Në fjalën e tij, Celibashi u shpreh se, në kuadër të përgatitjes së administrimit dhe të shpalljes së zgjedhjeve vendore të 14 Majit 2023, janë miratuar nga Komisioneri Shtetëror i Zgjedhjeve, 852 akte nënligjore, nga të cilat 825 janë vendime, 5 udhëzime dhe 22 urdhra.

Gjithashtu, ai shtoi se; “janë miratuar si bashkë kompetencë me nënkomisionerin Shtetëror të Zgjedhjeve kryesisht çështje që kanë të bëjnë me identifikimin elektronik, 16 akte nënligjore, prej të cilave 6 janë vendime dhe 10 janë urdhra të karakterit organizativ dhe administrativ”.

Ndërsa Komisioni Rregullator i KQZ-së, ka miratuar 33 vendime në kuadër të këtij procesi tha Celibashi.

“Në përgatitjen e këtij procesi zgjedhor, KQZ rekrutoi një staf shtesë prej 352 punonjësish, të cilët ishin mbështetja e stafit të përhershëm të KQZ-së. Nga buxheti i shtetit u akorduan rreth 1.8 miliardë lekë nga fondi rezervë, kurse 800 milionë të tjera ishin për realizimin e votimit elektronik dhe iu dhanë KQZ-së nga fondi rezervë i Këshillit të Ministrave”, tha Celibashi.

Sa i përket listës së zgjedhësve, Celibashi u shpreh se, “KQZ realizoi procesin e mbikëqyrjes së drejtpërdrejtë të procesit të përgatitjes së listës së zgjedhësve, bazuar kjo në raportimet e dy auditëve teknicienë, të cilët në mënyrë periodike informuan KQZ-në, por dhe partitë politike mbi të gjitha aspektet e përgatitjes së listës së zgjedhësve së zgjedhjeve të shkuara”.

Celibashi nënvizoi se, aspekt tjetër i rëndësishëm i veprimtarisë së KQZ-së ka qenë procesi i monitorimit mbi raportimin e institucioneve publike dhe veprimtarinë e tyre në kuadër të këtyre zgjedhjeve.

“Sipas të dhënave që rezultojnë nga platforma përkatëse elektronike e KQZ-së janë 716 institucione publike të cilat janë të regjistruar tashmë nga 361 që kanë qenë në zgjedhjet parlamentare të vitit 2021.

Kanë kryer raportime të paktën 1 herë 147 institucione, përfshihen këtu 15 institucionet raportuese, të cilat janë ministritë e linjës dhe Kryeministria, të cilat kanë raportuar 695 veprimtari në total.

Janë 46 institucione raportuese bashki me një numër total raportimesh prej 2461 veprimtari të raportuara dhe 86 janë institucione të tjera, të cilët kanë raportuar në total 655 veprimtari.

Në total numri i raportimeve është 3811 veprimtari, që është me herë më i lartë krahasuar me numrin e veprimtarive publike të raportuara për zgjedhjet parlamentare të vitit 2021”, tha Celibashi.

“Janë ndaluar me vendim të KSHZ-së për shkelje të afatit të raportimit apo dhe për pjesëmarrje të përfaqësuesve politikë në veprimtari elektorale 37 të tilla, prej të cilave edhe pse ka pasur ndalime 5 janë zhvilluar”, tha ai.

“I kemi kërkuar Komisionit të Ankimimeve dhe Sanksioneve që të vendosë sanksione për rreth 24 subjekte me një masë gjobe në total prej 170 mijë lekësh.

KAS ka pranuar kërkesën e KSHZ-së për vendosje sanksioni për 21 subjekte në total”, u shpreh Celibashi.

“Gjatë periudhës së zhvillimit të procesit zgjedhor, janar-maj 2023 janë administruar në total 449 denoncime për keqpërdorim të burimeve publike, mos raportim apo shkelje të rregullave në vendosjen e materiale propagandistike apo dhe sjelljen e medies në fushatën zgjedhore.

Janë vendosur 64 sanksione administrative për 60 funksionarë, nga të cilët njëri ka qenë ministër, 27 kryetarë bashkie, 24 persona përgjegjës për raportimin e veprimtarive publike, 5 sekretar të përgjithshëm, 1 drejtues i një agjencie shtetërore, 3 drejtues shkollash dhe 1 drejtues i një qendre kulturore lokale”, u shpreh Celibashi.

