Ai u shpreh se iu duhet kohë për përgatitjen e procesit zgjedhor.

“Sa i përket datës, kemi kërkuar që të kemi sa më shumë kohë, na duhen përgatitje sepse nuk është proces i lehtë. I mbetet presidentes. Gjykata Kushtetuese e ka caktu, 31 maji ose 7 qershori. Për ne është 7 qershori, tash i mbetet presidentes me vendosur”, ka deklaruar ai.

Kreu i KQZ-së theksoi se nuk kanë diskutuar për buxhetin që i duhet institucionit për organizimin e zgjedhjeve, por shtoi se “besoj do të jetë përafërsisht si në zgjedhjet e kaluara”.

Sipas REL, zgjedhjet e fundit parlamentare, të mbajtura më 28 dhjetor 2025, Kosovës i kushtuan rreth 7 milionë euro.

7 qershori është afati i fundit i mundshëm për mbajtjen e zgjedhjeve.

Zgjedhjet e reja vijnë pasi Kuvendi dështoi ta zgjedhë një president të ri brenda afatit, duke e zhytur vendin në një krizë të re politike.

The post KQZ propozon datën për mbajtjen e zgjedhjeve të parakohshme në Kosovë appeared first on Albeu.com.

Arbëria Ngavci, shefja e Grupit Parlamentar të LLV-së, pas përfundimit të seancës së jashtëzakonshme në Kosovë deklaroi se partia e saj do të bëjë përpjekjet e fundit “për të shmangur zgjedhjet”.

“Do të bëjmë përpjekjet tona deri në fund që të shmangim zgjedhjet e reja. E patë që dy kandidaturat e fundit edhe zëvendëskryeministri Konjufca edhe deputetja, doktoresha Fatmire Mulhaxha Kollçaku tashmë i tërhoqën kandidaturat e tyre dhe po bëjmë edhe një hap tjetër përpara, tejet të rëndësishëm në mënyrë që të shmangim të zgjedhjeve të reja. Deri në përfundim të afatit do të angazhohemi dhe shpresojmë që vendi të bëhet me president brenda afatit kushtetues”, tha Nagavci.

Glauk Konjufca, Zëvendëskryeministri aktual i cili ishte propozuar për president u tërhoq zyrtarisht nga kandidatura. Gjithashtu edhe deputetja e LVV-së Fatmire Kollçaku, e cila ishte kandidatja e dytë e propozuar, u tërhoq nga gara. Pas tërheqjes nga kandidaturat, kryetarja e Kuvendit, Albulena Haxhiu, e mbylli seancën e jashtëzakonshme.

Ndërsa njoftoi se ka pranuar kërkesën e Grupit Parlamentar të Lëvizjes Vetëvendosje për thirrjen e një seance të jashtëzakonshme për zgjedhjen e Presidentit. Sipas njoftimit, seanca do të mbahet sot në orën 20:30.Në kuadër të kësaj kërkese, janë propozuar dy kandidatura për postin e Presidentit: Feride Rushiti dhe Hatixhe Hoxha.

Haxhiu u ka bërë thirrje të gjithë deputetëve të Kuvendit të Republikës së Kosovës që të marrin pjesë në këtë seancë, duke theksuar rëndësinë e përmbushjes së obligimeve kushtetuese.

Konjufca akuzoi më herët partitë opozitare se përmes kourumit për presidentin kërkon të rrëzojë Qeverinë Kurti 3, e cila u formua katër muaj më parë. Ai shtoi se edhe nesër deputetët kanë afat të zgjedhin presidentin.

“Kjo Qeveri po dëshirojnë të rrëzohet përmes presidentit”, tha Konjufca.

Kuvendi i Kosovës zhvilloi sot një seancë lidhur me zgjedhjet e Presidentit të Republikës së Kosovës, por partitë opozitare bojkotuan. Gjykata Kushtetuese ka vendosur se nëse deputetët nuk arrijnë të zgjedhin presidentin deri me datë 28 prill atëherë vendi shkon në zgjedhje të cilat duhet të mbahen brenda 45 ditëve.

