Përktheu: Alket Goce-AlbEu.com

Kur rezultatet e hershme treguan një fitore të bujshme të Demokracisë së Re (ND) të qendrës së djathtë në raundin e parë të zgjedhjeve parlamentare të së dielës në Greqi, udhëheqësi i saj Kyriakos Mitsotakis iu drejtua një turme të madhe që po brohoriste  jashtë selisë së partisë me fjalët “E gjithë Greqia është bërë blu! Faleminderit!”.

Ai kishte të gjitha arsyet të ishte i kënaqur. Nea Demokratia arriti jo vetëm të mbajë pjesën e saj të votave që nga viti 2019, por ta zgjerojë mbështetjen me rreth 150.000 vota, duke arritur rezultatin komod 41 për qind. Të djathtët fituan më 21 maj në çdo do qark në të gjithë vendin, përveç njërit.

Edhe pse nuk kanë një shumicë, për shkak të ndryshimeve në ligjin zgjedhor të paraqitura nga Syriza gjatë kohës që ishin në qeveri, ata janë gati të fitojnë të qetë në raundin e dytë që do të mbahet në fund të qershorit ose në fillim të korrikut.

Në kushtet kur raundi dytë zhvillohet sipas një grupi rregullash të ndryshme, ai mund t’i japë partisë Nea Demokratia mbi 180 vende në parlamentin prej 300 vetash, duke i dhënë asaj një mandat të padiskutueshëm dhe fuqinë për të reformuar rrënjësisht institucionet e vendit.

Rezultatet e zgjedhjeve të 21 majit, do të sjellin më shumë gjasa një ndryshim të madh në peizazhin politik të vendit, pjesërisht për shkak të asaj që ndodhi rreth fitores së Demokracisë së Re. Syriza, partia që mishëroi valën e së majtës ekstreme evropiane në  të gjithë Evropën në dekadën e fundit, arriti të marrë vetëm 20 për qind të votave.

Nëse këto rezultate përsëriten në raundin e dytë, lidershipi i partisë do të japë me shumë gjasa dorëheqjen. Pa një pasardhës të qartë në horizont, kjo ka të ngjarë që kjo të jetë një goditje vdekjeprurëse për partinë që aspironte të zëvendësonte partinë socialiste, PASOK, si pretendentja kryesore ndaj Demokracisë së Re në sistemin dypartiak të Greqisë.

Fitorja e të djathtës ndodhi pavarësisht dhjetëra skandaleve që kanë shoqëruar mandatin e Nea Demokratia:Trajtimi i pandemisë nga kjo parti ishte katastrofik. Dhuna e policisë është sot një dukuri e shumë-përhapur. Liria e medias ka përkeqësuar dhe është parë vazhdimisht mungesa e dukshme e shërbimeve të emergjencës.

Ndërkohë, mungesa e investimeve në infrastrukturën e vendit shkaktoi tragjedinë më të madhe hekurudhore që ka parë vendi, dhe për të cilën u fajësua drejtpërdrejt qeveria. Pavarësisht gjithë kësaj, është Syriza – partia dikur sunduese e së majtës që shkaktoi valë tronditjeve në BE në vitin 2014 – ajo që po shkon drejt kolapsit.

Nga ana tjetër, Demokracia e Re ka treguar një qëndrueshmëri të jashtëzakonshme. Përpjekja për të zbuluar faktorët që kontribuan në triumfin e saj në mesin e kaq shumë polemikave do të jetë e ndërlikuar. Megjithatë, ka të dhëna se votuesit e saj janë të bindur nga suksesi modest i partisë qeverisëse në ekonomi, që ka tani një nga ecuritë më të larta në Evropë (të paktën në letër).

Dhe Syriza u ndëshkua për faktin se sa u tregua shumë e dobët, duke mos e mbajtur shumicën përgjegjëse për skandalet e lartpërmendura. Ndërkohë që abstenimi është në të njëjtin nivel si në zgjedhjet e vitit 2014, kur Syriza doli fituese, këtë herë u duk se ishte ajo më e goditura. Rënia e Syrizës nga pozicioni i saj maksimalisht në vitin 2014 në gjendjen aktuale kaotike, shënon fundin e një cikli të madh politik, që nisi me krizën e rëndë bankare të vitit 2008.

