Të dhënat zyrtare nga KQZ, referojnë se votuesit e brendshëm kishin rënie të fortë në Qarkun e Beratit me 17%, e ndjekur nga Korça, Elbasani dhe Gjirokastra me rënie 16%.

Këto qarqe prej vitesh po përjetojnë kombinimin të faktorëve të emigracionit të vazhdueshëm dhe plakjes së popullsisë, duke reduktuar bazën e votuesve rezidentë.

Rënia ka si faktor kryesor emigracionin, pasi sipas të dhënave të Eurostat, në vitet 2022 dhe 2023 kishin emigruar nga Shqipëria në vendet e BE-së rreth 100 mijë persona.

Nga gjithsej 1,661,176 votues brenda vendit në vitin 2021, këtë vit, në kutitë e votimit u paraqitën 1,461,899 qytetarë ose ‑12 % në nivel kombëtar.

Tirana është qarku me peshën më të madhe me rreth 449, 667 votues më 2025, me rënie 7,8 % në krahasim me 2021.

Me gjithë rënien, Tirana përfaqëson 30,8% të elektoratit aktiv nga 29,4% në 2021, duke forcuar rolin vendimtar të kryeqytetit.

Në qarqet e tjera të mëdha Fier, Durrës dhe Elbasan, rënia ishte dyshifrore (shiko grafikun e mëposhtëm). Këto qarqe humbën së bashku mbi 70 000 votues.

Në qarqet e Veriut, Kukës, rënia ishte 10%, Në Lezhë 9.3%, në Dibër rreth 10% dhe në Shkodër 15%.

Kukësi ka rënie më të ulët, pasi ka pësuar valë të fortë emigracioni para 2021, ndërsa në qarqet e tjera, si Shkodra, ikja e popullsisë ka qenë konstante.

Sipas të dhënave të Cens 2023, Shkodra ishte qarku me rënien më të madhe të popullsisë në krahasim me 2011.

Numri i votuesve nuk lidhet plotësisht me numrin e popullsisë mbi 18-vjeç, pasi shumë persona nuk kanë mundur ose nuk kanë dashur marrin pjesë në votime.

Popullsia e vendit është një tregues dinamik që ndryshon në bazë të lindjeve, vdekjeve, emigracionit etj., por krahasimi i dy të dhënave fikse mbi numrin e votuesve tregon një trend rritës të tkurrjes së popullsisë në vend.

Sondazhet kanë treguar mosbesim të lartë të të rinjve ndaj ofertës partiake, duke bërë që shumë prej tyre të mos marrin pjesë në zgjedhje. Kjo tendencë mund të jetë rritur më tej më 2025.

Faktorët ekonomikë gjithashtu, me rritjen e kostos së jetesës dhe mungesa e incentivave sociale ulën interesin për pjesëmarrje në votime.

Migrimi i brendshëm i paregjistruar e shton hendekun midis listave dhe realitetit, duke bërë që qytetarët figurojnë por nuk votojnë.

Lodhja politike dhe mungesa e alternativave konsiderohet si arsye tjetër që po pakëson votuesit, duke shtuar mosbesimin se vota sjell ndryshim real.

Nëse tendenca nuk frenohet, partitë do të përballen me një elektorat gjithnjë e më të vogël dhe më të përqendruar në kryeqytet, ndërsa legjitimicteti i proceseve zgjedhore do të varet gjithnjë e më shumë nga përfshirja reale e diasporës dhe përditësimi i regjistrave civilë./ Monitor

The post Zgjedhjet 2025/ Sa u zbrazën qarqet nga votuesit në krahasim me vitin 2021 appeared first on Albeu.com.

“Dorëzuam sot në Kolegjin Zgjedhor padinë kundër vendimit të KAS për Gjirokastrën, duke kërkuar pavlefshmërinë dhe përsëritjen e zgjedhjeve. Detyra jonë para shqiptarëve është të vazhdojmë betejën në çdo front, me çdo mjet dhe mundësi për zbardhjen e masakrës zgjedhore Rama-Doshi”, shkruan Marash Logu./albeu.com

The post PD ankimon në Kolegj rezultatin e zgjedhjeve në Gjirokastër appeared first on Albeu.com.

Pas këtij vendimi  ka reaguar Partia Demokratike dhe Lëvizja Socialiste për Integrim.

Ivi Kaso i PD tha se shpreson në një vendim ndryshe nga Kolegji Zgjedhor dhe se duhet një hetim i plotë i zgjedhjeve rtë 25 prillit.

“Shpresojmë që Kolegjin Zgjedhor për vendim ndryshe. Të shpallen të pavlefshme zgjedhjet në zonën zgjedhore të Gjirokastrës. Ia kemi detyrim gjithë shqiptarëve, jo vetëm atyre që dolën masivisht dhe që përqafuan alternativën tonë për ndryshim, por edhe gjithë shqiptarëve” tha Kaso.

