Zaev e dorëzoi postin përmes një letre drejtuar Kuvendit, në të cilën arsyeton se rezultati i zgjedhjeve dhe momenti politik në të cilin ndodhet vendi e çuan atë në marrjen e këtij vendimi.

“Në kushte të këtilla, për mua personalisht dhe si kryeministër, për shkak të politikave në të cilat besoj, do të ishte papërgjegjësi politike dhe e paarsyetueshme para popullit dhe vendit tim që unë personalisht të vazhdoj të udhëheq qeverinë në rrugën euroatlantike. Mendoj se një kryeministër nga radhët e LSDM-së do ta mund ta bëjë në mënyrë më të mirë”, shprehet Zaev.

Në letër shkruan se në mandatin e tij janë marrë po ashtu edhe vendime historike si Marrëveshja me Greqinë me çka u sigurua gjuha dhe identiteti maqedonas dhe se vendi u anëtarësua në NATO. Ai përmend edhe konceptin “Një shoqëri për të gjithë”.

Dorëheqjen e tij pritet ta shqyrtojë kryeparlamentari Talat Xhaferri ditën e nesërme./albeu.com/

The post Zoran Zaev dorëzon “stafetën” si kryeministër i Maqedonisë së Veriut appeared first on Albeu.com.

Kjo është deklarata e parë e trashëgimtarit të Branko Cërvenkovskit në Bihaçka. Në të njëjtën kohë Zaev kryente edhe funksionin e kryetarit të Strumicës, kështu që mori vëmendjen e opinionit.

“Shpresoj se pikërisht në këtë pamje luftarake të kryetarit të LSDM dhe kryetarit të Strumicës paralajmëroj betejë të drejtë dhe luftarake politike në skenën tonë politike që do të zhvillohet muajt e ardhshëm”, pati deklaruar Zaev më datë 01.03.2014.

Branko Cërvenkovski u largua nga LSDM pas zhgënjimit dhe sjelljes së bashkëpunëtorëve të tij më të afërt të cilët nuk kanë besuar në vendimet e tij. Sipas brifingjeve të atëhershme partiake, Cërvenkovski e ka ditur se në zgjedhjet lokale do të përjetojë dështim, për shkak se pushteti i atëhershëm nuk ka mundur të mposhtet me ide dhe programe.

Zoran Zaev nga ana tjetër po e pret rekonstruimi i freskët i Qeverisë së tretë të udhëhequr nga VMRO-DPMNE dhe Nikolla Gruevski, ndërsa në atë kohë BDI ishte partner i tyre i koalicionit. Kështu, Zaev vizitoi edhe Ali Ahmetin.

“U pajtuam se sot pa hamendje duam të dërgojmë porosi pozitive të raporteve të mira ndëretnike dhe njerëzore para së gjithash. Dhe shpresoj se do të dërgohet kjo porosi nga takimi i sotëm”, pati deklaruar Zaev më datë 05.08.2013.

Nuk kishte shumë kohë. 10 muaj pas zgjedhjes së tij si lider i LSDM, Zaev u përball me zgjedhjet e para parlamentare, të cilat u mbajtën më 27 prill të vitit 2014. VMRO-DPMNE fitoi 43% të votave, LSDM 25%, BDI 14% e PDSH 6%.

“Kur ende nuk ka filluar numërimi i votave, dal para jush që të kumtoj qëndrimin tonë. LSDM dhe opozita e bashkuar nuk e pranojnë procesin zgjedhor, e as zgjedhjet parlamentare, e as zgjedhjen presidenciale”, pati deklaruar Zaev më datë 24.04.2014.

Partinë e ka udhëhequr së bashku me Radmilla Shekerinskën. Në vitin 2015 fitoi mbështetjen për fillimin e projektit “E vërteta për Maqedoninë”.

“Nga sot LSDM dhe opozita e fillojnë projektin “E vërteta për Maqedoninë”. Qëllimi është që ta kthejmë lirinë dhe demokracinë në RM, të kthejmë vlerat evropiane. Ky portofol do të bëhet simboli i procesit që sot e fillojmë për kthimin e lirisë dhe demokracisë”, pati deklaruar Zaev më datë 09.02.2015.