Sa i përket procesit të dekriminalizimit, Celibashi u shpreh se, “KQZ dërgoi për verifikim të thelluar 44 kandidatë në Prokurorinë e Përgjithshme, nga të cilët 11 kandidatë për kryetarë bashkisë dhe 33 kandidatë për anëtarë të këshillave bashkiakë. Nga ana e Prokurorisë së Përgjithshme janë dërguar 11 vendime deri tani”.

Në lidhjet me procedimet penale, Celibashi tha se, “SPAK ka regjistruar në total 37 procedime penale për 12 persona të cilët gjenden nën hetim për krime zgjedhore.

Janë dërguar në gjykatë me kërkesën për gjykim për 5 procedime penale me 11 persona, ndërsa në Prokuroritë e Juridiksionit të Përgjithshëm janë nën hetim aktualisht 5 persona.

Kanë qenë në total 21 procedime penale, të cilat janë në juridiksionin e Prokurorisë së Juridiksionit të Përgjithshëm. Janë 60 raste, të evidentuara nga Policia e Shtetit, të cilat janë referuar në organet e hetimit penal”.

The post Zgjedhjet e 14 Majit/ Ilirjan Celibashi: 44 kandidatë u dërguan për verifikim në Prokurori appeared first on Albeu.com.

Ndërsa rezultatet e zgjedhjeve ku morën pjesë 38.22% e votuesve, nxorrën fitues PS, Pikasa.al monitoroi faqet zyrtare të kandidatëve për zgjedhjet vendore në Shqipëri në rrjetet sociale, në veçanti nga fillimi i fushatës deri një ditë para mbajtjes së zgjedhjeve.

Në këtë analizë, vërehet një indikacion se interesimi i audiencës në rrjetet sociale sipas numrit mesatar të reagimeve për post përputhen në proporcion me votat. Ky konkluzion i përgjithshëm zbatohet edhe në të dyja rastet, kur kryetarët aktualë të bashkive apo kandidatët e rinj fituan zgjedhjet.

Në bashkitë ku rezultatet u deklaruan si “befasuese” nga opinioni, rrjetet sociale dëshmuan të kundërtën, pra të njëjtën tendencë me votat (si p.sh. kandidatët në Tropojë, Shkodër dhe Kavajë).

Shikoni më poshtë rezultatet nga Pikasa:

The post A votuan shqiptarët siç bënë “like” dhe “share” në rrjete sociale? Dalin grafikët që zbulojnë gjithçka appeared first on Albeu.com.

Takimi mësohet se ka në fokus konstatimet e ODIHR gjatë monitorimit të zgjedhjeve lokale.

Kujtojmë se më herët, Glover është takuar edhe me përfaqësues të tjerë politikë, por edhe me kreun e KQZ, Ilirjan Celibashi.

Në zgjedhjet lokale që u mbajtën më 14 maj, PS mori shumicën dërrmuese të bashkive në vend, konkretisht 53, koalicioni “Bashkë Fitojmë” 7 dhe Mega 1 bashki.

The post Zgjedhjet e 14 majit, Glover shkon në zyrën e Ramës appeared first on Albeu.com.

Koalicioni “Bashkë Fitojmë” ka kërkuar që të ribëhet procesi i numërimit në të gjithë Qendrat e Votimit të bashkisë Belsh dhe Kuçovë për kryetarë bahskië.

Ndërsa Partia Alenaca Demokristiane ka kërkuar rinumërimin e votave për këshilltarë bashkiak në Kamzë. Më herët opozita ka dorëzuar edhe 9 ankimime për këshillat bashkiakë në disa bashki të vendit.

KQZ ka miratuar tabelat përmbledhëse për rezultatin e zgjedhjeve vendore për kryebashkiak dhe këshilltarë bashkiakë në bashkitë: Tiranë, Durrës, Shkodër, Kamëz, Lushnjë, Berat, Elbasan, Fier, Vlorë, Korçë.

“Në përfundim Komisioneri Shtetëror i Zgjedhjeve shpalli kandidatin fitues, z. Arif Tafani me një diferencë prej vetëm 40 vota. Por nga të dhënat në tabelën e rezultatit rezulton se diferenca ndërmjet kandidatëve është disa fish me e vogël se numri i votave të pavlefshme në këtë njësi i cili është 229 vota.
Jemi të bindur, bazuar në prova dhe fakte të pakundërshtueshne, se periudha para dhe zgjedhore u shoqërua me shkelje të ligjit, të cilat cënuan rëndë procesin zgjedhor në një masë të tillë që ndikoi drejtpërdrejtë në ndarjen e mandatit”, thuhet në ankimim.

