“E kam kënaqësinë t’ju njoftojë se procesi zgjedhor po shkon shumë mirë. Kanë mbetur më pak se tre orë. Po ashtu kam kënaqësinë tju ftoj të gjithëve t’ju ftojë të gjithëve të votoni. Nuk kemi ndonjë parregullsi apo shqetësim, jemi të kënaqun me daljen. E dimë që ka pasur ndalim të rrymës, gjë që na shqetëson. I bëjmë thirrje KEDS-it”, tha ai.

The post AKK mban konferencë për shtyp/ Haradinaj: Procesi zgjedhor po ecën shumë mirë appeared first on Albeu.com.

Sipas këtyre rezultateve, Lëvizja Vetëvendosje ka 37.18% të votave.

Partia Demokratike e Kosovës (PDK), 25.10% të votave, ndërsa Lidhja Demokratike e Kosovës (LDK) 17.28% të votave.

Sipas numërimit të deritashëm AAK-ja me partnerë të koalicionit ka 8.86% të votave.

The post Nga 5.29% e votave të numëruara: VV 37.18%,PDK 25.10%, LDK 17.28%, AAK-NISMA 8.86% appeared first on Albeu.com.

Komisioni Qendror i Zgjedhjeve, tha se nga kjo shifër kanë votua 14 mijë e 463 qytetarë, pa i përfshirë qendrat e votimit në Washington, Otavë, Toronto dhe New York.

Ishte hera e parë që misionet diplomatike të Kosovës u kthyen në qendra votimi.

Në shumë prej tyre shtetasit jorezidentë që jetojnë në diasporë kanë mundur të votojnë, një ditë përpara datës së zgjedhjeve të përgjithshme, që organizohen në Kosovë.

Sipas KQZ-së, vendvotimet më të frekuentuara janë misionet diplomatike në Gjermani dhe Zvicër.

Të drejtë vote në përfaqësi diplomatike kanë pasur vetëm votuesit të cilët kanë zgjedhur këtë mënyrë votimi jashtë Kosovës. Ndërkaq, më shumë se 100 mijë shtetas që jetojnë në diasporë kanë aplikuar për votë nëpërmjet postës, proces ky votimi që ka nisur disa ditë më parë

The post Zgjedhjet në Kosovë/ Mbyllet votimi në disa përfaqësi diplomatike, pjesëmarrja mbi 70 për qind appeared first on Albeu.com.

Ndërsa, në anën tjetër, partitë opozitare, PDK, LDK dhe AAK, si datë për zgjedhjet e kanë dhënë 26 janarin.

Presidentja Osmani kishte bërë të ditur se sipas ligjit janë 4 data për zgjedhje – 26 janari, 2 shkurti, 9 shkurti dhe 16 shkurti.

Pas takimit konsultativ që kishte më 31 korrik, ku mungoi Kurti, presidentja Osmani në një konferencë për media tha se vlerësimi përfundimtar për datën e zgjedhjeve i takon asaj.

“Tash fjala konsultim do të thotë se i dëgjoj, por jo domosdoshmërisht veproj sipas preferencave të partive. Vlerësimi përfundimtar është i presidentes së Republikës. Gjithnjë ka qenë kështu edhe me presidentët paraprakë, mos më keqkuptoni, nuk është kjo ndonjë kompetencë e re”, tha ajo.

Ndërkaq dje, Osmani tha se e premtja është dita e fundit kur partitë politike mund të dërgojnë çështje shtesë që kanë për të caktuar datën e zgjedhjeve.

Se cila prej këtyre datave do të caktohet për mbajtjen e zgjedhjeve i takon presidentes Osmani të vendosë. /GazetaExpress/

The post Partitë kryesore opozitare propozuan 26 janarin për zgjedhje, VV 2 shkurtin appeared first on Albeu.com.

Sipas këtyre rezultateve, 21 komuna do të garojnë në rundin e dytë në balotazh, ndërsa në 17 komuna është vendosur fituesi në raundin e parë.

Kreshnik Radoniqi, kryetar i KQZ-së, pas shpalljes së rezultateve bëri të ditur se ekziston mundësia e ankesës për këto rezultate brenda 24 orëve në Panelin Zgjedhor për Ankesa dhe Parashtesa (PZAP).