Dorëheqja e afërt e udhëheqjes së partisë, dhe mungesa e pasardhësve të qartë, ngrenë disa  pyetje kritike për të ardhmen e Syrizës. Kjo mund të ketë pasoja, të cilat mund të shtrihen përtej Greqisë, dhe në peizazhin më të gjerë politik evropian. A ka sot ndonjë të ardhme për lëvizjet e majta populiste që e sfiduan statuskuo-në në vitet 2010?

Kjo duket gjithnjë e më e dyshimtë. Një shenjë tjetër se mund të shohim një rend post-populist, është dështimi i partisë së Yanis Varoufakis, MeRA25, për të kapërcyer pragun minimal për të hyrë në parlament. Ekonomisti i njohur ishte kandidati më popullor i zgjedhjeve të 2015-ës. /albeu.com

The post Suksesi i Demokracisë së Re në zgjedhjet e 21 majit, një pikë kthese për Greqinë appeared first on Albeu.com.

Disa orë pasi përfundoi votimi të dielën, kryeministri 55-vjeçar tha se do të “ndiqte të gjitha procedurat kushtetuese”, por la të kuptohej qartë se nuk do të angazhohej në bisedime për koalicion.

“Unë besoj se mesazhi i votuesve ishte shumë i qartë. Nuk besoj se ka baza për të formuar një qeveri nga ky parlament dhe dua të theksoj se nëse do të ishte në fuqi dje sistemi elektoral që do të përdorim në zgjedhjet e ardhshme, Demokracia e Re do të kishte një shumicë të fortë parlamentare prej më shumë se 170 vendesh”, tha ai.

Kryeministri grek tha se do ta kthente mandatin, në mënyrë që t’u hapej rruga zgjedhjeve të reja.

Me 99.55% të votave të numëruara deri herët të hënën, partia e tij konservatore fitoi 40.79% të votave, dyfishi i atyre të forcës kryesore të opozitës, partia e majtë Syriza e cila siguroi 20.07% të votave.

Pasoku socialist doli në vendin e tretë me 11.46% të votave.

Por sistemi proporcional që u përdor në zgjedhjet e së dielës do të thotë se Demokracia e Re fiton vetëm 146 nga 300 vendet e parlamentit, pesë më pak nga sa i duhet për një shumicë qeverisëse.

Zgjedhjet e reja, të zhvilluara me sistemin e mëparshëm të votimit, do t’i jepnin partisë fituese deri në 50 mandate shtesë.

Kjo do t’i siguronte partisë së zotit Mitsotakis një shumicë të fortë për një mandat të dytë në pushtet nëse rezultati i së dielës përsëritet.

Fitorja e Demokracisë së Re i shkaktoi opozitës disfatën më të rëndë në gjysmë shekulli.

Analisti Solon Molho thotë se fitorja e Demokracisë së Re ishte kryesisht humbje për Syrizën, e cila sipas tij nuk paraqiti alternativa.

“Demokracia e Re paraqiti argumenta më konstruktive, jo vetëm duke parashtruar se pse opozita është e dobët, por pse vetë ajo vetë është alternativa e duhur, çfarë do që të bëjë gjatë katër viteve të ardhshme dhe mesa duket votuesit janë më të interesuar të shohin përpara sesa prapa ”, tha analisti Molho.

Shumë nga qytetarët grekë thanë se e kishin pritur një rezultat të tillë, edhe pse ndoshta jo një humbje aq të thellë të opozitës.

“E prisja që Demokracia e Re të fitonte, por jo me këtë përqindje. Nuk mbetet shumë për të thënë, ai (Mitsotakis) i mundi bindshëm dhe fitoi me të drejtë, sepse Tsipras nuk mundi të realizonte atë që kishte premtuar Syriza”, thotë Fotis Hatzos.

“Jam e kënaqur. E prisja edhe pse jo kaq thellë. Nuk besoj se do të ndryshojë gje me raundin e dytë”, thotë Marta, një punonjëse e sektorit publik.

Zgjedhjet e reja, me sistemin e ndryshuar, pritet të mbahen më 25 qershor ose 2 korrik./dw/

The post Pas fitores bindëse, Mitsotakis nuk pranon mandat për koalicion, kërkon zgjedhje të reja appeared first on Albeu.com.