Me “bombën” e parë Zoran Zaev tregoi se DSK është shndërruar në përbindësh përgjues, në shënjestër të së cilës kanë qenë mbi 20 mijë qytetarë. Pas kësaj, Zaev fitoi epitete nga rivalët politik se është tradhtar nacional e zbulues i sekreteve shtetërore. Porosia ishte se ai patjetër duhet të arrestohet.

“Sot është parashtruar padi penale për disa persona, mes tyre edhe Z.Z. për veprën e kryer penale spiunim dhe dhunë ndaj përfaqësueseve të lartë të organeve shtetërore”, tha ish kryeministri Nikolla Gruevski.

MPB e arrestoi Zoran Verushevski, ish drejtorin e DSK, për posedimin e armëve jo-legale dhe pornografi të fëmijëve. Maqedonia hyri në krizë politike.

Filloi përballja brutale me ata që nuk mendonin njëjtë, u dakorduan arrestime, provizione dhe zhvatje. Kërkohej dorëheqja nga Qeveria e atëhershme, formimi i Qeverisë teknike dhe zgjedhje të parakohshme. E gjithë kjo përmes protestave nëpër rrugët e Shkupit dhe qyteteve të tjera.

Kriza përfundoi përmes negociatave me ndërmjetësimin e ndërkombëve dhe arritjes së Marrëveshjes së Përzhinos, pas çka Maqedonia mbajti zgjedhje në vitin 2016, ndërsa të ashtuquajturat “bomba” përfunduan në Prokurorinë Speciale Publike, në krye me Katica Janevën.

VMRO-DPMNE fitoi 38% të votave, LSDM 17%, BDI 7%. Gruevski edhe pse fitoi në zgjedhje nuk arriti të formojë Qeveri, kështu që mandati kaloi në duart e Zoran Zaevit i cili mori ndihmën e BDI, Besës dhe Koalicionit Aleanca për Shqiptarët. Talat Xhaferi u zgjodh për kryeparlamentar, ndërsa mbi 300 protestues me dhunë hynë në shtëpinë ligjvënëse.

Presidenti i atëhershëm, Gjorgje Ivanov, kërkoi edhe garanci në formë të shkruar nga mandatari për ruajtjen e unitetit të shtetit. Pas 171 ditëve rekorde nga përfundimi i zgjedhjeve, Maqedonia u bë me Qeveri të re.

Kryeministri Gruevski arriti të arratiset nga drejtësia, duke kërkuar azil politik në Hungari. Në vitin 2017 u organizuan zgjedhjet lokale ku fitoi LSDM, e më pas u organizua edhe referendum me të cilin u ndryshua emri i shtetit. Me emrin e ri RMV siguruam vend në NATO, ndërsa e zgjidhëm edhe kontestin që zgjati disa dekada me Greqinë.

“Se në tetor, do të jetë tetori. Edhe atje qëndron, “no later than October”, jo më vonë se në tetor. E kemi marrë garancinë juridike formale në formë të shkruar.
TV21: Kishit një deklaratë para disa muajve se nuk do të marrim datë, keni marrë garanci në formë të shkruar, më intereson nga kush janë ato garanci dhe a do t’i aktivizoni tani?
-Unë kam deklaruar se ka garanci në formë të shkruar? Nëse kam folur për diçka në formë të shkruar, ajo është vendosur në Marrëveshjen e Prespës, ku ka kapituj, por Evropa është e përfshirë për shkak se ajo merrte pjesë me ne”, pati deklaruar Zaev më datë 20.10.2019.

Në vitin 2019, Stevo Pendarovski, i mbështetur nga LSDM u bë president i shtetit. Prokuroria Speciale u rrënua, ndërsa shpresa më e madhe – Katica Janeva përfundoi në burg. Mbetën disa lëndë gjyqësore aktive të iniciuara nga bisedat e përgjuara.

Problemi i ri në rrugën drejt BE vinte nga fqinji lindor, Bullgaria. Botën e kaploi pandemia e Kovid-19, por u arrit konsensus se duhet të mbahen zgjedhje të parakohshme parlamentare. Qeverinë e re përsëri e formoi Zoran Zaev, por nuk morëm datë për BE. Pandemia vazhdon të jetë problem shtesë.

