Berisha tha se gjatë periudhës janar-maj, që sipas ligjit elektoral është e ndaluar për aktivitete që mund të ndikojnë në zgjedhje, u zhvilluan mbi 4,500 ngjarje kombëtare dhe ndërkombëtare, përfshirë edhe ‘Giro d’Italia’.

Ai theksoi se bashkitë e vendit kanë kryer prokurime me vlerë rreth 57 milionë euro, nga të cilat 14 milionë euro janë përdorur për blerje të përqendruara, ndërsa Fondi Shqiptar i Zhvillimit ka shpenzuar 10 milionë euro në aktivitete elektorale.

Berisha kritikoi ashpër Altin Dumanin, duke e cilësuar si njeriun e dytë më përgjegjës për organizimin e zgjedhjeve. Berisha shtoi duke thënë se Dumani mohon ekzistencën e fakteve dhe provave për shkeljet, duke e cilësuar atë si “avokat të verbër të krimit elektoral” dhe bashkëfajtor në farsën elektorale së bashku me qeverinë.

Pjesë nga fjala e kreut të PD, Sali Berisha:

Njëri nga aspektet më kriminale të farsës elektorale 11 maj 2025, ishte përdorimi i ngjarjeve, prokurimeve të cilat tejkalojnë mbi gjysmë miliardi euro për qëllime elektorale për të ndikuar votën e qytetarëve shqiptarë.

Në periudhën janar gjer në 11 Maj, periudhë në të cilën ligji elektoral, neni 91/3 i tij ndalon prokurimet, ndalon ngjarjet, aktivitetet, organizimin e tyre, aktivitetet që mund të kenë ndikim në zgjedhje dhe sipas raportit të OSBE-ODIHR, pikërisht në këtë periudhë u organizuan 4500 veprimtari kombëtarë dhe ndërkombëtare, përfshirë ‘Giro d’Italia’, 7 mln euro një organizate private ditën e votimit dhe një ditë para zgjedhjeve.

Pra përveç këtyre, bashkitë e vendit kanë prokuroruar tërësisht për qëllime elektorale në total 57 mln euro, nga të cilat rreth 14 mln para xhepi të themi, blerje të përqendruara. 32 mln bashkitë të ndryshme dhe Fondi shqiptar i grabitjes apo plaçkitjes, apo i zhvillimit siç quhet, ka përdorur për qëllime elektorale 10 mln euro.

Standardet e OSBE/ODIHR për ndarjen e shtetit nga partia, përfshirë Dokumenti i Kopenhagenit pika 5/4 dhe Kodi i Praktikës së Mirë në Çështjet Zgjedhore të Komisionit të Venecias, sanksionojnë të njëjtin parim.

Këtu kemi më poshtë tenderat e bashkive të vendit, të cilat nuk kanë respektuar asnjë ligj, as kushtetutën, por kanë bërë gjithçka që të ndikojnë në elektoratin e tyre në veprimtari kriminale antiligjore dhe për këtë njeriu i dytë më përgjegjës për farsën elektorale Altin Dumani, thotë se nuk kemi të dhëna, fakte dhe prova, sepse për Dumanin ligji është letër e vdekur, dokumentet zyrtare janë letra pa vlerë, mbasi ai është një fanatik i verbër, një avokat i verbër i krimit elektoral të qeverisë dhe bashkëfajtor në farsën elektorale, njëlloj me Edi Ramën dhe ministrat e tij.
Vazhdojmë …

Me blerje të përqendruara tani.
14.5 mln euro të ndaluara me ligj përdorimi i tyre dhe këto i ligjëron vetëm Altin Troplini, i cili bën mashtrimin publik se thotë nuk kemi prova dhe fakte.

Për atë dokumentet zyrtar dhe aktet në shkelje flagrante të ligjit për interesa të partisë shtet, nuk përbëjnë vepër penale.
Vazhdojmë …

Tenderat elektronik të Fondit shqiptar të grabitjes dhe plaçkitjes, të famozit Agolli që i dha 500 mln lekë djalit të vet për restorantin, për të bërë një manual për kuzhinën, nga kuzhinieri i restorantit të tij.
Këtu janë vlerat në lek, janë përpjekjet pra … poli i festivaleve të industrisë. E kuptoni ju terminologjinë e Lubi Ballukut.