Rezultatet nga Athina konfirmojnë në thelb sondazhet e ditëve të fundit. Partia konservatore Demokracia e Re, e kryesuar nga kryetari aktual Kyriakos Micotaqis, ishte gjithmonë përpara në sondazhe, edhe pse sipas anketave konservatorët mendohej se do të kryesonin vetëm me rreth shtatë përqind ndaj partive të tjera.

A mjaftojnë votat për të krijuar qeverinë?

Sistemi i ri grek i votimit, i cili kërkon deri në 47 për qind të votave për të krijuar qeverinë, e bën të pamundur që pas këtyre votimeve të përcaktohet një fitues i qartë. Prandaj, dy kandidatëve kryesorë do t’u duhet të bëjnë përpjekje për të gjetur aleatë. Përndryshe do të jetë i nevojshëm një raund i dytë një muaj më vonë. Megjithatë formimi i një koalicioni konsiderohet i vështirë për shkak të dallimeve të mëdha midis kampeve politike.

Në vitin 2012 u nevojitën dy zgjedhje të njëpasnjëshme përpara se të formohej një qeveri koalicioni midis Nea Dimokratia, Partisë Socialdemokrate Pasok dhe partisë së majtë tashmë të shpërbërë Dimar.

Këtë herë partia socialdemokrate e Nikos Androulakis, Pasok-Kinal, është në dispozicion si partnere koalicioni edhe për Micotaqisin edhe për Tsipras.

Ulja e moshës së votimit

Më shumë se 9.8 milionë grekë ishin thirrur për të votuar në zgjedhjet e parlamentare të së dielës (22.05) për 300 deputetët e parlamentit grek.

Mosha e votimit në Greqi është ulur për herë të parë në 17 vjeç dhe shtetasit grekë që jetojnë jashtë vendit lejohen të votojnë edhe në vendin ku banojnë.

Përpara zgjedhjeve u arrestuan pesë vetë me dyshimin për tentativë për blerje votash. Në një nga makinat e të dyshuarve policia gjeti rreth 200 karta identiteti, pasaporta dhe një çantë me 114 zarfe me fleta votimi, pesë prej të cilave qenë mbushur me emrin e një kandidati./dw

The post Nea Demokratia fitoi zgjedhjet në Greqi, a mjaftojnë votat për të krijuar qeverinë? appeared first on Albeu.com.

Ai u bën thirrje shtetasve grekë me origjinë shqiptare të shkojnë të votojnë pasi shumë shpejt do të ketë ndryshime ligjore të cilat do të prekin reformën e pensioneve, ndaj prezenca e  shtetasve shqiptarë  me të drejtë vote në ketë proces, ka impakt direkt në të ardhmen e tyre.

“Sot është një ditë e madhe për demokracinë, sa erdha votova dhe unë. I bëj thirrje gjithë qytetarëve grekë me nënshtetësi greke të votojnë për prindërit e tyre, për pensionet e tyre duke ndryshuar sa mundemi ligjet për të mirën e emigrantëve. E kemi thënë disa herë, shkoni dhe votoni”, tha Malaj.

/Albeu.com;.

The post Zgjedhjet në Greqi, voton kandidati shqiptar Fatos Malaj: Ditë e madhe për demokracinë appeared first on Albeu.com.

“Qëllimi im është të jem zëri i të rrezikuarve dhe emigrantëve për të ngritur lart agjendën politike, problemet e mëdha me të cilat përballen, dhënien e zgjidhjeve me politikat integruese dhe të barazisë “ i tha Zërit të Amerikës Fatos Malaj, që kandidon në kryeqytetin grek Athinë për Partinë PASOK – Lëvizja për Ndryshim.

“Slogani im i fushatës zgjedhore është “Të Bashkuar për Ndryshim” dhe besoj fuqishëm se vetëm të bashkuar mund t’ia dalim dhe ta sjellim ndryshimin, tha zoti Malaj.

Sipas tij “shumë nga bashkëqytetarët shqiptarë që kanë kontribuar për shumë vite në ekonominë dhe shoqërinë greke janë ende në ankth për statusin e qëndrimit të tyre në vend. Të tjerë hasin pengesa në hapin e tyre përfundimtar të integrimit të plotë, të shtetësisë. Sfida të reja si pensioni tashmë janë në horizont, sidomos për kolegët tanë emigrantë që kanë kontribuar për Greqinë me punën, dhe taksat e tyre “.