Ndërsa përfaqësuesi i LSI-së, Altin Kaziaj, tha se nuk do të ankimohet vetëm në Kolegj Zgjedhor, por edhe në Gjykatën Kushtetuese.

“Kjo është vendimmarrje  e programuar. KAS ka marrë një vendim duke mos vendosur një standard të caktuar. Siç tha dhe Kolegu KASO do i drejtohemi edhe Kolegjit Zgjedhor, por edhe GJykatës Kushtetuese për të shpallur këto qendra të pavlefshme. Qëllimi ka qenë denigrimi dhe goditja e opozitës. Duke parë që sot KAS është njohur edhe nëpërmjet nënkomisioneres me prova shteruese alarmante, nuk kuptojmë 3 anëtarët e KAS që me nënurdhëra bënë mos vendoset standardi nga kjo trupë kolegjiale”, tha përfaqësuesi i LSI.

Sot pritet të ketë një vendim final edhe për Beratin nëse do të ketë rivotim, apo nëse KAS do të hapë kutitë dhe do të rinumërojë fletët e votimit. /albeu.com

The post KAS vendosi të mos përsëriten zgjedhjet në Gjirokastër, reagon PD-LSI: Do ta çojmë në Kolegj appeared first on Albeu.com.

Partia Demokratike ka triumfuar në Shkodër, Lezhë, Dibër dhe Kukës, kurse PS në Elbasan, Korçë, Vlorë, Gjirokastër, Fier dhe Berat.

Vetëm në 2 qarqe vijon ende numërimi, në Tiranë dhe Durrës. Në qarkun e Durrësit kanë ngelur edhe 80 qendra votimi për t’u numëruar, ndërsa në Tiranë ka edhe 281 qendra që pritet të japin rezultatin.

Procesi i numërimit ka vijuar i qetë, përveç një incidenti të ndodhur një ditë me parë në shkollën “1 Maji” në Tiranë, ku policia shoqëroi 8 persona.

Në të gjithë vendin, deri më tani PS kryeson me 696,355 vota, e pasuar nga PD-AN me 562,921, LSI deri më tani ka marrë 98,497 vota, kurse PSD 32,445 vota.

PS ka 74 mandate, ndërsa PD 59 mandate, LSI 4 dhe PSD 3 mandate. Nga 5198 qendra votimi deri më tani janë numëruar 4824.

Deri më tani nga votat e numëruara kanë rezultuar 75235 të pavlefshme.

Ja rezultatet në secilin qark:

Shkodër

Deri tani në qarkun Shkodër, Partia Demokratike ka 46,808 vota, PS ka 30,156, LSI ka 10,091 dhe PSD 16,601. Bazuar në këto rezultate, PS deri tani ka 3 mandate, PD 5 dhe LSI 1 e PSD 2.

Lezhë

Në qarkun Lezhë është mbyllur numërimi, ku PD ka siguruar 33,988 vota, PS 27,104, LSI 7,394 dhe Lëvizja për Ndryshim 609. Deri tani PD ka arritur të marrë 4 dhe PS 3 mandate.

Kukës

Procesi i numërimit ka përfunduar në qarkun e Kukësit dhe PD fiton me 23,923 vota, e ndjekur nga PS me 13,704 vota. LSI 64 ka vota, LN ka 226 vota, ADR 195 vota, LRE 134 vota, PBK 63 vota, PLDSH 56 vota, BD 51 vota, NTH 45 vota, ABEOK 12 vota dhe PSD 183 vota. PD ka arritur të marrë 2 mandate dhe PS 1 mandat.

Dibër

Procesi i numërimit ka përfunduar në qarkun e Dibrës ku fitoi PD me diferencë të ngushtë. PD mori 28,797 vota. PS numëron 28,493 vota, LSI 4,406 vota dhe kandidati i pavarur 579 vota. PD ka arritur të marrë 3 mandate, kurse PS 2 mandate.

Durrës

Në Durrës, deri tani PS kryeson me 63,522 vota, e ndjekur nga PD që numëron 52,925 vota. LSI ka siguruar 7,916 vota, dhe Nisma Thurje 576 vota. PS ka arritur të rrëmbejë 8 mandate në Durrës, ndërsa pasohet nga PD me 6 dhe LSI.

Tiranë

Në kryeqytet, deri në këto momente është në avantazh të thellë PS me 172,924 vota. PD ka 137,293 vota, LSI 20,964 vota dhe PSD 10,234. PS ka arritur të rrëmbejë 18 mandate në Tiranë, kurse PD 15, e cila pasohet me LSI 2 dhe PSD 1.