The post Berisha: Altin Dumani mohon faktet, qeveria përdori gjysmë miliard euro për të ndikuar qytetarët në zgjedhje appeared first on Albeu.com.

Sipas tij, ky rezultat është si hashashi i vitti 2016, tha gazetari gjatë bisedës me moderatorin e KAFE SHQETO në Syri tv.

Artan Hoxha: Ata që kanë fituar, në këtë rast, ata nxijnë e sterrojnë kaq shumë se nuk dinë çfarë të bëjnë.

Flavio Qarri: Pse janë kështu?

Artan Hoxha: Po se u ka dalë nga kontrolli mor burrë. Si hashashi i 2016. Mendojnë se e kontrollojnë. Po ku kontrollohet ajo. Edhe kjo. Në qoftë se i jep hapësirë aty poshtë për të bërë vota, kur iu numëronin në fund u habitën. Si ka mundësi që shkoi kaq…

Flavio Qarri: Sa mandate deshte Rama në këto zgjedhje?

Artan Hoxha: Shiko, por të marrësh ato të diasporës ai është 96 më vete.  Ai e niste nga 74-78, atë minimumin. Ose dyshemenë. Ai kur bëri atë memorandumin e Kuçit ai tha 78-88 dhe tha diku në mes do të jemi. Aty ku ishin mbledh çunat. Elbasani, Fieri, Durrësi dhe futi edhe Dibrën….Në qeshim se nuk qajmë dot. Edhe ata vete nuk qeshin dot.

Flavio Qarri: Arrestimet e SPAK i interesojnë kryeministrit në këto momente. Jep ndonjë mesazh.

Artan Hoxha: Kjo historia me SPAK….

Në bisedë ai ka komentuar përdorimin e krimit dhe bandave në zgjedhje dhe ka shpjeguar evolucionin e krimit në zonën e Durrësit pas operacionit të antimafias italian “Ura”.

Artan Hoxha: “Poja”…U kristalizuan si grupi i Shkozetit dhe ngeli grupi i Shkozetit sepse ne nuk shkojmë menjëherë tek nofka.

Nofka është aty në lagje. O të vihet emri i nënës, emri i dajos, kë ke ti më të shquar aty. Ne rastin konkret shkoi si grupi i Shkozetit e më pas filloi identifikimi.

Eshtë fakt se këtë kanë qenë për një kohë të gjatë në hije aty. Pra … në mbrojtje, nuk kanë qenë në sulm. Si të them se edhe në botën e nëndheshme ka një hierarki, ka ca rregulla. Pra edhe në xhungël është Luani, Leopardi dhe vijnë me radhë kafshët e tjera. Kurse ne kemi vetëm hiena. Dhe Hienat nuk lënë asgjë sipër dhe asgjë poshtë. Në fund hanë njëra – tjetrën. Pra ne e kemi bërë Safari. S’ka më xhungël. I kemi këputur me luanë, me leopard, me barngrënës. I kemi këputur. Ne kemi lënë vetëm hienet që bluajnë çdo gjë çfarë të jetë. Kështu që edhe në rastin në fjalë, kjo ishte një etapë zhvillime e gjithë kriminalitetit në Shqipëri.

Në mandatin e dytë të qeverisjes ata kanë qenë në ngjitje. Në mandatin e tretë kanë qenë në lulëzim.  Me kontributin që dhanë në 2021 kanë qenë në lulëzim.

Shiko, ky emri rilindje, si i ka shkuar mendja me e gjet këtë emër. Se këtë janë 4 vjet rilindas e pastaj në zgjedhje direkt socialistë. Pra votën e kërkojnë si socialistë, pushtetin e ushtrojnë si rilindas. Në fakt duhet të ishte e kundërta. Por kështu, në fakt na zuri, ta heqim këtë punë.

