“Siç e kam deklaruar edhe dje, unë do të vazhdoj betejën ligjore. Besoj shumë që votimi i sotëm nuk do të legjitimohet. FSHF ka përdorur politikën e faktit të kryer e cila mund t’i duket me vlerë sot por ditët në vijim do e shohim të gjithë që do jetë e pa vlerë. Gjykatat kanë folur dhe do flasin përsëri besoj, duke ruajtur të njëjtin standart si në 2 rastet e mëparshme.

Në fund, drejtësia do vendoset dhe futbolli do flasë me votat e anëtarëve të familjes tonë”, ishte reagimi i Shakohoxhës për zhvillimin e Asamblesë Zgjedhore nga FSHF.

The post Rizgjedhja e Dukës, reagon Shakohoxha: Do vazhdoj betejën ligjore, votimi nuk do të legjitimohet appeared first on Albeu.com.

“U zhvillua ditën e sotme mbledhja e Komisionit të Verifikimit, që kishte në axhendë verifikimin e ligjshmërisë së propozimeve dhe integritetin e kandidatëve të propozuar për President dhe anëtar të Komitetit Ekzekutiv të Federatës Shqiptare të Futbollit.

Në përfundim të mbledhjes, që erdhi një ditë pas përfundimit të afatit për depozitimin e kandidaturave për postin e Presidentit të FSHF-së dhe anëtarëve të Komitetit Ekzekutiv, pasi u shqyrtuan propozimet e sjella nga anëtarët, rezultoi se për postin e kandidatit për

President të Federatës Shqiptare të Futbollit kanë marrë numrin e propozimeve të nevojshëm personat e mëposhtëm:

Armand Duka, Dritan Shakohoxha, Sulejman Starova.

Kandidatët për anëtar të Komitet Ekzekutiv të FSHF janë 12, të cilët kanë marrë numrin e nevojshëm të propozimeve për të qënë zyrtarisht në garë, sëpaku 2 propozime, janë personat e mëposhtëm:

Abdyl Kuriu, Anila Basha, Arben Dervishaj, Bardhyl Jera, Envi Hicka, Ermal Tahiri, Ervin Canollari, Gjergji Petro, Lutfi Nuriu, Pano Xhixho, Vasil Bicaj, Ylli Ҫekiҫi.

Komisioni i Verifikimit është organi përgjegjës për organizimin dhe mbikëqyrjen e procesit zgjedhor në përputhje me Rregulloren e Asamblesë së FSHF-së dhe kryerjen e kontrollit të integritetit, i miratuar në Asamblen e Përgjithshme të FSHF-së”.

The post Zgjedhjet në FSHF, zyrtarizohen kandidaturat appeared first on Albeu.com.

Ora News meson atë çka ka biseduar Ceferin në takimin me kreun e Federatës Shqiptare, Armand Duka të cilit i ka garantuar se politika nuk do të ndërhyjë në zgjedhjet për president dhe nuk do ta pengojë më proçesin zgjedhor.

Numri 1 i UEFA-s, ka garantuar Dukën se ka marrë mbështetje dhe garanci nga Kryeministri se do të tërhiqet.“Pasi kemi lexuar artikujt në media ne ishim pak të shqetësuar për finalen e UECL, por fola me Presidentin e FSHF-së dhe me Kryeministrin, me të cilin ramë dakord se nuk do të ketë ndërhyrje politike në zgjedhje, që futbolli do të vendosë për futbollin dhe kjo është ajo që duam. Nëse UEFA nuk ndërhyn, askush tjetër nuk duhet të ndërhyjë në këtë proces. Nëse gjërat do të jenë kështu dhe unë kam shumë besim në fjalët e Kryeministrit, atëherë zhvillimi i finales së Conference League këtu është i sigurt. Tani do të shohim përpara, sepse është finalja e parë e UEFA Europa Conference League në histori.”

Më pas Ceferin tregoi edhe mbi takimin për më shumë se 80 minuta në Kryeministri me kryeministrin Rama.

“Pata gjithashtu një takim me Kryeministrin Rama sot, ne ishim të pak të shqetësuar për situatën sipas raportimeve që kemi lexuar në media. Jam i kënaqur që ramë dakord me Kryeministrin, që futbolli duhet të vendosë për futbollin. UEFA do të japë të gjithë mbështetjen e saj, do të sjellë përfaqësues këtu për të verifikuar korrektesën e zgjedhjeve dhe sigurisht që të mos ketë ndërhyrje nga asnjë palë jashtë futbollit.”

