Ai është shprehur se këtë vendim e ka marrë si përgjegjësi morale për mosarritjen e rezultatit të duhur në zgjedhjet lokale.

Megjithë përmirësimin e rezultatit në krahasim me zgjedhjet e vitit 2021 dhe rritjes së numrit të këshilltarëve, sipas tij ishte e pamjaftueshme që të jemi në raundin e dytë për të kryetarin e komunës.

“Unë vazhdoj të mbetem dhe të angazhohem si anëtar i Kryesisë së Degës, Nënkryetar i LDK-së në qendër dhe deputet i GP të LDK-së. Të qenit kryetar i degës ishte privilegj dhe përvojë e mirë, por jam i bindur se me dorëheqjen time po mundësohet një riorganizim më i mirë i LDK-së në Prizren, nëndegëve dhe forumeve, me të cilin do të krijohen parakushtet për afirmimin e të rinjve te Prizrenit, ruajtjen e bërthamës por edhe hapjen e dyerve për më shumë njerëz e kuadro që do ta forcojnë LDK-në dhe do ta bëjnë konkurente serioze për ciklin e ri zgjedhor. Faleminderit të gjithë votuesve dhe bashkëpunëtorëve që në çdo situatë më qëndruan afër. Ju jam mirënjohës dhe vazhdojmë me punë të mira për vendin e për LDK-në”, ka shkruar ai./albeu.com/

The post Nuk mori rezultatin që priste në zgjedhjet lokale, Anton Quni jep dorëheqje nga detyra e kryetarit të degës së LDK-së në Prizren appeared first on Albeu.com.

Në mbledhjen e zhvilluar janë nxjerrë disa faktorë që mund të kenë ndikuar në rezultatin e dobët.

Vetëvendosje pranon se nuk i kanë realizuar pritshmëritë popullore.

Përpos kritikave Vetëvendosja ka shprehur se nuk do të dorëzohet dhe nuk do e lejë Kosovën në duart e korrupsionit.

Njoftimi i plotë:

Angazhimi është i përhershëm, mësimet janë të vlefshme.

Kryesia e Lëvizjes VETËVENDOSJE! mbrëmë ka mbajtur një mbledhje të gjatë për ta analizuar rezultatin e zgjedhjeve lokale dhe situatën politike e gjithashtu është mbajtur një mbledhje me të gjitha qendrat e Lëvizjes. Katër komunat e fituara dhe 194 asambleistë nëpër komuna është mirë por nuk është mjaft. Numri i komunave nuk është rezultat i kënaqshëm për ne.

Analiza jonë do të vazhdojë por tashmë për disa gjëra kanë dalë nga diskutimi ynë i përbashkët. E para është vetëkritika. Kemi hapësirë e nevojë për një gjë të tillë. Nuk jemi përgjigjur sipas nevojës e pritjes popullore. Diku kemi qenë shumë larg e diku kemi qenë shumë afër fitores. Të gjithë kemi mundur të bëjmë më shumë. Diku me kandidatin, diku me programin, diku me komunikimin, diku me angazhimin. Na ka munguar optimizmi në veprim. Nuk i kemi shtyrë limitet e vetëvetes. Megjithëse jemi përpjekur. Nuk flasim për dhjetëra por qindra janë aktivitetet e secilës Qendër tonë. Niveli i tretë organizativ ka kordinuar 1054 vizita kurse nga vetë Qendrat janë organizaur shumë më shumë se kaq aktivitete. Disa prej tyre ku raportet janë të gatshme i kapin këto shifra: Gjilani 403 aktivitete, Gjakova 440, Dardana 620, Rahoveci 470, Besiana 398, Shtimja 324. Të gjitha fshatrat e lagjet sigurisht që janë vizituar por duhej edhe nënlagjet edhe komunitetet e ndryshme, derisa programi ynë të arrinte te secili e secila qytetare. Kemi kontaktuar e organizuar vizita edhe në mërgatë, në Zvicër e Gjermani me kandidatët Alban Hyseni dhe Mimoza Kusari. Jemi mirënjohës për secilën votë të nisur nga mërgata që janë gjithsejt 790.

Një mosrealizim i synimit tonë është fakti që kishim vetëm dy gra kandidate për kryetare. Sidoqoftë, komunikimi dhe vëmendja jonë ishte tek gratë e vajzat. Vetëm në periudhën e balotazhit janë organizuar 93 aktivitete të veçanta me gra e vajza duke llogaritur që pothuajse në të gjitha aktivitetet e tjera ka pasur pjesëmarrje të grave por jo në nivele të barabarta me pjesëmarrësit burra.