Tani të kthehemi tek realiteti. Ne 2013 kur ka ardhur ne pushtet Rama po ta shikosh ne kemi patur një lloj funksionimi tjetër të krimit të organizuar. Bëri operacionin e parë mori lojërat e fatit. Në nëntor – dhjetor  vrasjet ndodhën në Tiranë. U akaparuan disa, shpejt e shpejt. Pastaj u bë goditja tjetër operacioni i qershorit ne 2014 në Lazarat që ne shpartalluam Lazaratin por e shpërndamë në të gjithë Shqipërinë.

Më 2016 kishte nja kanabizim kaq të keq. I rrëzuam edhe tullën e fundit të institucioneve që kemi. Bëmë bashkë edhe ata që mbillnin, edhe ata që ruanin, policët. Ajo 2016 na krijoj një problem të madh. Që pas saj të nëndheshmet thonin që paskemi qenë budallenj. Pas kësaj banditët u bënë investitorë, në ndërtim në turizëm, investitorë strategjikë.

Sot jemi në këtë situatë që nuk i kemi më banditë por i kemi investitorë. Dhe ajo që bie ne sy sidomos në 2021, grupet kryesore të cilat u përfshinë në fushatë për shkak të akuzave që u bënë atëherë mazhoranca bëri një gjë, një pjeë të atyre i dërgoi në SPAK, priti edhe zgjedhjet e 2023. Kapi edhe lokalet. Ke parasysh Shkodrën çfarë i bëri.  Pastaj filloi ajo goditja me detyrim përcaktim. Ti do shkosh tek vendi por deri këtu. Kur thonë pse me kape mua, i thonë ne e dimë që ke bërë edhe këto por këto s’po ti prekim…Dhe po të shikosh dosjet e para janë çuditërisht të gjithë grupet që janë përfshirë në zgjedhje dhe ne menduam që atyre po u jepet një dërmë e mirë dhe nuk do ti shohim në zgjedhje.

Çuditërisht ishin nga burg këtë radhë. Se si mund të votosh nga burgu për atë që të ka futur në burg ky është rast ekzemplar nuk e ka vërejtur. I kam rënë planetit cep më cep. Po të shkon 90 për qind në burg dhe nga burgu të bësh fushatë, nuk e di se çfarë dhe ndodhi ajo që ka ndodh gjithmonë, shtrëngoje mirë që ai të mos ketë nga të shkojë dhe do të të shërbejë.

The post Përdorimi i bandave/ Artan Hoxha: Zgjedhjet e 2025 si kanabisi i 2016, dolën jashtë kontrolli appeared first on Albeu.com.

Të dhënat zyrtare nga KQZ, referojnë se votuesit e brendshëm kishin rënie të fortë në Qarkun e Beratit me 17%, e ndjekur nga Korça, Elbasani dhe Gjirokastra me rënie 16%.

Këto qarqe prej vitesh po përjetojnë kombinimin të faktorëve të emigracionit të vazhdueshëm dhe plakjes së popullsisë, duke reduktuar bazën e votuesve rezidentë.

Rënia ka si faktor kryesor emigracionin, pasi sipas të dhënave të Eurostat, në vitet 2022 dhe 2023 kishin emigruar nga Shqipëria në vendet e BE-së rreth 100 mijë persona.

Nga gjithsej 1,661,176 votues brenda vendit në vitin 2021, këtë vit, në kutitë e votimit u paraqitën 1,461,899 qytetarë ose ‑12 % në nivel kombëtar.

Tirana është qarku me peshën më të madhe me rreth 449, 667 votues më 2025, me rënie 7,8 % në krahasim me 2021.

Me gjithë rënien, Tirana përfaqëson 30,8% të elektoratit aktiv nga 29,4% në 2021, duke forcuar rolin vendimtar të kryeqytetit.

Në qarqet e tjera të mëdha Fier, Durrës dhe Elbasan, rënia ishte dyshifrore (shiko grafikun e mëposhtëm). Këto qarqe humbën së bashku mbi 70 000 votues.

Në qarqet e Veriut, Kukës, rënia ishte 10%, Në Lezhë 9.3%, në Dibër rreth 10% dhe në Shkodër 15%.