The post Konjufca dhe Kollçaku bëjnë “prapa-kthehu”, Gjykata Kushtetuese jep paralajmërimin e fundit: Zgjidheni Presidentin deri nesër ose Kosova shkon në zgjedhje! appeared first on Albeu.com.

Kjo pasi, Lëvizja Vetëvendosje në pushtet, dhe Lidhja Demokratike e Kosovës në opozitë, dështuan që të arrinin një marrëveshje të hënën, ndërkaq disa orë më vonë, subjekti më i madh opozitar, Partia Demokratike e Kosovës, tha se e konsideron “të përmbyllur” kontributin e saj sa i përket çështjes së zgjedhjes së presidentit.

Afati kushtetues për zgjedhjen e presidentit skadon më 28 prill dhe nëse deri atëherë nuk zgjedhet një president, Kosova do të mbajë zgjedhje të reja.

Dhe teksa ky afat po shkon drejt fundit, njohës të zhvillimeve politike thonë se partia në pushtet nuk po dëshiron zgjidhje, ndërkaq ato opozitare nuk i dëshirojnë zgjedhjet, por as “t’i nënshtrohen” LVV-së së Albin Kurtit.

Pas takimit të zhvilluar më herët gjatë ditës, udhëheqësi i LVV-së, kryeministri Albin Kurti, tha për mediat se kryetari i LDK-së, Lumir Abdixhiku, nuk i pranoi ofertat e tij për një marrëveshje dhe tregoi se ai tashmë i ka shkruar liderit të partisë kryesore opozitare, Bedri Hamzës së Partisë Demokratike të Kosovës (PDK), për një takim të mundshëm.

“Më duhet të them se bisedimet ishin të pasuksesshme sepse asnjëra nga ofertat tona nuk u pranua nga kreu i LDK-së”, tha Kurti duke paralajmëruar se vendi rrezikon të shkojë përsëri në zgjedhje të parakohshme, nëse presidenti i ri nuk zgjidhet deri më 28 prill.

Ai tha se ia ofroi LDK-së, në bashkëqeverisje me partnerët e tjerë, ta ketë zëvendëskryeministrin, Ministrinë e Punëve të Jashtme dhe tri Ministri të tjera.

Në një ofertë tjetër, Kurti tha se ia ofroi LDK-së postin e kryetarit të Kuvendit të Kosovës.

“Unë kam preferuar që zëvendës i imi të bëhet pikërisht Abdixhiku, dhe në këtë mënyrë të fillojmë kapitull të ri bashkëpunimi mes LDK-së dhe LVV-së”, theksoi Kurti.

Ndërkohë, Abdixhiku theksoi se nuk do të takohet më me Kurtin pas dështimit të bisedimeve.

“U përpoqa, provova, nuk arrita, fatkeqësisht. Tani do t’i kthehem LDK-së dhe do t’i kthehem misionit të madh të bashkimit të së djathtës brenda LDK-së”, ka thënë Abdixhiku pas takimit, duke përsëritur qëndrimin e partisë së tij, që një parti nuk mund t’i udhëheqë tre institucionet kryesore në vend: Kuvendin, Qeverinë dhe Presidencën.

Sipas tij, kryeministri Kurti ka insistuar që pozita e presidentit t’i mbetej partisë së tij.

Kurti, në anën tjetër, nguli këmbë se nuk dëshiron që partia e tij t’i udhëheqë tri institucionet kryesore të vendit.

Ndërkohë, i pyetur nëse ka një përafrim mes LDK-së dhe ish-presidentes Vjosa Osmani, të cilës i skadoi mandati më 4 prill, Abdixhiku ka deklaruar se diçka e tillë do të ishte lajm i mirë edhe për Kosovën edhe për LDK-në.

