeministri Dimitar Kovaçevski ka thënë se terminin për mbajtjen e zgjedhjeve të rregullta presidenciale dhe parlamentare , duhet të jetë temë diskutimi me të gjitha partitë politike, e jo vetëm e dy partive. Ai gjithashtu nuk e komentoi propozimin e Mickoskit që zgjedhjet parlamentare të mbahen gjatë rrethit të dytë të zgjedhjeve presidenciale më 8 maj 2024.

The post VMRO, e gatshme të bisedojnë me LSDM për datën e zgjedhjeve appeared first on Albeu.com.

Lajmin e ka bërë të ditur Komuna e Tetovës, e cila njofton se rezultati i zgjedhjeve të datës 21 gusht ka treguar që këshilli do të përbëhet nga 6 parti politike.

“Sot edhe zyrtarisht u bë edhe çertifikimi Këshillit Komunal në Komunën e Tetovës. Ky këshill komunal do të jetë i përbërë nga 6 parti politike. 12 këshilltarë do të jenë nga Lëvizja BESA, 11 nga Bashkimi Demokratik për Integrim, 4 nga VMRO DPMNE, 2 nga LSDM dhe nga 1 këshilltarë nga PDSH dhe AAA”, thuhet në njoftim./albeu.com/

The post Çertifikohet Këshilli Komunal në Tetovë, do të përbëhet nga 6 parti politike appeared first on Albeu.com.

Ahmeti ka dalë në konferencë për shtyp duke thënë se për ta është i rëndësishëm është procesi dhe funksionimi i komisionit komunal.

“Për ne me rëndësi janë proceset, investimi në standardet demokratike që nga proceset zgjedhore deri tek instalimi i sundimit të ligjit dhe shtetit juridik. Urojmë që këshilli i ardhshëm, pavarësisht numrave të jetë funksional. Urojmë që mos shkojmë përsëri në zgjedhje” tha kryetari i BDI-së.

Kujtojmë se nga shtabi zgjedhor i Besës më herët kishin nisur me festën, duke deklaruar fitoren./albeu.com/

The post Zgjedhjet në tre komuna të Maqedonisë së Veriut, reagon Ali Ahmeti appeared first on Albeu.com.

Në pyetjen se për cilën parti do të votonit nëse zgjedhje parlamentare do të mbaheshin javën e ardhshme, 21,2 % janë përgjigjur se do të votonin për VMRO-DPMNE-në, 16,2 % për LSDM-në, 7,2 % për BDI-në, ndërsa 3,8 % për Aleancën për Shqiptarët.

Rreth 2,9 % kanë votuar për “E Majta”, 1,5 % për BESA dhe 1 % për Alternativën.

Gjithashtu 17,3 % e të anketuarve janë shprehur se nuk do të votonin për asnjë parti, 16,1 % nuk kanë treguar, ndërsa 12,8 % nuk kanë pasur përgjigje konkrete./albeu.com/

The post Sondazhi i IPIS: Kush parti fiton në Maqedoninë e Veriut nëse zgjedhjet mbahen javës tjetër appeared first on Albeu.com.

Lajmin e bëri të ditur deputeti i BDI-së, Arbër Ademi në një konferencë për shtyp.

Ai njoftoi se kanë pranuar pr/ligjin e VMRO-DPMNE-së për ndryshim dhe plotësim të ligjit për Qeverinë, që do të sjellë shfuqizimin e qeverisë teknike.

Ademi tha se BDI e mbështet një nismë të tillë, por që fillimisht vlerësojnë se duhet konsensus i gjerë.

“Të njëjtin propozim po e shqyrtojmë. Mendojmë se është e rrugës që me konsensus të propozohen zgjidhjet e tilla ligjore, aq më tepër kur kemi parasysh se me një konsensus të gjerë ndërmjet të gjitha partive politike serioze në vend, në vitin 2015-2016 u bën ndryshimet në këtë drejtim. Mendojmë se një praktikë e tillë duhet të ndiqet, një konsensus i gjerë ndëretnik dhe ndërpartiak”, tha Ademi.

“BDI ka arritur dakordancë më herët si me LSDM, ashtu edhe me VMRO-DPMNE-në për shfuqizimin e qeverisë teknike, për arsye se është e palogjikshme që një vend anëtarë i NATO-s, një vend aspirant për anëtarë në BE, që pritet të hap negociata me BE, të ketë qeveri teknike për arsye të mosbesimit ndaj institucioneve për realizim të një procesi zgjedhorë”, tha Ademi./albeu.com/

The post BDI mbështet shfuqizimin e qeverisë teknike, Ademi: Duhet konsensus i gjerë! appeared first on Albeu.com.

The post Ankesat për Dibrën e Madhe mund të sjellin ndryshime të rezultatit, kush favorizohet appeared first on Albeu.com.

Zoran Zaev e ftoi liderin e kësaj partie, Afrim Gashin, që të nisin bisedimet për t’ju bashkuar sipas tij, krahut të partive properëndimore.

Vendimi duhet të merret në një mbledhje partie, por detaje të tjera nga Alternativa nuk janë bërë të ditura./albeu.com/

The post Oferta e Zaevit, Alternativa do e shqyrtojë në ditët në vijim mundësinë për t’ju bashkuar shumicës appeared first on Albeu.com.

The post Raundi i dytë i zgjedhjeve në Dibër, pjesëmarrja në votime deri tani 28.97% appeared first on Albeu.com.