Tragjedia e madhe në Tetovë dhe mos fillimi i negociatave me BE, zgjedhjet lokale që u mbajtën këtë vit, e dënuan Zoran Zaevin, andaj ai solli vendim për t’u tërhequr./TV 21/

The post Zaev, “bombarduesi” i cili po largohet pas disfatës në zgjedhjet lokale appeared first on Albeu.com.

Ahmeti me këtë rast tha se përveç partnerëve të koalicionit ndërkombëtarë, dorëheqja e Zaevit kundërshtohet edhe nga komuniteti ndërkombëtarë.

“Nuk kemi kohë për të hyrë në negociata për riformatim të Qeverisë, apo për ndryshime në partneritet qeverisë. Gjërat janë në kuadër të normalitetit. Arsyeja e Zaevit është se tanimë e ka bërë dhe nuk mund të tërhiqet sepse ka të bëj me dinjitetin e tij. Por përball dinjitetit ai ka mos pajtueshmëri të madhe nga gjithë partnerët e koalicionit por edhe nga të gjithë komuniteti ndërkombëtarë, në veçanti nga Brukseli, Uashingtoni dhe NATO, të cilat presin që shteti të përparoj në drejtim të zbatimit të politikave që i ka”, deklaroi Ali Ahmeti, kryetar i BDI-së.

The post Ahmeti: Nuk është koha për riformatim të Qeverisë, partnerët e koalicionit refuzojnë kategorikisht dorëheqjen e Zaevit appeared first on Albeu.com.

Fatmir Dehari se në raundin e dytë do të përballet me Aleksandar Jovanovskin nga VMRO-DPMNE-ja.

Vlen të theksohet se në garë ka marrë pjesë edhe Fatmir Limani si kandidatit i pavarur.

The post Fatmir Dehari shpall fitoren në Kërçovë appeared first on Albeu.com.

Teuta Arifi ka fituar 11 084 vota, ndërsa Bilall Kasami nga Lëvizja Besa ka grumbulluar 10 393 vota, ndërsa Vullnet Murseli 6136 vota dhe Sadi Bexheti 3030 vota. /albeu.com/

The post Tetovë: BDI me avantazh të ngushtë ndaj Lëvizjes Besa appeared first on Albeu.com.

Në këto momente, Hyseni është me rreth 3% përpara Hazirit, apo rreth 400 vota më shumë.

E treta në këtë garë është Leonora Bunjaku e PDK-së me rreth 9 % të votave të numëruara deri më tani. /albeu.com/

The post GJILAN/ Numërohen mbi 25% vota, kryeson VV (FOTO LAJM) appeared first on Albeu.com.

Sipas Alsat, Vjollca Aliti, raportoi se zyrtarisht Komisioni Komunal Zgjedhor i Tetovës ka raportuar se në 5 nga gjithsej 117 vendvotime është raportuar për probleme me votimin biometrik.

Disa prej qytetarëve janë ankuar për pritje të shumta, ndërsa të tjerë theksojnë se është e natyrshme kjo pasi ky sistem po përdorët për herë të parë.

The post Tetovë: Në 5 qëndra votimi ka pasur probleme me aparatin e “fingerprint” (VIDEO) appeared first on Albeu.com.

Sipas kësaj ankete, kandidati i PDSH-së Sadi Bexheti prin në Tetovë me 25 për qind, pasuar nga Teuta Arifi me 21 dhe nga ASH-AAA me 12 për qind. Levizja Besa është e katërta me 8.5 për qind. Në Gostivar anketa e Source e nxjerr në epërsi me 34 për qind, para koalicionit ASH-AAA me 24 për qind. Rezultatet e plota të anketës i keni në grafikonet e mëposhtme.

The post Anketë e re: PDSH-ja thellon avantazhin në Tetovë, BDI ruan epërsinë në Gostivar (FOTO LAJM) appeared first on Albeu.com.

Kandidati për komunën e Likovës, Zekirja Shaini, në konferencën e sotme për shtyp tha se Programi i përpiluar për zhvillimin e Likovës është për jetë më cilësore të qytetarëve të saj dhe në fokus ka përmirësimin e infrastrukturës rrugore, rekonstruimin dhe mirëmbajtjen e rrjeteve të ujësjellësit, kanalizimit dhe ujitjes, menaxhimin e mbeturinave, arsim cilësor, mbrojtje më të madhe shëndetësore dhe shumë sfera të tjera të jetës shoqërore.

