Kujtojmë se, sipas të dhënave të Komisionit Qendror të Zgjedhjeve, Albert Halilaj ka siguruar 13025 vota, ndërsa Emri Vata 7431 vota.

Në këto zgjedhje të pjesshme socialistët arritën të marrin 1393 vota më shumë se katër muaj më parë, në zgjedhjet vendore të 14 majit, ku fitues doli Safet Gjici, i cili u detyrua të japë dorëheqjen pas skandalit seksual në zyrën e tij në bashki.

Në Bashkinë Kukës u votua në 74 qendra votimi, njëra prej të cilave ngritur në institucionin e paraburgimit të Qarkut Kukës.

Për identifikimin e zgjedhësve u përdoren pajisje elektronike të identifikimit (PEI) të vendosura në të gjitha qendrat e votimit.

Sipas KQZ-së, në këto zgjedhje të pjesshme u regjistruan si subjekte zgjedhore 5 parti politike dhe koalicioni “Bashkë Fitojmë”, ndërsa të drejtë vote kishin 45 946 zgjedhës. Po sipas KQZ, në këto zgjedhje morën pjesë 45.63 përqind e zgjedhësve me të drejtë vote.

The post Fitoi zgjedhjet në Kukës, KQZ i jep mandatin si kryebashkiak Albert Halilajt appeared first on Albeu.com.

Meta tha se zgjedhjet e fundit ishin një tjetër faqe në librin e zi të 14 majit.

Meta foli edhe për bashkëpunimin me Sali Berishën, duke thënë se do të vazhdojë bashkëpunimin me çdo faktor opozitar.

“Është detyra e opozitës për të reflektuar në kushtet aktuale të një regjimi represiv, intimidues ndaj gjithë qytetarëve shqiptarë dhe ndaj atyre që gëzojnë bindje politike të ndryshme nga ato të qeverisë për të gjetur zgjidhjet më efikase për të ardhmen.

Zgjedhjet e Kukësit janë një faqe më shumë në librin e zi të 14 majit dhe një tregues i partisë shtet që kontrollon në mënyrë shumë të qartë votën e qytetarëve shqiptare

Për atë kalimin nga fitorja në fitore kjo është histori e të kaluarës

Ne do të vazhdojmë të bashkëpunojmë me çdo faktor opozitar për fuqizimin e opozitarizimit, kur duket që investimi i qeverisë është blerja dhe peng marrje e opozitës.

Në këto kushte PL qëndron e vendosur si një opozitë e vërtetë përballë këtij regjimi dhe do të bashkëpunojë me çdo faktor që nuk bëhet zgjatim i këtij regjimi”, tha Meta.

The post Disfata në Kukës, Meta: Një faqe më shumë në librin e zi të 14 majit appeared first on Albeu.com.

Basha theksoi se kjo është hera e fundit që PD nuk ka kandidat në zgjedhje.

“Respektuam vullnetin e tyre për të mos nxjerrë kandidat, është përgjegjësia jonë që u morëm me luftën ndaj njëri-tjetrit dhe jo me ringritjen e partisë.

Hera e fundit që PD nuk ka kandidat në zgjedhje, duhet të jemi në terren për të ringritur partinë dhe për të qenë në përballje elektorale”, tha Basha në mbledhjen e Këshillit Kombëtar.

Gjithshtu në fjalën e tij Basha u shpreh se  numërimi mbrapsht ka nisur për të gjithë ne dhe “se kemi marrë përsipër, barrën e rëndë për të ndërtuar një aksion politik ku ndërthuret nevoja jetike për t’u ofruar shqiptarëve një opozitë ballore, jo selektive me të keqen, dhe një Parti Demokratike bashkëkohore, konkurruese dhe alternativë qeverisëse”.

“Pas Kuvendit Kombëtar të javës së shkuar, hedhim sot një tjetër hap të rëndësishëm për Partinë Demokratike, formatimi i forumeve statutore të partisë. Ky hap i jep hov të ri aksionit tonë politik, që për shumë gjatë u largua nga detyra jonë parësore, ajo e të qenit në shërbim të demokratëve, të qytetarëve, të Shqipërisë.

Ne e dimë që në asnjë moment nuk kemi hequr dorë nga përgjegjësia që na mban në politikë, madje kemi sakrifikuar shumë të gjithë bashkë për të mbrojtur vlerat që na bashkojnë në këtë familje të madhe.

Por kur zhurma e përplasjes bëhet më e fortë se zëri i arsyes, të gjithë humbasim.

Ne humbëm kohë të çmuar duke u marrë me probleme që nuk kanë lidhje me shqetësimet e njerëzve por me shqetësimet dhe problemet personale të pak politikanëve, që për të mbuluar të keqen e tyre, janë gati të shkatërrojnë të mirën e përbashkët”, tha Basha.

Duke iu drejtuar anëtarëve të Këshillit, kreu i PD theksoi se delegatët e 2 shtatorit me votën e tyre zgjodhën një tjetër model politik që ndahet me hipokrizinë, me inkoherencën, me standardet e dyfishta, që e kanë neveritur qytetarin nga politika e fasadës, e intrigës, arrogancës, hiles dhe e përfitimeve personale.