Elbasan

Në qarkun e Elbasanit është mbyllur numërimi, ku ka kryesuar  PS me 86,388 vota e ndjekur nga PD me 57,810 vota dhe LSI 6,871 me vota. Ndërkohë Nisma Thurje ka 1,722 vota. PS ka arritur të marrë 8 mandate në Elbasan, kurse PD 6.

Fier

Numërimi në qarkun Fier është mbyllur me PS në krye, e cila siguroi 91,030 vota, pasohet nga PD me 64,065 vota, LSI 12,197 dhe PLDSH 1,364 vota. PS ka arritur të marrë 9 mandate në Fier, kurse PD 6 dhe LSI 1.

Berat

Partia Socialiste kryesoi bindshëm në qarkun e Beratit, pasi është mbyllur numërimi i votave, duke i marrë edhe një mandat LSI-së. Në qarkun e Beratit është në avantazh PS me 41,656 vota e ndjekur nga PD me 22,744 vota dhe LSI me 8,275 vota. Ndërkohë, LRE ka 383 vota dhe PSD ka 367 vota. PS ka arritur të marrë 5 mandate në Berat, kurse PD 2.

Korçë

Në qarkun e Korçës numërimi ka mbaruar, ku PS kryeson me 60543 vota e ndjekur nga PD me 50479 vota dhe LSI me 8,485 vota. Ndërkohë PSD ka 1,268 vota. PS ka arritur të rrëmbejë 6 mandate në qarkun e Korçës deri tani, kurse PD 5.

Vlorë

PS ka triumfuar në qarkun e Vlorës me 58,911 vota e ndjekur nga PD me 31,935 vota dhe LSI me 6171 vota. PS ka arritur të rrëmbejë 8 mandate në qarkun e Vlorës deri tani, kurse PD 4.

Gjirokastër

Procesi i numërimit ka përfunduar në qarkun e Gjirokastrës. Në këtë qark PS ka 24,159 vota, PD 13,860 vota, LSI 5,833 vota dhe PSD-ja 490 vota. Në Gjirokastër PS ka marrë 3 mandate, kurse PD vetëm 1. /tch

The post ZGJEDHJET 2021/ PS vazhdom me drejtimin e Shqipërisë, ja si renditen PD dhe LSI appeared first on Albeu.com.

Fillimisht në nisje të procesit ishte në rregull, por pasi kanë votuar 10 qytetarë, pajisja ka shfaqur probleme.

Ndërkohë, mësohet se edhe në Selenicë ka pasur probleme dhe tensione, ku si pasojë 4 qendra votimi nuk kanë nisur ende procesin e votimit.

Mësohet se në dy qendra votimi nuk punonjnë identifikuesit e votuesve dhe kanë rene dakort ta bejnë identifikimin manualisht. Ndersa ne dy QV të tjera komisionerët e Partisë Socialiste nuk kanë punuar me ata të LSI-së.

The post Nisin incidentet e para! Vonohet procesi i votimit në këtë qytet, tensione mes PS e LSI appeared first on Albeu.com.

Në cdo burg është ngritur një qendër votimi, e cila do të administrohet nga komisionerë të jashtëm, jo staf i burgut, të cilët, atë ditë do të marrin autorizim të posacëm të hyjnë brenda hekurave vetëm për këtë mision.

Pavarësisht se ku kanë jetuar apo ku e kanë familjen, ata që vuajnë dënimet do të votojnë për kandidatët e qarkut ku ndodhet burgu. Pra, një person që është në burgun e Shën Kollit do të votojë për kandidatët e qarkut Lezhë, e kështu me radhë.

Votat do të numërohen jashtë burgut, në qendrën më të afërt me institucionin. Por, sipas të dhënave të drejtorisë së burgjeve, rreth 2400 të burgosur do të ndalohen të ushtrojnë të drejtën e votës.

Bëhet fjalë për të dënuar për vepra të rënda penale, të cilëve ligji i dekriminalizimit ju heq të drejtën të zgjedhin.

Ndërkohë, më shumë se 5 mijë policë do të angazhohen për të mbarëvajtjen e procesit zgjedhor. Ata do të vendosen kryesisht pranë qendrave të votimit gjatë kësaj të diele. Por uniformat blu do të votojnë vetëm në qendrat e tyre përkatëse, dhe jo aty ku ushtrojnë detyrën në këtë ditë me rëndësi.

Policia do të angazhohet më pas në shoqërimin e kutive të votimit, dhe në garantimin e rendit gjatë numërimit.

The post Zgjedhjet 2021/ Sot votojnë 2791 të burgosur, kategorive që u ndalohet appeared first on Albeu.com.

Burimet bëjnë me dije se mbi 7500 efektivë të Policisë së Shtetit do të angazhohen për mbarëvajtjen e procesit zgjedhor gjatë ditës së sotme në të gjithë Shqipërinë.