Një ndër çështjet që nxiti diskutim gjatë mbledhjes për shpalljen e rezultateve ishte rezultati për komunën e Hanit të Elezit.

Kjo për shkak se zgjedhjet në këtë komunë janë kontestuar nga kandidati i pavarur, Rufki Suma, i cili sipas rezultateve preliminare u mund nga kundërkandidati nga Partia Demokratike e Kosovës, Mehmet Ballazhi.

Suma ishte ankuar në PZAP duke kërkuar përsëritje të votimit për shkak të “presionit ndaj votuesve”.

PZAP-ja kishte marrë vendim për përsëritje të votimit në të gjithë Hanin e Elezit, mirëpo Gjykata Supreme kishte vendosur që kjo çështje të rivendoset në PZAP.

PZAP-ja në vendimin e dytë, të marrë më 28 tetor, hodhi poshtë kërkesën e Sumës për përsëritje të votimit. Aktualisht, lidhur me këtë vendim po rrjedh ende afati për ankesë në Gjykatën Supreme.

Kreshnik Radoniqi në argumentimin e tij për shpalljen e rezultateve përfundimtare edhe për Hanin e Elezit tha se sot po bëjnë shpalljen e rezultateve e jo certifikimin e tyre.

Sipas Ligjit për Zgjedhjet Lokale, rundi i dytë i zgjedhjeve ndërmjet dy kandidatëve, të cilët kanë fituar më së shumti vota të vlefshme, mbahet ditën e diel, katër javë pas rundit të parë. Në këtë rast i bie që rundi i dytë do të mbahet më 14 nëntor.

Rezultatet përfundimtare për kryetarë komunash:

Sipas rezultateve përfundimtare të publikuara të enjten, në Komunën e Deçanit i ka fituar zgjedhjet Bashkim Ramosaj nga Aleanca për Ardhmërinë e Kosovës(AAK).

Në Mitrovicën e Jugut zgjedhjet i fitoi Bedri Hamza nga Partia Demokratike e Kosovës(PDK).

Në Lipjan, në rundin e parë fitoi kandidati Imri Ahmeti nga Lidhja Demokratike e Kosovës(LDK).

Në Suharekë, zgjedhjet për kryetar i fitoi Bali Muharremaj nga Aleanca për Ardhmërinë e Kosovës(AAK).

Pejën e fitoi Gazmend Muhaxheri nga Lidhja Demokratike e Kosovës(LDK).
Në Ferizaj, në rundin e parë fitoi Agim Aliu nga Partia Demokratike e Kosovës(PDK).

Ndërkaq ,në Hanin e Elezit fitues doli Mehmet Ballazhi nga Partia Demokratike e Kosovës(PDK).

Partia serbe, Lista Serbe, ka fituar më së shumti komuna në këto zgjedhje lokale. Kjo parti ka arritur të fitojë në nëntë komuna, të cilat janë të banuara me shumicë serbe.

Pa balotazh, Lista Serbe ka fituar në Leposaviq me kandidatin Zoran Todiq, në Zubin Potok me Sërxhan Vuloviqin, në Zveçan me Dragisha Milloviqin, në Mitrovicë të Veriut me Milan Radojeviqin, në Graçanicë me Liljana Suboviqin, në Novobërdë me Sasha Millosheviqin, në Shtërpcë me Dalibor Jevtiqin, në Ranillug me Katarina Ristiqin dhe në Partesh me Dragan Petkoviqin.

Komunat që do të garojnë për rundin e dytë:

Në Komunën e Gllogovcit do të ketë balotazh mes Ramiz Lladrovcit të PDK-së me 45.50 për qind të votave dhe Driton Ajazit nga Demokratët për Drenasin me 30.50 për qind të votave.

Gjilani do të ketë balotazh ndërmjet Lutfi Hazirit nga LDK-ja që mori 43.51 për qind të votave, dhe Alban Hysenit nga LVV-ja që mori 44.71 për qind të votave.

Komuna e Gjakovës do të ketë balotazh ndërmjet Ardian Gjinit të AAK-së me 45.76 për qind të votave dhe Mimoza Kusari-Lilës së LVV-së me 37.20 për qind të votave.

Komuna e Kaçanikut do të ketë balotazh mes Besim Ilazit nga PDK-ja me 44.67 për qind të votave dhe Jeton Rakës nga LVV-ja me 33.36 për qind të votave.