“Është qëllimi im dhe do të punoj për këtë qëllim deri në ditën e fundit”.

Ndërkaq, pas mbledhjes së Këshillit Drejtues partiak, PDK tha ka dëshmuar “gatishmëri” për të kontribuuar për zgjedhjen e një presidenti të ri, pasi ish-presidentes së Kosovës, Vjosa Osmani, i përfundoi mandati pesëvjeçar më 4 prill.

PDK tha se ka mbështetur mundësinë e një kandidati konsensual, “pa asnjë kushtëzim” apo përfshirje në bashkëqeverisje.

“Megjithatë, përkundër kësaj qasjeje konstruktive, mungesa e vullnetit politik dhe seriozitetit institucional nga ana e pushtetit aktual po e pamundëson përsëri zgjedhjen e Presidentit të ri. Rrjedhimisht, PDK e konsideron kontributin e saj në këtë proces të përmbyllur”, u tha në njoftim.

Në mbledhjen e së hënës, PDK miratoi një deklaratë politike, ku tha se vendi po përballet me kriza të njëpasnjëshme politike dhe institucionale “të shkaktuara drejtpërdrejt nga shumica parlamentare, e cila përmes bllokadave të vazhdueshme dhe mungesës së përgjegjësisë shtetërore po e paralizon funksionimin normal të institucioneve, po i politizon ato dhe po e dëmton interesin qytetar e shtetëror”.

Kurti, pas takimit me Abdixhikun deklaroi se i ka dërguar ftesë PDK-së për takim. Kur u pyet nëse do t’i bënte ndonjë ofertë të ngjashme edhe PDK-së, Kurti nuk deshi të tregojë, por shtoi se “oferta për bashkëqeverisje që u ofrua për LDK-në ka qenë ekskluzive për LDK-në”.

Kurti e ka kritikuar PDK-në se në bisedimet e mëparshme kishte kërkuar që dikush nga partia opozitare të zgjidhej president pa treguar emrin e kandidatit të mundshëm.

Ai e përsëriti këtë edhe të hënën, duke thënë: “PDK-ja ka kërkuar nga unë që të bëjë marrëveshje politike blanko ku ata i propozojnë dy kandidatët e ne ua votojmë”.

Për dështimin e bisedimeve LVV-LDK për çështjen e presidentit, politologu Dritëo Arifi ia vë fajin partisë në pushtet.

Sipas tij, problemeve duhet dhënë zgjidhje dhe drejtim.

“Në këtë rast, sidomos partia në pushtet nuk po dëshiron drejtim të saktë, dëshiron një mënyrë që të viktimizohet, që kinse janë të tjerët që nuk po i lënë hapësirë që të punojë. Që një vit e gjysmë jemi pak a shumë në këtë krizë, ku partia e parë nuk po dëshiron zgjidhje, por në njëfarë mënyrë po dëshiron kapje dhe nënshtrim të çdo gjëje që ekziston në Kosovë”, thotë ai për Radion Evropa e Lirë.

Sipas tij, një qasje e tillë i dëmton të gjithë, veçmas LVV-në, duke paralajmëruar se partia e Kurtit mund të humbasë besimin e qytetarëve “nëse vazhdon që të ankohet rregullisht, vazhdimisht dhe për çdo gjë”.

I pyetur se a mendon se ka gjasa për një marrëveshje mes LVV-së dhe PDK-së, Arifi shprehet skeptik, por thotë se gjërat mund të lëvizin në moment të fundit.

Ai thotë se opozita nuk dëshiron zgjedhjet, por “as nënshtrim”.

“Mendoj që partitë opozitare edhe nuk po kanë dëshirë që të shkojnë në zgjedhje, por nuk po duan që të nënshtrohen brutalisht. Në njëfarë forme nuk po shoh marrëveshje normale”, thotë Arifi.

Sipas Kushtetutës, presidenti i Kosovës zgjidhet me dy të tretat e votave në dy rundet e para apo me 61 vota në rundin e tretë, por nevojiten 80 deputetë në sallë që seanca të mundë të mbahet.