“Demokratët dhe mbarë shqiptarët presin dhe meritojnë një model krejt ndryshe, të politikës së vëmendshme ndaj njerëzve dhe jo të obsesuar me fatin e vet personal, të një politike të ndjeshme dhe të dhembshur, një politikë e njerëzve dhe për njerëzit, që i dëgjon ata dhe u jep zgjidhje problemeve të tyre.

Pas Kuvendit Kombëtar, numërimi mbrapsht ka nisur për të gjithë ne.

Kemi marrë përsipër, sepse ua kemi kërkuar demokratëve, barrën e rëndë për të ndërtuar një aksion politik ku ndërthuret nevoja jetike për t’u ofruar shqiptarëve një opozitë ballore, jo selektive me të keqen, dhe një Parti Demokratike bashkëkohore, konkurruese dhe alternativë qeverisëse.

Kuvendi Kombëtar i 2 shtatorit është një mesazh i fortë për të gjithë. Të qartë për përgjegjësinë që kanë mbi supe për ta nxjerrë vendin nga kriza shumë dimensionale ku ndodhet, demokratët vendosën jo vetëm të shohin drejt të ardhmes, por të nisin punën për ta ndërtuar atë”, tha Basha.

The post U tërhoq nga gara në Kukës, Basha: Hera e fundit që PD nuk ka kandidat në zgjedhje appeared first on Albeu.com.

Ndërsa data e zgjedhjeve po afron, koalicioni ‘Bashkë Fitojmë’ përmes një kërkese të depozituar në KQZ kërkon regjistrimin në këtë proces.

Edhe në këto zgjedhje, kandidati i Berishës, Emri Vata regjistrohet nëpërmjet partisë së Ilir Metës.

Kujtojmë se zgjedhjet në Kukës do të përsëriten pasi Safet Gjici dha dorëheqje pas videoskandalit në zyrën e tij.

The post Zgjedhjet në Kukës, “Bashkë Fitojmë” kërkesë në KQZ për t’u regjistruar kandidati i tyre appeared first on Albeu.com.

Nga ana tjetër, demokratët ende nuk kanë zgjedhur më kë do të garojnë.

Këtë të diel, do të mbahen primaret, pasi Rithemelimi i drejtuar nga Sali Berisha ka propozuar 10 kandidatura.

Zgjedhjet e reja do të zhvillohen në 24 shtator, pasi ish-kryebashkiaku i Kukësit, Safet Gjici u arrestua disa javë pas zgjedhjeve të 14 majit me kërkesë të SPAK.

Ai u vu nën hetim në momentin e publikimit të një videoje intime me një vajzë në ambientet e zyrës në bashki.

Pas publikimit të videos, Safet Gjici dha dorëheqjen nga detyra duke thënë se ishte pre e një kurthi dhe se ishte treguar mendjelehtë ndërsa kishte patur një lidhje intime me vajzën që u shfaq në video.

Safet Gjici sapo kishte fituar zgjedhjet lokale më 14 maj dhe priste që të rimerrte zyrtarisht detyrën në krye të bashkisë. Pas shkarkimit nga detyra vendin e tij e ka zënë nënkryetari Granit Gjana./albeu.com.

The post Kukësi pa kryetar bashkie, socialistët caktojnë kandidatin e tyre për zgjedhjet e shtatorit appeared first on Albeu.com.

Kërkesa vjen pas deklaratës së Berishës, i cili tha se nuk do të bëjnë asnjë aleancë me Lulzim Bashën.

“Partia Demokratike Dega Kukës rikonfirmon para të gjithë anëtarëve dhe simpatizantëve të saj apelin për gjetjen e një zgjidhjeje gjithëpërfshirëse për të gjithë demokratët, bashkimin e tyre në një përfaqësim dinjitoz, për të garuar me një kandidaturë të gjithëpranuar.

Demokratët kanë humbur shumë prej frymës së konfliktit dhe gjuhës së përçarjes. Interesi i demokratëve dhe i të gjithë qytetarëve të Kukësit që duan ndryshim është dalja me një kandidat të vetëm të të gjithë spektrit opozitar për bashkinë Kukës.

Ka ardhur koha që të gjithë demokratët dhe opozitarët, të mos humbin më asnjë shans për shkak të vendosjes së interesit personal mbi atë të demokratëve.

Partia Demokratike është e përkushtuar pa asnjë rezervë dhe paragjykim për të mundësuar përfaqësimin dinjitoz të së djathtës shqiptare në garën për Bashkinë e Kukësit me një kandidat fitues dhe e hapur për bashkëpunim me të gjithë ata që duan një kandidat të denjë për Kukësin dhe një Parti Demokratike fituese, si e vetmja shpresë për kthimin e pushtetit në duart e qytetarëve”, shkruan PD e Kukësit.

The post Berisha refuzon bashkëpunim me Bashën, PD e Kukësit sërish thirrje: Të dalim me kandidat të përbashkët në zgjedhje appeared first on Albeu.com.