Dragashi në balotazh do ta ketë Bexhet Xheladinin nga LDK-ja që mori 35.69 për qind të votave dhe Shaban Shabanin nga PDK-ja që mblodhi 32.56 për qind tëvotave.

Burim Berisha i LDK-së me 49.72 për qind të votavedhe Enver Bajçinca nga LVV-ja me 25.58 për qind të votave, do të jenë në balotazh për Fushë Kosovën.

Në Istog në balotazh do të jenë Ilir Ferati i LDK-së me 41.09 për qind të votave të fituara dhe Bekë Berisha nga AAK-ja me 24.49 për qind të votave.

Balotazhi në komunën e Obiliqit zhvillohet ndërmjet Xhafer Gashit nga Iniciativa Qytetare për Obiliqin me 48.12 për qind të votave dhe Halil Thaçit të LVV-së me 20.19 për qind të votave.

Në komunën e Klinës në balotazh shkojnë Zenun Elezaj nga AAK-ja me 43.33 për qind të votave dhe Esat Raci nga PDK-ja me 27.42 për qind të votave.

Në Kamenicë në balotazh shkojnë Qëndron Kastrati nga PSD-ja me 32.52 për qind të votave dhe Kadri Rahimaj nga LVV-ja me 31.01 për qind të votave.

Në balotazh në Rahovec do të jenë Smajl Latifi i AAK-së me 47.18 për qind të votave dhe Visar Korenica i LVV-së me 24.84 për qind të votave.

Komuna e Podujevës shkon në balotazh ndërmjet Ekrem Hysenit të LDK-së me 44.20 për qind të votave dhe Shpejtim Bulliqit të LVV-së me 44.16 për qind të votave.

Kryeqyteti i Kosovës, Prishtina, shkon në garën e balotazhit ndërmjet Arben Vitisë së LVV-së me 45.54 për qind të votave dhe Përparim Ramës së LDK-së me 29.17 për qind të votave.

Në Viti në balotazh shkojnë Sokol Haliti i LDK-së me 41.30 për qind të votave dhe Arsim Ademi i LVV-së me 34.50 për qind të votave.

Në Prizren në balotazh takohen Mytaher Haskuka i LVV-së me 40.41 për qind të votave dhe Shaqir Totaj nga PDK-ja me 31.36 për qind të votave.

Komuna e Junikut shkon në balotazh mes Agron Kuçit nga AAK-ja me 45.19 për qind të votave dhe Ruzhdi Shehut të LDK-së me 42.01 për qind të votave.

Komuna e Malishevës shkon në balotazh mes Ekrem Kastratit nga Nisma Socialdemokrate me 34.08 për qind të votave dhe Isni Kilajt të PDK-së me 28.82 për qind të votave.

Në Vushtrri në balotazh kanë shkuar Ferit Idrizi i PDK-së me 10 247 vota ose 34.81 për qind, dhe Xhafer Tahiri i LDK-së me 9 956 vota ose 33.82 për qind.

Në Shtime në balotazh garojnë Qemajl Aliu i VV-së me 45.29 për qind të votave dhe Naim Ismajli i PDK-së me 44.23 për qind të votave.

Kllokoti shkon në balotazh mes Vladan Bogdanoviqit nga Lista Serbe me 41.01 për qind të votave dhe Strahinja Spasiq nga Gi Srpska Narodna Sloga me 36.33 për qind të votave.

Komuna e Mamushës shkon në balotazh me Abdulhadi Krasniqi nga Kosova Demokratik Turk Partisi me 48.92 për qind të votave dhe Arif Butuqi nga Kosova Adalet Turk Partisi me 36.95 për qind të votave./REL

The post Shpallen rezultatet përfundimtare të zgjedhjeve në Kosovë, 21 komuna në balotazh appeared first on Albeu.com.

Përmes këtij raporti duam tju prezentojmë disa nga trendet dhe gjetjet kryesore të fushatës politike në televizionet e Kosovës. Shërbimi Nielsen TV AdIntel për Kosovë u themelua në fillim të këtij viti. Monitoruam të gjitha reklamat dhe paraqitjet e sponzorizuara politike në televizionet kryesore të vendit.