Prandaj, nevojitet një marrëveshje mes partive parlamentare për këtë çështje, duke qenë se asnjëra parti – madje as ajo në pushtet e Kurtit, Lëvizja Vetëvendosje me 57 deputetë – nuk e ka një numër kaq të madh deputetësh në Kuvendin me 120 vende.

Pasi Vjosa Osmanit i mbaroi mandati në fillim të muajit dhe vendi nuk arriti ta emërojë zëvendësuesin e saj, kryetarja e Kuvendit, Albulena Haxhiu, u emërua ushtruese e detyrës së presidentit më 4 prill.

Edhe vetë Haxhiu u bëri thirrje të dielën partive për arritjen e një konsensusi për zgjedhjen e presidentit, duke theksuar se vendi nuk duhet të shkojë në zgjedhje të jashtëzakonshme./REL

The post Partitë pa ujdi për presidentin, Kosova drejt zgjedhjeve të reja appeared first on Albeu.com.

“Ky është sigurisht fjalimi i tij i parafundit dhe ndoshta fjalimi i fundit vjetor si president i republikës. Është shumë e mundur që të jetë e fundit”, tha Vuçiç, duke lënë të hapur mundësinë e shkuarjes drejt zgjedhjeve të parakohshme në 2026.

Kujtojmë se ai ka plotësuar kërkesën kryesore të opozitës dhe studentëve që protestojnë prej disa muajsh nëpër sheshe, duke njoftuar mbajtjen e zgjedhjeve të parakohshme parlamentare në vitin e ri që po vjen, 2026.

Kjo deklaratë pasoi nismën e studentëve për mbledhjen e nënshkrimeve anembanë Serbisë, ku kërkohej shpallja e zgjedhjeve të parakohshme parlamentare.

Vuçiç tha se bllokuesit e rrugëve donin të krijonin, si në Ukrainë, revolucionin e quajtur “Maidan”, duke e futur vendin në kaos me pushtimin e ndërtesave të Presidencës dhe Asamblesë Kombëtare. Sipas presidentit, ata do të kishin pasur sukses nëse nuk do të kishte pasur rezistencë popullore.

“E kemi pranuar kërkesën e tyre kryesore. Vitin e ardhshëm do të shkojmë në zgjedhje parlamentare, por vetëm se nuk do të jenë aq të lumtur kur t’i numërojnë votat. Do të shkojmë në zgjedhje që t’i mposhtim kundërshtarët tanë politikë, që janë pa program e pa ide në çdo qytet të Serbisë.

U organizuan më shumë se 25,000 tubime të paligjshme. Ata bllokuan trafikun dhe u përpoqën që të kishte viktima. Kjo është arsyeja pse them se ata donin të krijonin një Maidan, duke krijuar kaos. Zgjedhjet nuk fitohen me gënjeshtra, por me punë të vërtetë, duke luftuar për qytetarët e Serbisë, duke luftuar për popullin”, tha ai pak ditë më parë.

The post Serbia drejt zgjedhjeve të parakohshme në 2026! Vuçiç në konferencën vjetore: Ky mund të jetë fjalimi im i fundit si President i Republikës appeared first on Albeu.com.

Rreth 2 milionë e 76 mijë e 290 votues qytetarë, kanë të drejtë vote në këto zgjedhje, të cilat janë të dytat parlamentare që mbahen brenda një viti.

Në garë janë gjithsej 1.146 kandidatë nga 23 subjekte politike, ndërsa sipas të dhënave zyrtare, në këto zgjedhje janë të regjistruar për të votuar gjithsej 1 milion e 999 mijë e 24 qytetarë.

Gara për postin e kryeministrit përfshin Albin Kurtin nga Lëvizja Vetëvendosje (LVV), Bedri Hamzën nga Partia Demokratike e Kosovës (PDK), Lumir Abdixhikun nga Lidhja Demokratike e Kosovës (LDK), si dhe Ramush Haradinajn.