Fjalimi i plotë:

Të nderuar qytetarë, Të nderuar përfaqësues të mediave, Sot prezantojmë para jush programin zgjedhor të Bashkimit Demokratik për Integrim për komunën e Likovës, që është bazuar në Agjendën e blertë dhe pesë përbetimet e BDI-së. Nuk ka zgjedhje më të rëndësishme për jetën e përditshme se zgjedhjet lokale – në këto zgjedhje ju vendosni për vendin në të cilin do të jetoni, ju vendosni për të ardhmen e vendit tuaj. Agjenda jonë e gjelbërt personifikon një plan të realizueshëm për t’i zhvilluar komunat tona, më të gjelbra, më moderne. Me veprim konkret bashkangjitur projekteve konkrete për përmirësimin e cilësisë së jetës dhe standarteve të jetesës për të gjithë qytetarët. Rrugën tonë deri sot e kemi bërë bashkë, bashkë edhe do të vazhdojmë.

Të dashur qytetarë të komunës së Likovës, Është nder për mua që të paraqes programin zgjedhor për vazhdimin e vizionit tonë edhe për katër vite të tjera, për të mirën e qytetarëve të Komunës së Likovës. Ashtu si deri tani do vazhdojë të funksionojë në mënyrë efikase dhe efektive në shërbim të qytetarëve dhe detyrave tjera administrata komunale. Të nderuar, Projektet infrastrukturore që janë të parapara për realizim në Komunë të Likovës për mandatin 2021 – 2025 janë të shumta e që përfshijnë ndërtimin e rrjeteve të ujësjellësit, urbanizim të shumë vendbanimeve, asfaltim dhe rekonstruim të rrugëve në fshatra, Arsim me cilësi të lartë në komunën tonë është prioritet i jonë përfshirë këtu izolim, lyerje nga jashtë me fasadë të objektit të shkollës qendrore, rregullimi i oborrit dhe parterit të shkollave. Ndërtimi i bibliotekave, dhënia e bursave për çdo vit për 50 studentë.

Ambient i pastër jetësorë gjithashtu është pjesë e Agjendës tonë e në të përfshihen edhe projektet për rregullimin e shtratit të lumit në të gjithë fshatrat përfshirë këtu Sllupçanin, Hotlën, Mateçin,, Likovën, Orizaren etj. Kulturë e pasur do të thotë investim në këtë fushë, e komuna e Likovës ka paraparë ndërtimin e Shtëpisë së kulturës në Mateç, mbështetje financiare për korrin komunal të Likovës, manifestimi e 2 Majit, e shumë evenimente të tjera kulturore të cilat pasurojnë trevat tona. Rinia, sporti dhe rekreacion bëjnë pjesë në programin tonë zgjedhor e në të përfshihet ndërtimi i sallave sportive në Llojan, rregullim tereni sportiv në Nikushtak, Ropalcë, Vishticë etj. Zhvillimi rural dhe bujqësia janë pjesë e programit tonë e me këtë do të intensifikojmë kontaktet me ekipin e ekspertëve të bujqësisë që janë për çdo javë në Komunën tonë dhe në këtë drejtim do të stimulojmë dhe udhëzojmë bujqët për aplikim sa më të lehtë për subvencione, shfrytëzimin e mjeteve të pakthyeshme të IPARD programeve.

Turizmi aktiv e tradicional në trevat tona është pjesë e kulturës qytetare. Duke patur parasysh se në komunën e Likovës ekzistojnë shumë resurse natyrore për zhvillim të turizmit, ku më veç në afërsi të dy pendave kan filluar investimet, ne do të vazhdojmë me investime në ato pjesë për një infrastrukturë sa më moderne, me qëllim të investimeve të reja. Biznesi, mirëqenia sociale dhe përkujdesja ndaj tyre garanton dinjitet të qytetarëve, e ne do të mundësojmë lehtësim të procedurave rreth pajisjes me leje për ndërtim dhe dokumentacioneve tjera të nevojshme dhe lirim të të gjitha taksave komunale.