Pandemia ndërkaq, ka goditur mjetin tonë të veprimit e komunikimit me njëri – tjetrin e qytetarët: tubimet e mesme e të mëdha. Nuk kemi mundur ta përdorim këtë mjet e gjithashtu nuk kemi gjetur një zëvendësim efikas për këtë.

Tash, të rëndësishme janë mesazhet që qytetarët na i kanë dërguar. Këto zgjedhje kanë qenë mësim për ne. Pranojmë të nxjerrim mësime sepse politika është shkolla jonë e përhershme. Ne kemi qenë të papërsosur kundrejt bashkimit të përkryer të kapitalit. Ata të gjithë u bashkuan sepse sot bashkë ruajnë kapitalin. Garojnë në pasuri dhe bashkohen në politikë. Në të dyjat u pengon VETËVENDOSJA!. Andaj e luftuan bashkë. Edhe heshturazi edhe zhurmshëm. Ata nuk kanë ndryshuar. Kanë mbajtur veç zgjedhjet e tyre të brendshme por janë të njëjtë për së jashtmi. Për qytetarët mbesin të njëjtë. Meqë sot nuk mund ta zhvillojnë korrupsionin prej kateve të ndryshme qeveritare ata po duan të provojnë nëpër komunat e ndryshme të qyteteve. Prej lartë, po duan ta zbresin më poshtë. Aty është edhe më i dëmshëm. I prek e gjymton edhe më shumë jetët e qyetarëve. Kryesisht nëpërmjet mafisë së ndërtimit. Këtu do të jetë lufta jonë dhe duhet të jemi syçelë.

Sot të gjitha subjektet politike po na kopjojnë. Por na kopjojnë në metodat tona. Ata po duan të fitojnë si ne por jo të bëhen si ne. Ky është thelbi. Ne nuk kemi fituar sepse kemi protestuar por sepse kemi pasur të drejtë. Ne nuk jemi të votuar në zgjedhjet e 14 shkurtit për metodat tona por për kauzat tona. Andaj, ata janë në sinkron në deklarata, në metoda dhe në rreshtim. Ata e kanë pasion pushtetin, ne politikën.

Çlirimi ende nuk është arritur e ne duhet të luftojmë për këtë. Lufta jonë është më e gjatë. Ne as nuk lodhemi, as nuk dorëzohemi. Kosova është shumë e vlefshme për t’ua lënë në duart e stërvitura për korrupsion.

Urojmë më të mirën për Kosovën dhe për komunat. Qofshin ndryshime estetike apo më përmbajtësore, në pastë të tilla do t’i përgëzojmë e shijojmë. Në mungofshin do t’i kërkojmë.

Shpresa jonë është e madhe. Sepse aktiviteti ynë është i përhershëm./albeu.com/

The post Mori rezultat të dobët në zgjedhjet lokale, Albin Kurti bën analizën dhe gjen shkakun appeared first on Albeu.com.

Deri tash kanë dalë në zgjedhje 7.26%.

Shtimja, Mamusha e Kllokoti kanë dalje me shifra dyshifrore, kurse në qytetet tjera nuk kaluar dalja as mbi 10%.

Dalja në secilën komunë mund ta gjeni më poshtë:

The post KQZ del me njoftim: Ja sa është dalja në votime deri në orën 11:00 (FOTO LAJM) appeared first on Albeu.com.

Vetëvendosje nuk fitoi asnjë komunë pa balotazh, ndërsa është në garë për 12 komuna.

The post Kurti i kënaqur me rezultatin në zgjedhjet lokale appeared first on Albeu.com.

Sipas këtyre rezultateve Bedri Hamza i PDK-së ka fituar 53.86% të votave, duke qenë edhe fitues i zgjedhjeve në këtë komunë.

Kurse Agim Bahtiri nga LVV që kishte qeverisur për dy mandate me këtë qytet ka marrë 34.40% të votave, ose 10.279.

Ndërsa Armend Agolli i LDK-së ka fituar 3.508 vota, ose 11.74%.

The post Numërohen 100% të votave, Bedri Hamza fiton në Mitrovicë appeared first on Albeu.com.