Një ditë më parë, të drejtën e votës e ushtroi diaspora, ku sipas të dhënave, pjesëmarrja arriti në 81%.

Sot ka votuar edhe Kryetari i Komisionit Qendror të Zgjedhjeve, Kreshnik Radoniqi, i cili e hodhi votën e tij në Pejë.

Pas votimit, Radoniqi u bëri thirrje qytetarëve që të marrin pjesë në procesin zgjedhor dhe ta ushtrojnë të drejtën e tyre demokratike.

The post Kosova mban sot zgjedhjet e parakohshme parlamentare appeared first on Albeu.com.

Më 2 dhjetor, KQZ-ja s’e kishte certifikuar Listën Serbe për zgjedhjet e parakohshme. Ngjashëm kishte vepruar edhe në zgjedhjet parlamentare të 9 shkurtit dhe ato lokale më 12 tetor.

Si në dy rastet e kaluara, edhe në këtë të fundit, partia më e madhe e serbëve në Kosovë ishte ankuar në PZAP. Dhe PZAP-ja sërish i ka dhënë të drejtë.

Në vendimin e publikuar më 5 dhjetor, PZAP-ja ka thënë se vendimi i KQZ-së është i paligjshëm dhe jokushtetues.

“Vendimi i KQZ-së është në kundërshtim me nenet 31 dhe 45 të Kushtetues, si dhe në kundërshtim me nenet 16, 17, 26, 27 dhe 30 të Ligjit për Zgjedhjet e Përgjithshme. Urdhërohet KQZ-ja ta konfirmojë subjektin politik Lista Serbe në përputhje me Ligjin për Zgjedhjet e Përgjithshme”, thuhet në vendimin e PZAP-së.

Në mbledhjen e së martës në KQZ, dy anëtarët e Lëvizjes Vetëvendosje kundërshtuan certifikimin e Listës Serbe, ndërsa kryesuesi Kreshnik Radoniqi e anëtarja serbe votuan pro. Ndërkohë shtatë anëtarët e tjerë abstenuan./koha.net

The post Zgjedhjet e parakohshme të 28 dhjetorit në Kosovë, certifikohet pjesëmarrja në garë e Listës Serbe appeared first on Albeu.com.

Sipas saj, kuvendi duhet të konstituohet sa më shpejt sepse qytetarët e Kosovës mezi presin të merren vendime të tjera në të mirë të vendit.

“Situatat politike, apo kjo që po ballafaqohet Kosova për zgjedhjet e jashtëzakonshme janë normale në demokraci. Shpresa ime është që menjëherë pas zgjedhjeve të kemi konstituim të Kuvendit. Shpresoj që të kemi qeveri sa më parë sepse qytetarët e Kosovës mezi presin. Festa e 28 nëntori i bashkon të gjithë shqiptarët.

Çdo iniciativë që e afron më shumë Kosovën me Shqipërinë është shumë e mirëseardhur. Unë besoj që kjo rrugë, Shkodër-Gjakovë, do të hapë edhe më shumë rrugë të tjera jo vetëm fizike dhe gjeografike, edhe rrugë bashkëpunimi, në ekonomi, turizën dhe kulturës’, u shpreh Osmani.

The post Zgjedhjet e parakohshme në Kosovë/ Presidentja Osmani nga Shkodra: Situatë normale në demokraci appeared first on Albeu.com.

Berisha tha se edhe bojkoti është një opsion, por vendimet do të merren me strukturat e PD. Një koment e ka edhe për Ogerta Manastirliun e cila do të jetë kandidatja e PS.

“Vendimet do bëhen të ditura. Me Ramën nuk ka kurrë zgjedhje të lira. Ka dy taktika, edhe ajo është një taktikë. Në përpjekjen e betejës, bojkoti është një armë, është një formë, por ndofta forma më e lehtë.