The post Ceferin pas takimit me Dukën: Do monitorojmë zgjedhjet appeared first on Albeu.com.

“Federata ka statutin e vetë, bashkia është aksionare e klubit Tirana, ka ankesa të mëdha dhe thotë që ka prova për farsën e zgjedhjeve. Është beteja e tyre!”, thotë Rama. UEFA dhe FIFA kanë paralajmëruar se do të vijnë në Shqipëri, po a do i presë Rama? “Po patjetër, unë i kam miq të dy ata. I pres me shumë kënaqësi”, u shpreh Rama për emisionin ‘Open’ në Top Channel.

Kryeministri zbuloi edhe se çfarë i ka thënë Kryebashkiaku Veliaj në lidhje me përgjimet: “Më tha që i qëndroj asaj që ka thënë, ka qenë një bisedë mes çunave të kalçetos…”.

Rama tregoi se çfarë bisedoi me Veliajn për këtë çështje dhe faktin që u përmend SPAK duke bërë me dije se nuk ka aspak lidhje me këtë.

“Nuk është fare tema jonë si qeveri. Unë thjesht kam bërë një bisedë me kryetarin e Bashkisë pasi doli një përgjim që nuk e kam dëgjuar, refuzoj të dëgjoj përgjime sepse të gjitha përgjimet janë në kontekste, të dala në konteksti prodhojnë diçka tjetër. Dhe po të na kishin regjistruar tani çfarë folëm e të na fusnin live, ishte toni tjetër. Njerëz jemi ne, mish, kocka, gjak. E mora ta pyes çfarë është dhe më shpjegoi kontekstin, pozicionin e tij, abuzimet e federatës, të gjithë procesin e zgjedhjeve që sipas tij po bëhet përveç çdo standardi. Po i thashë për çfarë e përmend SPAK-un? Kur them që këto përgjime bëhen bazë abuzimi se i kam vuajtur në kurriz. SPAK-u nuk ka lidhje me këtë. Është një fjalë e thënë në muhabet, por SPAK nuk ka kompetencë të merret”.

The post Rama: Bashkia ka prova për farsën e zgjedhjeve appeared first on Albeu.com.

Shakohoxha nëse nuk ka bërë marrëveshje me pushtetin nuk vjen dot. Duka nuk do të vazhdojë dot sepse nuk e lë drejtësia. Drejtësia ka ndryshuar kah. Kjo që po i bëjnë Saliut amerikanët është më keq sesa ta arrestojnë. Mjafton përgjimi që i bënë Erion Velisë…

Shqipëria po futet në epokën e republikës së prokurorëve. Në çdo karrierë nëse nuk do të ketë ok e pushtetit…po jetojmë në një republikë ku mesazhet vijnë underground. Shako është i zgjuar. Priti momentin më të mirë për t’u futur. Tani me reformën në drejtësi, që e ka bërë zoti Rama dhe Zoti Veliaj, Shako është i fituar nëse ka bërë marrëveshje. Mbani frymën miq, Shako nuk është naiv. Ky pushtet ka drejtësinë në dorë.

The post Çani: Mbani frymën miq, Shakohoxha mund të bëhet kreu i ri i FSHF-së appeared first on Albeu.com.

Në lidhje me këtë UEFA pritet të vijë në Tiranë në ditët në vijim për t’u njohur më afër me ngjarjen, ku sipas insticionit më të lartë në Europë shprehu shqetësimin e ndërhyrjes së politikës në sport.

Ndërkohë, Presidenti Ilir Meta ka reaguar përmes njës statusi në FB duke bërë thirrje që politika të rrijë larg sportit.

“Negociatat keni tre vjet që na i bllokuat me Bashkimin Europian, po nga UEFA përse doni të na përzini?
Mjaft me dhunë politike dhe shantazhe mafioze ndaj sportit”, shkruan Ilir Meta. /albeu.com/

The post Zgjedhjet në FSHF, reagon Meta: 3 vjet na bllokuat me BE, po nga UEFA përse doni të na përzini? appeared first on Albeu.com.