Fatos Malai është ndërmjetësues ndërkulturor i çertifikuar në Drejtorinë e të huajve dhe Emigracionit të të Atikës, me përvojë shumëvjeçare në shërbimet ligjore lidhur me emigrantët.

Ai themeloi Organizatën Joqeveritare “AROGI”, që punon në mbrojtje të të drejtave të njeriut duke ndërmarrë një sërë nismash për përmirësimin e kuadrit ligjor të emigracionit në Greqi.

Gjatë periudhës 2012-2016, ai ishte anëtar i Seksionit për të Drejtat e Njeriut të Shteteve të Bashkuara.

Një tjetër kandidate në zgjedhjet parlamentare greke është Pati Vardhami që kandidon në Athinë për Nismën “MeRA25”.

“Vitet e para këtu nuk kanë qenë të lehta dhe kanë kërkuar fuqi mendore e shpirtërore nga të gjithë pasi edhe pengesat institucionale kanë qenë të mëdha”, tha për Zërin e Amerikës , Pati Vardhami.

E diplomuar në Organizim Biznesi, Studime Politike e Sociale, si dhe Filozofi Bashkëkohore e Arte në Athine dhe Londër ajo tha se “kishte eksperience pune në të tre këto fusha dhe aktualisht punonte në sektorin e artit bashkëkohor.

E pyetur se çfarë e shtyu të kantidonte në Greqi zonja Vardhami tha se ishte aktiviste e të drejtave feministe e ato të emigracionit prej disa vitesh dhe kishte qenë pjesë aktive në organizime të shumta.

“Jam e aktivizuar me grupe te ndryshme sociale dhe midis te tjerave dhe me lëvizjen ndeëeuropiane “Diem25”. Kjo e fundit është e lidhur me nismën politike “MeRA25”, e cila më ka ofruar kandidaturën për zgjedhjet”, tha zonja Vardhami.

E pyetur se çfarë mund të bëhet me shumë per te drejtat e emigranteve te huaj,përfshirë ata shqiptarë në Greqi që përbëjnë rreth 60% të të huajve zonja Vardhami u përgjigj:

“Mund dhe duhet te bëhet shumë më tepër. Të gjithë emigrantët e huaj si edhe ata shqiptarë përjetojne probleme të thella sociale. Problemet e marrjes se pensioneve, pajisjes me nënshtetësi, hasin ende pengesa ligjore. Ka probleme bazike për jetën e komunitetit dhe e vetmja mënyre drejt zgjidhjes se tyre eshte aktivizimi social e politik dhe përfaqësimi në qendrat e marrjes së vendimeve” , tha zonja Vardhami.

Në zgjedhjet parlamentare të 21 Majit që mbahen në Greqi po marrin pjesë në garën elektorale shtatë pjesëtarë të komunitetit të emigrantëve shqiptarë që jetojnë prej vitesh në vendin fqinj.

Shumica e kandidatëve nga komuniteti shqiptar janë të rinj të talentuar nga brezi i dytë i emigrantëve që kanë ndarë arsimimin në Greqi dhe Angli dhe janë përfshirë në jetën politike greke duke qenë edhe pjesë e debateve dhe përfaqësimeve në median greke.

Sipas të dhënave zyrtare të Ministrisë greke të Emigracionit nga viti 2011, kur Greqia miratoi Ligjin e ri për nënshtetësinë, deri më 31 dhjetor të viti të shkuar, nënshtetësinë greke e kanë përfituar 115.815 shtetas shqiptarë.

Rreth 87 mijë nga kjo kategori emigrantësh shqiptarë, sipas përllogaritjeve parapake, kanë të drejtën e votës në zgjedhjet paramenatre greke të 21 majit./voa

The post Zgjedhjet paralamentare në Greqi, flasin kandidatët shqiptarë: Qëllimi ynë, të jemi zëri i emigrantëve appeared first on Albeu.com.

Në një nga qendrat e votimit, në një shkollë të mesme në Umraniye në Stambull, ka rënë suvaja e tavanit, duke dëmtuar dy persona (vëzhgues)  të cilët u transportuan në spital.

Pas incidentit, votimi ka vijuar normalisht./albeu.com

The post Bie suvaja e tavanit në një qendër votimi, lëndohen dy vëzhgues në Stamboll appeared first on Albeu.com.