Kukësi ka rënie më të ulët, pasi ka pësuar valë të fortë emigracioni para 2021, ndërsa në qarqet e tjera, si Shkodra, ikja e popullsisë ka qenë konstante.

Sipas të dhënave të Cens 2023, Shkodra ishte qarku me rënien më të madhe të popullsisë në krahasim me 2011.

Numri i votuesve nuk lidhet plotësisht me numrin e popullsisë mbi 18-vjeç, pasi shumë persona nuk kanë mundur ose nuk kanë dashur marrin pjesë në votime.

Popullsia e vendit është një tregues dinamik që ndryshon në bazë të lindjeve, vdekjeve, emigracionit etj., por krahasimi i dy të dhënave fikse mbi numrin e votuesve tregon një trend rritës të tkurrjes së popullsisë në vend.

Sondazhet kanë treguar mosbesim të lartë të të rinjve ndaj ofertës partiake, duke bërë që shumë prej tyre të mos marrin pjesë në zgjedhje. Kjo tendencë mund të jetë rritur më tej më 2025.

Faktorët ekonomikë gjithashtu, me rritjen e kostos së jetesës dhe mungesa e incentivave sociale ulën interesin për pjesëmarrje në votime.

Migrimi i brendshëm i paregjistruar e shton hendekun midis listave dhe realitetit, duke bërë që qytetarët figurojnë por nuk votojnë.

Lodhja politike dhe mungesa e alternativave konsiderohet si arsye tjetër që po pakëson votuesit, duke shtuar mosbesimin se vota sjell ndryshim real.

Nëse tendenca nuk frenohet, partitë do të përballen me një elektorat gjithnjë e më të vogël dhe më të përqendruar në kryeqytet, ndërsa legjitimicteti i proceseve zgjedhore do të varet gjithnjë e më shumë nga përfshirja reale e diasporës dhe përditësimi i regjistrave civilë./ Monitor

The post Zgjedhjet 2025/ Sa u zbrazën qarqet nga votuesit në krahasim me vitin 2021 appeared first on Albeu.com.

Komisioni Qendror i Zgjedhjeve, ka publikuar të dhënat sa i përket pjesëmarrjes në votime deri në orën 13:00.

Deri në këtë orë, pjesëmarrja është 26.98 përqind.

Kanë votuar në total, mbi 575 mijë qytetarë në rang vendi.

Pjesëmarrja deri në orën 12:00, kujtojmë se ishte 23.04 përqind.

The post Zgjedhjet 2025/ Ja si ishte pjesëmarrja deri në orën 13:00 appeared first on Albeu.com.

Sipas përditësimit të Komisionit Qendror të Zgjedhjeve, pjesëmarrja në votime në rang vendi deri orën 10:00 ka qenë 12.87%.

Raportimi për pjesëmarrjen, është bërë vetëm 1389 prej 5225 qendrave të votimit në total.

Deri më tani, është votuar 119697 nga 930271 zgjedhës në listën e QV-ve të raportuara.

Ndërkohë në zgjedhjet parlamentare 25 Prill 2021, deri në orën 10:00, përqindja e votuesve ka qenë 16.66%.

The post Zgjedhjet parlamentare 2025/ Ja sa është pjesëmarrja në rang vendi deri në orën 10:00 appeared first on Albeu.com.

Mbi 3.7 milionë qytetarë kanë të drejtë vote.

Sipas të dhënave të fundit nga Komisioni Qendror i Zgjedhjeve, pjesëmarrja në votime deri tani në rang vendi ka arritur në 1.93%.

The post Shqiptarët votojnë për Parlamentin e ri, sa është pjesëmarrja në rang vendi deri në orën 08:00 appeared first on Albeu.com.

Një prej votuesve në Berat, siç dëgjohet edhe në video, nuk nguron të fshehë votën e tij.

I pyetur nga gazetarët, ai thotë se vota e tij ka shkuar për Partinë Demokratike dhe kandidatin Lefter Maliqi.