The post Zgjedhjet e 14 majit/ Koalicioni “Bashkë Fitojmë” kërkon rinumërim në të gjithë QV-të e Belshit dhe të Kuçovës appeared first on Albeu.com.

“Problemi i karriges është i zgjidhur me statutin e PD-së. Kryetari që humbet zgjedhjet, kalon në votëbesim.

Kjo do ndodhë edhe me zgjedhje të vjedhura. Unë nuk kam nevojë për asnjë lloj alibie se statuti do të zbatohet pikë për pikë.

E gjithë përpjekja ime bëhet si një detyrim ndaj demokracisë dhe ndaj të gjithë atyre qytetarëve që kanë votuar kundër sistemit ose që kanë pasur frikë të votojnë ndaj tij.

Një shoqëri që nuk zhvillon zgjedhje të lira, nuk ka të ardhme.

Në këtë kontekst, konstatoj me keqardhje, por jo i dekurajuaj, se si makineria propagandistike ka penetruar në studiot televizive, që nga mëngjesi deri në darkë, përpiqen t’i paraqesin shqiptarëve apo të vënë në diskutim votëblerjen ose përjashtimin e 180 mijë votuesve, të vënë në diskutim mbledhjen e kartave, të vënë në diskutim ndërhyrjen e krimit.

Në këtë diskutim, këta kërkojnë të vënë në narkozë shoqërinë dhe të legjitimojnë aktin makabër të një njeriu, që publikisht para shqiptarëve dhe botës, e deklaroi Kodin Zgjedhor një kinezëri.

Ndaj dhe u bëj thirrje shqiptarëve, përbuzeni me përçmim të shpifur kundër jush, kundër interesit të secilit prej jush që bëhet me paga marramendëse të narkoqeverisë, e cila pasi bleu zgjedhjet, kërkon tani të shesë mashtrimin e saj.
Çdo natë, siç dëgjoni ju, fajin e ka opozita.

Analiza e PD-së në të gjitha nivelet, për të gjithë problematikën, për të gjitha përgjegjësitë, do bëhet më transparente dhe më e fortë se asnjëherë tjetër, me qëllim përsosjen e punës për një reformim të mëtejshëm të kësaj force politike.

Çdo demokrat duhet ta dijë se kjo është detyrimi ynë madhor para çdo zgjedhësi shqiptar. Por për kohën që ne mbrojmë votën, të gjitha energjitë tona janë të përqendruara në mbrojtjen e votës.

Dhe ky nuk është një proces i lehtë. Duhet ta dini se ka njerëz që për një provë, luajnë me kokën e tyre. Ky është një regjim bande, është një narkoshtet që nuk respekton asnjë rregull”, tha Berisha.

The post Humbi zgjedhjet më 14 maj, Berisha: Do të kërkojmë votëbesim appeared first on Albeu.com.

Monitorueusit thanë se KQZ organizoi një punë transparente, ndërsa nuk munguan kritikat në lidhje me presionin e votuesve, të amdinistratës, problemet teknike dhe fushatat me qendër politikën e jo interesat e zgjedhësvee.

E pyetur nëse zgjedhjet plotësojnë stadarte ndërkombëare monitoruesja e OSBE-ODIHR, Audrey Glover, nuk dha përgjigje konkrete, duke thënë se po pret rezultate konkrete të situatat ku ka pasur problem me shit blerje votazh apo presion të votuesve.

Ajo tha ndër të tjera se votimi elektronik ishte i sukseshëm pavarësisht disa problemeve.

Glover: Jemi ende në pritje të rezultateve. Duhet të dimë se ccfarë do të ndodhë me raste të caktuara. Mendoj se votimi elektonik rezultoi pak a shumë i sukseshmë edhe pse me disa vështirësi. Qëllimi është që kudo të kemi votim elektronik. Të shpresojmë që do kemi votim elektronik në zgjedhjet e ardhshme dhe trajnimi të jetë më i mirë, që njerëzit të dinë si ti përdorin./albeu.com/ 

The post A u plotësuan standartet ndërkombëtare? Raporti i ODIHR për zgjedhjet e 14 majit: Pati presion ndaj votuesve appeared first on Albeu.com.

Në lidhje me fitoren e Filos ka reaguar ministri i Mbrojtjes, Niko Peleshi.

Nëpërmjet një deklarate për mediet, Peleshi thotë se fitorja është triumf i të gjithë qytetrëve dhe jo vetëm socialistëve.