Gjetjet kryesore:

– Përveç reklamimit klasik të fushatës, pjesëmarrësit në këto zgjedhje gjithashtu përdorën programe të paguara politike për promovimin e tyre. U transmetuan gjithsej 21:57:19 ore reklamim (pothuajse një ditë) dhe 38:45:00 orë program i paguar politik (një ditë e gjysëm).
– Intenziteti i reklamimit si dhe miksi i TV stacioneve të përdorura nga partitë politike ka llojllojshmëri të gjërë.
– Dukshëm numër më i lartë reklamash u porositën nga PDK me kohëzgjatje totale më të gjatë se të gjitha partitë bashkë.

– Dukshëm numër më i lartë reklamash u porositën nga PDK me kohëzgjatje totale më të gjatë se të gjitha partitë bashkë (mbi 5 orë reklamim).
– Në televizionin RTK 1, prani ka pasë vetëm PDK me gati se 1 orë reklamim.
– LDK është reklamuar me gati se 1 orë materijal reklamues vetën në TV Dukagjini
– Lëvizja Vetëvendosje ka pothuajse 30 min reklamim total, kryesisht në TV Dukagjini dhe më pak në KTV
– AKR është reklamuar vetëm në TV KLAN

Përveç reklamave klasike (spote) partitë politike poashtu kanë shfrytëzuar edhe Programe të paguara politike. Programet e paguara politike kanë pasë kohëzgjatje mesatare prej 21 minutash, ku përveç PDK aktivitet të lartë ka pasë dhe LDK.

Tek Programet e paguara politike, përsëri dominim ka PDK me 56.6% dhe LDK me 26.4%.

Roli i Komisionit Qendror të Zgjedhjeve – KQZ

KQZ kishte rolin kryesor të zbatimit të suksesshëm të zgjedhjeve dhe nuk habit fakti se është edhe reklamuesi më i madh në TV në kategorinë e reklamimit politik në periudhën 15.09-15.10.2021.

Porositë kryesore që u transmetuan gjatë fushatës ishin:

-Si të votoni: Si të plotësoni fletën e votimit dhe si të silleni në vendin e votimit (78% të minutave reklamuese)
-Rregullat për Covid19: Si të respektoni masat mbrojtëse epidemiologjike (13% të minutave reklamuese)
-Votimi i hershëm: Theks i veçantë në procedurën e votimit për pëersonat me nevoja të veçanta. (9% të minutave reklamuese)

Të dhënat e prezantuara janë vetëm pjesë e vogël e bazës së madhe të të dhënave.

The post Nielsen: Sa ndikojnë televizionet gjatë fushatës zgjedhore appeared first on Albeu.com.

“Mua më duket një lloj aleance e pamundur. Që nga baza elektorale e partive deri te fryma që ka. Vetëvendosja ka filluar si lëvizje shumë vite përpara. Rritja e fundit ka qenë sepse u hap shumë ndaj figurave që ishin drejtues. Krijoi frymë dhe afroi njerëz që kishin vota me baza lokale. Mori atë që mund të merrte nga partitë e tjerë. Ka ngelur shumë pak elektoral në PDK që mund të kalojë në Vetëvendosje. Janë shumë të ndryshme dhe më duket e pamundur”, u shpreh Sherifi.

Ndërsa ish-kandidatja për kryetare të Partisë Demokratike Edith Harxhi theksoi se këto zgjedhje treguan se ka lëvizje të elektroratit në Kosovë, veçanërisht në radhët e diasporës. Ashtu si Sherifi, ajo u shpreh skeptike për një bashkëpunim të mundshëm mes Vetëvendosjes dhe PDK-së.
“Vetëvendosja ka pasur mungesë perfomance me premtimet që ka dhënë deri tani. Ka pasur një lëvizje të elektoratit në Kosovë. Nëse do bëhej sondazh tani për diasporën jam e sigurt që nuk do votohej ashtu si ishte. Mendoj se ka të bëjë edhe me personalizimin e fushatës nga Kurti. Është ndjerë fryma e re me Memli Krasniqin dhe me LDK. Unë mendoj se ata po shkojnë aty ku kanë qenë. Nuk kanë rritje shumë të madhe. LDK të mos fitojë Gjilanin apo të zhvendoset nga Prizreni është shumë e rëndë.