Sipas të dhënave të publikuara nga KQZ-ja, rezultatet janë si më poshtë:

Fadil Nura (PDK) – 56,64%

Bekim Jashari (Lista e Pavarur) – 39,76%

Sokol Halili (IQS) – 3,60%

The post Numërohen reth 55% e votave në Skënderaj, kryeson PDK (FOTO LAJM) appeared first on Albeu.com.

Numërimi i votave është duke shkuar me ritëm tshpejt nëpër shumicën e komunave.

Më poshtë keni rezultatin e kandidatëve për kryetar të Pejës:

Gazmend Muhaxheri (LDK) – 60,05%

Gazmend Agusholli (LVV) – 22,46%

Rrustem Berisha (AAK) – 16,72%

Gani Veselaj  – 0,30%

Kreshnik Husaj (PDU) – 0,29%

Drena Podrimçaku (PB) – 0,17% .

The post Numërohen mbi 60% të votave në Pejë, LDK në avantazh (FOTO LAJM) appeared first on Albeu.com.

Kryetari i kësaj force politike, Lumir Abdixhiku, ka prezantuar të gjithë kandidatët që do të jenë në garë për komunat e vendit.

Abdixhiku pas vlerësimit që kishte për të gjithë kandidatët e kësaj force politike, u shpreh i bindur se LDK po rikthehet fuqishëm.

“Kemi thënë gjithherë se zgjedhjet janë festë, e festa duhet parë përherë sepse nuk ka asgjë më të vlefshëm sesa besim qytetarë e besimi i dhënë me votë. Sot jam më se i bindur që rikthimi ynë i madh politikë është afër. LDK garon me ekipin më të kualifikuar në vend, kandidatet tanë janë njerëz me integritet, përvojë dije e vullnet të jashtëzakonshëm”, tha Abdixhiku./albeu.com

The post Abdixhiku mbyll fushatën e LDK-së në Kosovë: Rikthimi ynë është më pranë se kurrë appeared first on Albeu.com.

Takimi do të jetë në kuadër të shtyrjes së zgjedhjeve lokale që po kërkohet nga Instituti Kombëtar i Shëndetësisë Publike.

Partitë opozitare nuk po bien dakord me këtë shtyrje të zgjedhjeve dhe po e justifikojnë disi qëndrimin e tyre me arsyetimin se edhe Kurti kur ishte në Opozitë nuk pranonte shtyrjen e zgjedhjeve.

Sipas letrës të cilën Osmani u ka dërguar partive politike thuhet se ky takim do të mbahet për të diskutuar opinionin dhe rekomandimet e Institutit të Shëndetësisë Publike të Kosovës lidhur me ndikimin e zgjedhjeve në situatën epidemiologjike.

“Presidentja e Republikës së Kosovës, Sh.S., Vjosa Osmani- Sadriu ju fton në takim konsultativ për ta diskutuar opinionin profesional dhe rekomandimin e Task Forcës së Institutit Kombëtar të Shëndetësisë Publike të Kosovës lidhur me ndikimin e procesit zgjedhor në situatën epidemiologjike në vend”, thuhet në letrën e presidentes.

Takimi do të mbahet sot, me fillimin nga ora 16:30 në ndërtesën e Kuvendit të Kosovës.

Takimi i presidentes Osmani me përfaqësues të partive politike, vjen pas letrës së Institutit Kombëtar të Shëndetësisë Publike (IKSHPK), që ka rekomanduar mosmbajtjen e zgjedhjeve lokale.

Sipas letrës së IKSHPK-së, mbajtja e zgjedhjeve do të ndikonte në rritjen e rasteve me koronavirus e për pasojë do të rriste edhe rrezikun e rritjes së rasteve të vdekjeve.

“Meqenëse procesi zgjedhor mund të ketë ndikim të shtuar në përhapjen dhe rritjen e rasteve me COVID-19, rekomandojmë shtyrjen e procesit zgjedhor, përkatësisht ndalimin e aktiviteteve publike, grumbullimit të qytetarëve dhe tubimet publike të të gjitha llojeve dhe natyrave pa përjashtim, deri në vlerësimin epidemiologjik të radhës”, thuhet ndër të tjera në letrën e IKSHPK-së./albeu.com

The post Rekomandimi për shtyrjen e zgjedhjeve lokale, Osmani takon sot krerët e partive politike appeared first on Albeu.com.