Peleshi falënderoi qytetarët e Korçës për fitoren e kandidatit të Partisë Socialiste, Sotiraq Filo në Bashkinë e Korçës.

“Jemi shquar si tren për qytetarinë, falënderoj numëruesit po ashtu. Kjo fitore nuk është triumf i tanëve kundër të atyre, por si fitore e të gjithëve. Së pari ka fituar Korça. Në shkollat tona do luajnë fëmijët e demokratëve dhe socialistëve. Nuk e ndajmë Shqipërinë me ngjyra. Të gjithë urojnë me Korçën dhe ne kemi vënë bast me historinë për të ndërtuar një shembull të shkëlqyer. Jemi gjenerata moderne dhe duhet ta bëjmë Korçën frymëzim”, u shpreh Peleshi./albeu.com/

The post Partia Socialiste fiton bashkinë e Korçës, Sotiraq Filo siguron mandatin e dytë appeared first on Albeu.com.

Kutia është dëmtuar gjatë transportimit për në KZAZ.

Për rrjedhojë votat e ndodhura në këtë kuti do të konsiderohen të pavlfefshme.

Numërimi në bashkinë e Kurbinit pritet të fillojë rreth orës 1:00 pas mesnate, pasi ende po dorëzohen materialet./albeu.com.

The post Ngërç me numërimin e votave, dëmtohet një kuti me fletët e votimit në Mamurras appeared first on Albeu.com.

Bejko thekson se qytetarët duhet të votojnë masivisht gjatë këtyre orëve pasi vota e tyre ka rëndësi madhore për vendin, pasi politika e vjetër po përpiqet t’i ofrojë tyre një klimë tensioni.

Deklarata e plotë:

Të dashur qytetarë të Tiranës dhe të gjithë Shqipërisë, sot është dita më e rëndësishme për të ardhmen e vendit. Sot më shumë se kurrë vota juaj ka rëndësi madhore për Shqipërinë, ndaj ju ftoj të dilni masivisht në këto orë të mbetura e të votoni.

Partia Demokratike, si e vetmja forcë e djathtë properëndimore, ju fton sot ta jepni kontributin tuaj dhe ky kontribut shprehet përmes votës tuaj.

Vetëm duke votuar ju të dashur vëllezër e motra shqiptarë, mund ti jepni fund politikës së vjetëre që për më shumë se 32 vite e mban peng vendin. Ndaj ftoj këdo, jo vetëm mbështetësit e Partisë Demokratike, por çdo shqiptar, çdo shqiptar të ndershëm, çdo shqiptar me shpirt të lirë, çdo shqiptar që është jashtë shantazhit, jashtë korrupsionit, jashtë joshjes, që sot të japin këtë kontribut jetik për demokracinë dhe të ardhmen tonë. Politika e vjetër po përpiqet sot më shumë se kurrë që t’ju ofrojë shqiptarëve klimën e tensionit dhe të parregullsive sipas traditës së mbrapshtë 32 vjeçare, por ne e dimë, ju e dini, se këto zgjedhje janë për gjithë shqiptarët, të cilët sot me pjesëmarrjen e tyre kanë mundësinë ti japin një leksion të shkuarës që e ka mbajtur peng Shqipërinë. Sot nuk është koha për të bërë sehir dorëzuar përballë të keqes që ka mbjellë politika e vjetër, por të ushtroni demokracinë që iu jep e drejta e votës.

Ndaj në emër të PD, në emër të të të ardhmes tonë, ju bëj apel jut ë dashur bashkëqytetarë të Tiranës dhe të gjithë Shqipërisë:

Mos prisni që politika e vjetër të dorëzohet, por dilni e votoni.

The post Bejko thirrje qytetarëve: Votoni masivisht, jetike për demokracinë appeared first on Albeu.com.

“Janë 90 minuta që kërkojnë inpenjimin tuaj për të dalë dhe për të votuar, për të ndryshuar 4 vitet e ardhshme,. Establishmenti dhe të korrutuarit nuk duan të merrni pjesë në votimi. Ndaj ju drejtohem të gjithëve, dilni merrni pjesë masivisht në votim deri në orën 19:00. Dilni votoni në Tiranë, ndryshimi është në duart tuaja”, tha Këlliçi

Kujtojmë se pjesëmarrja në zgjedhje deri në orën 17:00 ka qenë 34.54%.

The post Këlliçi bën sërish thirrje: Dilni votoni, ndryshimi është në duart tuaja appeared first on Albeu.com.