Të gjithë efektivët që do të jenë pranë qendrave të votimit do të ndjekin me përpikmëri udhëzimet që kanë marrë gjatë trajnimit të zhvilluar më parë, nga ekspertë ndërkombëtare të monitorimit të proceseve zgjedhore.

Po ashtu do të jenë  5.427 punonjës të policisë që do të angazhohen me shërbim për ruajtjen e objekteve zgjedhore në të gjithë Shqipërinë.

Është përgatitur dhe miratuar Urdhri i Përbashkët i Ministrit Brendshëm dhe Ministrit të Mbrojtjes, si dhe Urdhri i Drejtorit të Përgjithshëm të Policisë, për marrjen në ruajtje të 74 objekteve të rëndësishme shtetërore, nga forcat “Komando”. Sipas policisë këto objekte do të ruhen deri ditën e martë. /albeu.com/

The post Shqipëria voton sot! 7500 efektivë zbarkojnë në terren për të garantuar procesin appeared first on Albeu.com.

Kryemadhi i ka kërkuar misionit vëzhgues të OSBE që të ketë monitorim të posaçëm në disa zona të nxehta në disa qytete, Elbasan, Durrës, Tiranë, Vorë, Kavajë, Rrogozhinë, Kamzë dhe rrethinat e bashkisë Tiranë.

Po ashtu ajo thekson se më 25 prill opozita fiton thellë në rezultat.

NJOFTIMI NGA LSI

Kryetarja e LSI, Monika Kryemadhi priti kete te premte në takim delegacionin e misionit vëzhgues të Asamblese Parlamentare te OSBE.

Vezhguesit e Asamblese Parlamentare te OSBE, do te jene te dislokuar per monitorim te situates ne terren diten e zgjedhjeve.

Kryetarja e LSI i beri me dije per situaten shume te renduar, te ndikuar nga sjellja e qeverisjes aktuale.

Znj Kryemadhi ka kerkuar monitorim te posaçem per disa zona te nxehta ne qytete te ndryshme te vendit, si Elbasani dhe Durrësi, duke perfshire ketu bashkite e qarkut Tirane, si Vora, Kavaja, Rrogozhina, Kamza dhe rrethinat e bashkisë Tiranë.

Kryetarja e LSI ndau me ta bindjen per nje fitore te thelle te opozites ne 25 Prill dhe i ka falenderuar perfaqesuesit e Asamblese Parlamentare te OSBE per pranine e tyre, duke i inkurajuar per te monituar rreptesisht çdo fenomen qe cenon integritetin e ketyre zgjedhjeve.

The post Kryemadhi kërkesë delegacionit vëzhgues të OSBE: Monitorim të posaçëm për zona e nxehta appeared first on Albeu.com.

Kryeministri Edi Rama ka theksuar sërish faktin që do të largohet nga politika nëse nuk e merr mandatin e tretë të plotë.

Sulo: Nga ora 00:00, Meta ka thënë se Rama nuk është kryeministër, por kujdestar.

Rama: Parlamenti i ri, vjen qeveria e re. Kjo është thjesht për sqarim se nuk do vijë fare ky.

Sulo: Çfarë do bëni nëse humbisni?

Rama: Në të gjithë botën, fituesi i zgjedhjeve është partia e parë. Po themi, në Hollandë, kryeministri fitoi mandatin e katërt. Në kushtet tona, PS në çdo lloj rezultati të jetë forcë e parë, është fituesi. Për mua personalisht, mandati i tretë ose është i plotë për PS ose ndryshe PS vendos çfarë të bëjë me të por jo me mua kryeministër.

Sulo: As kryetar i PS?

Rama: Aty mund të jem kujdestar për një fazë. As kryeministër, as deputet, as analist. Një kryetar organizate në Surrel mund ta bëja sepse në PS do të jem derisa të kem frymën dhe PS do t’i shërbej me ato që di e mundem. Kam dhe një jetë të tretë unë, kjo është e dyta.

The post Rama zbulon çfarë do të bëhet nëse nuk merr mandatin e tretë të plotë appeared first on Albeu.com.

Kryeministri Edi Rama i ftuar mbrëmjen e sotme në Open ka komentuar strategjinë e përdorur në fushatë, ku përmes ironisë ka përmendur presidentin e vendit, Ilir Metën dhe përfaqësuesit e opozitës.

Ndër të tjera ai ka përmendur edhe rastin e vrasjes së Klodian Rashës nga policia, duke e krahasuar me 21 janarin.

“Ne kërkuam ndjesë, ministri i Brendshëm dha dorëheqjen, kurse ata nuk bënë asgjë për viktimat e 21 janarit”-u shpreh Rama. /albeu.com/

The post Rama krahason vrasjen e Klodian Rashës me viktimat e 21 janarit: Ne të paktën kërkuam ndjesë! appeared first on Albeu.com.