Dje në Maqedoni shumica e partive politike në Maqedoni dolën dhe shpallën fitoren, gjë që nuk ndodhi Kosovë. Nuk besoj se PDK do jetë në koalicion me Vetëvendosjen, vetëm nëse do rrëshkasi nga fryma e Rugovës përfundimisht. Kosova voton edhe në këtë formë”, tha ajo. /abcnews.al

The post LDK aleancën me Vetëvendosjen? Harxhi dhe Sherifi: E pamundur appeared first on Albeu.com.

Nga numërimi i mbi 96% të votave, prin Lëvizja Vetëvendosje me 28.59% të votave, e pasuar nga Lidhja Demokratike e Kosovës me 25.83% të votave.

Kujtojmë se në balotazh për kryetar të Prizrenit kanë shkuar Mytaher Haskuka i Vetëvendosjes dhe Shaqir Totaj i PDK-së.

The post Garë e nxehtë për Kuvendin Komunal të Prizrenit, rezultat i ngushtë mes VV-së dhe PDK-së appeared first on Albeu.com.

LVV-ja doli e para nga votat e numëruara në kryeqytet, por jo mjaftueshëm sa për ta marrë drejtimin e Prishtinës me të parën.

Edhe me votat për Kuvendin Komunal, LVV-ja dhe LDK-ja janë partitë me më së shumti vota. Nga numërimi i mbi 86% të votave për Kuvendin Komunal, LVV-ja prin me 34,22%, ndërsa LDK-ja radhitet e dyta me 26,57%, raporton Gazeta Express.

Sipas rezultateve të deritashme të publikuara nga Komisioni Qendror i Zgjedhjeve, PDK-ja ka marrë 18,40% të votave për asamblistë, ndërsa AAK-ja ka marrë 10,36%, duke e lënë pas AKR-në me 5,51%.

Arben Vitia nga Lëvizja Vetëvendosje ka marrë 42,33% të votave s i kandidat për kryetar në kryeqytet, pasuar nga Përparim Rama i Lidhjes Demokratike të Kosovës, i cili i ka marrë 29,35%

Kandidati i Partisë Demokarike të Kosovës, Uran Ismaili ka arritur t’i marrë 21,64% të votave, ndërsa Daut Haradinaj i Aleancës për Ardhmërinë e Kosovës, Daut Haradinaj, 4,50%./GazetaExpress

The post Numërohen 86% e votave për Kuvend Komunal, ky është rezultati në Prishtinë appeared first on Albeu.com.

Sot në Kosovë zhvillohen zgjedhjet lokale. Sipas Komisionit Qendror të Zgjedhjeve (KQZ), zgjedhjet zhvillohen në 38 komuna të Kosovës, ndërkaq numri i votuesve në këto zgjedhje është 1,885,448. Ndërkohë, dyzet e njëmijë e dymbëdhjetë është numri i qytetarëve që sivjet kanë mbushur 18 vjet. Sot, ata do të kenë mundësi të votojnë për herë të parë, në zgjedhjet komunale. Numri i qendrave të votimit në tërë Kosovën është 883 ndërkaq i vendvotimeve është 2,477.

Në këto zgjedhje garojnë 166 kandidatë për kryetar të komunave, prej të cilëve 152 janë të gjinisë mashkullore e vetëm 14 të gjinisë femërore. Ndërkohë, numri i kandidatëve për Kuvende Komunale është 5,198, prej të cilëve 3,261 janë të gjinisë mashkullore e 1,937 të gjinisë femërore. Të gjithë këta kandidatë do të garojnë për gjithsej 1,002 ulëse nëpër Kuvendet Komunale.

Kryetari i Komisionit Qendror të Zgjedhjeve, Kreshnik Radoniqi, ka votuar i pari duke hedhur votën e tij në shkollën fillore “Lidhja e Prizrenit” në Pejë. Ai u ka bërë thirrje partive politike dhe këshillave të vendvotimeve që të kontribuojnë në mbarëvajtjen e procesit zgjedhor.

“Meqenëse është fillimi i ditës qendra e votimit është hapur në ora 7:00. Ftoj të gjithë qytetarët e Kosovës që të shfrytëzojnë këtë të drejtë votuese. Partitë politike dhe këshillat e vendvotimeve të kontribuojnë në mbarëvajtje të procesit zgjedhor”, ka thënë Radoniqi.

The post Zgjedhjet lokale në Kosovë: Nis procesi në të gjitha qendrat, i pari voton kryetari i KQZ appeared first on Albeu.com.