The post Zgjedhjet/ Qytetari në Berat: Votova Partinë Demokratike dhe kandidatin e saj Lefter Maliqin (VIDEO) appeared first on Albeu.com.

Këto janë zgjedhjet e 11-ta në Republikën e Shqipërisë, pas ardhjes së demokracisë, ndërsa 2.046 kandidatë garojnë për 140 vende në Parlament.

Qendrat e votimit do të hapen në orën 07:00 dhe do të mbyllen në orën 19:00, për të vijuar më tej me procesin e numërimit të votave.

Të drejtën e votës të dielën e kanë 3,713,761 shtetas shqiptarë, brenda e jashtë vendit. Për herë të parë në historinë e zgjedhjeve parlamentare në vend, listat zgjedhore përfshijnë dy kategori: Zgjedhësit që jetojnë brenda vendit; Zgjedhësit që jetojnë jashtë vendit. 245 935 shqiptarë në diasporë u regjistruan për të votuar.

114,642 zgjedhës votojnë për herë të parë këtë të dielë. Ndërkohë që 1,081 personave ju është hequr e drejta e votës, për shkak të dekriminalizimit, që nuk lejon të votojnë persona që kanë kryer një sërë krimesh të rënda.

Në garë për të siguruar shumicën e 140 ulëseve në Kuvendin e ri, janë 11 subjekte apo koalicione politike, kandidatët e të cilëve janë vendosur në lista të hapura dhe të mbyllura.

Çdo subjekt garon me 186 kandidatë në listën e votimit të KQZ-së, ku 46 janë nga lista e mbyllur. Kësaj radhe, në asnjë qark të vendit, nuk konkurron asnjë kandidat i pavarur.

Kush janë 11 subjekte apo koalicionet politike?

Koalicioni Partia Demokratike–Aleanca për Shqipërinë Madhështore i drejtuar nga Sali Berisha

Lëvizja Bashkë e drejtuar nga Arlind Qori

Lëvizja Atdheu e drejtuar nga Kreshnik Osmani

Koalicioni Euroatlantik i drejtuar nga Endri Hasa

Partia Socialiste e Shqipërisë e drejtuar nga Edi Rama

Koalicioni Nisma Shqipëria Bëhet e drejtuar nga Adriatik Lapaj

Aleanca Kombëtare Shqiptare e drejtuar nga Elena Kocaqi

Aleanca Demokracia e Re e drejtuar nga Edmond Stojku

Koalicioni Djathtas për Zhvillim i drejtuar nga Dashamir Shehi

Mundësia e drejtuar nga Agron Shehaj

Partia Socialdemokrate e drejtuar nga Tom Doshi

Ora 07:00- Nis zyrtarisht afati i procesi i votimit në Shqipëri

Nis zyrtarisht afati i votimit, i cili do të jetë i hapur deri në orën 19:00.

Kodi zgjedhor parashikon që ato të qëndrojnë të hapura edhe përtej orarit vetëm në rastet e fluksit të votuesve. Në të njëjtën orë, do të mbyllet edhe procesi i votimit për Diasporën.

Sakaq, vonesa pritet të ketë në qendrat e votimit në zonat rurale të disa qyteteve, ku kryesisht raportohet për mungesë të materialeve zgjedhore apo dhe të komisionerëve pjesëmarrës.

Çdo zarf që vjen përtej orës 19:00 nuk do të numërohet.

The post Shqipëria voton/ Qytetarët zgjedhin deputetët që do t’i përfaqësojnë në Kuvend appeared first on Albeu.com.

TikTok, i ndaluar por në lulëzim: platforma që politikanët nuk mund ta injorojnë.
Ndoshta zbulimi më befasues i javës është ky: TikTok, pavarësisht se është zyrtarisht i ndaluar në Shqipëri, është platforma më angazhuese në aspektin politik. Politikanët postuan shumë më pak përmbajtje në TikTok sesa në Facebook apo YouTube — vetëm tetë postime për llogari, mesatarisht — por ato postime gjeneruan një mesatare prej 888 ndërveprimesh secila. Kjo është më shumë se dyfishi i angazhimit të parë në Instagram apo Facebook.