Rama për të mbuluar këtë piramidë krimi që ngrihet sot para shqiptarëve në Kuvendin e drogës, nxori përsëri nga qelia Veliajn. Do të tërheqë mediat me probleme bashkisë së Tiranës dhe përmallim madh të Ogertës. U shkri në dënesë Ogerta kur mor vesh lajmin se do të kandidohet. Janë shashka për mediat dhe për opozitën”, tha Berisha.

The post Zgjedhjet e parakohshme të Tiranës do të bojkotohen? Flet Berisha: Është një opsion, Ogerta u shkri në dënese kur mori vesh lajmin se do jetë kandidate appeared first on Albeu.com.

Milatoviç, sipas tij, duhet të mbledhë të gjithë aktorët politikë dhe së bashku të përcaktojnë datën e re të zgjedhjeve.

“Mund të jetë në fund të qershorit, para sezonit”, tha Abazoviç në një intervistë për TV Prva.

Çështja, siç theksoi ai, është se “presidenti legjitim dhe deputetët legjitimë” mund të përcaktojnë bashkërisht datën e zgjedhjeve.

“Nuk mendoj se është mirë që Gjukanoviç të shkarkojë deputetë kështu, është e papranueshme”, tha Abazoviç.

Gjukanoviç, pas miratimit të dekretit për shpërndarjen e Kuvendit, shpalli zgjedhjet e jashtëzakonshme parlamentare për 11 qershor./albeu.com

The post Abazoviç, kërkesë presidentit të ri: Anulo vendimin e Gjukanoviç për zgjedhjet e parakohshme appeared first on Albeu.com.

“Unë e bojkotoj Kuvendin e Shqipërisë!

Nga një email paçavure, pa asnjë etikë dhe profesionalizëm, më ftojnë të shkoj në një komision të Kuvendit të Shqipërisë, për të marrë pjesë në një dëgjesë publike me deputetë atje, mbi reformën territoriale dhe administrative!

Gjoja si ekspert!

Unë u përgjigjem publikisht: Refuzoj të marr pjesë; Unë e bojkotoj atë!

Sepse dëgjesat publike janë kthyer në teknika manipulimi të ndyra për të gënjyer me propagandë opinionin publik sikur gjoja kanë dëgjuar dhe marrë pjesë ekspertë në reforma!

Unë ftoj për bojkot të gjithë ata që thërriten në këto paçavure dëgjesash! Pas përvojave që kam pasur, e kam marrë këtë vendim jo vetëm se të bëjnë budalla, por edhe të fyejnë, të përdorin, as ta venë veshin, madje edhe të dhunojnë psikologjikisht!

Kam kuptuar se të shkosh atje do të thotë ose të bësh qokë që ta kërkojnë, ose të jesh i shitur, ose të mos kuptosh se çfarë po bën!

Ftesa e tyre nuk shoqërohet me asnjë tematikë, me asnjë material paraprak të dërguar, me asnjë informacion mbi të drejtat e atyre si unë, që i kanë caktuar si figurantë!

Unë nuk vij, sepse bojkotoj!

Bojkotoj Kuvendin e Shqipërisë për një mijë arësye!

Mbi të gjitha, sepse mendoj që gjëja më e mirë që mund të bëjë ai Kuvend, është të shpërndahet! Vendi duhet të shkojë në zgjedhje të parakohëshme, pikërisht sepse ai Kuvend nuk është legjitim, moralisht, politikisht, ligjërisht!

Keni vënë re ju atje edhe opozitarët: Gjithçka thonë, betohen e stërbetohen, por askush nga opozitarët nuk ka bythë të thotë: Duhet të kalojmë në zgjedhje të parakohëshme! Vendi është në krizë politike të rëndë!

Shumë të rëndë”, shkruan Fuga.

The post Revoltohet Artan Fuga: Të shpërndahet Kuvendi dhe të shkojmë në zgjedhje të parakohshme appeared first on Albeu.com.