Marrëveshja e Prespës për ndryshimin e emrit “Maqedoni” në “Maqedoni të Veriut”, ishte arritur më 17 qershor të vitit 2018, me çka dy shtetet zgjidhën kontestin gati 30-vjeçar, që çoi në zhbllokimin e anëtarësimit të Maqedonisë së Veriut në NATO dhe institucionet tjera ndërkombëtare.

Si këmbim, Shkupi pranoi se maqedonasit e tanishëm nuk kanë asnjë lidhshmëri me maqedonasit antik, e as pretendime territoriale ndaj Greqisë së Veriut, që mban gjithashtu emrin Maqedoni.

Kjo marrëveshje, asnjëherë nuk është pranuar nga opozita maqedonase që udhëhiqet nga VMRO DPMNE-ja, duke paralajmëruar se në rast se vjen në pushtet do të angazhohet për shfuqizimin e saj.

Por, duke e komentuar veprimin e disa asambleve të reja lokale, që kthyen në përdorim emrin e vjetër të shtetit, kreu i VMRO DPMNE-së, Hristijan Mickoski, tha se emri i ri është realitet, të cilin, sipas tij, e imponoi kryeministri Zoran Zaev.

Ai theksoi se mosrespektimi i këtij emri mund të sjellë pasoja, por sërish premtoi se do të punojë për të përmirësuar, siç tha, “marrëveshjen nënçmuese”.

“Marrëveshja e Prespës është realitet. A na pëlqen neve ky realitet? Sigurisht se nuk na pëlqen. Këtë realitet na e solli Zoran Zaev, por nëse nuk respektohet ky realitet në kuadër të funksionimit administrativ të këtyre institucioneve, atëherë do të kemi probleme me instanca tjera, siç janë gjykata, prokuroria, e kështu me radhë. Se a do të punojmë për të ndryshuar këtë realitet, kur një ditë të kemi mundësi që të këta bëjmë, unë them se po, por për momentin ne të gjithë po veprojmë në bazë të këtij realiteti, që është i dhimbshëm, nënçmues për të gjithë ne që Maqedoninë e vlerësojmë si atdheun tonë”, deklaroi Mickovski.

Veprimi i asambleve të reja komunale ka shkaktuar reagimin e Ministrisë së Punëve të Jashtme.

“Ministria e Punëve të Jashtme bën thirrje që të zbatohen dispozitat kushtetuese në përputhje me Marrëveshjen e Prespës, duke pasur parasysh se mosrespektimi i Kushtetutës dhe ratifikimit të marrëveshjeve ndërkombëtare, seriozisht prish imazhin ndërkombëtar të shtetit dhe cenon rendin juridik të Republikës së Maqedonisë së Veriut”, thuhet në reagimin e Ministrisë së Jashtme.

Zhvillimet në Maqedoninë e Veriut janë komentuar edhe nga Athina zyrtare.

“Kthimi i retorikës nacionaliste te fqinjët tanë mund të çojë në një ridefinim të pozicionit tonë kombëtar në mbështetje të procesit të zgjerimit të BE-së”, citojnë mediat një deklaratë të zëvendësministrit të Jashtëm grek, Miltiadis Varvitsiotis.

Ai shprehu shqetësimin për zhvillimet në vend dhe theksoi se zbatimi i duhur iMarrëveshjes së Prespës është një nga parakushtet për kornizën negociuese të Shkupit me BE-në.

Partitë në pushtet thonë se nuk do të lejojnë që opozita të rrezikojë Marrëveshjen e Prespës dhe raportet me Greqinë që mund të çojnë në bllokime të reja.

“LSDM-ja dhe koalicioni nuk do të lejojnë që VMRO-DPMNE dhe Mickoski të rrezikojnë Marrëveshjen e Prespës, të na fusin në grindje të reja me Greqinë dhe fqinjët e tjerë, të na sjellin në konflikt dhe urrejtje të brendshme dhe kështu ta kthejnë vendin në të kaluarën e errët të regjimit”, thuhet në komunikatën e LSDM-së të publikuar të enjten.

Ristevski: Betimi bazuar në emrin e vjetër, i pavlefshëm

Temelko Ristevski, njohës i çështjeve kushtetuese, thotë për Radion Evropa e Lirë, se çdo veprim i kujtdo qoftë që bie ndesh me Kushtetutën, është i dënueshëm, përfshirë edhe veprimet e komunave të caktuara.

“Subjekti juridik, Republika e Maqedonisë, me amendamentet kushtetuese që janë miratuar para dy viteve më nuk ekziston. Tani kemi subjekt të ri juridik, Republika e Maqedonisë së Veriut. Të gjithë këshilltarët që kanë bërë betimin bazuar në emrin e vjetër të shtetit, janë të pavlefshme dhe duhet të anulohen”, thotë profesori Temelko Ristevski.

Sipas tij, çdo vendim që mund të miratojnë komunat me emrin e vjetër të shtetit, do të jetë i pavlefshëm dhe mund të ngrihen procedura para organeve gjyqësore për shkelje të Kushtetutës.

Lidhur me zhvillimet në Maqedoninë e Veriut, ka reaguar edhe Brukseli duke bërë thirrje për zbatimin e reformave që kanë të bëjnë me Bashkimin Evropian, por edhe me respektimin e të gjitha marrëveshjeve ndërkombëtare./REL/

The post Dorëheqja e Zoran Zaev turbullon ujërat, opozita kërkon rikthimin e “Maqedonisë” appeared first on Albeu.com.