Grafiku 1: Prania e politikanëve në platformat e rrjeteve sociale – aktiviteti dhe angazhimi

Mesazhi është i qartë: TikTok është i ndaluar vetëm në emër. Përmes VPN-ve, platformave pasqyrë dhe ngarkimeve nga palë të treta, përmbajtja politike jo vetëm që po arrin të futet në platformë – por po shpërthen me fuqi. Formati i tij i shkurtër dhe me ndikim të lartë po rezulton i parezistueshëm për votuesit e rinj, të cilët po luajnë një rol gjithnjë e më të madh në formësimin e ritmit të fushatës. Injorimi i TikTok-ut nuk është më një opsion për politikanët që duan të mbeten të rëndësishëm në vitin 2025.

Grafiku 2: Angazhimi mesatar për postim të politikanëve në platformat e rrjeteve sociale

Lojtarë të rinj fitojnë terren — qetësisht, por me forcë

Ndërkohë që Edi Rama dhe Sali Berisha vazhdojnë të dominojnë narrativën mediatike — duke gjeneruar mbi 1.1 milion ndërveprime vetëm këtë javë — figura të reja po fitojnë terren në gjyqin e opinionit publik. Belinda Balluku dhe Agron Shehaj janë shembuj të spikatur. Megjithëse me shumë më pak përmendje në median tradicionale (nën 250 artikuj secili), ata arritën nivele angazhimi mbresëlënëse — dëshmi se dukshmëria nuk barazohet gjithmonë me ndikim. Mesazhet e tyre rreth SPAK, korrupsionit dhe integrimit në BE po godasin qartë te audiencat që kërkojnë autenticitet dhe veprim.

Edhe më goditës është momenti digjital që po fitojnë lëvizjet politike në zhvillim. “Shqipëria bëhet”, një aktor relativisht i ri, gjeneroi mbi 27,000 ndërveprime nga vetëm 131 postime në rrjete sociale — duke u barazuar apo tejkaluar me partitë më të konsoliduara. Lëvizja Bashkë dhe Partia Mundësia treguan modele të ngjashme. Këto nuk janë thjesht luhatje në rrjete sociale — janë shenja të hershme të një realinjimi të mundshëm të besnikërisë elektorale, veçanërisht mes të rinjve, banorëve urbanë dhe gjeneratës digjitale.

Drejtësia dhe korrupsioni nuk janë vetëm fjalë boshe — ato po udhëheqin ndjenjën publike

SPAK dhe korrupsioni nuk janë vetëm temat më të mbuluara nga media, por edhe më emocionalisht të ngarkuarat për publikun shqiptar. Ndërsa SPAK dominoi nga volumi i përmbajtjes, korrupsioni preku më thellë — duke gjeneruar gati 70,000 ndërveprime në rrjete sociale dhe raportin më të lartë të angazhimit për postim gjatë javës. Votuesit nuk po ndjekin vetëm atë që politikanët thonë për drejtësinë, por po i vëzhgojnë nga afër edhe për atë që bëjnë. Këto modele konfirmojnë atë që shumë vëzhgues kanë dyshuar prej kohësh: lufta kundër korrupsionit nuk është zhurmë në sfond — është ritmi bazë i kësaj fushate.

Të dhënat e kësaj jave tregojnë për një pikë kritike emocionale. Çdo postim i lidhur me korrupsionin tërhoqi, mesatarisht, mbi 212 ndërveprime — një tregues i qartë se elektorati nuk është më pasiv. Ata po kërkojnë llogaridhënie, dhe po e bëjnë këtë online.

Teksa Shqipëria i afrohet zgjedhjeve të majit, një gjë është e sigurt: strategjia e vjetër — domino televizionet, postoni në Facebook dhe prit votat — po rishkruhet në kohë reale.
Drejtësia, strategjia digjitale dhe narrativat alternative janë tashmë themeli i momentit politik. Dhe nëse shifrat thonë diçka, është kjo: betejat më të rëndësishme nuk po zhvillohen më në redaksi — por në telefonin tuaj.