Kategorizim të shtresës qytetarëve me kushte më të rënda në nivel komunal nga një komision i posaçëm, ku atyre familjeve do t’i jipet përparësi gjatë punësimeve në çdo organ komunal nëse i plotësojnë kushtet ligjore, etj. Të nderuar qytetar, Më 17 Tetor votoni për Agjendën e blertë, për vazhdimësinë e punëve të mira dhe perspektivën e re të zhvillimit. Kemi plan shumë ambicioz dhe të përgjegjshëm për katër vitet e ardhshme. Rrethoni numrin 3! Ju faleminderit. /albeu.com/

The post BDI prezanton Programin zgjedhor për komunën e Likovës appeared first on Albeu.com.

Në fjalën e tij ai tha se Kumanova bëri ndryshimin në zgjedhjet e përgjithshme të vitt të shkuar.

Sela tha se ky koalicion bashkë me ndryshimin ka sjellë standarde të reja.

“Standardi jonë është puna, përkushtimi, mbajtja e fjalës së dhënë, mbajtja e premtimit dhe dalja përpara qytetarëve duke dhënë llogari”, ka thënë Ziadin Sela.

Fjalimi i plotë:

“Ne jemi këtu në Kumanovë dhe bashkë me Afrimin nuk është që nuk i dimë problemet e Kumanovës. Nëse duhet flasim për problemet që i ka Kumanova, mund t’i përmendim me qindra që i ka, por unë do t’i përkufizoja vetëm me një fjalë: PABARAZI. Kumanovë ku do që ec e shef dhe e ndjen pabarazinë. E shef pabarazinë tek shkollat që rinë pranë njëri tjetrit, e ndajnë të njëjtin oborr, Naim Frashi me Vuk Karaxhiqin, e këndej janë 1300 nxënës, e këndej vetëm 150 nxënës, me të njëjtat hapësira dhe me të njëjtin buxhet për të dyja”, tha Ziadin Sela, duke shtuar se këtë pabarazi kumanovarët e jetojnë për çdo ditë.

Ai tha se kandidatura e Bekim Saliut është shumë më e fuqishme dhe e rëndësishme se cdo kandidaturë tjetër.

“Shqiptarët të gjithë pa marrë parasysh bindjeve politike, nuk duhet të dalin vetëm të votojnë, ata duhet të dalin më 17 tetor të protestojnë me votë duke rrethuar me numrin 6 dhe duke votuar Bekim Saliu. Vota për Bekim Saliun është votë kundër kësaj pabarazie, vota për Bekim Saliun duke rrethuar numrin 6 është votë për tu arritur barazia dhe për tu zhdukur dallimet që i kanë këto dy pjesë të lagjeve”, deklaroi Sela.

Zadin Sela tha se kundërshtarët politik këto 20 vite përpos se kanë qenë hipokrit asgjë tjetër nuk kanë bërë.

“Vijnë në mes natë dhe mundohen të të blejnë, të frikësojnë dhe shantazhojnë dhe të nesërmen flasin që dita e zgjedhjeve duhet të jetë festë, dhe zgjedhjet duhet të jenë civilizim. Po është e vërtet, dita e zgjedhjeve duhet të jetë festë, ama edhe fushata parazgjedhore do të duhet nga ana e juaj të mos përçudnohet deri në nivelin që e keni degraduar këtë sjellje. Aspak nuk ju ka hije të shkoni dhe të frikësoni dhe të shantazhoni shqiptarët”, deklaroi Sela.

Ziadin Sela tha se do të duhet t’i jepet fund pushtetit të tyre edhe pse janë zgjedhje lokale, pesha e votës më 17 tetor, e ka po të njëjtën rëndësi si zgjedhje nacionale.

“Më 17 tetor vendoset përveç se për Bekimin për të protestuar dhe për të folur zëshëm kundër kësaj pabarazie, vendoset edhe për ardhmërinë politike të 10 vjeçarit të ardhshëm”, tha Sela, duke shtuar se tani është koha për të thënë mjaft më, “mjaft më që shtëpitë t’i kemi plotë dhe jo boshë”. /albeu.com/

The post Sela nga Kumanova: Në këto zgjedhje vendosim për 10 vjeçarin e ardhshëm, t’ju themi mjaft më (VIDEO) appeared first on Albeu.com.