Rreth Pikasa Analytics dhe Election Scanner

Election Scanner është një mjet monitorimi në kohë reale, zhvilluar nga Pikasa Analytics, me seli në Maqedoninë e Veriut, për të ndjekur peizazhin mediatik digjital në prag të zgjedhjeve parlamentare të Shqipërisë në vitin 2025. Platforma integron të dhëna nga mbi 90 media kombëtare dhe mijëra profile në rrjete sociale, duke analizuar gjashtë dimensione: Zëra, Tema, Ndikues, Përmbajtje, Platforma dhe Audiencë.

Kombinimi i ndjekjes me inteligjencë artificiale dhe analizave të udhëhequra nga ekspertë njerëzorë garanton saktësi, kontekst dhe relevancë.

The post Zgjedhjet 2025: E ndaluar, por në rritje – A mund të udhëheqë TikTok valën e re politike në Shqipëri? appeared first on Albeu.com.

Sot është hapi i parë i procesit, me nisje e regjistrimit përmes Platformës Elektronike të Regjistrimit (PER), proces i vili zgjati deri në 4 mars.

Regjistrimi:

Emigranti që kërkon të regjistrohet, fillimisht duhet të hapë një llogari në platformën (PER).

Emigranti, gjatë paraqitjes së kërkesës së tij për regjistrim në listën e zgjedhësve jashtë vendit sipas rregullave të miratuara nga Komisioni Rregullator, zgjedhësi ngarkon në platformën elektronike të regjistrimit të paktën një nga dokumentet e listuara që vërteton qëndrimin e tij jashtë territorit të Republikës së Shqipërisë:

Certifikatë pronësie ose dokument ekuivalent në shtetin e rezidencës, që provon pronësinë e banesës;

Dokument që provon rezidencën në shtetin e huaj i lëshuar nga autoritetet përkatëse;

Kontratë qiraje ose huapërdorje të banesës;

Dokumente bankare (kontratë kredie/vërtetim bankar etj.) që përmban adresën e banimit;

Kontratë furnizimi ose faturë të furnizimit me ujë në banesë;

Kontratë furnizimi ose faturë të energjisë gaz ose elektrike në banesë;

Kontratë ose faturë të abonimit të shërbimit digjital të transmetimeve audiovizive;

Kontratë ose faturë të shërbimit të internetit të telefonisë fikse në banesë;

Dokument i lëshuar nga organi kompetent i shtetit ku ka vendbanimin i cili vërteton qëndrimin e zgjedhësve në një institucion shëndetësor, kamp emigracioni apo tjetër të ngjashëm;

Dokument pronësie ose ekuivalent i lëshuar në shtetin e rezidencës që provon pronësinë e banesës;

Leje drejtimi automjeti (patentë) në rastet kur shënohet adresa e banimit;

Ose çdo dokument tjetër të lëshuar në shtetin e huaj që provon qëndrimin e shtetasit shqiptar në adresën e deklaruar jashtë vendit.

Numri i shtetasve shqiptarë të regjistruar në të njëjtën adresë që aplikojnë në platformën elektronike të regjistrimit, nuk mund të jetë më shumë se 6 persona.  Përjashtim nga ky rregull do të bëhet vetëm për arsye të përligjura dhe pas paraqitjes së dokumentacionit ligjor (PER), do të lejojë regjistrimin e më shumë shtetasve shqiptarë.

Pas regjistrimit, KQZ i kthen përgjigje emigrantit nëse kërkesa e tij është miratuar ose jo. Nëse KQZ nuk miraton regjistrimin, sqaron emigrantit për dokumentet që duhet të plotësojë me qëllim që të miratohet kërkesa.

Procesi i regjistrimit quhet i suksesshëm kur zgjedhësi paraqet të dhëna të plota dhe kërkesa miratohet.

Kujtojmë se për mbulimin e plotë të kostos së votës është e nevojshme të kryhen ndryshime ligjore, për të cilat duhet edhe konsensusi i opozitës.

The post Zgjedhjet 2025/ Nis sot regjistrimi për votën e diasporës, hapat që duhet të ndiqni appeared first on Albeu.com.